ivan_hsc的个人专页

今晚19:40入座叫咗個牛肝菌汁焗雞扒飯，當時餐廳半滿，點知都等咗成超過半個鐘，到20:15左右先有得食。等嘅期間見到隔離枱遲過我哋嚟都已經食緊，真係等到有啲炆！不過公平啲講，個飯確實整得唔錯，尤其牛肝菌汁好香濃，食完都覺得幾滿足。但係個跟餐湯就真係有啲奇怪，明明係跟飯嘅，但係要等我哋食完個飯，催咗兩三次先送到嚟。雖然個湯味道正常，但成個安排就令人有啲莫名其妙。其實我明白餐廳忙起上嚟係要等，但係等半個鐘真係耐咗啲。如果廚房可以安排得好啲，或者提早同客人講聲要等幾耐，等大家有個心理準備就更好。希望下次再嚟嘅時候，會見到有改善啦！…查看更多

本來睇到餐廳咁多好評，所以嚟Zinger試下，點先食完之後實在體驗太差，大失所望！首先講下食物，雖然碟嘅邊框大得驚人，但食物只佔咗碟嘅中間嘅少部分，真係有啲俾人呃嘅感覺。而在音樂娛樂方面，駐場歌手嘅表現讓人無法忽視。佢哋嘅唱功不予評論啦，但表現實在缺乏專業素養，例如喺台上自high、自拍直播，令身為食客嘅我匪夷所思，心諗發生咩事……更令人匪夷所思嘅係，駐場嘉賓竟然要求食客揮動餐廳提供嘅瑩光棒同佢自拍，凝造好享受嘅效果，但其實真係好冇癮。呢種行為唔單止離譜，更係對食客嘅唔尊重。明明我想好好enjoy用餐，反而就要忙於應酬佢哋，有啲懷疑係佢服務食客，定係要食客服務返佢哋？此外，餐廳職員明顯地冇遵守自己訂下的規矩。喺駐場嘉賓演出結束後，明明事前講好俾每枱食客輪流派人上台演唱，但後來俾我哋發現其他枱嘅食客竟然出咗去表演三四次，可見餐廳明顯偏袒熟客，俾其他食客感到極度失望同唔公平。我哋第一次嚟食，上面係我哋嘅真實體驗同客觀評論。總結嚟講，我強烈建議所有諗住嚟呢間餐廳嘅人三思而後行。唔好俾華麗嘅舞台同環境呃到，您可能冇乜機會真正體驗到舞台帶來嘅歡樂。祝大家用餐快樂。…查看更多

天丼的天婦羅真是令人驚艷！味道非常可口，而且炸得恰到好處，一點也不油膩。每一塊天婦羅都炸得金黃酥脆，配合入味的天婦羅汁，吃起來口感非常棒！而且天婦羅汁也非常入味，每一口都能品味到豐富的風味。他們的廚師真是炸天才！這家餐廳的服務質量真是一流，服務員非常周到，定時添茶，讓我們感到被照顧得無微不至。他們的專業態度和友善笑容讓整個用餐體驗更加愉快。即使他們收取一點服務費，我也覺得非常值得。餐廳的環境也很舒適，氛圍愉悅，值得推薦！…查看更多

我們在這家餐廳的入座體驗真是令人失望。我和我的朋友一起前往，希望能享受一頓美味的晚餐，但我們等待入座的時間實在太長了。不僅僅是我們，還有其他兩位客人也在等待，而我們只是等待兩個號碼，卻等候超過了20分鐘。這樣的等待時間對於一家餐廳來說實在是過長了。我們看到其他桌的客人進入並坐下，而且多次看到幾枱人離開，卻讓我們在門口等待著。這種等待時間不僅讓我們感到不耐煩，也讓我們對這家餐廳的效率產生了質疑。作為客人，我們期望在一家餐廳享受著良好的服務和舒適的用餐環境。然而，這次的入座體驗讓我們感到沮喪和不滿。希望這家餐廳能夠改善他們的入座流程，提高效率，確保客人能夠順利入座並享受美食。…查看更多

其實康城真係太少茶記，先無奈幫襯呢間。康城敏華食物質素方面都叫正常，但效率實在離譜！本身11:40諗住排隊入去，點知排到11:50都仲有六七個人喺前面，於是索性叫外賣早餐！叫完好記得係11:57，一路等等咗我半個鐘頭，最後12:27先離開到餐廳！正常早餐20分鐘都食完，而家呢間只係排隊、等餐，前後都等咗近乎1個鐘！呢度香港嚟㗎，乜都要效率同快！花近1個鐘排隊等餐，實在唔能夠接受！各位食家，如果冇咁多時間等候，真係要慎選呢間餐廳！…查看更多

呢排DSE完，呢間嘢請埋啲新仔，完全唔知啲餐牌點配搭。我本身諗住揀緊兩個餐。一個係特價晚餐$63 [韓式牛肉石頭鍋珍珠飯]，跟特飲+$8另一個係主餐牌$66 [溫泉蛋牛肉石頭鍋珍珠飯]，冇寫跟嘢飲。我本來嘅首選係$66嗰個，我問個新來嘅侍應，確認下個餐係咪+$8就有個特飲，我前後問咗兩次，佢都話係，所以我就放心落。但係落完之後，張單寫住個特飲係+$13 (原價$26半價)，成件事伏咗。我即刻同佢講，佢話最多只能夠cut咗杯嘢飲，冇得轉餐。真係火都嚟，如果佢知嗰個餐係$66+13，我就會揀返$63+8個餐，依家冇咗杯嘢飲，俾貴咗，食得唔安樂。好心呢間嘢就好好培訓下啲intern啦。一句講晒，劣評！…查看更多

今次係我第一次來食，亦係第一次食到咁谷氣而down app寫評論！點餐時，周圍啲侍應都懶懶閒咁，舉極手都唔過來，直到要叫埋出聲先慢慢走過來。過到來之後，個樣仲好唔耐煩，完全唔想同我地點野食咁。叫野嗰陣唔過來，之後有個fd(原本3人坐4人抬)去左廁所，先有個staff走來話“你係咪一個人？不如坐去隔離張枱會‘舒服’啲”。唔係呀？2個人對住坐都以為我搭枱？冇野呀嘛？食緊野，聽到隔離枱叫野食，侍應大聲同個客講，“冇汽水啦，飲凍檸茶啦！”。依加你叫定個客叫呀，咁嘅態度做生意嘅，不知所謂！食物方面，依間野d野食坐底$50，但份量比其他餐廳少，好彩質素仲有少少，不過以依個價來講完全唔值，平返一半就合理好多 (態度咁差，冇加一算係咁)。仲有佢雖然有特飲，同埋只加$4，但大半都係冇得賣，所以都真係要飲凍檸茶。所以成個過程真係好痛苦，承受住劣質服務態度、貴而少而味道普通嘅餐，我真係以後都唔敢再來食。…查看更多