apwah的个人专页

上網見到呢間最近好受歡迎嘅中菜廳，鍾意食點心嘅我當然不能夠錯過！打去book位嘅時候發現原來嚟緊去到10月頭，星期六日午市嘅booking都full晒🥲一位難求。不過我實在係等唔切啦，所以平日都請假照嚟左先！今日天氣好好，一落車已經見到西餐廳Billow，原來西餐裝修都好靚，歐陸風白色小屋，落車嗰一刻以為自己去咗外國🤣再往前行就見到中菜廳嘅側門啦，呢度現場比我想像中靚！好！多！成間餐廳樓底好高， reception背面係雲石設計，有種小奢華風嘅感覺。天花板仲吊住咗好多好多隻小白鷺嘅裝飾，配合返成個園區嘅主題。Reception去中庭會經過一個休憩區，可以坐喺度等位或者影相，有好多花花同埋植物嘅裝飾，未入去食飯已經係咁打卡。中庭天花極高，感覺好開陽，餐廳入面有多個圓拱木門窗，一望出去就係藍天白雲同埋湖景，好似去咗外國度假咁😍😍店員好有禮貌，而且好熱心咁介紹佢哋嘅招牌點心，途中亦有不斷地幫我哋加茶，好貼心。金鷺湖蝦餃賣相好靚！顏色又紅又金，有種好高級嘅感覺。蝦餃個皮好薄，而且入面全部都係啖啖蝦肉，平時飲茶食開嘅蝦餃會有豬肉同埋筍，但係呢度嘅蝦餃入面全部都係蝦，值得一讚！流心鵪鶉蛋燒賣店員提醒我哋食呢個燒賣嘅時候要小心，因為入面有流心蛋漿，燒賣入面個蛋係全流心嘅，蒸得啱啱好，蛋汁好濃郁好香，係我人生中食過最好食嘅燒賣！黑松露野菌餃點解個皮係藍色嘅？店員話廚師用咗碟豆花去製造呢個皮，我覺得賣相好特別，打卡必點！入面有多種不同嘅菌，我食到有冬菇、秀珍菇、雞髀菇等等，加上用黑松露醬炒香各種菇菌，層次好豐富，好有驚喜！古法胡椒餅呢個胡椒餅外皮有黑白芝麻，賣相好靚，個皮好香脆，食落去辣辣地，但係完全唔搶喉，即刻令我諗起之前去台灣旅行食嘅胡椒餅，係同一種味道。金瑤蛋白炒飯分量好大，飯炒到粒粒分明，飯面重鋪咗好多瑤柱絲，好足料！估唔到除咗點心之外，呢度嘅炒飯都咁出色😍今次專登入到大埔飲茶，成餐飯都好滿意，點心完全係超水準，性價比好高！而且餐廳嘅環境好舒服，到處都係影相位，影咗好多靚相，想快啲下次過嚟食晚飯🥳…查看更多

肺炎期間 連出過街都要有所顧忌所以基本上想去玩更加係一樣妙想天開嘅事情仲要臨近夏天 我估大家都想去東南亞地區旅行至少我係咁諗哈哈🤣🤣講到明東南亞地區嘅話 應該都會諗起泰國😛但宜家呢個情況基本上冇可能去到旅行所以唯有食下泰國嘢 滿足下想去旅行嘅心情又因如此所以就約咗友人去泰廚食飯🤩直接講正題 食左啲咩！？有豬手 生蝦 椰青 等等⋯⋯嗌咁多野都係300蚊痴線 又抵又好食😍😍😍一定一定會瘋狂再嚟因為其實今次真係我唔知第幾次嚟幫襯冇10次都有5次😝😝😝…查看更多

有時好多frd都話唔知邊間燒鵝好食 經過棋哥燒鵝果陣都話想試下 今次經過舖頭既時間 的起心肝去咗買嚟試下🤪 去到舖頭都幾多人排緊隊 個個都係買燒鵝 勁受歡迎咁 我就揀左半隻燒鵝外賣翻屋企同屋企人share 等緊既途中見到而家有唔少優惠 有送湯 又有特價既sets 好抵食 下次買翻去再試試！翻到去一打開 「哇」左一聲 睇落去已經知道棋哥燒鵝既鵝肉肥瘦均等 再試試 完全冇騷味 鵝肉有些許彈性 肥肉唔算多 啱啱好 醬汁同鵝汁都非常夾 平時好腌尖嘅屋屋企人都大讚棋哥既燒鵝 我都嚇親lol😂 由於真係好食又抵食既關係 決定咗得閒再去嗰度試吓佢哋嘅油雞同埋叉燒🤩…查看更多

之前朋友推介話牛大人抵食得嚟又好食，今日終於到我食啦！！！如果想食一定要早啲book枱，今日平日食有人walk in都要由5點等到7:30先有位，所以醒目嘅朋友仔一定一定要book定枱，咁就慳返唔少時間啦☺️☺️雖然門口等候人數頗多，但絕對唔會因人多人等候而導致用餐環境迫夾，用餐環境非常寬敞舒適，唔會感到嘈吵，環境都十分乾淨企理。牛大人有3個餐比我地選擇，由於我同朋友都好鐘意食牛，所以我地就嗌咗澳洲極上和牛，都只係$238，性價比極高。佢每位仲送M5和牛牛丸，呢個係超級超級好食！！！！一定要食👍🏻👍🏻👍🏻👍🏻至於湯底我地就要咗鴛鴦鍋，分別係牛夫人秘方麻辣鍋同埋台灣鳯梨雞鍋。湯底清甜，雞腿肉質滑，好飲又好食👍🏻👍🏻飲品同食物大部分都係用QR Code落單，然後就有專人送上，下面紙嘅食物都可以用QRcode自選，選擇都好多，有唔少台式小食添，去唔到台灣掃街可以過嚟頂住檔先😂😂至於丸類、菜類、同飲品大部分都放係自助區，大家可以食幾多拎幾多。由於牛大人係一間台式火鍋，所以都有唔少台灣飲品選擇，有平時好少見嘅蘋果西打、麥仔茶、仙草茶，如果想清啲可以飲冷泡茶，無添加糖，可以消油解膩，飲完又可以再食過😏😏😏 重點係佢個樽好靚😂😂冷泡茶除咗呢3個味，仲有菊花普洱，可惜今日試唔曬如果你係酒鬼都唔怕，呢到仲有手工啤可以選擇，仲要係我平時飲開嘅品牌😍😍😍。台灣獲獎無數嘅精釀啤酒 —「掌門」！！！今次我嗌嘅係山霧，入口較清淡，花香味較重，麥味較輕，好適合配牛一齊享用👍🏻👍🏻自助區其實有好多選擇，你諗得到嘅丸幾乎都有，蟹籽丸、竹炭丸、花枝丸、香菇貢丸、芋頭貢丸、魚蛋、芝士丸、芝士腸⋯至於菜方面就有油麥菜、菜芯、娃娃菜、生菜、蘿蔔、冬瓜、冬菇、粟米、淮山、芋頭...選擇非常非常多，一定食唔曬😂😂千祈唔好睇少呢啲牛，真係好香牛味，碟碟都好好食！！👍🏻👍🏻👍🏻👍🏻👍🏻最下方個碟係羊，羊味好重，鐘意食羊可以一試，甜薯又係勁好食，有意外驚喜，一定要試！！炸物絕對係新鮮炸岀嚟，脆卜卜😋😋😋不過可惜唔記得試滷肉飯😢😢到甜品方面有movenpick 雪糕同仙草凍選擇。我自己就要咗仙草凍，絕對唔伏好食👍🏻👍🏻👍🏻👍🏻👍🏻最後總結，牛大人環境舒適，性價比極高、食物新鮮，選擇又多，就好似台灣一樣一定會再去👍🏻👍🏻👍🏻👍🏻👍🏻…查看更多

進行左一個月嘅生酮飲食後，finally有四日嘅時間比自己放鬆心情。即係話終於可以食返啲有碳水化合物，有糖分嘅食物（垃圾食物haha)本身諗住下一日先至破戒，但經過左珍煮丹，我就忍唔住嗌左杯黑糖芋頭鮮奶💗 本身係想飲芋圓芋頭鮮奶，但係佢話今日冇晒貨啦，剩返黑糖芋頭鮮奶⋯ 唔緊要因為我非常想食芋泥類嘅飲品，諗都冇諗就買咗。由於勁耐冇飲過呢一類嘅台式飲品心情非常興奮，飲第一啖覺得自己上咗天堂，超好飲由於帶咗小糖少冰，黑糖味啱啱好份量唔會搶過芋頭既味道，同埋鮮奶嘅嗰種奶香，而且芋泥既份量都唔少～飲到最尾都有！…查看更多

我同埋男朋友都好鍾意食亞洲賽，包括港式菜、日本菜、泰國菜同埋越南菜！ ！ ！泰國菜同埋越南菜都酸酸甜甜喺夏天來講係最佳嘅選擇，所以今日咁熱嘅天氣之下，我哋兩個決定夜晚要食越南菜。由於我哋都spend左一日嘅時間喺K11 musea，天氣又唔係話特別好而且好熱，所以我哋就選擇咗留喺商場入邊揀餐廳去食我哋嘅晚飯。由於我哋成日都會嚟呢度行街睇戲食飯，不過我哋就好少喺度食埋晚飯通常都係出返去食因為覺得呢個選擇都唔係特別多，今日太懶嘅關係我哋就揀咗B E P！其實佢唔係淨係呢度有中環嗰邊都有好幾間分店嘅希望呢一間嘅水準都可以keep得到。今日食咗四樣餸菜全部都冇令我失望，包括有安格斯牛肉河粉、柚子沙律、牛油雞翼同埋蟹肉粉米卷！樣樣都超正而且喺K11 musea嘅餐廳環境比起其他嘅分店好，淨係食佢個環境都抵番啦！…查看更多

講咗超多次，差唔多成年，我同友人終於終於終於嚟到呢間小店到時試佢哋嘅吐司同埋芋泥球！之前都見到好多人都試過呢一間嘅台灣小食，個個都話性價比超高而且佢哋所製作嘅吐司入邊嘅豬扒超好食！今日我哋大概下午3:00左右去到黑布小巷，用咗5分鐘嘅時間就揀好咗佢哋嘅招牌台式肉蛋芝士吐司同鹹蛋肉鬆芋泥球！嗌完之後店員叫我地等大概1x分鐘, 咁我哋就坐咗喺隔離等，不過等得有啲耐嘅大概要20分鐘左右先至有得食。不過一切嘅等待都係值得㗎，因為佢哋嘅吐司同埋芋泥球都勁好食。有人直情係讚不絕口話佢哋嘅豬扒加埋芝士加埋麵包加埋半熟蛋嘅口感非常豐富，而芋泥球都好足料，啖啖芋泥～ 正！…查看更多

「最愛雪糕沒有之一」平時成日都會去尖沙咀K11 musea行街睇戲食飯，差唔多有八成時間一去到都會第一時間搵呢間買雪糕食！呢一間嘅特點就係佢哋所製作嘅雪糕係冇用到奶，如果係非常之欣賞，佢整出嚟嘅雪糕亦都係非常之順滑。前一次都食過榴槤、火龍果、芒果同燕麥味嘅雪糕，今次就試吓佢嘅新味道楊枝甘露。一個字，正！楊枝甘露味非常之重而且唔假，仲食咗少少西柚嘅粒粒，不論係我定係有人都非常鍾意食呢一個雪糕，同埋佢嗰個雪糕筒非常之脆😝😝…查看更多

本身嗰日呢去到觀塘駱駝漆大廈係諗住食一間西餐廳嘅，點知去到呢由於冇開門，間鋪去到初十二先啟市，所以我哋就去咗同Chan隔離嘅呢間韓式餐館。由於我哋喺門口已經聞都好大浸香味，諗都冇諗就衝左入去食。入到去發現空間都幾大同埋都幾多位，見到仲有韓國人喺度食飯，即刻覺得應該幾好食😋由於我都算幾大食，本身就諗住那一份豬手再嗌多個湯飯，點知問一問啲員工佢哋話個豬手兩個人一定食唔晒太大份，就建議我哋食生菜包，不過佢哋都話都幾大份架有機會兩個人都食唔晒！唔理咁多啦，因為我真係好肚餓同埋我都真係食得幾多野，最後帶咗一個生菜包同埋一個微辣海鮮豆腐鍋。主菜未想到之前，啲員工首先送咗九陽嘅小食俾我哋，超級豐富，份量亦都唔細！泡菜仲有兩種添，我覺得兩款都好食，比起超市買嗰啲真係好食20倍🤩傾左陣計大概10分鐘內就上咗個海鮮豆腐鍋，由於朋友唔食得辣，所以員工就話特登幫我地整一個微辣嘅海鮮豆腐鍋。超級好食勁多料！！！！ 由於太肚餓嘅關係我都唔記得咗幫佢影張相。之後再嚟咗個生菜包，超級巨型啲豬藍玉大概有二十幾塊，而且快快都超級厚，有四五層，一層瘦一層肥膏咁，好正💖💖💖 仲要俾咗極大量嘅生菜同埋白菜我哋去夾啲肉，加埋生菜包附上給一啲泡菜蘿蔔絲同埋蔥等等⋯超級好食😝重點係，性價比超高！兩個人食咗四百幾蚊咋，仲要食唔晒，下次決定都係三個或以上，最好就係成班一齊喺度食飯😋…查看更多

Normal Tuesday after school, I was with my frd Jessica. We are always craving for good food but with a valuable price as well so that day we chose this Taiwanese cusine!In the first place, I did not expect much as I thought it would be like a fast food store with normal taste and quality. However, they surprised me and I am quite impressed now after trying their dishes. Thus, let me introduce what we have attempted on the last Tuesday.First, it was a FRIED PORK RICE WITH SOY SAUCE. It was absolutely brilliant. Second, Jess had a SOFT-BONED PORK RICE which was crazily satisfying too. On the side, we had some FRIED SQUID and drinks. They were also fairly great.I would recommend this restaurant to all of you as the price worths everything and the staffs were nice. The only thing to remind you guys is the place is quite small but it doesn't affect my love towards it <3…查看更多

一奉到週六或週日，就自然非常想食好西了！平時每日晚餐可能都係食粥粉面飯比較多今晚決定去食熨烤達人，非常期待，因為好耐冇食過燒肉。坐到埋位最開心嘅莫過於可以食到前菜同埋爐邊蛋，我個人最鍾意就係食芝士爐邊蛋，好似覺得路邊蛋嘅配料包括芝士同粟米可以任加就覺得非常抵食啦！由於我哋係三個人一齊食嘅關係我哋選擇咗嗌套餐，我哋帶咗超級熨斗烤壓嘅套餐，入邊包括有M五牛肉眼扒、牛肋骨（一件）、特級雪花牛、厚切五花肉片同埋調味豬皮。除咗超級熨斗烤壓套餐之外，我哋仲嗌左一個寒冰水冷麵，同埋有兩杯免費，佢哋係梳打水嚟既，一杯係士多啤梨口味，以另一杯係藍梅口味。成個套餐入邊我最最最欣賞係特級雪花牛同埋M五牛肉眼扒，因為佢哋嘅脂肪分布得非常之完美，而且入口即溶，箇中口感同埋質感真係令我覺得非常難忘非常同非常好食呀！至於寒冰水冷麵，一個比較有創意嘅料理都幾新穎幾得意㗎！總括依然熨烤達人食物幾有創意，味道亦都唔錯，而且服務態度有咩事佢都一定過嚟幫你例如幫你燒烤咁！有機會會再次去探訪：）…查看更多

咁由於近排非常之流行珍珠奶茶啦，咁所以我就試試自家創作嘅芝麻珍珠綠茶拿鐵。咁佢呢個組合俾人既感覺十分新鮮啦，而自家製既珍珠都非常煙銀，不過比較遜色嘅係佢嘅拿鐵就普通啦~…查看更多

好耐冇食過泰國菜啦！今日同一班中學同學聚會，決定去試呢一間泰國餐廳，係由一位同學推薦嘅。咁我哋帶咗非常之多餸啦有紅咖喱雞、蝦餅、炒椰菜苗同埋青木瓜沙律。我哋另外仲加咗啲薄餅去配紅咖喱，非常非常之match！另外我哋都有嗌左三日飲一杯芒果沙冰、一杯鹹檸七梳打同埋一個椰青；全部都非常之正，值得推介。…查看更多

同朋友食完晚餐後，就好想食甜品。天氣非常之炎熱，所以我哋就選擇去咗食冰啦。尖沙咀咁多間食冰嘅鋪頭之中我就最想試呢一間，坐到埋位諗左好耐最後都係選擇左荔枝芒果冰。我覺得荔枝芒果冰嘅味道都唔錯不過下次就比較想試一下tiramisu口味lu......…查看更多

大勝軒嘅拉麵非常之出名，我都慕名而來試一試。今次試咗拖羅沾面再加一隻味蛋，二同行嘅朋友仔就試咗辛沾面加叉燒；結果我哋一試⋯⋯就一試難忘！下次一定要再嚟試試特製沾麵同埋魚介沾麵先^_^…查看更多