justgotome的个人专页

之前係黃埔食過味道好好，原來係 深水埗西九都有一間，當然係行完黃金順便去試下啦。門面比黃埔較細，但係入到去都有成十張台。燈光暗暗的，環境做得有情調。手工和牛漢堡 ＄８６麵包又熱又鬆軟，麵包入面有一層薄薄既牛油而且煎脆左。和牛漢堡扒極厚又夠嫩，牛肉味突出咬入去仲有牛肉汁。配合清新的生菜和煙肉，令到漢堡唔會太單調同膩滯。伴隨的厚切薯條香脆可口。明太子煙肉忌廉意大利粉配北海道帶子＄９６北海道帶子有略略煎過，大小適中，爽口有彈性。意大利粉配上明太子忌廉汁，本應帶鹹既明太子忌廉汁有層層既忌廉奶香味。意大利粉煮得爽身。周圍加有煙肉，香草粒帶味。整體味道唔差。…查看更多

一個人在YMCA，見係時候要食野，就試左呢個Cafe。環境都幾有情調咖。叫左一個豬手。唔算太大件，一個人岩岩好。賣相顏色唔係好深色，但係食落又非常入味。肉質唔硬，可以用"淋"來講，好易入口。再叫左個架仔餅，外脆內軟。…查看更多

去九龍城唔一定要食泰國野既，今次食左呢個燒物店。地方位於衙前圍道84號既角落位，一眼就見到。門口大大隻字寫住招牌菜係城寨銀針粉$35，點都應該要試下既。湯底味道夠濃，另外有D菇和肉碎。銀針粉比較爽口彈牙。整體上一口銀針粉同湯一起食，口感唔錯咖。話明燒物店，緊係要試下佢地既燒野食。海虎蝦$48／7吋海中蝦$28，大隻，重蝦味，外邊燒到脆卜卜，但裡面既肉就好鮮嫩。燒大元貝$38，真係大大隻咖，肉質陣牙，用左芝士一齊燒，芝味岩岩好，帶到味。芝士燒西蘭花，又燒得岩岩好Wo，西蘭花仲爽口既。野食都有好多選擇。唔錯。…查看更多

試下呢個正一日本的原味芝士蛋糕可能拎返屋企時夾到，搞到有小小摺左。不過唔緊要，拎出來時，突出既芝士味已經飛緊出來。芝士蛋糕質感比較軟綿綿，入口即克化開，啖啖都有淡滑的芝士香味。蛋糕大細岩岩好，三四人合適。已五十九元食到呢個味道同口感，我覺得得值得。…查看更多

係元朗的漢堡店EC Kitchen出曬名做手打漢堡好好味。一搵之下原來係荃灣灣個景花園商場都有間。唔洗入元朗都有得食。荃灣呢間係係保齡球場上面，好多打波既人都會上去食咖。地方都唔細，係地面果層。話明係手打出曬名，緊係食手打漢堡。兩個人去，一人一個交換食。雙鵝肝牛肉漢堡168鵝肝香煎，熟度控制岩岩好。表面油份見唔到好多，但係一口咬開，油係係鵝肝內慢慢流出，同時間鵝肝既香味完全散發出來。黑松露菌西冷牛肉漢堡88黑松露香味充斥住周圍既空氣，真係唔係講小，個黑松露味真係好香好吸引，令人好想一口咬住個包。兩個漢堡都係即叫即煎，熱辣辣的。牛肉的比例豐富，大大塊，口感鬆化而肉汁充盈。麵包口感外脆，內面也真的十分鬆軟。總括成個漢堡即叫即煎即煮，材料不但新鮮，味道都非常之好。再來一個小食，番茄肉醬芝士薯條 28肉醬唔會太咸，薯條新解炸起好香脆，薯味夠濃。…查看更多

行開荃灣，專燈一試好多人食，人氣旺盛既麵食。叫左一個腩肉米線，少少辣既腩肉，帶有彈牙既口感食落又有嚼口。米線爽口煮得岩岩好，唔會淋曬。湯底味道濃烈，好夠味，不過食完要飲返兩杯水。 …查看更多

係荃灣食既日本放題，位於好多野食，同好多人排隊塔Lift既大鴻輝中心。價錢唔貴，二百零蚊一位。出邊又係二百，點解呢間會話抵，因為真係好多野食，睇落去你就知。未叫野食時，當然先行一個圈睇下有咩食。眼見地方又幾整潔又大，印象唔錯。有電視睇。飲品種類好多，仲有清酒任飲！仲有DIY心太軟。幾好玩。甜品種類又係多得好似酒店咁，真係唔錯。甜品之外仲有熟食，真係酒店咁WO….。有飯有面，有關東煮，有炒菜，等等。剌身頭盤，賣相幾好，當然有冰係下面。全部食曬，新鮮。隻蝦都大隻咖。帶子可以加碼再叫，甜中帶鮮，爽口。炸物，即炸。上台熱啦啦。做得唔錯，無咩油留係到。最正炸蝦，蝦汁一咬就gi出來成口蝦汁蝦肉，好鬼有口感。餐廳不定時會放d特別野食出來等客人拎，我就拎左個帶子撻同扇貝。帶子大大隻，扇貝都幾厚肉。特色甜品- 士多啤利大福勁大粒士多啤利，又多汁又甜…查看更多

聽講都幾出名咖，所以行開見到試下。拎起手都有手掌咁大咖。糯米唔算厚，有小小痴口既感覺。上面既粉岩岩好，唔會食到成口都係粉。中間芒果夠厚，夠甜，無話淋到拎唔到咁。…查看更多

食九龍城唔一定食泰國野既，食返個越式餐都可以既。呢間餐廳門面簡潔，入到去夠曬闊落。點完菜後服務員就會擺返籃九層塔係枱上面。枱上面已經放左唔同的調味，可以隨便選用。食返個蟹肉湯檬$52，一見到就係紅色既湯底，其實係蕃茄湯。大半碗蟹肉絲係蕃茄湯上面，蟹肉雖然係絲，但都仲有好香既蟹味。幼細既湯粉，好索得湯味，口口都有濃香蕃茄同蟹肉味。另外仲有扎肉，成個蟹肉湯檬$真係幾足料。椒鹽軟殼蟹 $68，殼連肉一口咬入去超級爆脆口感。加上脆卜卜既椒鹽，好鬼惹味。越式豬頸肉 $52，外脆內軟。豬肉味香濃，火喉岩岩好。…查看更多

今次又泰上癮，落去九龍城食返個泰國菜先。今次食呢間個門口係比傳統小小。但係入到去又裝修得幾美觀wo。先來一客最愛既生蝦刺身$88，唔錯，新鮮，無雪味。蒜蓉炒椰菜苗$58，椰菜苗非常咁鮮嫩，爽滑。呢個唔單單係因為佢係菜苗既關系，仲要炒制既時候火喉岩岩好既原因。泰式煲仔翅 $138，真堅得。我見到翅，我真係見到有一排翅！材料十足，味道一流既堅金華火腿、冬菰、仲有鮮蝦仔。湯味富有金華火腿味，入口濃郁，鹹度適中。燒元貝$70，元貝又係大大隻，燒完之後仲有一隻食指咁長咖。元貝肉上有XO醬惹一惹味。另外整體元貝燒得剛剛好，仲有汁，雖然厚厚既肉，但係唔乾身，唔會食到痴曬牙。椰汁西米糕 $30，糕既口感煙韌，唔錯既椰汁味。…查看更多

荃灣真係有好多好野食，令次搵野食搵到去荃灣緊係要搵最正既野食。呢間唔洗自己燒，燒埋比你既燒烤店，連海鮮都有得燒，睇過餐牌真係咩都有得食，招牌菜仲要係一鍋雞。一鍋雞，味道惹味夠大煲。雞肉彈牙，煮得岩岩好。先叫個牛油金菇先，牛油汁香味浸住金菇，好鬼入味好鬼香。招牌茄子，成條燒。燒得外脆內香，仲帶有一陣陣野味。豬頸肉串燒，又一外脆內軟。豬肉味香濃，火喉岩岩好。貴妃蚌／扇貝，蒜香濃郁，但係食落仲保持住蚌既海鮮味，一流。扇貝帶子，好厚肉，無燒到過火，食既時候仲有鮮汁入口。…查看更多

去完朋友屋企玩，大家都話想食放題開心下，係openrice見到藍田有間平價放題，一於去試試。門口種類唔小既餐牌種類唔小既餐牌放題餐廳整齊，闊落一入去當然叫刺身先la~~刺身有煙～ - 刺身有煙～刺身 - 刺身上碟時候有乾冰，玩下煙咁幾得意。刺身樣樣都有，食落又幾新鮮wo。大蝦大大隻，彈牙既。三文魚、帶子、赤貝同希靈魚，都有叫，爽口新鮮，比相像中好味。中華沙律，螺肉同無骨鳳爪中華沙律，螺肉同無骨鳳爪，沙律好爽口，螺肉醬汁鮮甜肉就彈牙，無骨鳳爪，酸味岩岩好。炸物炸物都係樣樣叫D，有雞軟骨，炸蝦，雞翼，紫心香芋丸同埋金錐榴槤。雞軟骨同炸蝦外脆內軟，雞翼都幾大隻咖，啖啖肉。紫心香芋丸，內裏的芋味夠濃，食落熱啦啦，新鮮炸起。金錐榴槤，榴槤味香濃，入面既榴槤醬甜甜地。豬頸肉 - 豬頸肉，肉質鮮嫩。燒豬頸肉，肉質鮮嫩，外邊燒得香脆。咬落有肉汁，又真係唔錯。清酒食日本野緊係唔小得飲清酒，清酒任飲正，酒味都幾濃唔錯。…查看更多

九龍城內既西餐廳，外邊睇落餈有情調，兩人世界，唔洗比人嘈住既好選擇。兩口子唔想食咁多野，先叫左一個晚餐兩個人食$280。主菜係鮮忌廉煙三文魚意粉 ，正正上面既係一個由三文魚做成玫瑰花，整得幾靚。煙三文魚口感富有肉質，新鮮。意粉上有忌廉汁，唔乾身岩岩好。而且連意粉入面都熟三文魚粒，啖啖意粉都食出煙三文魚味。小食拼盤 樣樣都有，意大利煙肉腸，薯條薯格，洋蔥圈同雞翼4隻，份量夠曬多。雖然樣樣都油炸咁，但係食落又無炸油味。 雞翼烤到外脆內嫩。薯格同洋蔥圈超級脆卜卜，洋蔥圈既洋蔥勁香。煙肉腸烤鹹得來好有肉味，多幾塊就正囉。Oreo 奶昔，口味沙冰狀奶昔，口感豐富。入面全部都係碎碎既Oreo，脆卜卜。奶昔味到香濃。後再加上玉子野菌煙肉捲巻$68，上面係一隻溫泉蛋，打開後生生既一隻蛋，超濃郁蛋味，好香。煙肉捲內係碎蘑菇。三種食材合埋一齊竟然異常咁好食。一啖一個，滿口飽滿既感覺。口入面充滿左蛋既香味，再有煙肉既肉感，碎蘑菇再把蛋味混和。簡直係滿分之作！甜品係一個綠茶紅豆心太軟，整體真係唔差，外層好有綠茶味，紅豆內涵唔太甜。另有一個綠茶雪糕，一口凍一口熱咁食，多重享受。…查看更多

拿講真，食完飯真係要食返個甜品既。唔係來來去去一定咩甜甜品，糖糖水既。我自己要鐘意食返個蛋糕咁，又唔洗咁甜咁。諾亞Ｄ半熟蛋糕我就食過幾次，今日見到有個熊頭又幾得意。女朋友仔又話見到幾可愛所以買左個返屋企慢慢食，又唔洗排隊又唔洗迫。一開盒就成個熊頭，又真係幾搞笑既。食落鬆化，上面一層可可粉，唔太濃岩岩好。其實就係一件提拉米蘇。不過整得咁得意，又真係幾讚，送下禮，Tum下人開心又真係幾合適既。…查看更多

去到九龍城除左食泰國菜之外，仲有好多選擇，例如最近流行食既雞煲，見朋友去了有口福食辣雞煲，便心血來潮去試下。首先叫左個尖椒皮蛋（$43）做涼拌先，同平時d皮蛋好唔同，皮蛋白晶瑩通透，皮蛋心呈現金黃色，食落唔會咁易滯，加上少少辣油，好開胃。紅油豬耳（$45），加點芫茜香味，少少麻又不太辣麻香味夠重，豬耳夠入味夠爽口，好惹味，是最好的伴酒小吃。主菜胡椒豬肚鷄煲($198)，其實未食之前已經Search 過呢個胡椒豬肚鷄煲有幾巴閉。個湯底係用上豬骨、扇雞、黨參、當歸、紅棗等製成，有滋補暖胃的食療効用，難得好味之餘，半隻雞的份量相當足夠。到雞煲上枱，眼見店員細心地撇去煲上的浮油，急不及待先吃件豬肚。 豬肚入口淋滑厚道夠，雞件囗感新鮮嫩滑，完全無雪藏味，雖然只聞到淡淡的胡椒味，但湯喝下來，胡椒香氣自口腔慢慢滲出，還夾雜住藥材味道，忍不住真係要飲多兩碗！食得咁上下有D未夠喉，再叫左Ｄ打邊爐料放落個鷄煲滾下。介紹下既係個手打蝦滑，爽口彈牙好新鮮。餐牌都幾多野食，下次再去試下其他野食先。…查看更多