food_incinerator的個人專頁

好耐冇食住家feel嘅嘢，於是午餐去食水餃🥟🥟 全家福水餃 $68/10隻一次過試晒十種唔同餡嘅餃😋 每款嘅肉都好足料，抵食👍🏻🥣 湯底我要咗野生菌螺肉雞湯，平時好驚出面啲湯重味精，但呢碗清甜養生，我唔單之飲晒，仲完全唔口渴。🍜 玉米面 +$10未試過呢隻麵，口感彈牙有嚼勁，唔錯！🥤沙棘原汁 +$12好多客都問職員係咩😂 有好多種營養，飲落酸酸甜甜似生渣味，幾特別。呢間好食之餘有家的感覺，唔會重口味👍🏻 下晝一點之後就座無虛席好受歡迎～…查看更多

經過見到幾好生意，加上之前睇到關注組推介薄荷朱古力，於是今日同朋友嚟試吓午餐。🔸惹味炸醬干撈紅薯粉（小辣） $50份量十足💯 我已經算大食，但都食唔晒😂 調味唔錯，紅薯粉又夠彈牙爽口。🔸惹味炸雞扒 +$13大大碟新鮮炸起，入口香脆嫩滑。🔸黑毛豬肉條 +$10口感彈牙，肉質鮮美，份量都唔少。🔸皮蛋芫茜藤椒湯手工麵（小辣、走芫茜) $50朋友本身好鍾意食藤椒味嘅嘢，佢大讚湯底夠香辣惹味🔥🔸台灣腸 +$8啖啖肉好肥美，邪惡😈🔸豬大腸 +$10處理得乾淨，口感煙韌有嚼勁。🔸韮菜餃 +$10脹卜卜幾足料，肉餡豐富。🔸薄荷朱古力碎碎 +$15見到關注組推介，所以試吓，果然薄朱味非常濃郁，呢個有驚喜，值得加錢飲👍🏻呢間小店都幾有誠意，有下次😋…查看更多

元點有好多餐廳，朋友試過呢間大力推介，於是去試下晚餐～✌🏻限定二人餐 Set A $298🔸哈哈蝦餅拼泰式魚餅（各2件）蝦餅一咬落去就見到大大隻🦐好足料，口感彈牙；魚餅就香脆可口。🔸泰式雞肉炒飯飯粒炒得乾身分明，而且唔油膩；雞肉嫩滑鮮美；而且有唔同菜，包括秋葵、椰菜、菜心等👍🏻🔸泰式蝦球炒金邊粉呢度嘅蝦真係好有份量，同樣配料豐富，酸甜鹹辣集於一身，金邊粉又夠爽滑 💯🔸椰子斑蘭梳打（凍）味道清爽鮮甜，唔洗加錢嘅飲品都有驚喜👍🏻🔸椰香菠蘿飄雪（凍）+$18可以走冰唔錯，飲落香濃稠密，仲有香甜多肉嘅菠蘿塊可以食😋🥭 TY芒果糯米飯 $44而家做緊半價優惠，每日限量21份，仲有雪糕添。芒果酸酸甜甜，糯米飯煙韌。飯後甜品一人一半啱啱好，大滿足🤤環境幾正，car位好舒服，有下次😋…查看更多

見到呢間粉麵舖新開咗一排都仲咁受歡迎，於是去試下晚餐。平日晚市都座無虛席，人氣高企🙌🏻🔸蒜香雞扒+豬軟骨熱拌紅薯粉（微辣） 紅薯粉Q彈滑溜，份量十足；雞扒嫩滑好咬；豬軟骨燜得夠入味，肉質軟腍；加埋辣肉碎大大碗好惹味😋🔸豬大腸+雞腎麻酸樂金湯紅薯粉（微辣）豬大腸處理得乾淨，咬落有韌勁，內裡軟糯；雞腎就爽口；湯底酸辣開胃🤤🔸麻辣牛展口感韌中帶嚼勁，香麻而辛辣🌶️ 🔸凍豆漿係大和支裝原味豆漿，味道香濃，解辣一流。🔸凍檸檬利賓納酸酸甜甜好開胃，檸檬有成四大片。味道的確唔錯，而且出餐速度好快👍🏻…查看更多

餐廳就係康樂路輕鐵站附近，一落車就去醫肚食個晚餐～🐂 爽滑牛筋米粉 $37牛筋軟糯Q彈，骨膠原🆙；米粉有咬口唔會太腍，份量足👍🏻🦐 鮮蝦雲吞（淨食）$38職員推薦牛三寶，可惜我唔食牛肚，所以建議我試下雲吞。果然冇介紹錯，大大隻蝦+滿滿嘅肉餡好豐富，雲吞皮夠薄👍🏻🥬 菜心 +$12菜心嘅色澤唔錯幾新鮮，食落鮮甜多汁無渣。🥤凍豆漿 +$6質感濃稠，味道香甜，無加冰所以唔會溝淡曬👍🏻環境光猛企理，食物飽肚又好味😋…查看更多

歐遊返嚟好掛住亞洲美食，於是晚餐去食馬來西亞菜🇲🇾🍲 正宗巴生肉骨茶 配 油香飯 $78湯底嘅肉香同藥膳味配合得啱啱好，大大碗超滿足。豬骨啖啖肉唔會太肥，肉質鮮嫩好咬。油飯香口，溝埋肉骨茶一齊食勁正～🐓 馬六無骨海南雞飯 $75朋友話雞肉肉質好嫩滑，鮮味十足，仲有紫菜湯，健康👍🏻🐓 街頭雞肉串燒（2串） $26雞肉咁高質，忍唔住再叫多兩串串燒試吓。同樣係啖啖肉好鮮嫩，加埋惹味嘅沙嗲汁，我一個人食咗兩串😂🧀 娘惹脆炸芝士（2件） $18外脆內軟，芝士餡鹹香味突出，口感唔錯。🫖 桂圓紅棗茶見到好多料，有紅棗、龍眼、菊花、杞子，清甜幽香，跟餐嘅免費熱飲都咁足料💯🍊 桔仔話梅水酸酸甜甜，醒胃好清爽，而且可以解膩。職員態度唔錯，座位坐得舒服，埋單$200有找，捧住個肚走😋…查看更多

好耐冇食台灣菜🇹🇼啦，於是晚餐嚟呢度過下口癮😋🐓 煲仔·塔香三杯雞定食 $98雞肉鬆軟鮮嫩，香氣十足，又甜又鹹都幾match，送飯一流。飯量好足，而且係珍珠米好有咬口，就算唔肚餓都比我清曬🤤🥣 是日燉湯估唔到咁足料，係蟲草雞湯幾養生，湯底清甜唔會太鹹👍🏻🥬 上湯浸時菜鮮嫩多汁，出街食都可以健康啲～🍑 蜜桃烏龍蘆薈（去冰無糖） $30入口香甜，蘆薈口感Q彈好咬🤤一個餐有咁多小菜都真係幾飽肚👍🏻…查看更多

好耐冇食車仔麵，收工之後見呢間幾多街坊幫襯，於是試吓。麵底 $11🔸油麵：彈牙掛汁👍🏻🔸牛腩汁：香口又唔太鹹車仔麵餸整體肉類做得尤其出色，份量又足，推薦💯🔸秘製牛根腩 $14又有牛腩，又有牛筋，呢個組合好抵食。🔸秘製豬軟骨 $14唔會多肥肉好正，軟骨增添咬口。🔸咖喱魷魚 $14爽口Q彈。🔸雞扒 $14估唔到咁大塊，肉質嫩滑。🔸黃金豬頸肉 $14泰國餐廳都未必整得好食，呢度又整得唔錯，香嫩唔乾柴。郊外油菜 $18🔸腐乳韭菜比較少車仔麵檔有得揀韭菜，呢個份量可以兩個人share，配腐乳一流。晚餐時段人流幾旺，而且多熟客👍🏻…查看更多

跑完步就想補充能量，在附近商場找到這家日本餐廳，看到裝潢不錯，於是試一試。這裡採取手機掃碼自助下單，食物選擇很多。🍱 蒲燒鰻魚丼 $98鰻魚鮮嫩肥美，配上醬汁送飯一流，感覺又不會太油膩，而珍珠米則圓潤飽滿。🥣 味噌湯 $0跟餐送的湯，水準正常。🥚 溏心蛋 +$11溏心蛋黃的味道甜甜，蛋白口感彈牙，挺好吃😋🍢 關東煮 $40冬天想吃點暖身的食物，關東煮就最適合不過。有白蘿蔔、年糕福袋、冬菇、丸子、白菜，很豐富👍🏻 尤其推薦有內餡的福袋和丸子🙌🏻整體而言味道不錯，份量剛好，下次可以試試拉麵🍜或者壽喜燒🍲 …查看更多

收工之後嚟呢度食最靚嘅2個鐘Set A日本薩摩和牛放題，可以同時燒肉+涮涮鍋，而且仲有免費酒精放題🤩🐂 薩摩和牛拼盤🔸薩摩和牛肋肉🔸薩摩和牛粒🔸薩摩和牛赤肉🔸薩摩和牛薄切🔸薩摩和牛肋條🔸牛舌薄切一入座會奉上拼盤，賣相一流，而且可以試曬唔同肉先再單嗌自己鍾意嘅部位👍🏻 尤其推薦肋肉同赤肉，油脂分佈好靚，牛味香濃，肉質鮮嫩，仲有唔同醬汁配搭（燒汁、韓式辣醬、椒鹽、壽喜燒汁）😋🐟海鮮🔸甲羅燒必嗌之選，而且值得encore💯 蟹膏份量超多，鮮味十足，配埋蛋汁好惹味🤤🔸蒜香牛油帆立貝肉質彈牙，配埋蒜蓉同牛油更香口。🍲 黑松露牛骨湯香氣四溢，仲有好多菇類增添鮮味，打邊爐就用上薩摩和牛薄切，相對冇咁油膩，但同樣牛味十足～🍺 酒精放題選擇好多，我要咗Choya梅酒，入口香甜濃郁，好上腦🧠🔸日本甘蝦刺身口感軟糯Q彈。🍍 燒菠蘿清甜多汁唔多渣。🍦日本雪糕有明治、維記同CoCoBerry，就算食咗好多肉之後都忍唔住食咗三條雪條😂呢度最正嘅係可以同時燒肉+打邊爐，薩摩牛尤其高質，其中一位後生女職員嘅態度好好，又細心留意到客人嘅需要💯 另外座位闊落，自助區又多選擇，晚市19:30前離座仲有85折優惠👍🏻…查看更多

今晚想食煲仔小菜，於是到訪呢間冰室～🍆 魚香茄子煲 $80茄子香軟好咬，鹹香味十足，惹味但唔辣，仲有好多肉粒，好好送飯😋🐂 沙嗲肥牛煲 $86肥牛份量足又唔會好多肥膏，粉絲索曬沙嗲汁好入味，同樣配白飯一流🤤轉套餐 +$6 (熱飲、例湯、白飯一碗)☕️ 熱阿華田、熱好立克正常發揮～🥣 例湯見到落足料，有好多豬肉同蘿蔔💯 湯唔會太鹹～🍚 白飯大大碗一定夠飽，飯粒圓潤飽滿👍🏻員工態度幾好，見到成晚嘅堂食同外賣生意都好好，確實唔錯👍🏻…查看更多

喺小巷搵到呢間新開嘅小店，主打墨西哥同美國菜，裝修都幾有異國風情，同埋坐得舒服～🌮 煙三文魚海蝦芝士Taco’s配Nacho’s及飲品 $102Taco’s香脆可口，餡料好豐富——煙三文魚夠鮮嫩，海蝦彈牙👍🏻Nacho’s帶有好香嘅粟米味🌽 口感脆身有嚼勁，仲有滿滿嘅牛油果🙌🏻🫔 烤嫩雞芝士餡餅配Nacho’s及飲品 $98餡餅香軟有層次，雞肉嫩滑好咬，配埋鹹香又拉絲嘅芝士同香甜嘅菠蘿真係超正🤩🥣 香濃蘑菇湯 $0蘑菇份量好足，味道香濃，質地稠密，連阿爸都大讚好飲👍🏻🐓 水牛城單骨雞翼 (12 pcs) $56醬汁香辣惹味，雞翼外脆內軟，肉質嫩滑😋靚仔老闆兼廚師好nice，墨西哥美食整得一流，大力推薦💯…查看更多

一直聽講呢度嘅窩夫好出名，於是午餐過嚟試吓～🦀 明太子蟹肉意粉 份量好足，意粉彈牙，沾滿香辣嘅明太子醬同啖啖鮮甜嘅蟹肉，就算係比較大食嘅人都會飽肚👍🏻🧇 招牌窩夫半份外脆內軟之餘唔會覺得油膩，口感輕盈，非常香口，加埋焦糖醬好正😋🍰 單層原味巴斯克芝士蛋糕 賣相一流📸 外層係焦糖脆片，配有焦糖醬，蛋糕咬落口感軟綿細滑，味道帶有奶香、蛋香同芝士鹹香🙌🏻 另外仲有士多啤梨🍓、藍莓🫐同埋忌廉。🥤 熱柚子蜜免費嘅跟餐飲品，香甜可以食到柚子皮～呢度嘅甜品真係出色，主食嘅份量又足💯…查看更多

今日真係好熱🥵 喺條街經過呢間試業中嘅冰室，見到人頭湧湧幾受歡迎，於是決定入去食午餐順便嘆冷氣～🥣 紅湯好足料，香濃稠密幾好飲👍🏻🐓 紅酒汁雞扒法蘭克福腸 配薯菜 $60雞扒啖啖肉又夠嫩滑；法蘭克福腸彈牙、肉味濃；粗切薯條唔會太油膩，點埋甜甜地嘅茄汁好正；仲有鮮嫩嘅蔬菜，健康又好食😋🍍 青檸菠蘿賓治 +$10係雪碧+檸檬片+菠蘿塊嘅組合，口感清爽，夏日炎炎飲完之後真係好消暑解渴🧊呢度上餐速度快，每張枱都有一大壺熱水同埋乾淨嘅杯，可以自己斟水飲或者洗餐具，好方便👍🏻…查看更多

安寧路嘅餐廳林立，午餐同朋友嚟呢度試吓，發現好食又飽肚👍🏻🐓 馳名窰雞 (蒜香) 河粉 $65佢地嘅招牌菜窯雞，可自選麵類同湯底，我要左河粉同純雞湯。窯雞指將雞放入甕缸烤製，比一般做法更鮮嫩入味。我要咗香口嘅蒜味🧄，雞皮香滑，油脂味濃郁但唔會好肥膩，雞件嫩、多肉少骨。純雞湯味道清淡，搭配河粉同菜心感覺健康。🐂 牛筋腩撈檬粉 $55 香辣牛展 +$8 豬軟骨 +$8除咗雞出名之外，呢度嘅牛同豬都好好食。入口係滿滿嘅骨膠原，肉質鮮嫩，口感Q彈👍🏻 我要咗乾撈檬粉，入口爽滑彈牙，好正🤤🐓 單骨芝麻雞翼 $38即叫即炸，外層酥脆香口，內裏半肥瘦，肉質嫩滑，好惹味😋🥤 健康飲品 +$10/支竹蔗茅根嘅功效包括清熱潤燥，生津解渴；而粟米鬚薏米水就可以清熱消暑，去濕消水腫。兩者嘅味道都清甜爽口，適合而家仲係好熱嘅天氣👍🏻職員嘅服務態度好好，而且座位闊落，坐得舒服。下次要試埋早餐/晚餐😋…查看更多