allinsh的个人专页

所有菜式都好普通，尤其係個火山海鮮炒飯話明係海鮮炒飯，結果一切開得一粒蝦米咁大嘅蝦同埋啲八爪魚腳，同expectation完全唔同。個飯仲要唔熱又冇咩味。搞咁多花臣，建議煮好個炒飯先講返其他嘢食，只能夠講係正常，但個魚皮貓耳朵就唔好expect啲魚皮會脆。成餐飯得杯嘢飲叫好味。唔會再專登行咁遠去撳咁入食啲咁普通嘅韓國嘢，正宗又唔係正宗，創新得黎又唔算好食，不如直接去遠啲食仲好強烈建議大家唔使去試，除非佢再有新菜啦…查看更多

今日同朋友喺駱駝漆食飯，揀咗呢間我哋食過幾次嘅雞飯, 呢間妹豬無激素雞每日都有限定份量嘅雞. 隻隻雞都首先經過慢煮, 賣晒就冇咖喇~ 白咖哩炸雞扒飯更加要預先訂製嘅添🤪🐣 慢煮袐製沙薑雞飯 （$88）沙薑雞飯用嘅都係原味嘅慢煮無激素雞, 啲雞超嫩滑, 而且雞皮好薄唔會好肥; 醬汁就係香口嘅沙薑味, 配雞飯都幾fresh咖~ 個飯仲有啲紅糙米添, 健康又好味!🐣 慢煮玫瑰油雞飯 （$88）轉永樂全蛋伊麵 （+$6）呢個豉油雞係用玫瑰豉油整, 比一般豉油雞更香, 而且唔係只係表面有味, 而係滲埋入雞肉入面, 讚!! 個麵底食落軟腍 亦都充滿蛋香~🥬 妹豬翠嫩菜心苗 （$18）最後我哋仲加咗個菜, 健康有營養❤️…查看更多

今日同朋友想食串燒，於是就到屋企附近呢間「小野人」試吓。本來以為串燒店都一定好大油煙，但估唔到入到去覺得環境好乾淨，完全冇大油煙的問題。坐底後，令人意外嘅係，每張枱上面都有個私家火爐仔，串燒就算放耐咗，都唔驚佢變凍。食物方面，我最推薦羊肉串同埋清酒煮蛤蜊。羊肉非常之香，羶味唔會好重。而蛤蜊的味道好鮮甜，煮得岩岩好，一啲都唔老；個湯都好好味，味道唔會太濃又保有蛤蜊的鮮味。除咗以上兩種食物，我同朋友仲叫咗好多，份份都好好食。總括而言，推薦！…查看更多

呢排想食日本野，所以就去到屋企附近嘅塚田食堂🤔-🐮和牛壽喜燒定食🐮（$198）強烈推薦！！！！🤩之前喺其他地方食過壽喜燒，都係已經預先放好湯底，但今次呢個好特別！佢黎到係固體啫喱咁，要慢慢用熱力溶化佢～ 湯底甜甜地，非常濃郁🐔！唔講唔得，本來我係唔食菜嘅人，但呢個湯汁煮過嘅菜非常甜，忍唔住食咗好多🤣🤣🤣塊牛肉更加正！脂肪分佈平均，有香牛味，加埋溫泉蛋非常正😍😍-🐮安格斯牛小排+牛柳粒定食🐮（$118）肉質不錯，即使佢只係用咗鹽同胡椒幫啲肉調味，但已經令到牛味好出😙😙 自己燒仲可以控制生熟程度👍🏻👍🏻 雖然望落份量唔多，但加埋其他配菜都飽肚！-題外話！⚠️加$20就可以去 drink bar 無限添飲品同食甜品，飲品甜品都正常發揮～但只係$20都算抵食！😄😄…查看更多

今晚同朋友經過附近，口痕想食下酸菜魚，search 完後就決定去呢間新南苑試下。開頭覺得價錢咁平，應該都係細細盤，所以另外叫埋佢地推薦嘅雞煲同其他點心。結果黎到樣樣都大件夾抵食！😍😍好彩最尾都食得曬！😎-🐟酸菜魚 ($138)🐟佢有唔同辣度可以選擇，今次我同朋友就揀咗微辣🌶，如果大家同我一樣唔係好食得辣，呢個辣度就岩岩好🫡。食落魚肉好滑身，一啖接一啖咁唔經唔覺就食曬！🥲🥲-🐔啫啫雞煲 ($88)🐔之前出面係食過唔少雞煲，為咗望落份量多啲，通常餐廳都會用原粒蒜頭同埋好多洋蔥。但係新南苑雞煲真係用雞做主角，一煲入面有差唔多二十件雞，好飽肚🤤🤤🤤！雖然蒜頭洋蔥份量比出面餐廳嘅少，但味道一啲都唔差，非常入味！😋😋-🍵抹茶流沙煎堆 ($28)🍵點心入面，我覺最有特色嘅就係抹茶流沙煎堆🤩。煎堆皮同流沙餡唔會太甜，好香抹茶味，同外層嘅芝麻易都好夾！🤓🤓-估唔到竹園都有咁正又抵食嘅餐廳，強烈推薦俾大家！！！…查看更多

之前已經聽過好多人講呢間裝修咁靚嘅韓國餐廳😍今日終於都有機會食到😚😚-間餐廳環境真係好靚，好似去咗韓國地道街頭咁🤩而家冇得去旅行都可以感受下韓國氣氛😎😎-🥘辣辣無骨雞腳🥘餐廳用咗韓式拉麵鍋，再加埋gas爐，韓味十足，未食已經覺得好吸引🤩 等佢滾起前後唔到5分鐘，岩哂我呢啲心急人士！食落口雞腳已經入哂味，辣得黎唔會嗆到喉嚨，用嚟送拉麵岩岩好！😎-🫔炸紫菜粉絲卷🫔雖然我去親韓國餐廳一定會叫呢個菜式，已經食咗好幾次，但今次都surprise 到我！比起其他餐廳，佢將粉絲卷外層炸到好脆，令到口感更加豐富😍😍 咬落去嘅時候，完美呈現外脆內軟🥲🥲極推薦大家試吓！-🥔薯仔煎餅🥔食過咁多間韓式食物，今次第一次見到薯仔煎餅，仲要係推薦菜式，當然要叫嚟試試😚 煎餅嘅油份控制得好好，食落脆脆地而且好重料，唔會因為放得耐而變得軟林林！而且餐廳用真材實料，唔會太厚粉，薯仔香味十分出眾🥳🥳食過咁多間韓式餐廳，呢間算係數一數二☺️ 裝修靚之餘，食物質素不錯😋 絕對值得去食！…查看更多

今日專程同朋友嚟到呢間新式日本菜煮食，估唔到真係好有驚喜！-🥗胡麻豆腐沙律🥗舖頭一啲都唔慳皮，落咗好多麻醬、三文魚子等等，令到本身唔鍾意食豆腐嘅我，都食得非常滋味！而且味道酸酸地，好開胃😁😁-🐟火焰金龍卷🍤炸蝦卷上面放咗一層厚厚嘅三文魚，再配埋秘製醬汁，係其他地方食唔到嘅味道😋其他卷物嘅賣相都好吸引，有機會一定會再食多啲😚-🐮安格斯牛肉壽喜燒🐮一上到枱就見到滿滿一大鍋，好期待！！等個湯滾左之後，就迫不及待食🤩 首先，牛肉十分驚喜，佢唔會太多脂肪，比例好啱我心水🤓而啲粉吸晒啲汁，而且爽口彈牙，加埋其他配菜、生雞蛋，非常滿足☺️☺️-菜式新鮮感十足，有機會會再去食！😄😄…查看更多

行開觀塘海濱，見到呢間玻璃屋，同友人叫咗1個dinner set 再加1個main dish，非常滿足😎😎-頭盤 🥗煙三文魚牛油果沙律🥗三文魚同牛油果嘅份量非常充足，有大約半隻牛油果咁多！配埋啲沙律醋酸酸地，非常開胃，為等陣做好準備😋😋-主菜 🐥原隻焗春雞🐥焗春雞醬汁調得非常香，上枱時熱氣騰騰，非常吸引😍😍火候控制得非常好，一切開啲肉汁流晒出嚟，而且肉質非常嫩，同啲醬汁非常夾！🤩-主菜 🐟焗雪魚柳配香茅椰子汁🥥焗雪魚柳真係surprise到我！魚柳十分香滑多汁，一啲都唔dry🐟香茅椰子汁令到個魚香味更加突出☺️☺️而餐廳一啲都唔慳皮，魚柳十分厚肉，好滿足😆😆值得一提嘅係，隨碟附上嘅薯餅都好好味，餐廳唔會因為佢係配菜而做得馬虎🤓用豆角蘿蔔等製成，粒粒分明，好有咬口😚😚-飲品 🥤水果茶/橙汁🥤兩款飲品飲落好清新，唔會有種死甜嘅感覺，價錢同其他餐廳相近，但味道更好🤓👍🏻…查看更多

今日終於嚟到呢間出名嘅韓國餐廳食飯！🇰🇷佢位於觀塘APM 隔離，由地鐵行過去非常方便👍🏻 餐廳環境非常乾淨，而且食物選擇好多，我同朋友睇咗好耐先揀到食咩！🧐🧐-🍴炸紫菜卷🍴（$38）紫菜卷炸得啱啱好，唔會令人覺得好油膩🤩🤩 而且一咬開，入面啲粉絲就爆曬出嚟，味道唔會太濃，做開胃菜啱啱好！-🦐芝士海鮮菜餅🐙（$78）平時去其他韓國餐廳，海鮮煎餅就聽得多，菜餅都係第一次見😎 即刻叫返一個嚟試試！一放入口，發覺佢比較軟身，比起海鮮煎餅更容易入口😋😋 材料方面一啲都唔慳皮！每一啖都咬到海鮮，啲芝士多到可以拉絲，非常適合各位芝士控🥳🥳-🐔熔岩芝士炸雞麵包🥯 （$158）最尾就嚟到呢個重頭戲！齋睇個樣都已經好吸引，用嚟打卡一流！🥇首先，啲雞炸得啱啱好，雞肉好滑😍😍 外層唔會好厚粉，保留左雞嘅鮮味，就算唔點芝士都已經好好食！芝士鋪面嘅麵包睇落平平無奇，但其實內有乾坤，入面嘅芝士唔會太膩，用嚟點食物啱啱好！亦都因為有塊芝士鋪面，流心芝士溫度保存得非常好！食到最後仲係熱辣辣🔥🔥 -今次嚟呢間餐廳可以話係不枉此行🤪 有機會一定會再幫襯🤩🤩…查看更多

難得朗豪坊開咗間黃店，一定要去支持吓！舖頭11:30開門，我同朋友12點去到已經排到第6-7個，但好彩最尾等咗10分鐘左右已經可以入座😁餐廳環境好有台灣嘅感覺，掛住台灣嘅朋友一定要去食！🤩🤩🥬自選滷味小菜配粉麵🍜滷味小菜係按份量俾錢，每款大約$12，可以按自己食量選擇😋😋當中我最推薦嘅小菜就係肝連😎肉質唔肥而且好嫩滑，連埋橫膈膜簿的部分，有咬口得黎唔會覺得膩，好正！👍其他小菜都係中上水準，每樣都大大份，好抵食😊 細食嘅朋友叫2-3種餸都已經夠！粉麵方面，可以試吓特色王子麵，佢有啲似合味道杯面，但比合味道更彈牙😌🫔芋泥肉鬆手抓餅🫔 必食！！！手抓餅每件都係新鮮製作，上到枱仲係熱辣辣🔥一夾開塊餅，啲芋泥即刻多到湧出嚟，十分足料。放入口嗰陣，芋泥嘅甜同肉鬆嘅鹹溝埋一齊，再配埋芝士嘅香，十分惹味😋🧋燈籠黑糖珍珠奶茶🧋比起出面飲品店，黑糖唔會好甜，易入口，而且好大杯😍😍茶味偏濃飲完唔會膩，啱曬食到飽飽但又想飲嘢嘅人🤪今次叫嘅嘢食唔算多，下次一定會再去幫襯🥳試多啲唔同小食🤓🤓…查看更多

母親節諗住同阿媽試新野，去到見到個$368嘅餐，已經諗好晒食咩想叫，佢話母親節唔做個餐，咁點解要放個餐牌出嚟？我都算，後尾叫咗個清蒸原條龍躉配雞湯嘅set，仲叫咗個侍應推薦嘅龍鬚菜。點知食食吓話龍躉冇晒，變黃花魚；而侍應推薦嘅龍鬚菜都冇晒。唔該下次搞清楚有咩賣晒先啦，食食吓飯又要改黎改去，想好好地同阿媽慶祝都唔得。而本身龍躉同黃花魚嘅價錢都爭幾遠下，但佢堅持收原價。真係好失望。永遠都唔會再去食，亦唔會推薦任何人去。…查看更多

旺中新開一間以芝士奶蓋為主打嘅手搖飲品店！幾位店主其實只係大學生，佢哋希望透過茶飲凝聚大家嘅力量，會民主自由出一分綿力，將抗爭融入生活，佢哋由未開業到而家都有參與唔同嘅本土活動咖啦💛💛初凝芝 阿華田脆脆 （$32）我叫咗無糖嘅芝士奶蓋阿華田脆脆，因為係阿華田所以都有少少甜，甜度啱啱好，面頭有好多粒粒脆米，口感豐富🥰 而且佢哋嘅芝士奶蓋係幾位店主親自用心調配，比起其他店嘅更有鹹香，撈勻飲更香更突出💛 （就咁飲唔撈勻嘅話最尾就會偏鹹）而且口感好滑好綿密，非常推薦大家黎試呢個奶蓋🥰💛初凝芝 特調oreo奶茶 （$32）朋友叫嘅係芝士奶蓋oreo奶茶，奶蓋同我嗰杯一樣咁正🥰 佢嗰面嘅面頭都有好多oreo碎🤩 奶茶嘅茶味好香，係我鍾意嘅奶茶💛 呢兩杯都好推薦大家，呢間絕對會回頭，下次想試埋水果茶🤤😛…查看更多

$328 就可以一次過食到魚生、雞煲、邊爐，真係好抵食。一開始會有7碟小菜，酸酸辣辣好開胃之後到魚生，有三文魚、海膽等正路野，算係不過不失。到主角雞煲，佢預先已經整得好入味，再煮嘅時候香料都好重手，啲雞的外皮有少少脆，非常好食。邊爐方面，係海鮮為主，印象中有7-8種。鮑魚上到枱仲識喐，扇貝就算唔點豉油都好惹味！最後仲有甜品。總結黎講好正！…查看更多

以前經常去食，但依家食得好少，因為覺得D魚生不太新鮮。而且，同另一間冒起的sushi店相比，性格比太低。次次都要等差唔多30分鐘先食到，但D食物質素又唔係好好，魚生又不肥美，覺得不太值得。…查看更多

好鍾意去呢間餐廳食！次次叫唔同野都有唔同驚喜。最經常叫的就係蕃茄肉醬溫泉蛋pasta，好重蕃茄味，絕對對得住個價錢。就算想叫個burger都好抵食，次次都食唔曬。但想去的話就,要早D去了，因為平時都好多人。…查看更多