crazybuzz的个人专页

夜晚外賣平台七點落單，等咗唔夠20分鐘有得自取，由離開舖頭到屋企開餐唔夠15分鐘，炸雞已經唔熱但依然好脆整體上今次外賣食品雖然未至於人間美食，只屬係正常發揮，但亦值得附近街坊間中食下，除炸雞份量偏少而顯得價錢偏貴外，其他嘢食都價錢合理，可能無緣分關係，舖頭內未見有其他食評人所提及韓國大媽，接待都係地道香港人另外因為今次外賣平台自取比門市落單更平(約85折)，感覺上令炸雞價錢合理番小小，如果優惠持續，應該會再幫襯…查看更多

店舖响超隱蔽位置，從來唔會幻想到呢條黑暗橫巷有食店。只提供外賣兼只收現金由韓國人主理嘅炸雞店，收銀姐姐唔識中文唔識英文，只能指餐牌溝通，可能為解決言語問題，所以派無線牌仔震動通知攞外賣。由落單至有得攞，大約等咗半個鐘，今次只買咗六味雞，雞肉質略鞋，但炸漿炸得好好，啲醬汁配撘好好味，份量好足，每款味食兩件已經好飽(好濟？)。整體嚟講物超所值，一定會回頭。有一杯酸蘿蔔配送，好酸，好酸，醋味極濃果隻酸，既然送就唔計較喇。…查看更多