Skiedgold的个人专页

今日放工難得happy hour，就同朋友黎到呢間Spanish Bar! 一直都想試下西斑牙菜，感覺環境入去好有氣氛，頗熱鬧。不過個人比較鐘意靜少少既bar 方便傾計，店員收拾碗碟既聲音都幾嘈吵Bar 枱感覺還夠大，可以放酒同埋主食，可惜係餐廳環境有點小，店員上酒位正正係隔離，經常會撞到講返啲野食，一開始既nuts ($40) 配上秘製既芝士醬，好好味，好好既下酒小食。我叫左杯生啤Paulaner($72)。呢個牌子我一直好鐘意，但感覺上呢杯味道唔夠出。然後小食要左個西斑牙乳豬（$78），食落有北京片皮鴨既感覺，好脆口，但唔會好難咬，配上冬瓜好清爽既咬口，唔會太油既感覺。到主食西斑牙鐵板黑毛豬（$218），配上甜薯條，加上沙津菜，好滿足。豬肉唔算太有味，靠醬汁帶出個味道，但好有咬口。甜薯條配上醬汁好香（本身就喜愛甜薯條），可惜係食落去豬肉有點單調。…查看更多

今日黎到銅鑼灣，又唔想食啲貴價餐廳，於是行黎加連臣山，呢個充滿平價美食既地方。當時仲早，大約6點45左右，就已經見到一間小店有幾個人排緊隊，諗住應該係好好食既小店，於是就決定去食😋呢度換枱率都幾快（限食30-45分鐘），所以我地唔洗7點就入到去💛（相入面係食完大約7:45影，可見到呢間店有幾受歡迎😋）本身都唔知呢間店有咩咁特別，但入到去真係有種60年代既感覺，有年代感，但唔代表污穢！店面非常整潔，但因為想服務到較多食客，所以走廊位都比較窄，服務員經過上菜/攞飲品都頗容易撞到我地，係比較唔好既一點。講返啲食物啦，我同友人揀左 話梅花雕豬手飯 （$52）同埋秘製豬扒飯（肉燥汁）（$52），加上一客小食椒鹽魷魚（$38），加埋都係好抵食😋一上菜就嚇親我地，因為份量真係好足，豬扒脆得黎又大件，就算我呢啲食好多既人食完都飽晒。個豬扒外脆內軟，仲好滑，有咬感得黎又唔會好難咬爛🤔唔怪得係推薦🤔肉燥汁好適宜，肉同汁既比例岩岩好，口感非常好！另外既豬手飯本身我唔太好，不過試左一啖覺得滷水既汁好入味，好足料，亦唔會有太多骨，都幾方便食😋店員都會提供碟比我地盛骨，方便我地將食完既擺去隻碟，唔係會滿到食唔到😂。朋友叫左少飯（-$1），都覺得好滿足😋最後既小食係椒鹽魷魚，一碟周圍都叫到既小食，但好多地方都係用好多麵粉包裹住魷魚，亦會炸太耐失去左魷魚既鮮味，但呢間既魷魚味好重😍亦炸到脆卜卜，份量好多都覺得唔夠😭😭雖然用餐時間比較短，但此乃係小店經營之道，下次有機會都會再黎食😋…查看更多

今日同友人到尖沙咀食lunch，見到呢間法式餐廳，於是就入黎試下。呢間野大部分侍應都係講英文，不過男經理係香港人，所以唔洗擔心🤔本身見到有落地玻璃，以為可以由高處腑望整個尖沙咀，可惜原來外面有個平台。講返啲野食啦，我地點左個忌廉蘑菇燴飯、蟹肉茄汁意粉 同埋一個煙鴨胸喬麥薄餅。例湯係南瓜湯，南瓜肉搞拌得好碎，好濃既味道，好明顯係自己煲既湯！本身以為薄餅唔會係成個，點知成個上，份量好足。餅入面包住薯泥以及洋蔥，非常飽肚，加上煙肉及生菜既配搭，真係好滿足。細胃口既朋友可以share一份而燴飯睇落雖然份量唔多，但食落去好豐足，忌廉味好濃郁，加上芝士同蘑菇，好夾好入味而蟹肉意粉既蟹肉都比我地expect 既多。好多餐廳都會選擇收埋啲肉，但一放落黎就見到意粉上面既蟹肉，好有誠意。最後既crepe 本身Nutella n banana就係絕配，所以好甜好好味，但係如果包裹既麵餅可以厚少少，應該更有口感　…查看更多

今日黎到灣仔，作為拉麵控既我當然要試下灣仔既拉麵店。而今次黎到「一虎」。店入面比其他拉麵店較光猛，感覺空間好足，即使坐係廚房汁邊都唔會覺得好逼，係冷氣唔係太夠！ 今次試左店入面既「黑虎」（$93），係濃厚既豬骨湯上面灑上一股黑蒜油，賣相好好，感覺即使加左都唔係太油，但味道好濃好足💛內面配左木耳碎，叉燒同埋肉丸。叉燒既份量唔算多，但入口即融，同湯底既氣味非常夾。可惜係個肉丸，感覺上係打邊爐既蘑菇肉丸。味覺唔太同整個麵相配。不過下次有機會都會考慮再試下其他麵😋…查看更多

今日難得同朋友黎到銅鑼灣，又好耐冇食過韓式炸雞，於是就黎左呢間朋友介紹既餐廳。去到既時候尚早（6:00pm)，唔太多人，座位好寬敞，舒服🤔而且環境格調好好，電視播放一啲韓星既演唱會片段☺️好有氣氛🤔我同友人叫左一盤鹹蛋黃炸雞（$188），同一盤白雪芝士烤雞（$185），加上卡邦尼年糕同海鮮煎餅🤔首先，完全冇諗過每碟食物既份量都咁足，去好多韓式炸雞店都會覺得唔夠喉，但呢度完全冇呢個煩惱😏好滿足、好好味個炸雞既味道唔會太鹹，我呢個唔太食鹹蛋黃都唔會怕左個味道，外脆內軟，個雞好滑☺️然後芝士雞感覺上比較難處理，如果餐廳可以供應刀會比較方便！味道因爲灑左好蛋芝士粉既關係，都頗有芝士味🤔味道還好海鮮煎餅比左好蛋驚喜，唔單止好足料，有蠔，有章魚，有蝦☺️配上呢個甜酸醬實在係一流💛怕辣既朋友可能要小心入面有紅辣椒，唔小心食到會幾辣🤔最後係卡邦尼年糕，都係好真材實料，唔單止有年糕，仲有芝士竹輪，仲有蘑菇同洋蔥，可惜我唔太鐘意洋蔥，而洋蔥既份量對我而言有點多。不過總括而言，份量好足，食物真材實料，入味😍下次有機會都會再去食☺️…查看更多

今日要早返工，為左係忙碌既一天有美好既開始，我選擇左黎紅磡冰室同友人食早餐。其實係因為友人介紹話呢間早餐好飽肚，可以唔使食lunch，於是就去試下。一入去裝潢好靚，好乾淨。搵左個卡位坐底，睇完餐牌感覺選擇冇快餐店黎得多。一落完單，啲伙記唔洗10分鐘就上晒所有食物飲品，好有效率，重要既係唔會好似有啲茶餐廳咁放啲印單紙係食物上面，感覺衛生好多。講返啲食物，我叫左個沙爹牛肉麵+火腿+炒蛋。炒蛋真係好驚喜😍唔單止好嫩滑，仲唔會落太多奶令蛋味消失，雖然睇落唔多，但好filling.另外個麵都煮得剛剛好，唔會落過多汁令成碗麵太鹹，麵既軟硬程度剛剛好，有機會我都會再返黎食…查看更多

人生第一次入元朗，諗住同friend周圍行下睇下，行到點幾兩點太肚餓，見到呢間既裝潢周埋格調唔錯，又好耐冇食過西餐，價錢又幾好，於是就入去試下。一入到去，人唔算多，枱與枱之間唔會好逼，都有唔少人係度用完餐 坐係度傾計，自然自己入到去都好放鬆！我叫左個New Zealand Ribeye ($98) 而朋友叫左個 Egg Benedict ($68)。叫完冇耐就有磨菇湯同餐包送上！個湯好surprising, 味道非常濃郁，而且有磨菇粒，令成個湯好有質感🤔然後講返個主食，Ribeye 可惜既係冇得自選幾成熟，感覺上煮得老左少少，不過好彩唔會太難咬爛，肉汁亦冇流失，都算不過不失。而Egg Benedict 就好足料，唔會好似一啲餐廳塊煙三文魚好細，味道配搭亦非常唔錯！我諗間店舖其中一個賣點係杯朱古力，因為佢係餐牌寫 茶/咖啡/朱古力 ，好少見。叫左首先賣相非常好，奶適合大家打卡，味道唔會好似坊間既 太甜，亦有充足既朱古力味，飲過返尋味😍絕對要一試…查看更多

深水埗一直最出名既就係一啲小店美食，我朋友一直係ig 有follow 呢間野既，一直都想黎，於是就去左試😋一去到已經7點半，雖然門口都有人等緊，但換枱率好高，等左5-10分鐘就入到去😍店舖面都頗乾淨，有格調，可惜係位置與位置既間隔比較少，傾計比較冇私隱，出入都麻煩，但都尚算可以接受。講返野食啦，今次叫左豚豚圓圓（$58），入面包括豬腩肉同豬頸肉☺️，再加左炒滑蛋同埋芝士（極度推介加蛋，因為配試蕃茄汁真係好美味！肉黎講都算份量幾足，豬頸肉特別有好感，可惜係豬腩肉有少少過多肥肉🤔不過整體配搭好好，係芝士有啲奇怪，因為係純粹放兩塊芝士入湯底，雖然個味係濃郁，但個賣相就冇咁好然後到小食，雞中翼有種麻辣瑞士雞翼既feel，可能我唔太好雞翼，唔太特別，反而雞髀菇有驚喜，頗彈牙，夠新鮮。每位食咁多都係$80幾，可惜既係份量唔太夠，同行既女性朋友都唔夠喉，可能要加大麵食會好啲…查看更多

黎到尖沙咀，又到左dinner 時間，聽朋友講呢間好好食，於是一早就到左餐廳🤔可能本身間店舖比較細，整係容納到15人左右，所以7:00已經要係外面排隊。前面大概5-6個人到，結果等左45分鐘先入到去。如果唔係比左錢點左牛都可能唔會等咁耐😭店前面有部落餐機，只支援支付寶/credit card。個度有個標示寫左請先付款，所以我同友人就傻傻地咁去左比錢。但之後發現原來可以入座再點餐，如果想留條後路比自己既可以考慮入座再點餐！呢度既牛有唔同種類（牛仔骨、肉眼、西冷）、唔同份量揀（200g,300g)，加$30 可以要套餐，包任添沙律、飯/意粉/薯蓉，外加汽水一罐而我今次點左呢個肉眼，一開始見到覺得個賣相麻麻，可能係因為一成熟既原因，不過隨住時間煎熟左之後真係好驚喜，啲牛既肉汁鎖左係塊肉度，然後配上店舖提供既配汁（極力推介：牛肉汁） 真係配肉眼一流。😍沙律頗大碗，個醬汁都好有驚喜，少少辣加上千島醬，同啲生菜好夾好好味反而係薯蓉比較失望，細份量，加上唔夠熱，食落塊雖然頗滑，但完全冇薯味，落得太多牛奶😭…查看更多

一直聽到好多人講話Jolibee 既炸雞有幾好食，於是今日見到分店就去試下😋北角呢間分店，設計幾方便，有條斜路去唔同間格，方便一啲行動不便既人。中午去到已經人山人海，不過好似換枱率都幾高幾快☺️好快就搵到位今次揀左個set menu，including 2 fried chicken + 1 side dish ( French fries/ mashed potato/ rice) 感覺個雞炸得真係好夠火喉，外脆內軟😋而入面既雞的確好滑，比起老伯伯真係滑好多，不過對我黎講太多麵粉去炸。 另外，放置肉汁既位置根本唔方便我地去點，反而要我地倒出黎，而總體黎講份量唔太夠飽，而且性價比比較低，所以可能都唔伯再去🤔…查看更多

今日要返大學交assignment，為左珍惜剩低唔多係大學既生活，於是就決定同朋友去大埔墟食餐好。之前朋友黎過好評，所以就諗住黎呢度朝聖☺️一去到見到個店面已經好討喜，紅黃色既燈籠加上藍色既旗仔，令我諗返起日本居酒屋既感覺。而入到去就更加有家既感覺。店入面唔算大，但係廚房上面貼滿左小朋友既畫作，唔知係咪店家既小朋友既畫呢？跟住就講返野食啦，呢度既午市套餐好抵！本身一個拉麵大約$75-80，但只要加$5 就可以有煎餃/小丸子加飲品。朋友唔好汽水，都有菜包沖熱茶，服務非常貼心！因為唔食得辣既關係，我點左豚骨拉麵（$75），麵條煮得非常適中，好彈牙有口感，最surprised 絕對係溫泉蛋，蛋黃煮成流質，又唔會流灑係啲湯度，甜甜地，味道一流！而叉燒煮成少少焦，但又唔會有焦既味道，火喉掌控得好好。湯底完全冇味精既感覺，最後飲晒成碗湯都唔會覺得口渴😍另外呢個係店員推薦既配菜，據講係廚師特意炒既，味道有啲辣，但好開胃，唔錯☺️講埋啲小食啦，煎餃雖然賣相麻麻，但係入面既肉味道唔錯，可惜如果可以煎耐啲啲會比較有煎脆既味道！而小丸子好足料，好大個，汁同配料加上墨魚既香味，好值得推介大家去叫另外我地都叫左個炸芝士，唔會丸多麵粉，包裹得岩岩好，而入面既芝士好濃郁，對我黎講有少少太濃，但我朋友就好鐘意，所以我諗麵係因人而異🤔有機會下次一定試下佢既黑蒜拉麵😍…查看更多

每個星期六都會黎佐敦返工，但每次lunch hour 都會好多人排隊，唔夠時間等黎食，所以一直都有啲遺憾🙈🙈但勁好彩唔知點解今個星期六排隊既人唔多，所以即刻衝入去試下😋入到去坐左係啲bench 度，感覺上人與人之間都有足夠間隔，唔會好容易撞到隔黎既人，另外枱上面仲有水壺，方便我地自己汁水飲☺️因為第一次黎既關係，於是叫左個招牌熊拉麵（$85），然後真係完全冇後悔😍首先佢既叉燒入口即溶，加上好濃郁既豬骨湯底，令到成件事昇華左。唔單止係啲叉燒，麵條麵係拉麵重要既一環，佢可以揀幼麵/標準麵，強烈建議揀標準麵，因為好彈牙，好好咬口，好味到我連湯麵飲晒！好肯定入面唔係用味精調味，因為飲完啲湯都冇好頸渴😂…查看更多

今日難得係灣仔放lunch，咁梗係周圍去搵啲好囧食。灣仔既橫街好出名有好多小店美食，然後行到黎呢條橫街，見有好多街邊店舖，就入去睇下，然後搵到呢間拉麵店好彩門口有個紅色既大燈籠先冇錯過呢間舖。本身以為會好細間，但入到去樓低好高，同埋裝飾都好靚，而枱與枱之間既間隔都幾大，同朋友傾計都唔驚隔離會聽到🤔講返野食啦，有鑑於本人係呢個黑蒜既fans, 見佢又係推介就諗都冇諗就叫左呢個黑武士（$83）然後因爲午市優惠+$15有餃子+汽水，於是就叫左黎試😋其實一開始見到既時候有啲shock ，可能係因為個賣相麻麻，有啲似個啲酸辣粉，不過食左一啖之後發覺有少少失望。首先係個湯底，本身自己唔係一個重口味既人，但個湯底真係有少少淡而無味，最緊要係一啲黑蒜既味都冇，可能下次要嗌濃/特濃先入味啲。另外，佢揀拉麵可以揀叉燒（BBQ) 又或者 豚角煮（Porkbelly) 又或者御屋（Mix)。而貪心既我揀係揀左mix 啦，但可惜既係啲叉燒既咬口好奇怪，冇個種入口即溶既感覺，而豚角煮反而surprise我，有好多唔同既口感，味覺唔錯。然後+$15 換左兩隻湯餃。本身以為會係煎餃，怪就怪自己冇問清楚啦，不過湯餃既湯底好香好入味，食完好滿足。因為兩點後入去食既關係，仲有9折優惠，認真幾抵食，下次再想食拉麵都會黎試下其他既🤔…查看更多

今日難得放假去左Devil Peak 行山，行完好肚餓見到呢間店舖好似好受歡迎咁，於是就同朋友一齊排隊等食野。雖然一開始見要等18張有諗過食其他算，但佢間舖夠大，換枱率好高，所以等左大約15分鐘就入到去🤔入面餐牌有好多選擇，有炸物、刺身、炒飯、麵、卷物、芝士、沙律，任君選擇☺️因為第一次食既，今次都點左啲推介，但真心比我想像中更好食🤔我同朋友每人嗌左個主食，外加一個小食：七味軟殻蟹卷物（$41）我個人唔太鐘意七味粉既味道，但我覺得佢落既份量岩岩好，然後軟殻蟹好脆。而我叫左鰻魚炒飯（$46） 好好食，份量好夠，仲好入味，係覺得鰻魚可以多少少。不過總括黎講，對呢間店舖印象好好，上菜幾快，野食份量足，入味，好有質素，下次有機會一定再食😍…查看更多

今日難得約左fd 係moko 食dinner，行過見到王家沙，一直想試左好耐，於是就入左去。 可能去得早同平日既關係，7點鐘都唔算好多人，都幾多空位☺️同朋友入座之後就嗌左啲傳統既上海菜一齊食，紅燒獅子頭，嫩雞麵 仲有三絲粉皮同埋小籠包😍最令我surprised 既係上湯小籠包，入面既湯好濃郁，配搭入面既肉同肉汁，水準真係一流，果然黎王家沙一定要食小籠包😍獅子頭個肉丸亦好足料，個汁好配，仲有唔少菜配搭，好抵食最舒服係個環境，同朋友好耐有見，食完坐係度傾到10點，都唔會趕人走，啲侍應都會簡唔中過黎加茶，幾好服務👍…查看更多