leewengii的个人专页

🔥大角咀利奧坊一方燒肉，食過三、四次，係貪新鮮、鍾意試新嘢嘅我，少數會encore再encore嘅餐廳。樓底高、啲位超級闊落、仲有他他咪獨立房。星期一至四嘅自選一人前由我第一次食$148加到$178，但依然好抵食。我會揀+$30、$208自選「四餸」。🥩牛小排必選，好味過肩胛小排。每份有3件，牛小排其中一件切成厚切方塊粒。超正。🦐海蝦（1隻）同🦪廣島蠔（3隻）上次食過好好味，所以再encore。另外試咗鮮鰻魚🪱同店員極力推介嘅🐖黑豚豬梅肉。🐷黑豚酸梅肉用甜麵豉醃過，肉質爽彈，甜甜哋，真係冇介紹錯😋出面食燒鰻魚好貴，呢度嘅有少少泥味，但新鮮彈牙，配鰻魚燒汁。呢間最勁係唔止肉類，連看似配角嘅海鮮都極高質。🐟另外加咗$118五點刺身，本身對燒肉店嘅刺身冇乜特別期望，以為只係畀客人多個選擇，點知極度喜出望外，樣樣都厚切同非常新鮮。套餐仲包沙律、中華沙律、麵豉湯、蔬菜盤、飯或烏冬（呢度嘅凍烏冬都好好味）同維記雪米糍。最驚喜係送燒鱈魚乾（之前食冇、居酒屋叫一碟都唔平）。🔥爐靚火靚網靚，真心啲肉點燒都有靚仔格仔紋🥓抽風好，食完件衫完全冇味。用咗openrice$50買$100券，一至五只限晚市，星期六日就全日。但只限用兩張，如果食得好豪over$1000嘅，平時餐廳就咁九折仲抵。但最最最抵係星期六日嚟食lunch set+用券，更平，嗰個和牛set真係物超所值。…查看更多

蔡瀾先生都鍾情嘅詠藜園，由大磡村起家。比起黃埔店，我個人更喜歡黃大仙店嗰份街坊小店feel。早前黃大仙店由消防局對面搬咗去後一兩條街嘅鳴鳳街，新淨咗同光猛咗。蜜汁火方，$105四塊/$198八塊係有少少貴，但又真心好味薄薄蒸包嘅軟棉+火華火腿嘅鹹香+蜜糖嘅清甜+薄脆嘅香脆，無敵。五香牛展（$52）入味青瓜拉皮（$45）麻醬濃郁，粉皮輕薄爽口彈牙脆皮素春卷（$36），即叫即炸，熱到辣咀，春卷皮好薄好脆，有一層層嘅口感，零油膩感👍🏻星期一至五，每日各有兩款不同嘅特價菜式，星期五係麻醬雞（$70）同油炆筍。雞厚肉嫰滑紅油抄手（$46）八粒，大大粒，皮薄多汁豆沙鍋餅（$50），又係熱到辣嘴，紅豆餡細滑唔會太甜，外皮薄身香脆冇冧油豆漿豆味濃郁星期一至五全日及星期六日午市都免加一菜式選擇非常豐富，豐儉由人，午市有$50左右嘅客飯套餐…查看更多

Soho Picanhas' $158 Lunch Set, 餐廳website同openrice都可以book位，今日weekdays lunch 1330左右都full, walk-in要等一陣。lunch last order 1430, 1500落場。Lunch Set 當中200日穀飼黑安格斯牛臂蓋扒係最出名，配阿根廷青醬，鴨油薯條同沙律，份量超大。我塊牛有啲韌，牛味唔算好濃，朋友嗰份生啲我覺得質地好啲。沙律個醋汁調味都唔錯。最正係鴨油炸薯條，幼薯條勁香脆，上面有啲生蒜，再配好味嘅蒜蓉蛋黃醬。Lunch Set包埋甜品同飲品，甜品係churros配黑朱古力醬同忌廉。其實喺中上環區類似嘅阿根廷steak house lunch set都係差不多價錢或者再平少少，但甜品配churros以我所知真係只此一家，好吸引。Churros都好味。飲品強烈建議叫第一個檸檬梳打（佢中文menu第二行檸檬茶翻譯錯咗都叫檸檬梳打，所以中文menu上有兩個檸檬梳打）。個檸檬梳打有少少香茅味，非常似新加坡/馬來西亞嘅桔仔水，refreshing又較有特色。檸檬茶勁淡唔好飲。加埋一$174。…查看更多

第一次食湊湊，之前朋友推薦過好食，但一直覺得定價比較高。預先喺openrice買八折餐飲券，星期一至四可以用，唔可以同套餐及其他優惠一齊用。餐飲券於購買三小時後開始生效，即係唔可以即買即用，要預早少少買。另外配合埋逢星期三開始計一個cycle嘅$400減$60 master card信用卡優惠，即$340買到$500value，一次最多用五張。尾數再用openrice pay畀，指定恆生信用卡滿$400即時再減$80。原本3人共消費$988，用哂以上優惠，變$748，慳咗$240。鴛鴦湯底$276，聽落有啲貴，但麻辣湯底鴨血同豆腐任食。$168 180g美國牛。$68蝦滑好味。自助區麻辣魚皮、螺片、炸地瓜球、肉燥飯、西瓜、哈密瓜、芭樂任食，全部高質。免費join會員仲送沙冰同紅豆奶凍，迎新仲有兩張$400減$100（1個月期）。已經叫多咗，埋單價錢同放題差唔多，冇限時，環境同服務都勝過放題。…查看更多

🍑盛夏果漾白桃乳酪梳乎厘厚pancke🥞真心美味，原個🍑清甜白桃再加白桃粒粒同鮮桃汁最驚喜係切開原隻白桃入面有乳酪忌廉😋酸甜平衡，開胃解膩。三件招牌PHI梳乎厘厚pancake依舊非常高質🥞水準穩定1430至1730供應嘅下午茶餐都超抵食，除咗可以選擇厚pancake外，$58連冷熱飲品嘅雞扒茄汁意粉🍝大碟又好味，茄汁食到🍅鮮茄嘅新鮮天然嘅味道，雞扒煎到外脆內嫰，輕型唔油膩。服務親切友善…查看更多

🇸🇬新加坡知名雪糕店，The Ice Cream & Cookie Co. ，上環店位於九記牛腩斜對面。$89嘅曲雪糕三文治，可以自選雪糕口味及兩塊夾住雪糕嘅曲奇口味，兩塊曲奇可以唔同味。雪糕揀咗開心果味，我暫時食過全港最濃最足料嘅開心果雪糕，有開心果仁碎同極濃開心醬，濃到有少少果仁嘅甘苦味，係好食嘅，鍾意開心果嘅建議一試。朱古力曲奇都好濃郁，但我覺得美式軟曲奇同gelato質地嘅雪糕唔係好夾，而且一啖食真係太甜太heavy又好輪盡，我都係食哂個雪糕先再食兩塊曲奇。曲奇畀雪糕整淋咗，口感不太討好，所以都係建議分開食。另外試咗開心果曲奇，好淡開心果味同比較脆身，如果選呢塊做雪糕三文治可能會較適合。…查看更多

人均$260落樓價，全包8小時獨立房電動枱雀局+蒸魚燒味小菜套餐位於黃大仙舊新光旁邊，交通非常方便。姐姐推介筒子餐，自選燒味+蒸龍躉仔+老火湯+自選3款小菜+白飯，全包宴，姐姐話比標價$788另加雜費嘅套餐只係貴三十幾蚊，但多一個小菜。除一間傳統手動麻雀房(無獨立洗手間)外，其他房均為電動枱+獨立洗手間，所以就算我哋打港式台牌冇電動枱，都係收電動枱房間嘅收費（姐姐話兩者只係相差$22）。全店得兩幅台牌，建議盡早預訂（開放兩星期內預訂）。麻雀非常新淨。一人一個茶盅，超nice嘅姐姐不時入嚟問要唔要加茶。提供坐墊及背墊。房間闊落光猛冇煙味，隔音一流，全完聽唔到旁邊房嘅聲。食飯時見到其他客人都好斯文。可以打完8個鐘先再出嚟食。食物由旁邊京都大酒樓提供，食物質素有驚喜，中上酒樓級數，比唔少連鎖酒樓都要好味。整體比皇雀會優勝。…查看更多

位於山林道美食之塔🐉8月新開張。我未去過佢其他分店，但大廚話呢度闊落好多。望天文台及St. Andrew教堂樹林景🌳亦有少少海景🌃今晚試咗中價$8️⃣9️⃣8️⃣ 十四品餐單，餐廳亦有不同價位套餐選擇，由$488起，豐儉由人。前菜🟧煙燻挪威三文魚有機沙律菜卷🥗配意式黑醋及日式青醬。三小碟有熟成挪威三文魚牛油果他他🥑、🐟醬油漬三文魚頭軟骨海草昆布，呢個好好味，等如三文魚面珠墩，部位罕有，口感爽脆，醋汁都好開胃。最後食水葫蘆。上菜次序未必跟菜單寫嘅，主要根據大廚嘅安排，由淡到濃。之後上🥚白松露魚子醬蘭王溫泉蛋。緊隨其後係自選刺身二品，🟡海膽超級鮮甜，必食之選。（唔知下次去可唔可二品都選海膽呢？😅）🐟鯛魚都好爽身彈牙。🦪生蠔配碟豆花海鹽泡沫，新鮮。另外亦可選三文魚或醬油漬鮮魷魚。之後係鐵板海鮮二品，有慢煮鮑魚，而🦐虎蝦就配咗龍蝦煮成嘅醬帶子但最最最好味都係呢個招牌🪱白鰻，極厚身，魚肉結實爽彈（唔知下次去可唔可二品都選白鰻呢？😅）再之後係最高級🇰🇷韓國1️⃣➕➕韓牛薄燒，油潤感十足之後上🥣花膠麵豉湯再之後係鐵板黑松露海鮮炒飯，又名幸福炒飯，有一隻蝦🦐、🟠海量三文魚子及飛魚籽同⚫黑松露最後甜品前先上🍋檸檬蛋白🍍菠蘿mousse🪿鵝肝多士，用果香去解膩。是日甜品係菠蘿雪芭🍧配爆珠北海道十勝紅豆🫘嘆埋梅酒🥃…查看更多

🍕Pizza Express曾經係高級嘢，酒吧區先有，蘇絲黃都推，可以話第一個將🇮🇹意式pizza (pizza hut嗰啲係🇺🇲美式pizza) 帶畀香港大眾嘅品牌。上次收據尾有張$158 Trio Lunch Set第二客7折券，下午六點半前供應，包括前菜+主菜+飲品，最吸引係飲品包紅白或啤酒（平時晚市套餐要+$38）或無限添飲凍檸茶（平時要+$18）。折扣後兩個lunch加一後共$295（用埋之前買落嘅餐飲券）。收據尾又有另一張新嘅7折券可以下次再用。免費join會員迎新送麵包球🫓（3個月期coupon），只限堂食。叫咗杯60週年🟣passion fruit sparkling tea（$48），罐裝上，實質有1.5杯，refreshing🍹用openrice pay滿400蚊，使用指定恆生卡，即減$80…查看更多

位於荃新天地2期嘅札幌拉麵misono1🍜價錢非常平易近人，午市套餐約$60至$75，下午茶更抵食，$40幾蚊。亦有供應小火鍋。之前喺openrice買咗7折餐飲券（依家已經下架），用埋mastercard $400減$60，即用$360買咗$600，6折。唔可以同四十幾蚊嘅下午茶餐及六十幾蚊嘅外賣自取定食便當一齊用。上菜快，啱哂趕時間嘅打工仔，服務好好。🥟餃子比一般日式煎餃餡料更飽滿，加啲辣油更美味🍤新品天婦羅，即叫即炸，粉醬薄身，香脆而不油膩，好味😋🍜拉麵個人喜歡豚骨湯底配幼麵🐖豬肉丼都好好味，非常足料…查看更多

openrice 6折買利東街🎎Cooshti餐飲券，$300買到$500，只可散叫，lunch set（$210 3-course）唔用得。Fusion菜，之前食過一次，多外國客鍾意嚟Happy Hour飲返杯🍹，環境靚氣氛熱鬧。之前唔使加一、依家要加0.5 Staff Grantuity。🎌招牌菜之一係“鬼佬”壽司卷物🍣。🐉dragon roll（$190）🍤炸蝦卷，上面有厚切三文魚，蛋黃醬同脆卜卜飯素火炙🔥，配上泰式風格酸味開胃嘅dipping sauce，口感豐盛。🇲🇾馬來西亞roti配butter curry sauce ($90)，個汁好creamy👳🏿‍♂️印度餐廳butter chicken嘅質素。🇹🇭Thai Salad🥗配🇳🇿NZ rib-eye steak🥩（$225)，呢個就一般般啦😅正價有啲貴，但用完券就幾抵食…查看更多

半島酒店大堂二人afternoon tea set，$918加一。價錢真係一啲都唔平，我要見到有啲遊客排隊walk in企喺度等。鹹點係多款精選手指三文治，包括煙三文魚及辣根忌廉開面三文治、風乾香腸及瑞士芝士三文治、大蝦蛋沙律三文治及傳統青瓜三文治。最好味係煙三文魚open sandwiches, 其他都比較普通。另外仲有個煙肉芝士蛋批，都好一般。有四個提子乾Scones，內裡濕潤，但真係太飽。甜點有檸檬蛋白撻、紅桑子蛋糕、開心果泡芙同朱古力榛子脆脆, 頭兩者比較好味。整體真心唔多抵食，同一個價錢afternoon tea應該有更好嘅選擇。…查看更多

用 openrice x leetungavenue利東街 6折🍤金子半之助天丼🍚餐飲券，用埋visa click to pay 減$10，計埋正價加一，一碗$63.8（原價$107.8），真心超級抵。餐廳屬於和民集團旗下，除利東街店外，亦有其他分店。天婦羅丼超級足料，兩隻天婦羅蝦🍤🍤、兩件本菇天婦羅🍄🍄、🦑小柱魷魚餅、⬛海苔、🫛碗豆，最正係流心天婦羅溫泉蛋🥚外脆內滑🟡蛋汁拌飯好正。醬汁濃郁。…查看更多

🦘Outback Steakhouse喺🇺🇲美國有6️⃣7️⃣8️⃣間分店，香港舊年執咗9️⃣間都仲有🔟間，仲多過🇦🇺澳洲嘅7️⃣間，所以我覺得Outback屬於🇺🇲美國菜多過🇦🇺澳洲菜。$4️⃣8️⃣8️⃣join⬛黑卡2️⃣年會員，即享全單8️⃣5️⃣折（🟥免費會員都有9折，但至少要消費前早1日join, 冇得即join即享）。⬛黑卡會員送🥩🥩兩張牛扒/豬扒劵，同樣可即join即用，消費滿$300就用得，淨係一份送嘅10安士肉眼牛扒🥩都價值$3️⃣0️⃣6️⃣，啲券仲要有兩年期可以慢慢用，一定回本有凸。另外仲有8️⃣張同樣兩年期嘅4️⃣0️⃣0️⃣減1️⃣0️⃣0️⃣ coupon。生日月有張$400減$88。Weekends供應到4點半嘅Lunch Set，百幾蚊包埋黑糖麵包🥖、足料是日餐湯🥣、冷熱飲品🍹，超級抵食。呢餐7個人食飽飽，連埋share個升級會員費，人均$198.1👍🏻Outback每間分店啲食物質素都有啲參差，而荃灣廣場呢間係屬於好味嗰間，服務都好好。以美國菜計，我認為Outback好味過Ruby Thursday。…查看更多

想試壽喜燒肉屋好耐，好多識食嘅朋友都讚，去同一棟大廈食嘢，淨係搭𨋢經過都聞到好香。睇咗網上嘅片覺得牛舌都唔錯，今日一個人獨食就試咗牛舌先。午市會平過晚市。openrice book位要綁定信用卡，以防no show，如果no show要扣100蚊。午市牛舌套餐$99 150g, $129 200g, 圖中係150克。牛舌彈牙，但有少少騷，亦都唔夠香口。下次再試壽喜燒。…查看更多