bibiaggie的個人專頁

星期五夜晚想食過輕鬆晚餐，就揀咗大角咀呢間泰菜知道佢之前博文街搬到嚟利奧坊，就試吓佢補唔保持到水準叫咗三樣嘢食爆炸大頭蝦香葉鹽燒烏頭泰式拼盤大頭蝦啲料頭非常好食，充滿着牛油味，又有九層塔，成個餸都非常之香口另外，鹽燒烏頭，燒得都唔錯，都幾香滑，連埋啲泰式香草同香茅一齊燒，去咗烏頭魚嘅腥味，最重要配埋佢個醬汁，應該是自家製的，舊魚點落去，非常之惹味拼盤就以魚餅為最好食，香料非常之重，魚肉亦都非常彈其實佢有好多選擇，不過唔知點解今日叫咗全部都係炸嘢🤣好彩叫埋佢兩杯特飲，芒果特飲同埋蕃石榴冰，可以解一解呢度啲枱又夠闊囉，都幾好坐，可以慢慢食，慢慢傾偈不過啲侍應同侍應之間係講泰文，好似去咗泰國咁🥰…查看更多

懷念日本的味道唯有去食天婦羅丼解鄉愁一嚟到店員就比杯有黑豆嘅茶，好似為咗解肥膩而黎咁今日叫咗個最平凡的當飯有蝦、蔬菜、菇餅同埋流心蛋流心蛋真係一流，有蛋嘅甘香揸得啱啱好，出邊少少熟，入邊係全流心，啲蛋汁撈埋飯食，簡直係一流其餘嘅餸菜都係中上水準，唔會查得好油，亦都唔會好乾，每一樣都幾好食配埋自家製嘅醬汁，真係有少少去咗日本食天婦羅飯嘅感覺，雖然都有啲差距而且價錢唔算貴，加埋一都係$100鬆啲，價錢都尚算可以接受…查看更多

今日返上水食兒時的味道開咗明記腸粉呢度十年如一日，間隔都冇咩變過連啲餐具器皿都係最重要係味道都冇變叫咗腸粉燒賣豬皮要燒賣的話係冇套餐嘅即係分開散叫唔緊要，呢三樣嘢都係我最鍾意食嘅燒賣煙煙韌韌，有少少魚味，唔會蒸過龍，仲有少少大牙，一啲都唔腥豬皮冇意味，爽口淋滑主角腸粉滑嘟嘟，又簿，吸晒啲醬汁好好味最重要係呢度堂食係自己落醬汁，每款醬汁都應該係老細調個味，同出邊嗰啲唔同配埋啡癡，咁香嘅cold blew一流…查看更多

今日有事要去到美孚，所以就諗住你呢頭覓食一下，睇到OpenRice話呢間車仔麵唔錯，就諗住試吓不過去到叫嘅時候，就發現冇得堂食店員就叫我買外賣上去平台嗰度食，咁就試吓啦叫咗蘿蔔、冬菇、魷魚，本來想叫埋菜，但係店員會話俾你聽我哋會跟幾條菜，所以就打咗退堂鼓蘿蔔好入味，又好林，又食到蘿蔔嘅甜味，大大嚿好食魷魚喺呢度嘅強項，都係好入味，爽口至於蠔油冬菇，值得推介，炆得好入味，冬菇爽口，唔會有浸up 味雖然天氣咁熱，食到身水身汗，Stonestage但係呢個味道真係值得一試☺️…查看更多

如果冇咩期望嘅話，呢餐buffet都會OK嘅海鮮刺身嗰啲可以唔食都得，因為水準一般比較值得食嘅會係燒烤，因為唔係好多酒店喺戶外即刻燒俾你食嘢，都算係比較有特色，但係味道亦都係屬於一般水準，但係食個風味都可以嘅今次嚟呢度，估唔到有傳統嘅糖蔥餅，雖然唔係好多椰絲，但係真係好耐冇食過，值得打卡🤩今次嚟食係movenpick 雪糕，任食嘅，都算唔錯最重要係有埋餐飲，佢啲可樂同埋7up，唔知點解要倒落個jar 到，再倒比客人…查看更多

今日食墨魚條米粉，下午茶仲可以揀小食或者嘢飲，不過魚皮成日都送晒，唯有揀嘢飲，然後再加一個正常魚皮。下午茶送嘅魚皮同埋正常嘅魚皮，就係份量唔同，大概爭一倍啦，不過好鍾意食呢度個魚皮，所以一定會叫嘅，浸落湯會有咋渣聲㗎，浸一浸，就已經好好食，好脆好香口。墨魚條米粉，墨魚條非常之彈牙， 1分鐘會有少少蔬菜，鹹味啱啱好，一碗有四條，非常之抵食，有時會外賣返屋企，加餸。配埋杯凍檸茶，真係一個好豐富嘅下午茶。…查看更多

麻辣真係一個治愈嘅食物最鍾意嚟呢度食撈幼薯粉今日揀咗紫菜雲耳腩肉撈幼薯粉中麻辣薯粉Q彈，配埋麻辣汁，味道真係好夾雲耳同紫菜係用嚟給麻辣汁，撈埋真係好好食腩肉肥瘦適中，唔會太硬，滷水得入味，真係唔錯麻辣汁又香，有少少花椒味道，辣得來會一啖食啲啖每碗總會有少少炸醬，撈埋一齊食真係非常之好，加埋啲香脆花生，增加口感呢度啲店員非常有禮貌，唔該前唔該後，總會多謝光顧不過落單方式就有啲隨機，上次你就要我自己用QR code落單，今次又會人手落單，所以可能要睇店員忙唔忙而決定…查看更多

今日星期六，落樓下經過，心諗拎張飛睇吓等幾耐，點知等幾十張，就決定行一陣再返嚟半個鐘就有位，就是下九月之選，大部份都係來自北海道最值得欣賞嘅係清森縣特特大帆立貝，黑色，價值$27一件，仲話超限量一嚟到，就見到佢比平時特大的厚身，咬落去，仲有少少凍冰冰，但係非常鮮甜，帆立貝嘅味道好出，好值得試另外試咗幾個九月先有嘅北海道產壽司，都OK嘅，但係就冇回味無窮嘅感覺至於炸公魚都值得一試，熱辣辣咁送到上嚟，魚肉嫩幼，又可以食埋啲骨，補充鈣質，鍾意嘅話用綠茶鹽加調味，更加惹味…查看更多

Hole foods喺金鐘開咗Pop Store，就即刻去幫襯今次試咗幾好味，綠茶味最出色，超好食，入邊嘅cream係非常之幼滑，綠茶味非常充足，而且係高級嘅綠茶味，好清，有茶香，仲會有少少回甘嘅味道，我覺得佢嘅用料應該係有挑選過㗎其實其他味道都好好食，但係以綠茶最出色因為佢個麵包質感非常之鬆軟，麵包出邊仲有博博嘅砂糖一浸，有少少砂糖咬口，又唔會好大粒，配埋入邊個cream食簡直係一流今次太貪心，買得太多，雪左一晚，第二朝食，可能唔夠解凍，比較硬身啲，所以都係即日食最好…查看更多

有陣時好想食肉，就會嚟Pepper Lunch今日揀咗個三色鐵板，又有啲驚喜次次嚟到都食牛肉，今次就試吓佢啲雞扒同埋香腸雞扒醃得都幾入味，食唔到有雪味，處理得唔錯，而且都幾嫩，唔會鞋口，所以都幾估唔到至於香腸，佢似台灣腸嘅質感，味道唔會好鹹，有兩條，都算唔錯而今次嘅牛肉唔係一般肥牛肉片，係比較厚身，所以質感咁都幾好，都有少少牛肉味，幾十蚊唔會要求咁多嘅😁總括來講，呢個餐都幾好味，有唔同嘅肉類，亦都有薯蓉同埋少少蔬菜，都幾豐富…查看更多

葵芳滙好似有幾間餐廳，聽聞呢間西餐廳唔錯今日就想試意粉叫咗個芫荽醬牛肉意粉，要加$10就有餐湯同埋你飲，咁就加埋啦意粉煮得啱啱好，口感唔錯，醬汁亦都非常之多，嚟到以為瞓啦唔太多，但係食食吓就覺得個碟都幾深，份量係充足嘅芫荽醬幾香，但係唔算太重芫荽味，牛肉亦都煮得唔錯，唔會太un ，有口感，亦都有肉味，絕對唔會係下欄嘅肉，就算設成肉條來做意粉，都唔會求其搵啲肉做菜，有啲誠意至於餐飲，見到特飲有奶昔，就揀咗個Oreo朱古力奶昔，口感綿幼，仲有得少甜，好滿足嘅一餐…查看更多

今日去食燒肉一直心大心細咁樣究竟食全放題好定係半放題好，最後都係食咗全放題多咗和尚頭一款肉， 第一盤係非常之靚嘅，有唔同嘅肉，每款肉嘅油脂分布都好靚，燒咗放入口嘅時候，嗰種油香味揮之不去，不過呢種燒肉，就要睇吓燒得好唔好食，自己燒的話，有時會覺得浪費咗個食材所以會有一款Sukiyaki，同埋個牛扒係店員幫手燒嘅，我就覺得兩款都好好食，比起自己燒嘅好似燒得啱啱好，食到高水準嘅感覺其實食完第一盤已經飽，如果大家唔係好大食嘅話，我覺得要半放題都足夠，因為個款和尚頭的肉，我又唔覺得太驚為天人🤣反而我覺得佢啲日式蔬菜幾好食，尤其是係白粟米，店員介紹生食，真係一食就愛上…查看更多

今日去咗食杏甜品入到去店員就會介紹你入會要張卡，之後仲可以增值儲分咁，今日增值$500就送一盒月餅，不過第一次食，就試咗好唔好食先決定試咗椰皇桃膠雙皮奶，係細個啲，不過幾好味，糖水唔會太甜，杏仁味非常充足，雙皮奶亦都非常之滑，桃膠亦都唔少，好足料另外再加錢叫咗個杏仁奶凍，比起用鮮奶，冇咁膩，口感亦都非常香滑，杏仁味亦都非常充足，配埋個椰皇糖水，又會係唔同質感食完見到都要排隊，不過上菜速度都幾快，好快有一輪，如果夜啲嚟嘅話，就要有心理準備排隊啦聽店員講旺角都會開分店，唔知係咪呢…查看更多

今日去嘉寶食漢堡包平日6:00去，所以唔算太多人，我食完出嚟嘅時候，無論外賣同埋等堂食嘅人都非常之多最鍾意食佢個羊肉漢堡，有少少孜然味，羊肉亦都剩係得少少羶味，加埋山菜，清清哋非常滿足，而且羊肉漢堡喺香港來講唔算好多地方有，可能我食得少啦小食揀咗薯格，好好食，非常趣，薯仔亦都好軟心，正至於炸燒賣同埋雞條，有冇我想像中咁好食，有啲偏乾嘅感覺，如果下次食嘅話，我應該會揀返薯條算數漢堡就真係無懈可擊啦！…查看更多

Godiva越開越多，雪糕質數都能夠保持，有時悶悶地，食返一杯係會醒神啲嘅，所以50幾蚊一杯都係值得嘅Godiva嘅朱古力雪糕，唔會甜，有啲甘苦嘅味道，夠幼滑，一杯有好多朱古力做嘅口感，有朱古力片、朱古力醬、朱古力雪糕同埋朱古力筒雪糕好快溶，所以要好快食晒佢，佢個雪糕筒，都超趣，有少少果仁碎喺側邊，望住雪糕食，增加口感，真係唔錯雖然佢出咗咁多味道，但係我都淨係會食朱古力味，可能呢啲就係一種執着，嚟到朱古力店就梗係食朱古力味，哈哈…查看更多