Annson219的个人专页

終於有機會試到長期排長龍人氣茶飲店今日閒日下午嚟到海港城，見到冇咩人排隊，又好鬼口渴即刻買番杯嚟試吓！叫咗杯國王珍珠奶茶少甜少冰，人雖然唔多但都等咗10分鐘。第一啖入口已經覺得好滑好滑，跟住就feel有茶味，珍珠唔太硬唔太軟又唔會太甜，整體來講都係一杯好好飲嘅珍珠奶茶，如果人多少少排一陣隊都值得嘅。店員亦都好nice, 包裝都好有心思，又環保，用一條麻繩就可以當膠袋咁拎走，既eco friendly 又美觀…查看更多

今日專成嚟到新蒲崗嘅窩子，之前一直都好想試但又聽講要排隊一直都冇機會，今日餐下午茶時間來試一試叫咗一份紅豆窩夫原來仲有一球綠茶雪糕，配埋個紅豆蓉食，中和返個甜味，雖然下午茶但係個份量都唔會太細，有兩片窩夫，表面好脆，裏面好鬆軟。嘢飲方面我就叫咗個綠茶latte,未到好特別，但都OK嘅！另外一份，就叫咗蝦炒蛋多士，雖然細細份，但係個蝦仁炒到好香，多士就烤到好脆，配埋一齊食都幾好食杯咖啡就普普通通正正常常啦！總括嚟講都係OK嘅值得一試…查看更多

今日諗住嚟樂富食下午茶啦，黎到食肆個一層發現原來沙嗲王開咗新分店梗係即時入去試食下啦！平時其他分店都唔就腳，今次就喺地鐵站附近，正黎到五點幾已經冇咗下午茶餐，咁就照食晚市啦。叫咗我嘅至愛蟹粉豆腐煲上枱嘅時間熱辣辣，豆腐又滑，好香鹹蛋黃味，好多蛋黃油流晒出嚟，蟹肉嘅份量亦都唔少，本身仲諗住唔食白飯，但送飯真係一流，唯有破下戒啦另外仲叫咗個沙嗲牛肉烏冬，亦都係熱辣辣用石鍋上，略嫌沙嗲味淡咗少少，但係個汁都好杰，啲汁掛晒落個烏冬到，每一啖烏冬都食到沙嗲湯，牛肉亦都好林身，唔錯。…查看更多

翡翠拉麵小籠包下午茶嘅時間係去到5:30,去到門口已經5:25,門口姐姐好Nice叫我哋快啲坐低先，睇咗Menu唔啱食先再走啲下午茶餐都幾抵大概係40幾蚊至60幾蚊，麵餐就貴少少應該都係$50~6x.我就揀咗個冇粉麵嘅餐，有兩粒燒賣加兩隻孜然全雞翼，嘢飲方面就要左一個熱豆漿。食物一上枱就覺得份量好細，即管試試啦，粒燒賣食咗又覺得好驚喜喎，幾好味，有啲肉汁又唔會好乾。至於雞翼就係一般炸雞翼，雖然係孜然味，但係味道唔濃，略嫌有啲淡添，直頭想落少少鹽。不過總括而言都OK嘅味道都唔錯…查看更多

今日嚟到西貢行吓，天氣咁夜散步之前梗係要買番杯嘢飲啦！去咗買我最鍾意飲嘅港式奶茶+珍珠，其實就係港式珍珠奶茶$22,性價比其實真係好高因為杯嘢飲好大，你而家飲杯台式珍珠奶茶玩吓手都要30幾蚊，但呢度嘅大大杯港式珍珠奶茶先至$22,如果兩個人share就啱啱好今日要咗少甜少冰，分量冇因為少冰以減少，少少甜啱啱好，珍珠充滿黑糖味又唔會太甜，一邊沿海散步一邊嘆住杯港式珍珠奶茶真係人生一大樂事今日仲見到馮朱古力味有折，下次可以試吓…查看更多

今日又來到西貢行吓，梗係要食下我最愛嘅菠蘿包西貢咖啡室嘅菠蘿包新鮮出爐$12/1個，性價比確實係有啲低，不過個包拎上手熱辣辣，即刻都忘記晒所有嘢，個包好香脆，個心軟綿綿，又大個，一個人食晒一個都絕對冇問題嚟到西貢一定要試…查看更多

成日喺IG見到佢啲Story都好吸引，今日終於黎到深水埗試一試。佢喺地鐵站附近，如果搭地鐵仲可以喺地鐵站交收我今日就訂咗個芋泥巨無霸（$85), 整個蛋糕口感綿密，保持到個濕潤度！因為芋泥新鮮即整，當日食唔晒一定要放雪櫃，出奇地放咗喺雪櫃第二日拎返出嚟食口感依然一樣，一點都唔乾，讚！個底焗到黃金色，唔會話個底好實，整個蛋糕整體嘅質感係一樣！因為有時食出邊啲古早味，個底會實哂，但呢一個唔會蛋糕本體唔算太甜，芋泥薄薄兩層，亦都唔會太甜，如果芋頭愛好者可能會嫌太少…查看更多

今日又來到我最愛嘅茶餐廳大渣哥嚟咗咁多次都係第一次寫食評。今次黎到九龍灣分店，喺德福廣場行落嚟都好近好方便。今日唔使排隊，即刻可以安排入座。黑牛黑麵，其實即係沙嗲牛肉麵，好重沙嗲味，又有花生醬味，麵質好爽，值得encore!熱奶茶都好重茶味，因為太重茶味，飲完夜晚有d 訓唔著😂另外叫左豉椒牛肉炒河，牛肉份量足，好有獲氣，雖然炒河出名肥膩，但炒到感覺不會太油，食哂成碟easy job! 飲品就叫左凍奶茶，熱同凍感覺好唔同，凍奶茶滑口好多…查看更多

今日早左收工，就揸架車去科學園睇下有咩好食，點知見到sensory zero 科學園都開左間分店，就去入試下。黎到五點幾仲有下午茶，就叫左個似鬆炒蛋牛角包tea set 配痴L 線朱古力牛角包夾住嫩滑炒蛋，上面有d 肉鬆，肉鬆咸咸地，配埋芝士炒蛋夾包 好正，肉鬆中和左牛角包加炒蛋既油膩感痴L 線朱古力一如以往賣相都係咁靚，但份量就細杯左d, 朱古力層次豐富，唔會太甜，朱古力迷必試！最後就係鰻魚炒蛋飯，印象中係無tea set 叫，呢個飯我已經之前試過一次，鰻魚份量唔少，亦都有d 厚度，炒蛋一樣好滑，加埋鰻魚汁撈飯好開胃。…查看更多

今日又來到沙角邨搵嘢食，朋友介紹呢一間半島冰廳，佢話佢成日都嚟買外賣返屋企食。今日就嚟試試入到餐廳幾surprise,啲裝修幾得意有花過心思， 估唔到而家喺屋邨嘅茶餐廳都咁有玩味睇一睇個餐牌，淨係下午茶都好多選擇，花多眼亂。不過今日就揀咗普通嘅炸雞脾，半份細多士，熱奶茶。炸雞髀新鮮炸起，味道普通，不過唔會揸到好乾，但略嫌唔係好夠味要加啲鹽，半份西多士亦都係好新鮮，正正常常，呢個價錢算係咁啦！下次要試吓佢哋其他蕃茄通粉餐先…查看更多

久仰nomad大名，相信大部份生酮酮學都有聽過呢一間burger店，因為佢有提供keto 包，生酮友都可以一嘗burger口癮。今日嚟到紅磡呢一間分店，又落住雨決定買個外賣上車食（小店而家不提供堂食）叫咗個single,安格斯牛肉$49, 加$5加多個煙肉topping, 今次冇特別要生酮蛋黃醬，因為就咁食一個包已經唔平加$18要咗個餐有薯條同埋一罐汽水。食落去個包個質感有啲似蛋糕，質感鬆散，軟熟唔硬，都幾易接受，而且好似用牛油煎香過好香牛油味，當然食慣凡人麵包一定係凡人麵包好食啲，但都可以一試又唔會破戒（好似係）薯條新鮮炸起熱辣辣，香脆總括而言，味道都OK但未至於會好想食第二次，同埋油煙好大喺店外等一陣都成身油煙味。…查看更多

之前已經試過海港城既sensory zero, 今日再翻兜禮頓中心呢一間上次試咗牛角包，今次就試吓啲主食同埋小食。鰻魚滑蛋飯套餐：賣相好靚份量夠！鰻魚有兩大片又厚身，好香鰻魚油味，鰻魚汁又唔會太鹹，撈埋珍珠米飯一流！午餐肉：雖然午餐肉好似好普通，但係嚟到好驚喜，又香口，令人一口接一口！日式芝麻手羽：炸粉唔會太厚，熱辣辣都幾好食，但又未至於想再食，感覺比較熱氣。澳洲M5+和牛肩肉溫泉蛋飯牛肉份量好多，又有肉汁，肉質鮮嫩。溫泉蛋撈飯在家M5和牛肩肉真係一流！價錢貴少少都值得！仲有個意粉，我就試咗少少，隱約記得味道正正常常。…查看更多

嚟到跑馬地梗係要試吓Reaction Coffee Roasters, 之前都想食一直未有機會，今日正好嚟試吓一行二人嗌左兩份野：1. Pan seared new zealand diced beef spagehetti,嘩，賣相好靚仔又有啲鮮花喺上面，真係要相機食先完全唔捨得食牛肉雖然細細粒但係份量都唔少，幾有牛味肉質鮮嫩值得encore!2. Green Day Breakfast, 朋友仔食素所以就揀咗呢一款，賣相都幾特別，有牛油果，大啡菇，酸種麵包，睇落都幾飽肚。先講吓個焗薯仔，有啲黑松露喺醬上面又有芝士，幾惹味，細細舊啱晒唔會太膩！大啡菇都好香，又肉厚！沙律菜係羽衣甘藍，不過我對羽衣甘藍就一般,所以冇咩意見。酸種麵包，味道幾特別，又香口，正！…查看更多

星期日既早晨，緊係要出去食個早餐，今日就去左新達廣場既米線陣。要開始番低碳飲食，米線陣都有d 低碳早餐選擇。今日就叫咗個歐陸早餐～炸魚柳！有一件炸魚柳，一隻炒蛋，一塊午餐肉+牛油軟包。通常歐陸早餐都要特別煮，所以要等多一陣，黎到個炸魚柳啱啱炸起，好新鮮，熱辣辣，粉漿唔會太厚，魚肉仲好嫩，唔會炸到過硬炒蛋配有粟米，有少少半熟蛋汁配埋粟米幾好食！午餐肉就普通啦，一般嘢，但佢都屬於唔錯嘅！飲品就叫咗熱奶茶，正正常常都可以接受…查看更多

又叫咗我最愛嘅nuttea 堅果奶蓋茶外賣返公司慢慢嘆！今日試咗茉莉綠鑽堅果奶蓋茶，堅果奶蓋好好味，又香又滑，入口淡淡堅果香味，食到唔停得口茉莉茶淡淡清香唔會太濃，飲落去好舒服。…查看更多