Nanamcnordic的個人專頁

8Five2 第一間墨西哥餐廳，之前嚟過飲酒都幾好feel，裝修又靚，空間感唔錯。今日晏晝嚟到見到戶外位置都坐咗好多人。睇吓Menu都啱食喎。我哋兩個人叫咗一個湯、一個沙律、同埋一個main course蘑菇湯mushroom cappuccino 蘑菇湯非常濃郁，有好多蘑菇蓉，但又好香滑煮熱竹後上枱再直接喺煲度例入碗，新鮮熱辣。正墨西哥牛肉玉米餅沙律本身以為係前菜size，但原來係main course size😂 portion 好大好足料又夠新鮮，最最鍾意佢有石榴粒粒😍燒豬仔骨見英文寫住(half)但上枱勁大份😂 仲有薯條同薄餅。 pork rib 數返有11條骨咁多🐷 生熟度剛好，豬肉已經完全離開骨，好易食👍🏻加埋BBQ醬汁，一流😍 薯條都係新鮮炸起，外脆內熱☺️ like雖然係酒吧，但晏晝我哋都係揀咗飲咖啡： Latte & Americano☕️ 估唔到有拉花好驚喜😍 我個餐廳list又多咗一間可以嘆咖啡嘅地方👏🏻…查看更多

今日晏晝黎咗朋友推介呢間焱丸水產，舖頭喺棉登徑盡頭，地舖非常易搵，去到門面已經見到好多明星幫襯舖頭嘅相。即刻對佢期望再高咗🤤餐廳內籠就好似置身日本一樣，枱凳、牆身同佈置都似足喺日本🇯🇵 瞬間有旅行感覺Lunch Menu都好多選擇😆今次試咗超豪華12件壽司盛 🍱三文魚、鯛魚、大拖羅、鮪魚赤身2件、白身魚2件🐟🐟🐟珍寶海赤蝦🦐香蔥吞拿魚蓉軍艦、蟹膏軍艦🦀魚子軍艦西冷牛肉壽司🐂初初有啲擔心12件壽司會太多，但呢度每一件嘅飯團算細（但肉唔細😂） , 就算女仔都可以食得晒12件😍 總括嚟講，每件都新鮮彈牙，魚一啲都唔腥。有少少可惜海膽賣晒，不過轉左就快滿瀉的蟹膏軍艦都好滿足🦀 西冷牛肉壽司勁大件，記得趁熱食🤤跟餐仲有沙律、麻醬豆腐、麵豉湯同茶碗蒸🥚 雞蛋夠滑，滿滿餡料仲有蝦添！另外當然唔少得試吓佢嘅磯燒🔥每次去日本都會去24小時連鎖餐廳食甲羅燒🤣 今日竟然比我喺呢度見到佢，仲要有原味、芝士味同黑松露味可以選擇😆 唔使諗，即刻試咗兩隻新味！ 落完單好快就上枱👍🏻職員仲會幫手燒🤭睇住佢將鵪鶉蛋倒落去蟹膏再同蟹籽等配料撈勻，真係流晒口水🤤🤤🤤蟹膏味道超級濃郁，芝士味有存在感，但又唔會蓋過咗蟹膏嘅鮮味，一啲都唔腥。黑松露都一樣，初初都擔心黑松露同芝士會蓋過咗主角蟹膏的味道，但係佢哋配合得天衣無縫絕😍對會因為呢一味餸而encore呢間餐廳…查看更多

想要一邊嘆靚海景又想食有質素既中菜就一要要黎依間係IFC既中菜館 - 舍菜單價錢唔算平，開得依個位就當然唔平架啦，不過以環境同食物質素計，絕對係物有所值。今日點左一份2人既Lunch set，入面包括十款食物，可以一次過滿足味覺上唔同需求🤤首先有桂花蜜燒鰻魚、胡麻醬烏珠荀沙律、黑魚子蝦多士鰻魚非常肥美，外皮燒得香脆，再加上淡淡桂花香味，味道濃厚之餘不帶油膩。烏荀晶凝通透，非常新鮮爽口，配上帶有微微芥辣味既胡麻醬，好開胃。蝦多士即場熱辣辣炸好，香脆可口，蝦肉爽口彈牙，值得一試！黑蒜螺頭炖湯，如果平時係鐘意中式湯品既人，依款湯就最岩，足料之餘火喉夠，所以材料既精華都融入湯中，一飲就飲得出師傅功力。XO醬炒帶子珊瑚蚌平時婚宴一定有既高級菜式，估唔到依度lunch都食到🤣帶子好大隻，連同爽到不得了既珊瑚蚌，簡直係絕配忌廉香草汁龍蝦伴伊麵一份有半隻龍蝦😱龍蝦有手臂咁大隻，超多肉，伊麵雖然係用忌廉汁，但係食落唔會覺得滯瑤柱貴妃雞雞肉嫩滑多汁，配上蔥油，用黎送飯一流羊肚菌浸時蔬闊佬炒飯炒飯粒粒分明，蛋香十足，作為咁多味菜既結尾岩岩好☺️…查看更多

今晚嚟咗灣仔食潮州嘢呢間正潮樓係地舖， 非常易搵👍🏻 menu好多唔好選擇，兩個人食都可以食到幾款唔同嘅菜式 😝 今次試咗二人套餐： 魚露浸花甲🦪蝦棗拼蟹棗🍤金瓜五穀羹 🥘糖醋煎伊麵🍜魚露浸花甲係生醃😍已經開咗半邊殼夠細心，非常易食👍🏻花甲飽滿多汁，醬卜卜夠曬爽口🤤先嚟少少鹹香，但又唔會蓋左蜆嘅鮮甜🥰抵讚蝦棗拼蟹棗 🦐蝦棗有啲似炸蝦丸 ，金黃色啖啖肉😆 外皮香脆內裏彈牙蟹棗一咬開之後就睇到啲絲🦀相對冇蝦棗咁彈牙，但蟹肉味夠出金瓜五穀羹 🥘素菜熱湯羹非常足料, 熱辣辣, 暖胃又飽肚糖醋煎伊麵 🍜估唔到食完三款已經飽飽哋 最後仲有個伊麵 😂 但係估唔到加咗砂糖同紅醋會咁開胃 ⚠️外表平平無奇，但食落我覺得佢簡直係今餐入面最正！ 落咗糖有啲似甜品薄撐嘅感覺添😆…查看更多

🌸殿大喜屋🌸係我經常都會去嘅一間放題，早排佢啱啱裝修好，我急不及待就約咗朋友在去大食一餐。🐱見到餐廳環境比以前更加闊落坐，得十分舒服，而且食物種類亦都比以前多好多👍🏼。食放題最忌眼闊肚窄所以我哋每樣都嗌咗少少食住先。魚生刺身🍣係放題一定要叫嘅嘢食，最鍾意佢將佢哋擺到盤滿缽滿，而且呢度嘅魚生仲要係超厚切，亦都係比較貴價嘅款式😍。有比較少見嘅拖羅同劍魚腩。吞拿魚腩食落去有入口即溶嘅感覺，以厚切既口感十分之好。當然其他例如係甜蝦三文魚等等都係十分高質素熱食方面今晚我最推介係避風塘炒蟹🦀，佢啲炸蒜十分香口，味道十足而且有大大個蟹鉗，令人好滿足。其餘一啲燒物好似羊架咁都係值得推介。呢度仲有海量嘅飲品啤酒，而且甜品仲有haagen Dazs, Movenpick 雪糕添😁…查看更多

佐敦嘅🌸Lockeroom Express🌸係一間用足球做主題嘅餐廳。佢雖然望落唔大間，但坐得都幾舒服😬。佢類似自助嘅形式，要先去收銀處度揀嘢食同畀錢。等攞嘢食期間，呢度係有餐湯自己拎，仲要係任飲。呢度上菜嘅速度十分之快，唔駛幾分鐘就野食，嘢食嚟到仲係熱辣辣👍🏼。我哋要咗個活龍蝦松露忌廉意粉同西冷牛扒意粉做主菜。我覺得呢隻龍蝦比起一般酒店自助餐嘅龍蝦更加出色😋。佢面頭有焗芝士沙律醬，入邊啖啖肉而且仲係好彈牙，松露意粉嘅味道亦都好香😍👍🏼。塊西冷牛扒就超大塊，包你食得飽，而且煎得啱啱好，仲有好多肉汁。另外我哋仲叫咗水牛城雞翼，佢嘅酸辣味超惹味。最後甜品有特濃朱古力蛋糕，佢係慕絲朱古力再加薄薄既餅底，朱古力味香濃得黎唔會太甜🍫。總括嚟講如果想食個有質素嘅快飯，我真係好推薦呢間餐廳，簡直係快靚正😃。…查看更多

大角咀大全街呢一頭又唔少食肆，我就畀🌸酒燒弄🌸嘅霓虹光管吸引咗入去，聽個名就知佢係食串燒食物為主啦😍。我哋就揀咗幾款試試佢。燒鵪鶉蛋外層脆口，食落煙韌有咬口，而燒牛油果真係未見過🥑，佢係用熟透嘅牛油果上面加啲鹽去燒，入口係即溶而且鹹鹹地，牛油果愛好者不妨一試。羊架就燒到外面香口內層仲好juicy，一啲都唔騷。成日食串燒都會怕唔夠飽，呢度就有主食提供。今次我哋揀咗燒黑豚五花烏冬🥰，個五花腩真係做到一層肥一層瘦，好香口，配埋個自家泰式辣醬十分惹味。仲有烤和牛上肩柳拉麵，燒到岩岩好，唔會乾柴又有燒烤香味😋。佢鋪面唔算大嗰大家想食不妨先預約一下。👍🏼…查看更多

銅鑼灣既🌸古今二🌸比人既感覺係一間fusion 日本居酒屋，睇佢會menu有勁多唔同款式嘅壽司，款款都係用心配搭咗唔同嘅食材。👍🏼今次揀咗“辣妹”同“粉紅佳人”兩款🍣。師父好畀心機咁將兩款壽司放埋同一個靚碟上面做咗啲擺盤😍。圍住粉紅佳人外面嘅佢哋特登搵返嚟嘅粉紅色腐皮襯返曬成個主題，上面就係辣味吞拿魚蓉同辣三文魚，入面再加牛油果同蟹柳。小小嘅辣味可以減低吞拿魚蓉嘅肥膩感，令到嚿壽司更加好食，鮮味更出。“辣妹”上層係辣味吞拿魚，入面包住嘅係炸蝦同芝士，細細嚿最啱一啖一嚿，一次感受多重口感。🍛鰻魚炒飯入邊加咗洋蔥碎同埋香蔥食落去好香口，鰻魚份量亦都十足。最後加多個小食，免治雞軟骨棒炸得好香脆，而我亦好鍾意雞軟骨脆卜卜嘅口感😋。整體嚟講呢餐十分滿足，而侍應都好好禮貌，值得推薦。👍🏼…查看更多

同朋友喺旺角行街突然諗起已經好耐冇上過登打士廣場嘅cafe，就臨時決定去食一個晚飯。😇今次呢間Homemade cafe環境舒適，有梳化坐，好岩行完街上嚟休息一下。我哋叫咗個二人套餐，揀咗手拉西西里薄餅🍕，香辣虎蝦海鮮意粉🍝，仲有一份蟹餅。講真上呢啲樓上cafe最怕就係食物質素唔夠高，嚟呢度就完全唔使擔心😍。佢嘅手拉pizza係用意大利麵粉做嘅，口感Q彈之餘又有烤焗過嘅麵粉香。個意粉亦都非常多配料而且香辣蕃茄醬十分之開胃😋。蟹餅亦都係熱辣辣作為小食非常唔錯。而且呢度嘅食物份量亦都十足，包你食得飽。在飲埋杯朱古力雪糕mocha🧋，拎啤牌或者board game玩返一陣，其實呢一餐真係物超所值👍🏼。…查看更多

因為工作需要有時都要去新蒲崗。今日經朋友介紹先發現呢個工業區中竟然有一間咁靚嘅餐廳😍。佢空間感十足而且用左乾花等裝飾，有啲文青feel。食物方面我哋揀咗軟殼蟹蟹肉拌飯同煎慢煮西冷配薯菜沙律。隻炸軟殼蟹份量十足熱辣辣之餘咬落仲十分Juicy。西冷牛扒我哋點咗五成熟口感非常好而且好有牛味😋。呢度仲可以加錢轉特飲，我就要咗一杯抹茶鮮奶🍵，配咗簡單嘅拉花已經令人特別開心。估唔到呢度嘅甜品都可以令我好有驚喜，佢有呢排好興嘅巴斯克芝士蛋糕🥧，佢好重芝士味又唔會太膩，我地仲叫左Lotus 芝士脆餅，係焦糖味脆脆加上甜甜地嘅芝士餡。甜品上枱嘅時候隻碟仲用朱古力醬同玫瑰花瓣做咗裝飾，女士見到都包保心心眼😍。大家下次去開新蒲崗，想休息嘅時候不如就嚟試一試呢間餐廳啦！👍🏼…查看更多

天氣轉涼又係開始打邊爐嘅時候，貪心嘅我就梗係揀雞煲加打邊爐啦😬。太子汝州街呢間🌸蚊蚊豬老火鍋🌸我成日都有去食，有好多鍋揀之餘佢最近仲升級咗，同樣嘅價錢食烤魚放題會包一盤羊腩煲😍!228任食兩個鐘真係好抵。今次同朋友得兩個人就揀咗食微辣嘅麻辣雞煲，好彩有book位因為一路等嘅時候都有好多人嚟緊🙈。我哋揀咗$228嘅餐，雞煲上枱既時候師傅已經煮到9成熟，等兩三分鐘就食得喇🥰，呢隻微辣除咗辣味之外佢仲幾麻㗎喎，正👍$228係包咗一碟好靚嘅安格斯牛肉雪花，分佈好均勻，牛味十足。佢既打邊爐配料都好正! 有我最鐘意既鴨血同鵝腸，配雞煲既麻辣湯底堅入味👍。小食竟然有炸饅頭😍。特別一讚今晚個侍應好好招呼，一定要快啲再約人食先得🤣…查看更多

今日lunch黎食銅鑼灣登龍街鮨和居食屋🇯🇵晏晝好多人排隊, 次次想食都食唔到, 今次特登早啲嚟😝今日試咗角切魚生丼，同埋日替燒魚定食跟餐有麵豉湯、前菜、沙律同埋茶碗蒸，仲有雪糕或者咖啡茶可以選擇添☕️角切魚生飯有好多款唔同嘅刺身😍蝦肉非常紮實新鮮🦐三文魚🐟油甘魚🐠鯛魚🐬魚子🐳吞拿魚🥚玉子樣樣齊👍🏻非常豐富😋😋每樣都食得出鮮味唔錯🥰魚生份量感覺仲多過飯😂好少何食晒啲白飯仲有魚生剩😎日替燒魚定食時間拿捏得剛好😍外皮香脆肉質嫩滑,一啲都唔鞋口😋原條魚上金黃色🐠夠晒大條茶碗蒸非常滑溜仲好多配料🍳有菇有帶子有雞肉等等, 一啲都唔馬虎最後雪糕我哋試咗紅豆同埋綠茶味🍵好香滑🍨完美結束呢一餐…查看更多

旺角新南苑私房菜火鍋雞煲有海鮮餐🦀同埋牛魔王揀🐂 兩款都好吸引😍最後我哋揀咗牛魔王 🐃🐃貪佢有四款牛可以任食😋 先呢就係食雞煲🐔🐔非常惹味 ，件件雞一口size 剛剛好又夠入味 👍店員教我哋雞煲每煮幾分鐘就要開蓋搞一搞🙈 但其實佢哋都有keep住會幫我哋手烹調 🤣 見到店員好忙但係又好細心 火鍋方面我們要咗椰青花膠蟲草花湯底，非常清甜😍最估唔到係成個椰青殼喺個鍋中間 😂初初以為椰青內外會唔同味，但原來個椰青底係穿窿嘅 😂😂 牛魔王餐碟牛正中間最靚嗰幾塊係本地手切牛頸脊 🤗油脂分佈均勻，最靚仔係佢！本來想再加單不過原來係定量🙈 所以我哋退而求其次食咗美國srs黑毛和牛肉眼😝雖然冇前者咁高質，但依然非常唔錯 ！火鍋任食嘅餸菜非常之多選擇 ，仲有少少熟食而家仲做緊優惠 $98@就可以有海膽任食😍雖然實物同廣告個買信相差有啲遠🤣 但味道絕對可以睇我哋食飽之後準備埋單竟然仲上咗一人一杯北海道3.6牛乳奶凍！勁好味！🍨 一定要留肚食埋佢！…查看更多

呢間韓式嘅良心小店無論裝修或食物質素都非常吸引🌠🌠🌠 好記得疫情剛開始的時候 光顧會附送口罩，非常貼心🤗 對於呢個小小嘅舉動👍感覺到很窩心，留下左好深刻的印象。 當時已經決定咗會再嚟試佢其他嘢😝辣炒豬肉 $268🐷熱辣辣用鐵盤上枱 ，雖然只是小辣，但又非常惹味！ 大量豬肉配上勁多芽菜😆熱爐旁邊的有芝士粟米 🧀紫菜飯🍚 當然仲有不能缺少的泡菜🥗 旁邊仲有 香甜嘅菠蘿粒🍍 解膩 一流！分量非常之大 🥘🥘🥘其實兩個人食一鍋已經非常足夠，女仔的話建議三至四個人 share 另外再加一款麵食或兩款小食就剛好了番薯芝士條 $35🍠Cheese lover 表示大愛😍 拉絲感十足 濃郁嘅番薯香味🤗 有啲似食緊番薯條 但又有點煙韌成個觀感非常特別😎 比較少地方有得食兩個人咁樣食已經飽到上心口 🤣下次要留返個胃黎是其他款式…查看更多

今日去開Megabox行街，經過見到依間好多人食既日和号壽司料理就黎試下喇，睇真原來做緊半價優惠，唔怪之得咁多人食啦。店入面有大大架火車係度，好得意啊🤣知道係半價之後我哋當係放題咁叫🙈一嚟到梗係食咗刺身先啦，三文魚腩好肥美，每一塊到好厚身，油甘魚亦都好新鮮。呢度嘅壽司亦都相當有特色，火炙柚子胡椒帆立貝，清甜嘅帆立貝加上有子胡椒醬，辣得黎好清爽。海膽軍艦，海膽份量非常之多，而且好新鮮。稻荷吞拿魚沙律，呢個一定係小朋友至愛，甜甜地嘅腐皮再加上啖啖肉嘅吞拿魚沙律。七味蟹捧壽司，輕輕燒過嘅蟹捧，非常香口。依度既飲品亦相當大杯，超抵👍🏻…查看更多