油麻地美斯的個人專頁

去到銅記行街, 突然間好想食甜野, 見到呢間甜品舗話自己係貓山王專門店, 鐘意食榴槤嘅我就二話不說入左去啦。可能時間都未到食甜品嘅時侯, 店內都無咩人, 不過店內坐位都夠坐, 店面又幾光猛, 加上一入間舗就有一陣淡淡嘅榴槤味, 都好開胃下。餐牌都有好多野揀, 眼花撩亂之間我都係問下老闆娘有咩好食, 佢就話一定係貓山王千層pancake, 之前都聽過下個名, 我就即刻叫左一件。一黎到見到大大件都即刻忍唔到口食左啖, 一入口榴槤味就好似炸彈咁係個口入面爆開, 可見pancake落足料, 層層都有榴槤而唔係好似某d黑店咁加左好多cream落去件cake到食完之後埋單, 行番去time square口入面陣榴槤味都無散去, 可能你會話我口臭, 我就覺得係齒頰留香, 食完之後都可以不斷回味番件cake嘅味道, 身為一個durian lover我真係除左比滿分都唔知比咩好。…查看更多

因為知道呢間做緊優惠，二人同行一人半價，就係荃灣睇完戲順便黎試下~兩個路痴都揾左好耐路，沿住天橋直行5至10分鐘就見到大大個瀛喜招牌了。可能係平日嘅關係，唔洗等位但都full左7，8成我地兩個人佢比左四人枱我地，感覺好開心好闊落，可以盡情叫野食唔洗怕擺唔哂喔！同一般放題一樣分門別類左，第一時間叫刺身壽司啦緊係！一路飲野一路等，好快就有野食啦，我地叫左好多花之戀但賣相確實不是太好，好散亂嘅感覺，但又真係好多蟹籽但沙律醬又好味，三文魚又好濃郁，點算！如果佢賣相靚啲就perfect 啦…壽司類黎講，真係幾得意，好似係我食咁多間放題，舊飯整得最細件嘅一間，好得意，啱哂個啲食少少就飽嘅女仔，北寄見係好鮮甜好大塊！其他三文魚，生蝦壽司不過不失啦之後係冷盤！我最愛嘅蟹籽沙律！係足料嘅，有蟹柳，青瓜，好多蟹籽！好多沙律醬！好好味，咬落soksok聲，太心急食，唔記得比相機食先lol蟹籽胡麻醬撈烏冬，真係見到都覺得好好食，食落去個口感好好，但可能有啲油膩到刺身啦！食左好多先記得影相，我專攻甜蝦嘅，呢度嘅甜蝦係連頭個啲！好新鮮鮮甜，同埋我寫20隻，佢又真係出20隻比我，抵讚！三文魚係厚切，好肥美，口感好好，正！其他就正常啦~因為唔係特別中意，而我係唔食海膽嘅，所以不予置評啦~呢碗唔記得佢叫咩名，都係冷盤，以為應該好好味，但係啲蜜桃片加埋蟹籽下面嘅一大碗沙津…醬，食完應該肥10磅，仲有啲washapi味，奇奇怪怪的食左咁多凍野，到熟食啦，值得講嘅係呢度嘅牛柳粒，天婦羅同炸魷魚鬚，牛柳粒煎得剛好，七成熟，好香口，大蝦天婦羅炸得熱辣辣，好鬆脆，個粉唔會太厚，入面好軟，點埋個汁大件又好食！炸魷魚鬚好大條，我唔中意食厚粉炸到乾哂個啲，呢度就係做到個水準！最後個煮硯真係咸左啲，但份量好多！一大碟，兩個人都食唔哂食到飽哂緊係叫甜品埋尾啦，有四方果真係幾驚喜，即刻叫左個，但唔夠凍，而雪米滋就好成功！我食左3粒先走xp，好好食啊啊，要讚嘅係last order 後，有追問每張枱有冇漏單，好貼心喔，雖然佢地冇漏到~服務員嘅態度都好好，唔似其他放題咁會受氣，呢個價食到高質野同服務態度，真係幾抵。…查看更多

今晚去既餐廳係組長日式放題，因為同朋友比較肚餓所以都想食放題，然後喺openrice見到組長好似ok就5點打去book 9點既位。一出銅鑼灣地鐵站c出口，向右行兩分鐘左右就到左，都幾方便。9點左右去到餐廳，排隊既人唔算太多，因book左位，完全唔洗等，直接有位。第一個侍應態度已經唔錯，所以俾人第一印象已經唔差。之後坐得都算舒服，因為岩岩好對住窗口，間唔中望下出面感覺都唔錯。有樣野特別要讚既就係 對比其他同類型放題既 店舖環境冇咁逼，每張枱之間都有一定距離，算幾鬆動。食物既款式數量同其他放題差唔多，都係有9-10張左右因為我唔係特別中意食生野，所以熟食既比例較多。但必叫的三文魚都係有叫既。叫左三文魚壽司同玉子壽司。三文魚中上，算偏厚，而且口感不俗。但玉子成日一夾就裂開少少，好易夾爛然後就係一碟壽司同手卷圖中就係海龍皇卷,加洲卷同埋花之戀大部分用紫菜包住既都包得一般，好容易飛出來，包得唔夠實手卷同壽司都有呢個情況味道都唔錯，但重點推介:就係花之戀!呢度既花之戀質素真心唔錯，算係上品三文魚口感好，醬又夾到個味，食到停唔到。繼續推介:呢個就係汁燒牛柳粒!呢個一流!!!呢個牛柳粒既生熟控制得岩岩好，令到肉質唔會un再加上佢既汁，真係一試難忘!不過份量相對有少少多，小心食呢個就食飽哈放題又點少得天婦羅!呢度分別係三文魚天婦羅、蟹棒天婦羅同香蕉天婦羅。三文魚天婦羅不錯，雖然炸過，但仲可以保留到三文魚既肉質而 蟹棒天婦羅明顯錦上添花，炸過後口感多左一個層次，好味左!最後就要講香蕉天婦羅!呢個真係特別，炸過既香蕉入面仲係一模一樣，但外面就多左層，做到出面暖，入面有熱既感覺，口感特別！最後除返每個人都係210有找，同其他放題差唔多，但勝在位置方便而且唔少款式都特別，我認為幾值，唔錯既一次！…查看更多

近來成日去葵涌見客，見完順便食完午餐之後先番公司。今次食到黎富泰，叫左個泰式海鮮炒河，加埋龍眼冰。可能太多人，等個炒河都等左十幾分鐘。黎到時，發現碟炒河都份量唔少，以一個女仔黎講，可能太多tim!外表來講，其實都幾似茶餐廳既濕炒牛河，但食落當然唔似，因為個泰式醬汁好出色! 海鮮就唔系好多，都系蝦同魷魚，但好似索唔到泰式醬汁既味。值54得一提既系，成碟野有好多菜，對注重健康既人就好適合。最後杯龍眼冰唔似龍眼冰，只有龍眼而沒有龍眼味。睇黎，下次食就食其他野有好D!…查看更多

「美麗的食物」正正就是這餐廳意大利文名字Bel Cibo 的直接翻譯。幽黑的裝潢主調，配以桌上潔白的餐巾，予人高貴雅緻的感覺 - 這次我絕對要認認真真寫一次才對得住這間餐廳!餐廳環境舒服，乾淨整潔；燈光柔和、音樂輕快、座椅柔軟舒適，營造出讓人放鬆的環境，與外面的鬧市成強烈對比。服務員態度友善、儀容整潔，並很耐心地為我們詳細介紹每道菜式~這是第一道送上的餐點，賣相極為吸引，橙黃色的芒果粒鋪滿由鮮蝦沙律塔上，再淋上了芒果醋，味道非常清甜且令人食欲大增。鮮蝦爽口、芒果甜而不膩，加上爽脆沙律菜，令人停不了口!我們的主菜是服務員介紹的炭燒日本活性水飼豬鞍，上菜時，服務員建議我們先嚐不沾燒汁的味道。豬鞍肉味香濃，且有炭燒的香味，上面撒上了黑椒等調味品，非常入味。沾上燒汁後，豬鞍味道更為豐富。另外，廚師很有心思地以炸過的天使麵插在薯蓉上作裝飾，除了另賣相更為好看，亦令口感更有層次。第二道主菜是看到別人點覺得很好看才點的松露醬烤焗大傘菌忌廉飯。巨型傘菌蓋在忌廉飯上，再加上沙律菜及鮮茄作裝飾，賣相非常特別。雖然巨菇看似乾身，但咬下去卻是意想不到的軟滑多汁。平凡的白飯配上了香濃的忌廉汁、香草、雜菌絲與黑松露，口感煙韌、味道香濃而不膩、層次豐富，整體來說極為出色!…查看更多

4人遊元朗，本身約好去食華嫂，點知行到入去撞正佢地休息時段，唯有搭返輕鐵出去b仔記涼粉食。因為正值四五點，好多學生哥都放學，而佢地唔少亦去左嗰到食野，所以等左一陣先有位。之前係又新街嗰間食過芋頭西米露，今次決定挑戰自己，點大大兜b仔涼粉😏，仲叫左幾份小食，包括魚蛋、腸粉、雞翼尖、瑞士雞翼。涼粉可以話好足料，好多好多生果，除左見到嘅西瓜、蜜瓜、桃之外，入面仲有大樹菠蘿、荔枝、海底椰等等。佢地仲會附上一兜仔淡奶俾你食涼粉用。魚蛋同腸粉一齊上，魚蛋雖然細細粒，但係好有口感，夠彈牙，加埋甜酸醬一齊，效果都唔錯。魚蛋唔一定配咖哩嘅﹗腸粉就中規中矩，味道可以接受啦。瑞士雞翼1小都算OK，食落有少少汁流出黎，好入味，甜甜地，唔錯唔錯。雞翼尖係b仔必食，佢地先醃一醃，之後再煮，所以好入味，蒜茸味重加埋辣辣地，少食雞翼尖嘅我，都食唔停口！總而言之，有禁好嘅食物，唔怪得佢紅啦﹗下次再黎，除左上面嘅，都要嗌埋芒果腸粉。坐隔離班學生哥嗌左好多，佢地係禁話好食。 …查看更多

走出油地，同一班外國朋友去赤柱行下，到左下午茶時候，行經赤柱廣場，見到Waffleman，佢地即刻入左去，問佢地點解，佢地只系話：「Waffle, nice!」間野專做窩夫，有唔同款式，如需要嘅話，有幾款飲品可以點下。餐牌有中有英，加上有圖片介紹，方便班鬼仔鬼妹，以及未黎過食嘅人。我點左一個焦糖綠茶新地窩夫，其他人就點多個焦糖綠茶新地窩夫同兩個草莓烈日新地，等緊嘅時候，主望下店嘅內部設計，牆身以橙、黃兩色為主，加上一塊窩夫的介紹板和一塊大黑板寫下關於窩夫嘅野，非常簡單，沒有多餘嘅花巧，但就讓人有很舒服。加埋店外嘅風景，令人有放假的感覺。窩夫等左十幾分鐘先到，個焦糖綠茶新地窩夫外觀好吸引，一大球綠茶雪糕，上面有D朱古力碎，雪糕周圍有D棉花糖，最底有加上糖槳嘅窩夫，睇到已經想食。窩夫食落，有D似格仔餅，但比格仔餅更有口感，好煙韌，又帶多D甜味，加埋棉花糖一齊食，口感更有層次。至於個綠茶雪糕，好重綠茶味，配埋朱古力碎同窩夫一齊食，甜到漏，但不太膩和口乾，在夏天再熱D嘅時候食番個禁嘅下午茶，真是人生一大樂事！自己食到一半時候，想再望下班鬼仔鬼妹點嗰D，順便試下，點知已經太遲，佢地已經食完，佢地話太好味，所以好快食完，搞到想試下其他味都唔得……無緊要啦，等我下次再黎，食番一兩個唔同味嘅先!…查看更多

今日到朋友食完夜晚個餐行行下見到呢間hesheat見到個裝潢幾正，於是心郁郁就入左去間野仲有樓上，個環境真係幾唔錯:)我叫左個朱古力心太軟配香草雪糕心太軟D朱古力唔苦唔甜，剛剛好配埋個ice cream真係perfect match!!朋友就叫左個綠茶窩夫窩夫唔只得個綠茶ice cream仲配個紅豆蓉同蜜糖漿一齊食落去個下真係甜到入心2個都係50幾蚊，咁既質素呢個價錢真係ok ga鐘意食甜既人一定要try try…查看更多

見佢唔洗等位又口痕想試青咖哩😂叫左椰汁沙冰 青咖哩軟殼蟹 牛雞肉串燒 菠蘿炒飯😋青咖哩軟殼蟹 點法包食yum yum青咖哩煲同軟殻蟹分開上 好味到要嗌多個法包食😀串燒唔講啦 無咩特別點醬會無咁dry🙌菠蘿炒飯係半個菠蘿咁上嘅味道有啲淡 但係個炒飯炒到一粒粒咁㗎😀椰汁沙冰其實就好似椰奶咁 甜甜地但又好清😀佢menu上面仲有其他 椰汁紅豆冰同三色冰好多款㗎 🌟見到隔離枱有食生菜包😗好似唔錯 可以嗌下…查看更多

去蕯莉亞食個tea題外話：望有望個menu上嘅餐有少少日式feel👀google下先發現蕯利亞founder係日本人失敬失敬🙇嗌左個1.鐵板漢堡雞塊雞翼 漢堡肉好鬆軟 炸雞塊有少少似李家杯杯雞隻口感 除左跟飯 仲有薯角同粟米跟添😗$45送埋drink bar 真係好抵食我仲追加左粟米湯同蒜蓉法包😙😙片法包真係即叫即整好鬆軟㗎😋必食！2. 蒜蓉焗田螺呢個麻麻啦 蒜蓉味入唔到田螺 點都係薯蓉同田螺夾啲😀3.鐵板燒魷魚同menu張相一樣😙唔太韌 幾好咬 趁熱食比較好可惜個汁唔夠濃😔…查看更多

咁岩經過紅磡, 就同班FD一齊去食宵夜喇! 朋友介紹一間又有串燒食, 又有車仔麪既鋪頭「美味佳」個晚等既人唔多, 咁岩有位我地好快就坐低左喇個度環境唔算好大, 好多年輕人聚埋一齊食, 仲有部電視播埋啲老餅歌添我叫左一碗車仔麪, 自選三個送加一杯自家製涼茶再嗌左幾串串燒同埋燒茄子.等左好耐之後先有野食, 碗車仔麪相當豐富, 有大量豬骨同連皮薯仔, 老闆娘話私人醒啲湯渣俾我地! 個湯底又真係幾好飲既. 不過略嫌有啲咸, 但幾鮮美, 啲送都OK ge個麪軟硬適中, 加埋串燒都不錯不錯!串燒又真係幾夠火氣, 又真係幾香! 面頭啲香料好正 的確有一番風味! 下次會試下加辣燒茄子就反而一般般, 無想像中咁好食面頭既蒜泥唔夠多, 亦唔入味, 無一般串燒店個啲咁好食自家製涼茶都幾好飲, 幾冰涼, 食完咁熱氣既串燒 仲可以去下火!下次食宵夜會試多啲其他串燒:) …查看更多

講到首創一人即食火鍋, 除左大眾諗到既HIPOT外,仲有一間又平又正既好推介!!係紅磡讀開書, 或者去紅館睇演唱會既你地就要留意喇!咪睇呢間鋪頭好似唔大, 又無乜大型招牌宣傳, 但係野食就真係正到一個點!附近既大學, 專上學院等機構仲會有優惠添!!!呢間餐廳叫「鍋碟」又名"DABINLO"係我地成班朋友自己幫佢改的! 入面有既野食包羅萬有!一人火鍋, 蛋包飯, 鐵板飯, 台式湯麪, 焗飯等等全部都一級棒!!絕對唔會遜色於HIPOT同PEPPER LUNCH!重點推介: 一人火鍋40幾蚊自選火鍋,差不多成10種唔同既湯底, 有辣有唔辣另外仲有雞, 牛, 羊, 豬肉俾你任君選擇以為咁少野食唔飽? 仲有大量既蔬菜做配菜! 金菇, 冬菇, 椰菜, 芋頭, 紅蘿蔔, 白蘿蔔, 粟米, 南瓜, 腐竹, 豆腐....再送埋多個飯/拉麪/烏冬/米粉仲有仲有仲有杯野飲! 反而多到你唔信 選擇到你唔知點揀hahaha食到你攬住個肚番屋企鍾意韓食既你, 都可以選擇泡菜湯底, 香噴噴, 又唔辣配豬肉或者海鮮都是超級正的喔! 圖中既就係小弟既至愛----麻辣羊肉火鍋配飯就一流, 麻辣味好香好有川菜既風味! 羊肉可以充分吸收到麻辣湯底既汁, 非常入味, 加上多種配菜, 實在食到又刺激又興奮!仲有另一重點推介: 蛋包飯呢間鋪頭仲有蛋包飯都係超吸引的喔!!!蛋包飯有多種選擇: 三文魚, 咖哩海鮮, 雞肉...等等煎到金黃色, 酥脆既雞蛋, 再加上蛋上面酸酸甜甜既蕃茄汁, 包住飯食就真係最好既配搭<3  望見都肚餓! 另外仲有鐵板飯個啲都係香到離晒譜, 完全同PEPPER LUNCH有得揮叫飯仲會送湯! 超級健康多種食品, 多種選擇!黎到國際都會廣場食咩? 你識揀喇? 真心推介 ICHIBAN! 又平又抵食! …查看更多

輕輕鬆鬆星期六，我相約朋友們到一壽司食返個黑夜壽司，一壽司最大特點是每晚十時後半價（熟食除外），每人最低消費80元。我和朋友大約晚上九時半到達，等待十五分鐘左右就能入座，入座後先點了三文魚刺生 刺生拼盤 燒汁燒三文魚壽司（忘了具體名字）。三文魚刺身很新鮮，比起其他連鎖店的三文魚更厚切。刺生拼盤味道平均，沒有太大過人之處，唯一想讚的是甜蝦口感很好，入口即溶，有點黏黏的感覺，咬起來綿綿的，而且大小適中，真的是有蝦味的甜蝦（甜蝦忘了拍，送你一張蝦頭）。那個燒汁燒三文魚壽司我和朋友一共吃了二十件，聞起來很香，一口咬下去更香，三文魚熟的程度剛好，燒汁甜度不太過，吃完口腔還會有一股三文魚香味，所以吃了會想繼續吃。至於熟食好像不太吸引，所以我們並沒有吃，主要都是想吃魚生。整體來說，魚生比起總多的壽司刺身連鎖店好很多，質素和環境都不錯，有空會再來的。…查看更多

行行下見到呢間ＨＥＲＯ　ＳＡＮＤＷＩＣＨ，見到ＨＥＲＯ咁把炮咪行入去試下。點知間野真係幾把炮，唔好見佢同平時d快餐店差唔多咁，都係得漢堡飽同薯條，但係只要食過hero sandwich既漢堡飽（其實係三文治）同薯條就知道係完全兩回事，味道同感覺係完全唔同既。未去過食既人就一定要去試下，識食一家去大角咀呢間食，未試過都唔好話中意食漢堡飽（三文治）。大件得黎夾抵食，多料得黎又多汁，啖啖肉，同以前食開既漢堡飽簡直係兩個世界。而且款式又多，配搭又多，個飽皮都唔係一般貨色，食起黎其實都幾鬆化，上面Ｄ菜都算新鮮，最少Ｄ生菜係爽口既，配料相比同其他快餐店真係優勝好多。薯條好食當然唔洗講，薯條大大碌，新鮮得黎仲要係熱既添，咬落去仲要外脆內軟既，出面似薯片，入面似薯蓉，味道似薯條，真係一次過滿足你三個願望！！！呢間野堅係冇得輸。誠意推介!…查看更多

話說前一排做愛我請留言, 個個都話食勝香園,小弟終於有日得閒同d fd去朝下聖! 一黎啲姐姐就招呼我地坐低左, 地方有少少似大排檔, 係中環呢個咁商業化既地方下, 呢啲舊式露天既茶檔確實少之有少, 雖然係夏天食係熱左啲, 但的確係別有一番風味既! 本身個人唔係幾舒服, 我就叫左碗蕃茄咸牛肉蛋腸公仔麪, 見佢個名好似包羅萬有咁, 又幾吸引, 就嗌左黎同個fd share試下, 熱騰騰既蒸氣飄黎蕃茄既鮮味, 蕃茄味極濃郁, 與華嫂冰室相比, 雖然唔係用新鮮蕃茄, 但又係另一番既蕃茄田園風味! 食落酸酸地, 加上又濃又稠既湯底, 再加上面頭一層層蕃茄肉, 真係睇落都lam lam 脷!! 唔舒服都即刻胃口開晒! 再試下佢個咸牛肉炒蛋, 這就是我要的味道!微咸, 再加上嫩滑既雞蛋, 對於極愛炒蛋既我真係瘋狂迷上! 雞肉腸, 咸牛肉蛋, 出前一丁公仔麪, 再加埋一夾起就啖啖蕃茄肉, 真係完美既配合, 「咸, 甜, 酸, 鮮」完美演繹四種味道! 另外, 我地仲叫左個混醬多同埋檸蜜脆多起初以為混醬多會同出面既奶油多不相伯仲, 但一食落幾種味道, 煉奶,花生醬等味道集合於一身, 實在正到無法形容! :)檸蜜脆多更係非常特別, 外脆內軟, 烘得十分鬆化, 面頭個層醬檸檬同蜜糖味十分香, 而且好濃, 一咬落去酥酥脆脆的外殼, 裡面檸蜜的汁會流出黎,酸酸甜甜既感覺滲透係脆多入面! 口感清新既感覺實在太正喇! 下次一定要再同fd食勝香園! 繼續支持香港獨有既風味! 地方容易搵, 雖然露天座位, 好易受落雨或者好曬的天氣影響, 但係為左食, 你可以去到幾盡呢?  …查看更多