RoyYeung8836的个人专页

先講左食物質素，只能講正正常常，不過不失。但以此價錢，性價比差dd 。服務就真係要大大改進。原先book左20:00，準時20:00到達。到場時，前面同樣有對男女客人，已聽到店員同佢地講：前面客人未交到枱，請落去行多陣。當然對住等地都講同一樣野，只係我當我問多句、問清潔：要行幾耐先有位。（其實我都知講唔定要行幾耐，但本身book 8點，而且當其時我見到都有其他空位）個店員一聽我咁問，又覺得答我唔到，或者估我唔想等，所以就話：原先安排左果張（仲有人食緊），但唔知佢地幾時食完，一係坐佢地隔離果張。其實有趣在，一開張空枱已係度。佢地應該一早mark好晒枱，係估唔到前面遲交枱而後面嘅又準時。咁佢地又以俾選擇我要唔要原先張枱，見佢原先係近窗口，咁咪話等下。之後我咪企係門口等架啦（佢間餐廳枱局設計係冇門口等位位置），之後見我企係度又有點阻，先至叫我坐入去一張長枱等。期間，我見到出面係有空位，而且同時亦有另一對客人同樣等，結果呢對同之前一齊黎果對，都係坐左出面戶外。（估計係佢地比我地坐得更耐，而另一對就落左去行完再上返黎，都未有室內位）結果我等左20分鐘都未有，再問佢地幾時有，佢依然話：前面客人埋左單但未走，咁你坐唔坐其他。如果我坐其他，一早坐左啦。最好笑，店員面同我講，唔通我趕佢地走。我只係回應佢：等你地安排。…查看更多

之前耐唔耐行過都剛巧冇開，今次周圍行吓搵食，心血來潮不如試吓～今次食左芝士薯條、豬手同芝士辣肉腸pizza。薯條不過不失，始終燒芝士係面較容易有點硬。豬手皮都幾脆、入味。pizza都好食，芝士味香濃、軟身。仲有飲左goose生啤，幾好👍🏻👍🏻至於環境，本身店位置都比較靜，而且剛巧閒日晚上，人流較少，所以較寧靜。環境音樂都配合得幾好，重要係唔會太大聲，聽落輕輕鬆鬆。都會有下次👍🏻👍🏻👍🏻閒時飲一兩杯都唔錯…查看更多

於早上11:15開始致電外賣落單，都預左佢會多外賣、多堂食，收銀負責收銀、又落外賣單、又聽電話外賣單，係的確好忙。於11:21佢聽到電話，但一攞起電話佢講左一句「等等」，就一直放低電話，佢又冇收線，咁一直冇攞返起電話。之後用另一電話打去，應該因為佢未收線，所以一直都唔會打得入（一打就會自動斷線，係正常的），咁唯有出去外賣。其實原先預要行20分鐘先到，所以先要預先打電話。邊行邊再打電話，都係以上原因，都係不斷斷線。重點環節到喇！抵達鋪頭，先同收銀員講你一直唔聽電話：「你仲hold 緊電話」，佢一臉驚訝，亦見佢拎一拎起電話，放返落機座。果時已經11:50，雖然知道過左時間，但佢hold 住電話30分鐘，咁都唔知係我過時定佢hold到我過時。其實佢一係一直唔好聽電話、一係佢直接掛機打唔入，接左一句等等就30分鐘。可以話佢太忙忘記接左電話，但一句太忙就覺得係正確？只能講體諒，而唔係道理。事情未完，我開始時禮貌要返早餐，當都預左收銀話話時，我亦重申解釋佢仲hold緊我另一電話，之後我見其中一位老闆（戴眼鏡的）走近，我再講返要早餐同原因，佢依然拒絕落早餐。我要再解釋，咁佢話我阻住佢收銀，我地但左係門外繼續講。佢依然重複又重複話係我話時，佢一心覺得就算佢接左電話，因忙而放低電話係正常，就算hold住一直唔落單而過左時都唔係佢問題。我想多次解釋，亦表示可於展示通話紀錄，佢一意話唔使。係佢角度明白，佢覺得我阻佢時間，但相反地，我角度如果你一直唔接電話都還好，接左又放低hold30分鐘到忘記埋。我本身都只係想落返早餐。第一位老闆（戴眼鏡），佢原先好堅持拒絕，擺明大家語氣愈來愈重。講左7、8分鐘，另一老闆（較斯文嘅男士）先出嚟問咩事，佢聽左幾句就禮貌點話俾我落早餐。戴眼鏡嘅老闆見佢partner 出左聲，先悔氣地話：做俾係你。我當時回應：你嘅態度都好差。佢當然不甘：我唔係差。要加一句就勁喇：「大帝！依咪做俾你啦，你一係要，一係唔要」自問，如果只係我自己一個，我會照將此事照出post而唔買，但因為亦要幫別人買。也好！證明有此事，並唔係作故仔。有單架！…查看更多

好在有book位，好受歡迎，愈晚愈多人👍🏻點左兩份食物，無骨松露雞&酒醬炸蠔，食物味道同質素都好好到手工啤我地兩個人，總共5杯，唔算多（其實主力本人），點左0、2、4、8、19，8號係熟人介紹下認識左店員小虎推介，的確高質～正。其實杯杯都 好飲，係其他地方唔覺有呢類手工啤。聽聞佢地會久唔久轉meal，好食物同酒list都會更新。值得返兜，耐唔耐就有新鮮感氣氛有feel！如果將來地方更大就好了🤗…查看更多

食物都唔錯嘅，味道都幾好。只可惜出菜太慢了。順帶一提，等位都要點時間，應該關出菜慢，本身前面都係等三張。最奇怪係個經無端端埋單收錢（冇叫過埋單），而且佢行埋黎一句聲都唔講，只係遞張單埋黎。如果要埋數，都禮貌講聲丫。埋單嘅時候，其實仲有樣未黎。所以，服務一般。…查看更多

食物還可以，不過不失，叫左咖哩吉列豬排飯，只係個人口味，比較咸少少，同埋同我所想有點出入。但係😤服務有待改善。原先d咖哩汁比較少，想叫多少少。第一位阿姐（紅磡果間、短髮（接近男士長短）、年紀約40-50歲）d態度極衰，衰到一個點，佢係有應我，所以肯定佢知道。隔左一陣見未有，想追一追，咁我明白係忙，其他店員都剛巧冇望到我果邊，結果都係原先位阿姐見到。佢明顯係忘記左，佢再望我係冇醒起，再問我要咩，我問多次，佢可能先醒返起，佢語氣再衰d ，好悔氣，放抵嘅力度係用飛黎形容。申報：我全情係禮貌，語氣禮物，唔該前唔該後架。雖然我明白只係冰室，價錢又唔係貴，或許不應要求有服務。…查看更多

在食物未到前，係牆壁上已見到一隻小小強。。。。。當時餐廳只有一半人，我地算最後入，點完餐，都等左20分鐘先黎第一碗，再隔10分鐘第二碗，胡椒餅較後先到重點係，食物太唔新鮮。熱檸水，檸檬"梅梅"地。胡椒肉餅，d 肉係酸的。食食下，店員倒瀉晒d 冰，不過都只係意外。其實出餐慢唔只我地一枱，隔離枱嚴重d......店員態度一般，（我係十分禮貌的，真心客氣架），叫極都扮睇唔到，最終只係細細聲，少悔氣叫人等。。。。…查看更多

我地有4個人， 飛號53，開始時要等8張枱。店內等位地方唔大，只可以企門口，門口當然企左好多人。我地驚聽唔到，所以都企係門口旁。每隔15,20分鐘都入去問一問。過左1個鐘之後，店員先叫49, 4位，冇人應，之後突然叫55號，5位。咁我地都認為5位大d 枱，咁咪俾人地先，都好合理。再隔15,20分鐘，入去一問，竟然話53過左，真係吓左聲。店員仲話叫左幾次，唔知係佢細聲，定我地miss 左，之後佢叫飛明顯大聲好多。食物唔係唔好，普普通通。要等1個半鐘，全程企門口 (當時天氣好熱下），仲要被跳飛。唔係好值得。…查看更多