kittycheng0101的個人專頁

放假同男朋友行街，行到攰攰地好肚餓，咁啱經過餃子店見下午茶時段唔使排隊，直接入咗去食。既然主打係餃子，冇飯冇麵諗住餃子要叫多啲先夠飽啊，打開餐牌發現有好多唔同款式咁佢哋招牌係主打松茸餃子咁一於叫佢最出名嗰兩款龍鳳松茸煎餃同至尊松茸煎餃，另外叫多一款普通嘅餃子雲耳椰菜豬肉湯餃完全睇少咗佢哋嘅份量，以為餃子會好少，所以仲叫咁多佢兩款松茸餃子入邊餡料十足，每隻都脹卜卜，食一碟已經好飽，同男朋友兩個人仲叫咗三碟餃子除咗份量十足，每款嘅味道亦都好好食至尊松茸煎餃啖啖肉龍鳳松茸煎餃好香黑松露味雲耳椰菜豬肉餃好爽口每款都各有特色另外仲叫咗個四川涼麵試吓都唔錯另外叫咗兩杯嘢飲，蜂蜜檸檬薏米水，山楂雪梨水，同餃子好夾，唔需要每次都係叫啲汽水果汁飲冇諗過是但入一間舖頭啲味道都咁好佢仲有好多款餃子未試，下次有機會都想試埋…查看更多

好耐冇入過康城，前排入去做嘢，見到呢間新嘅餐廳開咗，一路都心思思好想試，終於同男朋友就啱時間入嚟康城，順便試埋佢成個舖頭嘅格局同普通餐廳好唔同，好有特色門面格局好似去咗泰國咁服務員態度好好，好有禮貌可能未到繁忙時間，所以店入邊未係算好多人可以自己揀位服務員安排咗卡位，啲位都幾舒服，幾寬敞睇完成個Menu之後，最尾揀咗set dinner食全晚最深刻係呢個咖喱雞，好奶好Creamy，勁正勁惹味，椰香味十足，可以送兩碗飯鮮芒椰香柚子露杯嘢飲又係好出色，唔會太甜，芒果亦都好新鮮，唔會搶咗其他嘢食嘅味，作為點綴係一流冬陰功（2人份）冬陰功個味好出，其實我本身麻麻哋冬陰功，但我竟然可以成碗食得晒，食完開晒胃其中一個驚喜之作，冇諗過喺商場嘅餐廳都可以煮出大排檔嘅味道，好有鑊氣，唔係講笑，我男朋友本身唔食菜，但俾佢食咗一大半，睇嚟以後想叫佢食菜都要嚟呢間餐廳食先得虎蝦海鮮混亂杯麵有冇諗過杯麵都可以上得餐枱？食完呢味菜之後，我直頭想返屋企自己試煮一下用料好足，啲海鮮好新鮮，勁香勁辣總括而言，成餐飯都食得好開心好滿意，下次入嚟康城都一定會再食！…查看更多

大快活既早餐應該係所有人都食過而又覺得好好食既早餐，選擇多，茶餐廳有既，佢地基本上都有！ 佢地晚餐既咕嚕肉更加係必食之選！ 但係食多左都會覺得想轉下口味，今次想食d健康d既，所以就揀左佢地既健康餐黎試。 作爲一個鷄胸愛好者，平時食白切鷄都會揀鷄胸食，大快活既又真係better than expected！…查看更多

個日去呢到買左外賣食，無諗過就咁打開左我對牛腩既認知，無諗過可以咁硬，完全就係煮得唔夠霖。真係好失望。無諗過一間專食粉麵既餐廳既牛腩竟然可以咁難食。之後覺得要再比多次機會佢，可能係咁岩唔好彩，就再去食。第二次牛腩有霖d，但係個緬就出事，超級咸，但係今次既雲吞同埋魚片都好ok，所以我諗之後都係食返佢地既雲吞同埋魚片好d啦…查看更多

作爲一個米綫愛好者，有米綫既地方就有我。 米綫陣既米綫真係無得輸，先係個重慶酸辣湯底夠酸，米綫又可以轉烏冬或者薯粉， 就已經無得輸。d餸同譚記個d又好唔同，多種類d。 加上佢個小食打起大汗豬扒真係好正，又辣又痲！真係好值得去試一試！…查看更多

南記既春捲好食就唔駛講啦，但係佢既牛魔王都好正！雖然牛腩會有d硬，但係佢既分量真係多到飽到嘔。雖然價錢黎講又唔係最平，但係佢既量又真係對得住個價錢，更何況佢既價錢都唔係真係好貴！ 佢個春捲shake（海苔）都好正，外皮脆，炸得好好！…查看更多

地茂館呢閒糖水舖就真係周圍都有，想食糖水既時候就會諗起佢。 佢既芒果紫米加椰子雪糕真的好食，紫米又香糯，正！加埋芝麻湯圓真係一流，以前既芝麻湯圓太厚皮所以覺得麻麻，但係今次佢地應該轉左供應商，終於個皮薄d，餡同埋皮既比例平衡返，正到爆炸！…查看更多

細個個陣cpk好多人食，成日排曬隊，分店都唔少，一路都唔係好明點解會得返兩間分店，明明d野食好好食。佢地既忌廉意粉好creamy，好滑，意粉煮到恰到好處。 最愛都係個沙律，竟然有沙葛係入面，個口感不得了，男朋友從來唔食蔡都食到停唔到！ …查看更多

康城呢閒m記都開左一段時間，食左咁多次都真係有改善。又一開始繁忙時間既等候時間長達30分鐘到宜家5-15分鐘都叫改善左好多。之前真係又耐又要漏呢樣漏個樣，乜都差但係宜家服務都真係改善左。但係都係個句，康城既價同機場一樣，但係服務珍惜可以再好d。…查看更多

大家樂真係平民之選，平平地，選擇多仲要味道唔錯。要數最出色既就一定係佢地既焗豬排飯，炒飯底就已經先加一分，茄汁好濃又好食，豬排仲要包蛋漿去炸過，呢個價錢有咁既質素真係唔話得！…查看更多

麻辣風雲應該係我少數食過既川菜，cp值最高。 作爲一個唔食魚既人，佢既酸菜魚竟然係我每次去到必食既菜式！ 可以揀痲度，辣度連酸度都可以跟你既，口味自行選擇，真係唔好錯過！。佢地既炸饅頭仲正，煉奶俾得多，又炸得好好食！…查看更多

呢到係我長期飯堂之一。平時食開有牛小排嘅套餐，牛小排質素都唔差，雞肉新鮮豬肉都唔錯。湯底最鍾意食蕃茄同壽喜燒，麻辣都好正。二百幾蚊呢個價錢，嘢飲任飲丸菜任食，雪糕都唔Hea，真心抵食，啲菜都真係好新鮮，而家仲要變咗水耕菜，超級抵食！…查看更多