borntoshop的个人专页

今日黎到銅鑼灣，品嚐到一次令人驚喜嘅素食。我地叫左一份set dinner同埋散叫左幾道菜。首先講講晚餐。前菜嘅木耳非常爽口好食，微微酸味十分開胃。中間嘅係由薯泥打成嘅沙津，軟滑可口，非常吸引。仲有啲蔬果帶動味蕾，食完頭盤已經十常開胃！燉湯方面非常足料，黃耳、猴頭菇等等嘅湯料好多。燉出黎嘅菇味香濃，夠哂滋潤！手捲係跟set嘅我地揀左牛油果手捲，整體感覺好清新宜人。食過開胃頭盤同飲完湯後，依個手捲剛好令口腔比較重嘅味噌除去，準備迎接主菜。小食方面，依個腐皮卷整成雞搥嘅形狀，非常精緻。外層香脆，內層嫩滑，就好似新鮮出爐嘅炸雞咁。調味適中，沾少少辣醬作為點綴，就咁食亦都非常可口。留意返，入面係有一條木棒架，唔好大大力咬落去。炆伊麵係令人喜出望外嘅，唔同菇菌嘅精華匯聚係伊麵中，而且菇菌份量多，啖啖菇，香味濃郁，令人一試難忘。蘆筍燴飯相對冇伊麵濃郁。但菇菌同蘆筍嘅配搭清新宜人。整體都十分之出色小食方面有鹽酥靈芝菇。炸得非常酥脆而唔油膩，配上伴菜，整體香口而清新。靈芝菇菌味出眾，非常好食。最後以一份檸檬乳酪蛋糕作結，口感香滑，清新宜人。依到所有食物質素都比想像中好，推薦大家黎一試！…查看更多

每次搭巴士經過天樂里附近, 都俾呢間BAR吸引到.今次終於有機會TRY TRYBAR WTF個招牌十分之搶眼, 未入去已經覺得好CHILL.BAR內裝修好講究, 同一般BAR唔同.我最鍾意就係店主將唔同類型的酒樽放喺檯執邊嘅櫃, 非常有FEEL!!MenuPink  Diamonds ($105)我首先點左一杯PINK DIAMONDS.因為有PEACH, GRAPE等水果關係, 呢杯酒果味好濃,但亦加左VODKA, 飲落去亦有一種火辣辣的感覺, 好爽!呢杯好適合愛飲酒的女士.Guns N' Roses ($105)飲完一杯之後覺得未夠喉, 所以再叫了杯Guns N' Roses大家都知, Tequila 感覺比較剛烈.但加上Lychee之後,變得好順口 好好飲而且, Bar Tender 仲好有心咁裝飾好杯野飲令到我好有渡假FEEL 好RELAXED!我地臨走個時見到有歌手開咪準備唱歌唔知係咪安排了Live Band希望下次再黎個時有得聽啦!…查看更多

麻辣火鍋對香港人黎講一啲都唔陌生，通街都有。但真正能夠食到重慶風味嘅麻辣火鍋又有幾多間呢？今日黎到尖沙咀，路過見到洪鼎，佢以重慶名勝洪崖洞嘅老火鍋為特色，見到馬上就入去試下！先講湯底，重慶火鍋最出名當然係麻辣，除左麻辣火鍋依到亦都有提供唔同特色口味湯底。依到嘅服務非常細心，店員會推介唔同嘅湯底，講解佢嘅特色比食客。今次我地就試左中麻辣加松茸野菌鴛鴦鍋。另外依到亦附有圍裙同USB充電口，非常週到點完菜，店員首先介紹重慶風味嘅醬料，以油為基底，加上蔥、蒜等等嘅佐料配搭，可以解辣，另外亦有一個網格將食物沾到過多嘅油隔出。當然依個只係示範，亦都可以係醬料吧自己配搭。我就直接用左示範醬料，效果非常好！上左湯底，店員亦都會重新講多次湯底嘅食法。野菌湯嘅松茸係分開上，可以隨自己喜好落。野菌湯非常濃郁，直接飲都非常好味。亦都好適合煮味道較嘅清食材，例如蔬菜。先飲一碗野菌湯非暖胃。麻辣湯底嘅辣度適中，自問食得辣嘅可以直接挑戰大辣。辣椒花椒充足之餘亦有重慶風味嘅香氣，曾經去過重慶旅行嘅我係依到重拾到當時嘅感覺！麻辣鍋煮肉類鵝腸等等就最好不過。到食物，我地點左駝鳥肉、伸腿瘦鵝腸、羊肉片、五色小籠包、鮮蝦滑、豬腦、小麵、娃娃菜同紅糖繽紛冰粉。每份都約有兩人份量。第一次食駝鳥肉，肉唔會太碎。駝鳥肉同麻辣鍋好合襯，而且店員都會教我地點煮，效果好好。鵝腸就係今次我最欣賞嘅，店員話依到最出名嘅其中一樣就係鵝腸，鵝腸大條肥厚。店員教我地係湯來回浸10下左右就係最好嘅效果。同一般嘅鵝腸唔同，唔係完全扭摺，而係有啲摺有啲直嘅，口感爽口彈牙而唔會韌，有麻辣香味而又不失鵝腸鮮味。羊肉片嫩滑，係麻辣鍋輕輕一焯，鮮味、辣味同羊肉味道互相輝映。而且唔會有好重羶味，唔啱羊肉嘅朋友都可以一試！五色小籠包當然包含五種唔同嘅口味啦，即使係滾熱嘅湯底煮都唔會煮穿包皮，但同時皮薄餡靚。我最欣賞嘅係黑色嘅松露口味，用松茸湯煮簡直一絕！蝦滑方面亦係出乎預料地好，蝦膠彈牙同時亦陷有鮮蝦肉，口感同鮮味之中取得平衡，愈食愈吸引。而且份量比想像中要多，非常值得。小麵爽口彈牙，吸滿麻辣湯味道，非常好食。唔想太辣可以先用清湯煮好再浸麻辣湯。最後係冰粉，作為重慶街頭小食緊係要試下！冰粉配料豐富，係麻辣湯大飽一餐後用黎滋潤解辣就最好不過。…查看更多

好耐都冇出過黎食好野，難得朋友介紹，今次就嚟到銅鑼灣試吓呢間係登龍街嘅Penthouse。今日人比較多，我哋冇book位本來都好擔心會唔會full曬。但好好彩有張埋邊嘅位，雖然就唔近落地玻璃，但自成一角私隱度幾高，唔錯啦！係我哋心大心細嘅時候，職員就為我地介紹左佢哋主打嘅二人套餐。我哋見每個course都幾多選擇又有睇落好吸引嘅甜品拼盤就決定嗌了～先上嘅係兩杯餐酒～red雖然寫係house wine但飲落非常順口唔會涸喉 幾意外(其實配個牛先係重點)champagne果味唔太重偏酸 用黎開胃就啱啱好估唔到餐湯同包都各有各驚喜麵包嘅醬汁酸酸地非常開胃 食到我地都有啲唔夠喉至於餐湯就當然係面頭嘅鮮刨黑松露啦 配埋非常濃厚嘅蘑菇湯鮮味出晒嚟前菜我哋嗌左caesar salad同crab cake ，我哋一致認為第二樣比較值得推介！因為佢成舊都係用蟹肉整成冇溝到其他料，食落去淡淡都係滿足感，配埋兩款一甜嘅酸嘅醬汁就啱晒啦而今次嘅重點推介就係主菜肉眼扒啦喺相度都睇到佢肉質非常厚實，我哋叫咗medium rare雖然有些微overcooked但都無阻佢嘅鮮味爆出黎佢另外亦配有特製燒汁同埋芥辣俾我哋點，但既然呢塊肉咁鮮美調味料都唔落多，醬汁當然可以淺嘗就算啦～最後就係甜品拼盤佢好細心咁將每樣甜品都分好兩人分方便我哋share同影相咁多樣入邊我最鍾意就係個芒果布甸佢嘅芒果味一啲都唔假 亦好滑溜 抵讚…查看更多

好耐無食過放題，今日幫個朋友慶祝生日，佢係我的好兄弟，所以帶佢黎呢間聽人講特別高質的放題呢間放題係貴d，但又真係幾高質喎，等我慢慢介紹吓啦！先叫左刺身先，我最鍾意食蝦，呢度d蝦唔會霉，蝦頭唔係黑色，食落肉質爽，唔會散曬咁完全令我大感驚喜！之後就食吓希靈魚，爽口唔會太腥，不錯不錯呢度仲有長腳蟹食，我真係以為自己去左酒店食buffet我覺得呢度的芝麻雞翼都好好味外脆，內滑，仲要新鮮炸起就上枱，熱辣辣！呢度ge牛肉鍋都唔錯，唔會太甜太咸，剛剛好大家都食到好滿足，佢地話下次我生日再黎wor…查看更多

近排去完泰國旅行, 掛住泰國美食, 所以同左家姐同阿媽黎新泰食.本身都聽過新泰幾出名, 質素果然不出所料.打頭陣既係泰式生蝦.生蝦晶瑩通透, 賣相相當吸引, 未食已經流定口水.一咬落去, 生蝦既鮮味湧現.配合埋個醬, 簡直十分開胃.食完開胃生蝦之後, 我地即刻試冬蔭魚煲.個湯底好好飲, 辣同酸之間配合得宜, 唔會掩蓋另一種味道.魚肉都好滑好有鮮味, 正!最尾當然唔少得馬拉盞通菜.呢個係我極力推介既菜唔單止好健康, 而且仲好夠味, 好有係泰國食既感覺!!!呢間餐廳真係好高質, 而且好近地鐵站.希望下次再有機會黎食啦.…查看更多

一早已經久聞宏嘅大名，今次就專登同朋友黎呢度食下lunch啦叫左一個豚生姜燒飯套餐配草莓香紅茶～即刻黎試下！ 我本身就係已經好鍾意飲茶嘅人，而呢杯草莓香紅茶真係完全令我驚喜萬分！士多啤梨味勁濃，甜香味撲面，但甜中帶點紅茶嘅烘焙香味道上只有帶少少甜，主要都係紅茶嘅味道，一啲都唔苦，齒頰留香難怪會成為皇室嘅御用茶，飲完真係一試難忘豚生姜燒飯套餐仲包左餐廳主打嘅海藻烏冬同沙律～當然要試下烏冬先啦海藻烏冬應該係係製作過程中加左海藻落去，麵條彈牙爽口之餘仲帶有非常清新嘅海帶味天氣熱去食一碗絕對感覺一流，味道比較清淡，仲好健康添！不愧為主打菜！豚生姜燒飯亦都相當唔錯，豚肉切到好薄，微微照焦雞肉味重但都好吸收晒洋蔥嘅甜香，肉質嫩都多汁，肥瘦均勻燒汁都好完整咁滲到落飯底，保證粒粒飯都沾到感覺絕對唔失色於烏冬呢～ 最後當然要試下好出名嘅抹茶小蛋卷！我本身麻麻地食cream，但呢個抹茶cream真係超級不得了一啲都唔膩，只係帶淡淡嘅抹茶香，唔會太甜或太苦，味道清新蛋糕亦非常有彈性～同樣唔怕太甜從未試過咁快食完一件cake呢～以上呢幾項就組成一個套餐啦，食完真係飽到不得了！但都忍唔住口叫多個宇治抹茶軟雪糕芭菲～首先就係絕對好評宇治抹茶雪糕！茶味清甜唔會太濃，仲有淡淡地嘅奶味，非常香口感非常滑，溫度適中，入口即溶～配料都各有特色，有啲煙韌彈牙，有啲好似蒟蒻咁爽口軟林，但全部味道都比較淡，可以突出番雪糕味道～不過就希望啲杏仁脆脆唔好只係放係底，食到最後先知，覺得灑在雪糕面一齊食會更加有口感！個人覺得呢個價位可以試到咁多野真係一絕！員工服務又好，必須推介呢間餐廳…查看更多

係大學識咗個印度exchange朋友佢話呢間印度素菜係香港算唔錯我自己幾鍾意食烤餅，所以叫了烤餅呢個烤餅加左蔥，幾香但反而唔會太油，可能佢隔油隔得幾好唔會話太多油係個口我自己覺得可以再加多d蔥 但依家份量應該係對常人岩岩好我自己有點印度朋友拼盤d配料，都幾辣，但好香口！正！我地仲叫了蕃茄薄餅一齊share塊薄餅真係超級大份，切開4份俾4個人先啱啱好表面個脆煎到極香脆但又冇loan左，時間掌握得好好！2面嘅表層又脆又香，中間就包住左好多塊新鮮嘅蕃茄片～蕃茄切到好薄，刀功真係不得了，味道又清甜爽口配上本身咸咸地嘅薄餅皮，口感脆得黎又有少少軟，強烈推介！最後叫多個水果沙律清一清口好多生果啊食落都幾新鮮加埋切粒好易入口哈哈多謝印度朋友介紹，我下次會介紹埋d香港朋友去！…查看更多

朋友最近升職加薪，便叫我們一班好友慶祝一番。身為日本美食的愛好者, 一向對食物水準的要求非常高，沒想到竟然在日式放題餐廳吃到一頓超班的美食。一開頭當然先吃生野。我點了花之戀，帶子壽司及蝦壽司。雖然是放題餐廳，但賣相並不馬虎。味道頗為鮮甜，帶子壽司更出乎意料地滑及爽口，佳！餐廳的熟食亦相當出色，芝士帆立貝真的好好味。芝士的魅力應該不用多說，餐廳帆立貝真的很足料很有咬口，兩者的味道混合在一起極好。接著我們點了一碟牛柳粒，想不到聞起來真的很香。除了香之外，牛柳粒亦相當入味，好有牛味。重點是餐廳把牛柳煮得很易入口，不會太硬或太老。餐廳的炸物也十分高質。這次我們點了榴槤炸彈及多春魚。很多人以為榴槤會很臭，但餐廳證實了這句話是錯的。一咬開榴槤炸彈，裡面的榴槤榕已急不及待地湧出來。榴槤的甜味充滿整個口腔，真是極大的享受。多春魚也不錯。原以為炸多春魚會不好吃，但原來不是。把牠了之後，不但仍保留魚味，更為它添加咬口。最後更加要提及餐廳的雪糕。餐廳非常貼心，提供了普通雪糕及乳酪雪糕供食客選擇。雖然兩種雪糕都十分吸引，但我並不太喜歡乳酪，所以選擇了普通雪糕。餐廳提供了不同配料，如軟糖，爆爆珠等等。一如預料，雪糕真的很滑很軟，很好味道。原想吃多一杯，但因為實在太飽所以放棄了。總括而言，這間餐廳的食物都是高水準之作，值得一試！地點亦非常近ａｐｍ，很就腳。…查看更多

表姐帶我黎呢間雅致的火鍋店打邊爐呢排轉涼，打邊爐又真係合曬我心意呢度好新好靚，環境好好，一入黎就加曬分佢有幾樣火鍋配料都唔錯先叫了個魚下巴真心，我無係其他火鍋店見過，亦都未食過睇落去有d似羊架食落非常之滑，又無骨刺咁，一條大骨好易吐出黎份量亦都夠多，我地2個食得好開心我地亦都叫了萵筍，好新鮮好靚超級爽口啊！佢萵筍味亦都濃郁，對我地呢2個極鍾意食萵筍黎講真心一流飽肚之最，莫過於薯粉非常彈牙，又夠多最緊要索湯！2個人食岩岩好，飽曬多謝表姐今次請我食咁好味的火鍋下次我會再請返佢黎呢間試其他好味的野…查看更多

朋友是愛牛一族，所以便邀請我一起去吃吉列牛。最近見到很多Facebook專業都有解紹琥酌，食物賣相好像挺吸引的，於是便提議到琥酌試試。可能那時時間尚早吧，不用等太久就可以入座了。店內主打的是安格斯牛套餐及A5和牛，我選了安格斯牛套餐。店家所用的烤爐很多特色，爐上的書法字為烤爐添上美感，就如一件藝術品。店家出菜效率很多，不消一會兒便把美食端到我們面前。這個套餐除了牛肉和白飯外，還配上味噌湯及前菜，而且賣相精緻整齊，食、香、味俱全。牛肉烤到大約7成熟後，入口即溶，十分有口感。店家更提供了3款醬汁。牛肉沾上醬汁後，味道更昇華到另一層次。不但不會蓋過牛肉原來的鮮味，還吊起了牛的甜味，佳！我建議大家把生蛋攪拌好後，可把其倒進飯裡，令到飯粒更加滑。我除了點了安格斯牛套餐，還點了一份醬油吞拿魚。店家把吞拿魚切開數粒吞拿魚方塊，做法有趣。因為此小吃不是此店的主打，所以本來不是十分期待。不過，味道又挺不錯。吞拿魚粒不但有鮮味，而且軟硬適中，很有咬口。我認為店家的吞拿魚來源一定很新鮮，值得一試。我極力推薦大家試試這店，因為店裡的食物品質相當高，而且並不貴。我點的安格斯牛套餐也不過170元。而且，店內的裝潢和烤爐當相當美，很有日本風格。讚！…查看更多

最近有位住港島的同事話喺北角揾到間又高級又抵食的西餐廳，所以就同同事星期五放工之後去個道試試，又真係幾號食。因爲同事一早book左位，我地去到就有得入去坐。最後，我點左set食，有餐湯、餐包、意大利飯同飲品。我同同事點左餐無幾耐，waiter就捧上左一碗熱熱的南瓜湯。南瓜湯好香濃，而且仲有陣陣香味，睇得出係用心製作。個湯仲好滑，同普通餐廳的南瓜湯明顯係唔同檔次。餐包都係佳作。餐廳好細心，俾左牛油同蒜茸我地搽麵包。麵包好香軟，再加上兩個調味得宜既醬，真係一流。最重要既係，個牛油同蒜茸唔會帶起油膩感，佳。今次戲玉就係呢個露筍帶子意大利飯。先講個飯，個飯硬度適中，唔會好似普通餐廳咁樣煮到好似中式飯咁，但又唔會硬到食唔到，好。而個汁就非常夠味，撈埋落飯到令到個飯好有層次感。帶子唔需要多講，好新鮮彈牙。本身對露筍無咩期待，但呢間餐廳又煮得幾爽口，唔會有苦味。而杯野飲就係熱情果茶。雖然杯野飲幾好飲，但我唔記得影相俾大家睇，唯有輕輕帶過。不過幾解渴幾重果味，都係一流。總括而言，呢間餐廳真係好值得一試，性價比好高！！！…查看更多

今日約左朋友去九龍灣睇戲，順邊係淘大食個晚餐。我地見商場入面新開左間台式料理，就想試下。xoxo cafe lab裝修同茶木有啲似，果然係行台式悠閒方格。我同朋友點左紅燒牛肉麵同燉牛芝士薄餡餅個紅燒牛肉麵雖然有點貴，但係真係好好味。個湯好濃，好重牛肉味，但係又唔會太多油。牛肉份量都算多，有10塊到薄切牛肉，好有咬口，而且肥瘦均勻，正！個麵都算彈牙，同個湯配合得好好，份量OK。燉牛芝士薄餡餅都唔差，意相唔到咁好食。個薄餅本身都好軟身，好有咬口。加埋芝士後，個薄餅更加有口感，好正。開頭以爲餅上面嘅醬油會令到個餅好鹹，但係食落又唔覺。總括而言，呢間餐廳嘅食物質素同環境同好好。鍾意台灣嘅朋友唔好錯過！…查看更多

今日有屋企人生日，所以就同屋企人去咗銅鑼灣嘅Cafe one 食buffet。因爲好早就book咗位，所以有窗口位坐。今次我同屋企人食tea buffet,  $268/位，幾抵。個泡菜牛肉漢堡好有質感，重牛味，但係吃唔出泡菜味。章魚小丸子好軟，但係入面個餡有啲少。芝士青口味道一般，肉有啲老。雖然三文魚刺身冇專業日式料理店嘅質素，但係我都食得出鮮味，幾好味。蛋壽司甜味啱啱好，而且唔會一夾就散，不錯。其他壽司都係above average.成餐最好食就係froyo. Cafe one 嘅雪糕同froyo都係任添嘅，可以自選配料，有草莓醬、朱古力醬、oreo脆脆、棉花糖等配料，非常專業。我杯froyo乳酪味重得黎又唔會太酸，而且仲有雪糕同草莓醬嘅甜味，再加上凍冰冰嘅感覺，真係絕配享受。總括黎講，唔使270蚊就食到咁多野，都算抵。下次同屋企人食飯會再黎。…查看更多

同朋友食完雞煲，好想食少少野潤一潤喉嚨。路過呢間甜品舖，見間舖都算人多，所以我就想試下。因爲我本身鍾意食椰汁，所以就叫咗呢個椰汁底嘅白雪飛花。開頭我對白雪飛花期望唔係太大，因爲我以前未見過呢個配搭嘅甜品，但係點知又出乎意料咁好食。白雪飛花以椰汁做底，上面放咗椰汁冰、豆腐花、雪糕同蘆薈。先講椰汁，個椰汁好夠味，又唔會甜到食唔到，單獨飲都OK。個椰汁冰軟棉棉，入口即融，留低椰汁的香味同冰涼的感覺，而且佢一層一層咁放，賣相幾䚍。個雪糕幾重雲呢拿味，好食。但係我覺得個蘆薈就一般，同個椰汁唔係好襯，如果改做OREO或者會好啲。總括黎講，呢個甜品都幾好食，職員都好NICE。最重要係個甜品夠凍，拎到返屋企之後個雪糕同冰都未融。夏天食更加一流。…查看更多