食物質素一般 服務態度差 一入去即刻chur人落單Menu都未睇 坐都未坐低就叫人落單 之後坐低冇五分鐘又黎chur人落單 服務態度好差 唔會再黎 啲野食又唔係特別好食 普通韓國餐廳性價比仲高過佢 …查看更多
以上食记乃用户个人意见 , 并不代表OpenRice之观点。
赞好
用餐途径
堂食
賞茶位於九龍大角咀海庭道18號（奧海城內）在奧運站即可前往奧海城內📍鹽酥小派對（一口雞、花枝丸、薯條）黎自台灣嘅賞茶 雖然係手搖飲品店 但係小食做得都幾好食 呢份鹽酥小派對入面嘅一口雞炸得一啲都唔柴 仲好多汁 花枝丸炸到表皮金黃酥脆 咬落去又好彈牙 薯條就炸得中規中矩啦 不過呢一份鹽酥派對的確係抵食嘅～📍荔枝烏龍芝士奶蓋賞茶嘅大多數嘢飲嘅茶味都好濃 今次嗌嘅呢杯荔枝烏龍芝士奶蓋都係咁樣茶味好濃 飲落去冇嗰種甜到膩感覺 清清爽爽 奶蓋非常濃厚香甜 荔枝烏龍嘅清爽同埋奶蓋嘅香甜碰撞係一齊 飲落去嘅口感好有層次 點飲都唔會膩(⁎⁍̴̛ᴗ⁍̴̛⁎)…查看更多
以上食记乃用户个人意见 , 并不代表OpenRice之观点。
赞好
用餐途径
外卖自取
店鋪名：cool2扒房地址：深水埗西九龍中心8樓806呢一間舖頭嘅位置好顯眼，收銀機隔離有連儂牆，非常容易搵到。📍滑蛋鰻魚飯 呢一個飯搭配嘅滑蛋唔會太熟又唔會太生 成熟度啱啱好 蛋皮包住米飯一齊食好好食 而原條鰻魚都好高質 鰻魚汁唔會好鹹 就住飯食就岩岩好 跟餐嘅仲有一包紙包飲品📍唐揚魷魚鬚 本身以為呢個會炸得好多油 但其實唔係 炸得酥脆得黎表面都冇太多油份 煙韌有嚼口 配住沙律醬仲可以解下膩 份量適中 魷魚鬚啲肉嘅質地有彈性 非常惹味~…查看更多
以上食记乃用户个人意见 , 并不代表OpenRice之观点。
赞好
推介美食
鰻魚滑蛋飯
唐揚魷魚鬚
用餐日期
2020-08-27
等候时间
10 分钟 (外卖自取)
人均消费
$60 (午餐)
御品·千之味 (大全街)
2020-06-27
店鋪名：千之味地址：大角咀大全街22號呢間舖頭好容易搵 大全街行入小小就會見到喇 呢間舖質素幾高 拉開門已經見到有文宣同埋貼紙📍照燒雞扒飯定食：午市套餐選擇有好多 咁就揀左呢一個黎試下 配菜揀左溫泉蛋 個溫泉蛋撈飯一啲都唔腥 好清爽 附帶的蟹子沙律同埋海帶絲唔過唔失 都算ok 個雞扒雖然係照燒汁但係一啲都唔會鹹 送飯岩岩好 而且口感唔會柴 午市套餐仲可以$10追加兩件三文魚刺身 刺身超好食 同埋啲wasabi係真嘅 唔係出面嗰啲用粉溝出黎嘅 個細節位值得一提嘅係每張檯都有口罩套同埋有兩支唔同嘅豉油比你點唔同嘅嘢食 員工態度都好好…查看更多
以上食记乃用户个人意见 , 并不代表OpenRice之观点。
赞好
推介美食
三文魚腩刺身
用餐日期
2020-06-20
等候时间
5 分钟 (堂食)
人均消费
$70 (午餐)
店鋪名：饗地址：深水埗基隆街385號地方好容易搵 係西九龍中心嘅行人天橋落黎之後轉右就係㗎啦食得多任你點車仔麵 今日就黎試下呢一家 門口已經張貼許多文宣 舖頭入面都係 好清楚表明左立場 啲文宣都好靚好高質 環境企理 📍車仔麵：今日嗌嘅係三餸一湯 招牌醉響蛋➕日式豬軟骨加通菜 面就揀左河粉 湯底揀左腩汁 醉響蛋已經淹漬到流心蛋黃一啲都唔腥 陣味唔膩食落好清爽 而且豬軟骨唔會淋到一夾就散 軟得黎都有咬口 通菜同河粉都不過不失 值得一提嘅係腩汁湯底唔算得上係膩 都幾好飲📍日式煎餃子：呢個小食上菜速度都快 金黃色睇落好有食物 可以蘸醋黎中和下油膩嘅感覺 咬落去啲外皮好脆 啲肉都好有彈性 好好食 下次都會再嗌…查看更多
以上食记乃用户个人意见 , 并不代表OpenRice之观点。
赞好
推介美食
三餸車仔麵
等候时间
5 分钟 (堂食)
人均消费
$50 (午餐)
山東小城 (埃華街)
2020-04-29
山東小城大角咀埃華街101號大衛樓地下A1號舖電話 9296 3884由奧運站B出口出 行一陣就搵到山東小城 間鋪好易搵 大角咀埃華街 其實佢啲麵都幾吸引不過當其時比較肚餓所以諗住食住飯先 手撕雞菜飯真係好大份 嗰時都幾肚餓但都係有食淨左少少📍手撕雞菜飯 手撕雞地份量好足 啲雞識落唔會鞋樓 啲菜飯陣味好香 食落唔會好油膩 味道都算小小清淡 唔會越食越膩📍鮮肉韭菜煎餃 由於即落單即煎 所以需要等候十幾分鐘 煎到外皮酥脆 咬落去啲肉仲有汁水 好香甜 同埋啲餃子真係好大粒 內餡都比足料所以真係抵食…查看更多
以上食记乃用户个人意见 , 并不代表OpenRice之观点。
1
用餐日期
2020-04-18
等候时间
10 分钟 (堂食)
人均消费
$50 (晚餐)
