jeffhuihk的个人专页

夜晚六點四十五分，滿心歡喜去食飯，點知遇著垃圾服務店員，當你啲客係垃圾！掛住做火鍋，其他客好似要同佢乞咁。只係問有冇打冷，一句冇，乜你唔知咩？就走咗去。六點五十分，再落小菜，叫咗炸墨魚餅和椒鹽鮮魷。突然，六點五十五分，個廚房叫出來話，其中一樣冇，跟住就冇人跟。直到你問佢，先知賣哂冇貨賣。到你改order，價錢唔同，又唔同你改，要你出聲先改。食物來講，油膩，味超鹹，椒鹽鮮魷炸出來甩皮甩骨，炸粉上唔到魷魚，椒鹽係灑少少起角落，並唔係起鑊度跟魷魚一齊炒。第二樣金沙蝦球，出品正常，味道偏鹹。地方污糟，地下好跣，如果帶老人家去，一定要扶實佢。各位，如果想貼錢買難受，認住紫色衫扎馬尾，又收錢又落order又傳菜嘅阿姐。超寸！佢根本唔想你幫襯佢，見你得兩個人，唔係打邊爐，幫襯少，唔歡迎你。…查看更多

見 openrice褒得咁行，特登搭車去食。叫左腸粉、魚肉燒賣、牛肉球、兩溝。我和朋友兩個人分兩次叫，扮唔識。朋友叫 order先，叫3條腸粉、魚肉燒賣，比錢時比個女人同佢老公講$8腸粉"咋"! order時個女人聽到3條腸粉已經黑面，但黑面都仲識問要唔要飲嘢 xd朋友話唔要! 再黑面! 收錢個肥男人又黑面 xd好似欠左佢哋咁 xdddd論食物，腸粉只是普通腸粉，周街都食到，醬都係普通豬油花生醬、普通幾十蚊一桶嘅甜醬、普通幾十蚊一桶嘅辣醬。特色在特別貴 xdddd魚肉燒賣好雞，好林，有少少腥，唔落辣油唔掂。咁嘅價位 suppose係煙韌嘅燒賣囉!牛肉球唔似牛肉，似豬肉溝粉，都係好林，唔好食。兩溝翅湯冇味、料少，魚肉腥。總括來講，環境大排檔，未至於好污糟，但地下有垃圾，枱面食客食完嘢冇人收。到你食緊佢先來收，收完又唔抹枱。冇冷氣，夏天一定中暑。呢檔嘢好照顧冇牙嘅老人家，因為 d嘢好林。態度搶錢，個個買嘢食都問你要唔要嘢飲，幫親唔過$20就黑面。我係咁! 我朋友都係咁! 唔建議大家專登去食，除非你路過，家人冇牙，而且全部舖頭未開得佢一檔又好肚餓。推薦好腥好林魚肉燒賣，一定要請仇家食。原本比負評，但 openrice唔比登，我改為全部比5星，再試。…查看更多