eatingstock的个人专页

近期非常熱門嘅潮汕火鍋終於喺香港都食到，店舖嘅環境非常舒服，而且火鍋都跟足傳統潮汕形式🔥個人覺得非常合適公司或者一大班朋友聚會，小編特別介紹幾樣非常值得一試嘅菜式✨傳統牛骨清湯鍋($58)清湯鍋冇味精味，牛味非常之香，用黎煮牛一流，令到牛嘅味道更加出，而且湯底唔會太鹹太濃郁，小編一路食都一路飲佢個湯底😂小編極度推薦呢個清湯鍋，特別係想食牛但又怕太油膩嘅朋友仔饕牛記牛嘅種類非常之多，基本上係全身嘅部位都食到，店舖周圍都貼滿左牛唔同部位嘅名堂，如果食嫌咗傳統牛肉嘅可嚟呢度試吓啲新款式，佢有款牛肉拼盤可以叫，適合一啲想試晒咁多個部位嘅顧客，佢亦有提供每個部位需要涮的時間，據聞真正嘅潮式火鍋係將全部牛一次過倒晒落去個鍋度煮，之後夾返上嚟，用嚟食依種潮式火鍋嘅道具亦有提供，小編覺得幾新奇😂嫩肉 ($48)特別介紹下佢嘅嫩肉，口感接近平時食開野牛，牛味亦都係咁多種牛入邊最重，啲牛吸晒充滿牛香味的湯底，咬落去啲湯底出晒嚟，非常之吸引，而且牛嘅脂肪分布平均，唔會有太油膩嘅感覺，價錢亦合適，如果有興趣嘅可以試吓👅味道：8/10 🧘🏻‍♂舒適度：8/10💸性價比：7/10👀回頭率：6.5/10…查看更多

👀性價比高芋圓👀康瑞甜品 - 特色仙草百配($25)呢間嘢成日要大排長龍，所以我地都特登喺飯前時間嚟食。今次試咗佢既招牌「特色仙草百配」，入面好足料！！！😋有芋圓，珍珠，西米，仙草，薏米，紅豆，小丸子，再淋上淡奶。芋圓份量算多，唔係好大粒但係夠煙韌，而且地瓜同芋頭味都幾出🤤仙草清新得嚟又唔會好甜👍🏻整體來講$25真係超值！！！⭐: 8.5/10康瑞甜品 (深水埗)📍深水埗荔枝角道323號地舖…查看更多

艾·蜜思手抓餅 - 豆腐花三色芋圓 ($20)呢間本身係出名食手抓餅，但估唔到佢既芋圓都幾高質😍👍🏻佢芋圓份量好多，而且好煙韌，唔會有好粉既感覺。不因為佢落左好多黑糖既關係，芋圓偏甜，怕甜既朋友可能要同人share先食得哂。⭐: 8/10…查看更多

原味格仔餅($23)格仔餅即叫即製，等咗10分鐘先拎到個格仔餅。佢個口感外面脆，入面鬆軟綿密，比一般嘅格仔餅厚身，亦夠蛋香。格仔餅配上花生醬，煉奶，牛油，砂糖，花生粒，啖啖都好滿足好邪惡🤤不過食完都有啲飽肚，同人share食一人一半啱啱好👍🏻⭐️: 7.5/10…查看更多

🦐馬來西亞蝦店🦐辣味蝦湯底蝦肉肉骨麵 ($78)個湯夠濃，啲油麵浸左落去好入味，而且啲蝦好鮮🦐肉骨吸哂湯底的味，作為店鋪的招牌湯底都真係唔錯，不過食唔到辣既要留意下，因為真係好辣🔥👅味道：7/10🧘🏻‍♂舒適度：8/10💸性價比：6.5/10👀回頭率：6.5/10咖哩叻沙湯底海鮮麵 ($74)個叻沙湯底幾吸晴，椰香味重，但個叻沙味偏辣，食落唔油膩又香，重點係叻沙湯底配油麵好吸引，唯一美中不足的係海鮮配料唔多，如果再多啲就更上層樓😋👅味道：6/10🧘🏻‍♂舒適度：8/10💸性價比：6.5/10👀回頭率：6.5/10…查看更多

牛肉拌飯 ($48)一入呢間餐廳第一個感覺係佢完全唔算韓式，而係偏向fusion風，餐牌除左韓式料理仲有意粉、三文治選擇。不過鐘意食韓國野既admins就梗係叫左牛肉拌飯啦！呢個飯唔同平時食到既韓國bibimbap咁多雜菜，只係得蛋，芝士，牛肉同泡菜為主。啲牛肉好香同份量好多，每碗飯都有成6-7舊大大舊既牛肉，撈埋其他配料同啲飯食完全係享受。而且佢既泡菜係偏向甜同酸而唔係一味辣，令個飯酸酸甜甜好易入口，搞到我地食完仲想再叫多個！呢個拌飯單叫$48，如果跟set叫連炸雞同野飲就$78，價錢偏貴不過份量好多，可以兩個人share。炸雞質素就不過不失，雞肉好滑但個汁偏甜，一定要有野飲先食得哂。⭐: 9/10…查看更多

焦糖忌廉吐司($55)雖然睇個樣好似冇乜特別，淨係一塊烘左嘅厚多士加啲cream，但係食落真係好好味，食到停唔到口😋塊吐司比一般嘅厚多士更厚，加咗少少牛油去烘，烘外面好脆，但入面仲係好鬆軟。吐司加咗焦糖，肉桂粉同埋大量忌廉，忌廉比較light，唔會食到覺得好滯，一個人食都冇問題👍🏻⭐️: 8/10…查看更多

好耐無食過西餐既我地今次黎到尖沙咀既Grill Room食，佢既位置唔係好起眼，所以我地去既時候都無full house既情況出現。不過，呢到既食物質素高到好值得大家突登上樓試下😍佢平日會有八至九款set-lunch可以揀，今次我地就試左佢既漢堡同牛扒，好彩無揀錯😋高級和牛漢堡配沙律薯條 ($88)平時食和牛漢堡閒閒地都要百幾蚊，但呢到既漢堡一百蚊都唔洗。面包同普通既漢堡面包無咩大分別，不過佢係底面搽左牛油令佢好軟熟。舊和牛係大約五成熟，每咬一啖都有好多肉汁滲出黎，但唔會有好膩既感覺。不過始終漢堡先係主角，伴碟既沙律薯條就無咩特別。整體黎講個份量都算幾大份，一個人當lunch食一定會食到好飽。⭐: 8/10八安士肉眼扒配薯角蔬菜 ($98)嚟到Grill Room梗係要試吓佢嘅牛扒，果然冇令人失望。牛扒煎到帶點焦香，叫咗五成熟火候控制得啱啱好。牛扒幾嫩口，雖然肉味唔係太濃，不過佢嘅油香味幾突出，而且亦都有好多肉汁，佢嘅調味都啱啱好，唔洗點牛扒汁已經好好味。⭐: 9/10…查看更多

打開menu就見到好多新式同舊式既韓國菜，今次我地就試左佢既炸雞、年糕同意粉。炸雞係可以自選口味（甜辣、芝士、楓蜜），甜辣味都算唔錯，雞肉嫩滑；但芝士方面就唔係好夠芝士味。反而年糕做得比較出色，份量多而且口感岩岩好，唔會太硬或太淋🤙🏻意粉就比較普通，都係勝在份量多。除左呢啲菜式之外，佢仲有好多好少係香港食到既韓式甜品例如年糕多士😍整體食物質素都幾好，值得再試！——————👅味道：8.5/10🧘🏻‍♂舒適度：8.5/10💸性價比：8/10👀回頭率：8.5/10——————…查看更多

🥪超厚蛋治🥪厚燒玉子三文治($58)Admin一向好鐘意食蛋治，今次就黎左呢間最近係銅鑼灣新開既日本鋪頭，試佢既蛋治👅👀佢既賣相超吸引，目測舊蛋有三寸厚，見到都留哂口水🤞🏻不過食落味道就真係普普通通，得個賣相呃到人😢下次再試埋佢最出名既pancake就算-👅味道：6/10🧘🏻‍♂舒適度：8/10💸性價比：6/10👀回頭率：6/10——————🥞4cm厚pancake🥞蜜柑蜂蜜班戟($68)Pancake真係有4cm厚，超重蛋香。同梳乎厘pancake唔同，佢呢個pancake比較厚實有口感，不過略嫌質地有啲濕潤。中意傳統pancake或者食梳乎厘pancake食到悶值得一試！-👅味道：8/10🧘🏻‍♂舒適度：8/10💸性價比：7/10👀回頭率：7/10——————…查看更多

🥢心夜來潮🥢清湯牛腩煲($188)呢個牛腩煲幾有驚喜，個湯好惹味夠鮮甜，牛腩唔會煮到好老又幾有口感幾入味，而且份量好多，我地三個人食都食唔曬。金黃雞油豆苗($78)呢碟豆苗賣相唔係特別吸引，不過其實幾好食，好快就比我地三個人清曬。豆苗加咗雞油去炒，所以好香口，而且唔會覺得油膩，又炒得幾乾身，值得一試！醬鹵鵝片($140)鵝片煮得幾淋，而且鹵得幾入味。佢個鹵水汁亦都幾香唔會太濃味。黃金一口炸饅頭($38/9個)雖然冇影到相，不過呢個炸饅頭真係值得推薦。炸到外脆內軟，加埋煉奶好好食。而且$38有9個真係幾抵。-👅味道：8.5/10🧘🏻‍♂舒適度：7/10💸性價比：8/10👀回頭率：8/10…查看更多

🔥超辣火鍋🔥呢間老碼頭其實都開左一段時間，今次終於得閒去食🔥佢既食物種類好多（可以參考menu），最特別既一定係佢既瘋狂辣牛肉，真係辣到我地講唔到野！除左牛肉之外其他材料都好新鮮，雖然價錢偏貴但份量都好多，值得一試！——————👅味道：8.5/10🧘🏻‍♂舒適度：7.5/10💸性價比：7/10👀回頭率：8/10——————成都老碼頭火鍋 (旺角)📍旺角塘尾道61號地舖⏱17:00-03:00#eatingstock旺角#eatingstock推薦#火鍋…查看更多

🍜隱世沾麵🍜原味豚骨湯沾麵($78)呢間日本人開嘅沾麵店位於香港大學站附近嘅一條後巷，不過我哋去到都要排陣隊先食得。麵底有三款揀，我哋揀咗黑胡椒味。麵底黑胡椒味幾香幾突出，而且煙韌有咬口。湯底濃度適中，唔會太鹹或者太油膩，不過掛湯能力一般。-👅味道：8.5/10🧘🏻‍♂舒適度：7.5/10💸性價比：7.5/10👀回頭率：8/10——————#eatingstock推薦 #eatingstock西環 #沾麵…查看更多

🥢成都黎既串串鍋🥢最近串串鍋店係香港都開得好密，呢間串王之王就係其中一間係尖沙咀既串串鍋🤞🏻同平時既串串鍋一樣，呢到既食法都係先揀左湯底再揀野食。我地就揀左最熱門既麻辣同藥膳做湯底。佢既湯底做得幾好，有啲似台灣無老鍋既湯底，而且麻辣味十足。串串就係自助形式，鐘意食咩就攞咩（每串$5），食物種類唔算多，都係普通火鍋配料，而且味道比較普通。唯一比較特出既係佢既安格斯牛肉（$128，要分開叫，唔係串串）好靚，值得一試😃。最後埋單我地每人食左二百蚊左右，價錢偏貴，不過最近佢做緊折，七點前/十點後入座有68折，如果真係想試既可以趁有折既時候去試下💡——————👅味道：7.5/10🧘🏻‍♂舒適度：6/10💸性價比：5.5/10👀回頭率：6.5/10——————串王之王 - 正宗成都串串火鍋 (尖沙咀)📍尖沙咀金馬倫道34-36A號福僑大廈地舖⏱12:00-02:00#eatingstock尖沙咀#eatingstock推薦#串串鍋…查看更多

今次嚟到旺角呢間小店，雖然鋪頭嘅位置有少少難揾，但係我哋九點嚟到依然要排隊先至食得，而且間野啲嘢食真係幾好味，大家下次去開旺角又有多個選擇。🤤原創胡椒豬肚雞麵 ($68)平時飲開胡椒豬肚湯就飲得多，胡椒豬肚湯麵今次真係第一次試。一開始見佢送黎既時候以為啲麵會林晒，但仍然好彈牙而且仲吸哂啲湯汁好好食；個湯唔似外面飲到嘅胡椒豬肚湯咁只係得胡椒味，因為佢加咗雞所以每啖比平時飲嘅更鮮甜，平時食麵從來唔飲湯既我地今次都飲哂😋！而且佢嘅湯係用個鐵碗裝住，令個湯食到最後都仲係微熱，非常貼心！不過佢份量偏小，淨係食面一定唔夠飽，可以試吓叫埋其他小食。⭐: 8.5/10鹽酥雞 ($32)呢度嘅鹽酥雞炸得好香而且上既時候仲係好熱。佢嘅味道其實好似KFC嘅巴辣雞粒，但啲雞肉比佢更加嫩滑同無咁乾身。不過如果可以大舊少少就好。⭐: 7/10重慶豌雜麵 ($38)依碗麵有唔少顧客都會叫，係一個拉麵底配上花生、酸菜等的拌麵。喺麵的上面放有一少堆辣椒醬，辣油滲透成個麵，食落去又香又麻，加上原有的酸菜、脆豌豆，酸酸甜甜之餘令成個麵非常之有口感，加上拌麵嘅軟硬度非常適中，配上辣椒碎，非常之出色，三位admins 一路辣住都食唔停口！😵唯一要注意嘅係唔食得辣嘅朋友記住一開始拎走少少辣椒碎！⭐: 8.5/10香煎蛋餃 ($16)依款香煎蛋餃喺出面比較少見，蛋煎得好香同脆皮，金黃色配搭少少焦幾吸睛，入面嘅餡料冇特別去深究，但味道不錯，有啲類似荀的粒粒係蛋餃入面，變相食落去好有口感，而且蛋餃入面的肉唔會過嚡，味道亦唔會太重，配搭得幾平衡。蛋餃以依個價錢有5粒，性價比算高，而且係即叫即煎，即使有少少偏油，都仍然係一個唔錯嘅伴麵小吃！⭐: 8/10桂林米粉($38)桂林米粉有湯，乾撈同乾炒三款揀，我哋就揀咗乾撈。米粉嘅口感有啲似平時食到嘅米線，不過比平時嘅米線粗。米線嘅配料有肉末，酸豆角，脆花生，蔥花同酸辣筍。米線撈埋啲配料酸酸地幾開胃，而且佢嘅味道都唔係太重，啱曬唔中意太重口味嘅朋友。⭐️: 7/10 蒜蓉香煎千頁豆腐($26)呢個豆腐真係極力推薦，豆腐嘅口感唔似普通嘅豆腐，係好似食緊魚蛋咁好彈牙。豆腐煎香左再用左蒜蓉同埋調味粉嚟調味，所以好香口好惹味。⭐️: 9/10最後值得一讚嘅係佢哋嘅服務真係好好，店員都好貼心，仲會主動幫客人問有冇紙巾。無麵不歡 - 中華私房粉麵 (旺角)📍旺角通菜街1A -1L號威達商業大廈地下M號舖…查看更多