lok.mann的个人专页

本身係網上search左佐敦有咩推介, 自己本身都中意食烏冬就被依間吸引左, 同埋個薯仔咖喱烏冬賣相幾吸引, 但可惜當日7點已經賣晒了咁就點左兩個沾烏冬食, 因為出面好少聽沾烏冬, 多數湯唯主, 就試下佢啦結果係超乎難食！！烏冬麵質唔彈牙, 如果佢係出名自家手打既話, 係可以講好失敗沾麵汁同普通湯無分別, 係我食過最稀身既沾麵汁, 基本上係掛唔到上烏冬上菜時提左我地小心熱, 但其實個沾麵汁係無好熱, 我兩三分鐘後已經凍晒, 而烏冬又唔係熱既食到最後問加唔加柚子湯飲, 想講其實佢本身已經可以就咁飲, 一D都唔係平時食開沾麵果種又濃又稠身餐點失望都係其次, 當日叫左套餐所以都有兩款小食跟埋, 小食味道正常但當我地一夾起最後一舊, 店員快到我都未擺落口已經收起隻碟, 其實都知香港食野有用餐時間, 又多人排隊, 但你本身set左用餐時間就可唔可以唔好趕客咁, 小食係咁, 當然食完個烏冬亦係一樣總結, 我唔排除佢薯仔咖喱烏冬好味, 但如果要咁既服務我都唔會再去試了…查看更多

星期日既晚上, 同友人係尖沙咀海傍附近發現依間唔起眼, 但望入去幾chill幾有氛圍感既餐廳事後發現原來佢都係牧羊少年旗下一打開menu, 睇得出餐廳花左唔少心機去調製特色既Cocktails同埋用上好靚既插畫, 心思思左幾杯之中既其中兩杯:1. Shallow 飲落好清新, 重梅子味, 令到成杯酒有獨特既咸香同酸味, 整體上不錯2. Southern Whisper如果有抗拒芫茜味既朋友, 依杯真係要慎點！自問自己係一個唔抗拒芫茜, 但都覺得成杯野飲好重芫茜味, 同埋有D蓋過左pineapple同lemon既味道, 但氣泡感係足夠的, 味道少許失望…查看更多

正如禁題所講，夏天不能去的扒房係因為當日我哋坐嘅位置係樓梯底亦係廚房出菜位置，一坐底無幾耐，完全感受唔到冷氣，Order時問店員可唔可以開大少少冷氣，但原來因舖頭太舊關係冷氣已經開到最大，依到俾一個建議係即使冷氣開曬/舖頭太舊，都可以添置風扇令到室內空氣流通一點。不過最唔開心既係，埋單走人嘅時侯發覺舖頭門口對出既位置係有冷氣風的，而店員知我哋坐嘅位置較熱都無主動提出調過去，不過依間係一間平價扒房，所以我唔可以要求店員有體貼嘅水準。講返食物先，當日叫左兩個餐：威靈頓牛柳、黑椒牛仔骨（西冷同肉眼都賣曬）餐湯+$18 有得轉酥皮 幾不錯餐包牛油太少太少了，有去過應該明我所指嘅太少係點，少到我以為未搽佢俾漏左牛油我......睇網上食評大家都講二百幾蚊可以食到威靈頓牛柳性價比高，但我只可以講依個係一個酥皮加牛柳並唔係傳統工序好多既威靈頓牛柳，但酥皮係好味的。而負評俾薯條係因為 完 全 唔 熱，可以講係開店炸起無保溫無翻炸，非常失望！黑椒牛仔骨就味道可以，係舊底扒房可以搵到既黑椒汁味。…查看更多

印象中今次係第二次食神山麺屋, 都係因為突然係觀塘附近想食沾麵所以再次幫襯今次叫左神山豚燒叉燒沾麵, 上枱時因為碗比較高身, 以為份量會好少, 但食落又夠飽既叉燒火炙過係我中意既味道, 肉質都OK沾麵湯一直係上枱後冒煙, 以為佢會熱, 但一直溫度都只係溫, 希望餐廳可以改善下另外麵都有咬口亦可以掛湯, 但係!! 佢有好大陣鹼水味道, 因為我自己唔中意食鹼水所以特別覺得仲叫左一份小食係神山炸雞, 但無影到相, 唔算太油, 而咁既價錢份量亦好滿意…查看更多

星州總廚係我由佢裝修前食到今時今日的一間餐廳, 餐廳面積不大, 而坐位都岩岩好夠坐, 所以唔係一間坐得舒服既餐廳啊今次都係叫左招牌8oz印度咖哩豬扒飯, 有得揀要新加坡咖哩同印度, 我覺得新加坡就比較甜 印度就有香料味, 兩款我都喜歡而豬扒都係一如既往既脆口, 但今次依塊有D過肥, 而值得一讚既係通常餐廳叫一碟飯都會得好少配菜, 但星州總廚就相對多一點另外, 仲叫左香蔥檸雞草雞肉太陽蛋飯, 雞肉香口惹味, 配特調豉油好夾餐廳另有其他新加坡菜式食, 例如肉骨茶, 海南雞飯, 喇沙等等... 全部都好有水準…查看更多

星期五打算係APM搵間西餐做晚餐, 咁上網睇到依間好似唔錯就兩個人去試下, 8點幾唔洗等位入座, 餐廳都算闊落叫左龍蝦湯, 海鮮串燒拼盤, 西班牙辣椒意粉, BBQ醬豬肋骨龍蝦湯：味道過咸, 食到最底仲有味精味, 酥皮唔夠層次串燒海鮮拼盤：青口唔新鮮, 粟米太乾身, 雞串尚可西班牙辣椒意粉：只有辣味, 不值$155BBQ醬燒烤豬肋骨：最失望的菜式, 肉不夠稔身, 有一兩舊會有部分肉咀嚼唔到, 而味道方面只有有醬燒果一面先有味道, 背面非常淡總括而言, 埋單$745, 價錢與食物質素不成正比…查看更多

趁WFH之際，多左時間出去搵餐廳食下，今日突然想試下之前大排長龍既竹炭窩夫。今日係閒日，加上我去到既時候大約4點，所以唔洗等位都係預料之內的一行兩人叫左一個香蒜辣肉腸意粉（個人比較鐘意蒜味意粉）、竹炭糯米窩夫同一杯熱既mocha。Order時店員無問甜品係咪另上，而自己又唔記得左講，結果窩夫係第一樣到既不過都唔緊要，照食甜野先都可以窩夫係有少少失望既，剛上菜既時候熱度係足夠，但食落外表唔夠脆口。而佢出名係含有糯米係入面，我有期望係會比正常窩夫煙韌，但結果係同普通窩夫差不多自家製牛奶雪條一聽落個夠就令到人充滿幻想，但結果係一條唔會溶、又唔滑既唔凍雪條但值得讚既係中間既乳酪忌廉，配窩夫食好夾！食晒窩夫後，仲不斷一羹一羹咁食個意粉係喺上完窩夫既十秒後上埋，一到面前就聞到好重既蒜味，而食落同想像中既一樣蒜香味好出，而意粉既硬度都適中。當中既辣肉腸亦唔會過咸，如果講好味既，我會覺得依個意粉比起窩夫更值得試Mocha就略為咖啡濃左少少...環境都算坐得舒服，我地坐大枱都唔會話覺得好嘈同傾唔到計，不過要注意既係廁所係要拎鎖匙既後巷共用廁所，比較烏槽...…查看更多