2025年第一日，想搵啲好嘢食。同女朋友諗起之前Bookworm cafe店主推介我地要試新Ora cafe既意粉，話新店主係意大利人，仲要係職業廚師，咁就抱住期待去試下新cafe，新餐單。去到Ora叫左2款pasta+1份薯條+2杯Americano。Green nuts外表睇落好有食慾，橄欖油同nuts既香氣濃鬱，醬汁包裹著手制意粉，每一啖意粉都有掛到汁，真係好好食。意粉煮得啱啱好，唔會太淋或者太硬，係Al dente。Maroon moon薯仔同面粉造既意粉，好鬆軟又唔會好散，軟綿綿既口感配上香濃蕃茄肉醬，令人忍唔住一啖接一啖咁食。薯條薯條唔係好幼嗰款，有少少粗度。炸得啱啱好，睇落就知係用新橄欖油去炸，外皮夠脆而中間係軟綿綿熱辣辣，好食!整體上用料十分新鮮，份量很足，我偏向大食，都食得飽，性價比超級高。店主同佢太太都十分friendly，會過嚟傾下計，店主好大方咁分享佢既生活同工作，令我地都覺得識多左個朋友。如果嚟既話可以同店長夫婦傾下計，佢地very easy to talk to，唔洗怕的。cafe環境好好，非常乾淨整潔，食物外形美觀，重要好食，色味俱佳。菜色選擇都多，價格方面唔貴。嚟南丫島既朋友記得要試下
…查看更多
…查看更多
