rainieka的个人专页

公司樓下，試下！有驚喜！佢啲飯係一粒粒，好香，鵝肉好好彩係脾位，好煙韌但又相對軟滑，鵝香味重！豬手個皮脆，有咬口，我一個人成碗飯食晒！好滿足啊！佢有兩塊豬肉卷，唔錯，唔太鹹，有啲鮮味！…查看更多

今次食到奧運站，新開既商場，地下啲餐廳從外觀望落都唔錯！今次試左水牛城雞粒同黑松露農家三黃雞佐黑松露雞油。正常餐廳係水牛城雞翼，今次竟然係雞塊，又無骨又方便，好多汁，頗重味，又酸又鹹又辣，但佢炸雞個粉太厚，好彩雞塊就唔好好乾。三黃雞雞味濃，其他醃料味道都係淡淡地，所以更能食到雞味，佢皮薄，無咩脂肪，成隻雞都好滑。反而下面啲配菜無咩特別！…查看更多

由華御結開業以來，都間唔時會去幫襯，佢店面整潔！飯團食原味，調味係清淡，但食材幾好。每月佢都有出幾款限定，今個月我試汁煮和風雜菌(松露風味)和乳清豚雜菌(黑胡椒風味)汁煮和風雜菌，松露味唔特別重，所以無蓋到本身菇味，飯軟熟，加埋脆香紫菜，好享受。乳清豚雜菌味道更淡，菇味較少，但好夾。…查看更多

好鐘意食日本菜，但高汁既日本菜都會比較貴！朋友帶我黎呢間，味道非常唔錯，但價錢係正常！只要你唔叫咁多酒或者即劏條魚，係正常出街食飯價錢！呢個魚鮫，燒得好香，油香點酸汁無咁油膩，但增加左一陣香味！玉子蛋味濃，整得軟嫩，仲有少少汁。黑松露帶子，係冷盤，黑松露味好香，帶子軟滑甘香，幾新鮮。…查看更多

咁岩入去西貢按摩，又咁岩想食茶果，記得呢錯有間專賣茶果既！好彩未關門咋，買左一盒甜的，一盒鹹的！甜既係芝麻花生餡，甜甜香香咁，返到屋企我仲蒸熱左，所以入面啲糖半融狀態。鹹既就係眉豆餡，佢眉豆係一粒粒既，我就比較鐘意壓晒成蓉既，但過下口癮就唔錯既！佢塊外皮都有少少韌，唔夠糯米粉香味！傳統野其實就係回憶中既味道，未必好鐘意，但會突然想吃。呢間總體都OK！…查看更多

位於香港島堅尼地城嘅泰式餐廳，環境清新舒服。1個套餐：-烤生蠔-龍蝦湯流心牛角包-咖喱雞-椰子雪糕配糯米飯生蠔烤得半生熟，所以仍然鮮嫩多汁，但我食到少少蠔殼😭流心牛角包，仲要係鹹嘅好特別，龍蝦湯味都算濃，影左陣相都無軟到一塌糊塗👍微辣嘅咖喱，香草香氣突出，配埋一碗白飯，絕配！…查看更多

康城最近新開嘅商場好hit～成日係網上見到報導，今日我都黎食片皮鴨喇！環境優美精緻，令人覺得舒服。食物首推片皮鴨，鴨嫩而不騷，店員細心講解姇法，而配料亦比其他餐廳多。最推薦係最面個層皮，無咩肥肉，但皮中的鴨油融合左砂糖，唔膩反而齒夾留香，令人想一塊接一塊。其他如小籠包，皮薄多汁；冰鎮柚子鮑魚，酸甜開胃，軟韌適中；山楂楊梅果，係最後清油解膩。…查看更多

一直好鐘意食雞翼，因為又滑又有雞味！聽講有間以雞翼作主題嘅餐廳，緊係去試下😆巴馬臣芝士香蒜雞翼：香蒜切到好細粒，唔係食個陣有少少辛辣感覺都唔記得有👻呢款芝士少少鹹但甘香，唔係嘅巴馬臣芝士，有啲似我屋企個隻parmigiana🧀🧀芝麻蜜糖雞翼：頭先個款個乾雞翼，呢款係濕，有醬汁，係有海鮮醬、蜜糖，所以又鹹又甜咁，幾惹味，芝麻味香。總括黎講，值得去試，味道有成十幾款，而且手勢幾好，唔係太甜太鹹。怕太多肉亦有沙律，新鮮好食👍…查看更多

又係火鍋季節，用滋補湯底打邊爐我真係好鐘意，因為個人鐘意飲湯！2年前食過，個陣覺得好好味！今次2人半隻雞，湯唔夠味，唔夠甜！花膠算幾多，同埋膠質唔錯，有十條左右，雞有少少雞味，食完再打邊爐！但飲完湯有少少失望，只叫左碟脆肉鯇片！魚味唔夠，又唔夠脆，有少少失望！服務上店員好熱心，會問你有無興趣試海鮮或套餐，但唔係討厭個款！有禮貌！…查看更多

酒樓都係我會常日考慮去既地方，首先坐得舒服，又有茶飲！所以間唔時都同屋企人放假飲茶！今次去稻香，覺得佢裝修完貴左、但味道比之前好啲。稻香依家玩電子制，用手機落單，有部茶水車，會自動注水同加熱，都慳返唔少人手😂我唔太鐘意燒賣淨係得蝦，所以佢呢個燒賣我麻麻，但鐘意多蝦嘅人就要叫，一粒兩隻蝦，都彈牙架！我鐘意個薑汁雞肉腸粉，雖然佢唔係我以為咁腸粉廣醬汁有薑，係粒雞有薑味、但食得過，似腸粉加雞扎味道😁另外個紅油抄手都唔錯，佢啲雲吞無蝦的，但味道調得幾好！…查看更多

十幾蚊既特色小食，我最鐘意幫襯snack express，容易買到！味道上佢係不過不失個款。魚肉生菜，我無加任何調味料，本身生菜都會出水同埋甜，湯底味精湯，但都ok la，因為生菜香味都令我無視左。魚肉雖然粉多，但有少少魚味同埋彈牙，而且都唔少魚肉。魚肉翅，唔加胡椒醋就食到各種食材既原味同埋清甜，但加胡椒粉同醋，就更開胃同層次豐富。佢當然唔係最好食，但咁既價錢，咁既味道，過下口癮又未嘗不可！…查看更多

放假唔知食咩好，出去行左一圈圈都係唔知食咩！由1點行到2點，餓到胃痛，見到呢間一直想試但未試過既越南野！叫左個扎肉河粉，無飲品既。河粉幾滑，10分鐘返到去都無咩浸爛。湯底好香，同去越南食個陣味道一樣，香草味、炸蔥味、芽菜味都令我胃口大開～湯底好清但甜，我飲晒咁制！唔覺有味精，因為唔口渴。扎肉有3-4塊，其實我成日食啲扎肉味都差不多，佢都同出面個啲無咩分別！正常扎肉，所以我唔評論了。…查看更多

食完辣野，就心思思想食甜的！係尖沙咀就諗起想食媽咪雞蛋仔，其實第一次食，之前想食就唔係附近，係附近就唔想食><今次咁好機會，買返底朱古力咖啡味食！一拎上手，熱辣辣，有少少朱古力同咖啡香氣。口感外脆內軟，入面的蛋糕都多，唔係空心，所以雞蛋味都重！佢咖啡味中和左朱古力甜味，所以其實兩種都唔係特別突出，但咖啡一向同朱古力係好朋友，所以都係好夾！…查看更多

觀塘啲工業大廈真係愈來愈多餐廳，美食多籮籮！呢間燈光頗暗，有個酒吧位，一睇就似美式酒館，但就較為大間👏🏻火焰豬手：為左隻豬手去架，好靚啊！店員倒少少洒係豬手再點火，等佢火熄滅就會拎去切！相信火係令佢個皮更熱更脆，唔係得個gimmick，而佢實際上真係唔錯，皮韌有咬口，皮有少少脆，肉質軟嫩，無咩豬騷味，切得較大舊，口感唔錯，肉味都可以🐷黑松露芒果蝦沙律：好鐘意佢個醬，唔係太酸太甜，岩岩好，同黑松露融合得幾好，唔會話兩種味道分開左，好似唔夾咁，忍唔住狂食🍤蝦切左細粒，正，口感會一致啲！…查看更多

一向好鐘意食日式小食，如車輪餅！最易見到就係CHA CHA，去開既地方都見到！依家係栗子季節，就試下紅豆栗子車輪餅，今次做推廣，加$25就多個栗子雪糕。車輪餅餅皮軟熟有麵粉香，入面紅豆唔太甜，但栗子就差少少，唔太香同唔太融合，但唔係食既。栗子雪糕，無淨雪糕，無配料架下，但可以食到純粹既栗子味道同雪糕既滑。我好鐘意食佢地以前個款粟米火腿車輸餅，可惜無左。…查看更多