KinWaiTsang的个人专页

今晚係銅鑼灣睇完戲好想好想食片皮鴨，上網搵到間叫「老北京」門口嗰招牌好有覇氣入到餐廳𥚃邊，坐位坐得舒服，睇到餐牌好多都好吸引🤩但首要梗係叫個主打先啦「北京烤鴨半隻$258」片皮鴨塊皮立立令，好有油分皮夠脆，咬落去「咔嚓」，直送耳膜，海鮮醬甜中帶鹹，增加食慾趁熱食，好好味叫左個冷盤「蒽油海蜇」$98碗𥚃載滿海蜇，又夠粗身，咬口充份，餐廳調校味道適中條條粗身，配上青瓜、甘荀絲份外合拍糖醋里脊$128呢度菜簡直係一碟欲罷不能的經典菜，里脊肉外脆內嫰，咬開𥚃面嫰到爆汁，甜酸度適中，我連配料都清埋酸菜白肉鍋$158（小）酸菜發酵的香味超濃郁，五花肉片得薄薄，肥瘦適中，湯底好肉濃郁肉味嘅鮮，一片五花腩，一淡濃湯正到冇朋友仲有壓軸嘉賓“粗身粉條”入曬湯味，食完一啖又一啖，停唔到口乾鍋土豆片$108香氣直入鼻孔，惹味小菜，土豆片經過油炸口，表面微微起皺，給飽了醬汁更入味，配上麻香辣醬，不會搶喉，但又夠味，筷子停不了兩個人居然清曬所有餸菜，可以約朋友下次再試其他菜式…查看更多

今晚同阿囡試呢間日式餐廳，果然冇失望加州卷6件$45壽司舖滿新鮮蟹子，密密麻麻，蟹柳青瓜紫菜都係新鮮食材龍捲風沙律$78呢個沙律真係冇得頂，賣相已經吸引，新鮮沙律菜配上海藻蟹柳脆片非常有特色金龍卷$98呢個金龍卷係餐廳創意之作，食材有新鮮三文魚、芝士同埋炸蝦，熱辣辣炸蝦，包住溶左嘅芝士，口感非常日式章魚小丸子6粒$48木魚受熱下郁郁下非常生動，小丸子熱辣辣好飽滿，令人食慾大增，入面仲包住粒墨魚粒，好味今晚趕住睇戲，下次會試其他出色卷物☺️…查看更多

今晚好開心食到好味嘅火鍋，上到去職員好有禮貌安排坐位後⋯⋯叫咗一個椰子清雞鍋椰子青雞鍋$227唔好睇個湯底咁清，開始滾起嘅時候洋溢椰子味職員話滾起之後焗2分鐘，再開火就可以慢慢品嚐雞件，我哋梗係急不及待啦⋯⋯因為真係香噴噴，雞肉嫰滑正到冇朋友個湯底好甜，不經不覺飲咗一碗😆本地手切牛$338啲本地牛好新鮮，紅粉菲菲，薄薄一片淥一淥就食得雙拼餃子$96木耳鮮蝦雲吞西洋菜香菇餃餃子餡料飽滿，好鍾意呢兩款餃子嘅味道，肉同菜嘅分布啱啱好脆鯇魚片$72立立令嘅鯇魚片非常新鮮，薄薄一片，淥一淥食得，非常脆嫰四色丸$94甜薯墨丸、松露豬肉丸、芥末蝦丸、金沙鮮牛丸呢四款丸全部都有餡，味道各有特色，全部都係手打，咬落非常彈牙，叫四款，試到佢嘅特色之處，火鍋店非常有創意嫰滑嘅雞件配上多蒜多蔥黃沙豬膶$55份量十足，而且真係黃沙豬膶，打邊爐我一定叫真係好正咁多肉類，一定要叫款菜類有機菜心苗，$39幼嫰菜心苗好甜口自家製青檸梳打蜂蜜$68打邊爐我鍾意叫有氣飲品，呢款青檸梳打酸酸地，超解渴消暑，打邊爐最啱呢度啲職員好貼心，好有禮貌，我同朋友都食得好滿足，下次會帶屋企人過嚟品嚐…查看更多

入到呢間餐廳感覺好舒服，好chill侍應接待我哋入咗房間，環境一絕同三五知己推介呢間餐廳我嚟到呢間餐廳嘅時候六點，已經有人喺裏面食緊嘢我哋叫咗dinner set加$38有田園沙律及甜品價錢大眾化我最鍾意沙律菜多醬汁餐廳選用新鮮沙律菜蟹肉雜菌忌廉闊條麵$122好juncy 嘅忌廉醬汁配埋密麻麻蟹肉，滿足眼球，每條寬條麵都包住濃濃醬汁，份外好味西班牙鴨胸燴飯$116可能我個人好鍾意多汁，好欣賞呢個飯，軟綿綿嘅飯配上醬汁、鴨胸都好多舊，呢個飯真係好好味蜜糖芥茉單骨雞翼$76我哋散叫點左蜜糖芥末味嘅雞翼，上枱熱辣辣，將炸好嘅單骨雞翼點上蜜糖芥末，好醒胃，熱辣辣即刻食焦糖朱古力$44隱者$48 係有士多啤梨+熱情果梳打夠晒解渴甜品我揀咗芝士藍莓蛋糕賣相同埋質素都好好，軟綿綿芝士，食飽個晚餐，再食甜品，非常滿足我而家先知道點解呢間餐廳咁多人嚟食，環境舒服，最啱同啲朋友食吓嘢傾吓計gathering下次我會約埋啲朋友過嚟，因為有間房可以容納10個人以上…查看更多

其實已經食過幾次，其實朋友一想食韓國菜我一定推介呢間⋯⋯價錢合理，份量夠⋯⋯味道大衆化，每次推薦朋友嚟呢間食，通常都讚不絕口香蒜蜜糖炸雞$198每次嚟到，我都要叫炸雞，夠脆口，熱辣辣上枱，薯條都有三種形狀，全部都係新鮮炸，香蒜蜜糖，甜味帶香炸蝦飯卷$88你睇吓呢間呢份卷好新鮮，食得出即叫即包，飯卷足料，炸蝦食得出係新鮮炸起海鮮煎餅$138呢碟又係每次嚟到一定叫，好喜歡佢用海鮮和什菜煎成煎餅，好香口，加埋什菜仲香，剪出嚟嘅味道好夾豬肉鍋$288材料豐富：粟米水牛車打芝士、香甜菠蘿粒、紫菜飯、香炒泡菜及炒豬肉⋯⋯粟米溶在水牛芝士，因為有火慶住嚟食，豬肉亦非常嫩口⋯⋯分量十足叫咗兩杯透心涼飲品西柚梳打、藍檸檬梳打$38一杯辣海鮮烏冬鍾意食辣，一定要叫，烏冬質感好滑⋯⋯海鮮足料，有青口魷魚，雜菜等等其實嚟到呢間韓國餐廳好滿足，每次都係食得開心…查看更多

行街路經呢間餐廳，感覺好高雅、有貴氣⋯⋯俾人一種舒適嘅感覺環境唔錯，同朋友食飯一定首選我點咗一客“牛油香煎蟹餅” $138侍應話呢個蟹餅係餐廳出名作品，果然名不虛傳，蟹肉豐盛，蟹餅滿佈蟹肉，蟹餅上面仲鋪滿他他醬，旁邊仲有沙律菜，酸味味，絕不肥膩蟹餅材料大致上有蟹肉、洋蔥、菜⋯⋯全人手搓，賣相非常精緻，我同朋友都讚不絕口，唔好睇佢咁細隻，我反而鍾意佢呢個份量，不多不少炭燒安格斯平鐵牛扒$328我選擇七成熟，牛肉充滿炭燒香味，肉質嫩口，比較Juice⋯⋯我較喜歡呢種食法，原來上枱已經一件件切好了，配菜亦10分精緻，四粒車厘茄，車厘茄好明顯煮過，酸味味，四粒我嫌少另外好欣賞佢配菜有一大舊薯仔，薯仔係炭燒，好香薯仔味今日天氣涼涼哋，我揀咗熱飲“白桃茶” $42其實我未飲過呢款有水果味嘅茶，點知飲咗之後，非常清新，茶帶有白桃味，香味撲人⋯⋯凍凍地飲啖熱茶⋯⋯喺呢個環境，約朋友食飯傾偈非常啱，下次約埋朋友嚟食飯，順便試埋佢嘅甜品…查看更多

今日特登早到呢間餐廳，因為晏少少就冇位，朋友鍾意食牛筋腩，我就介紹呢間俾佢，因為我已經食過好多次，始終都係鍾意呢間台式餐廳地方唔大，但係款式非常多座位仲好寬敞紅燒半筋半肉冬粉$75每次黎必定叫呢個冬粉，冬粉索晒個湯非常入味大大件牛腩，肉質分明，唔鞋唔韌牛筋通透，富有膠質，我每次食呢碗麵都好滿足，紅燒味湯底一定要試牛肉蔥油拌麵$56我朋友更加係牛肉控，佢話牛腩入味，配上炸蔥油刀削麵，絕配彈牙刀削麵餐廳絕不吝嗇，大大件牛腩，令人胃口大開起司肉鬆蛋卷餅$40蛋餅包住豐盛的肉鬆，溶溶哋嘅芝士⋯⋯夾住蛋餅食，一定令大家滿意酥炸魷魚$48呢個必定要試，熱辣辣脆卜卜上枱，分量十足，絕不吝嗇，酥炸魷魚配椒鹽，不得了一定要叫兩杯台式飲品先係最完美的句號金桔檸檬紅茶$24百香果綠茶$28我朋友讚不絕口，話我好介紹，下次會試其他台式食物，只因呢間價錢合理，款式多…查看更多

約咗個朋友傾保險，想搵個唔係太嘈嘅地方，知道呢間火鍋店開咗冇幾耐，就試吓呢間，果然冇嚟坐，環境舒服，一路食一路傾門口放咗大桃花，貴氣十足我哋兩個人叫咗一個“養生藥膳醉雞鍋半隻”$198湯底非常足料，香噴噴嘅花雕酒，一上枱撲鼻滿滿我哋先放咗幾片雞，等佢滾吓先⋯⋯半隻雞嘅份量都唔少，同埋雞件非常新鮮，上面仲鋪上醉雞配料，用了十足，滾咗15分鐘，香噴噴醉雞味更加濃郁，食指大動薑酒黃沙豬膶$68黃沙豬潤用薑汁酒，辟去腥味，豬膶爽口，我同朋友都讚不絕口⋯⋯手打四寶丸半份$48蝦丸、墨魚丸、豬肉丸、牛丸真係唔好睇小呢四粒丸，超級好食，完全符合彈牙標準，少食多滋味爽脆八吋鵝腸$88這樣擺設，容易夾起放落煲淥，鵝腸肥潤，唔會奀吱吱，同埋真係好爽脆魔鬼辣安格斯牛丸半份$46鍾意辣嘅一定要試，辣、麻辣、辣椒辣⋯⋯非常過癮手切安格斯牛頸脊例牌$278肥瘦適中，份量十足，例牌足夠兩人份量，唔韌唔鞋，616就食得鮮脆鯇魚腩$98我平時喺出邊叫鯇魚腩，價錢貴份量少，呢間鯇魚腩令立立，非常新鮮，食落魚肉脆口，超正，滿足非常喜歡食魚嘅人皇帝菜$45用餐時我哋留意到，原來佢中午有點心，點心仲非常特別，下星期我會再約朋友過嚟試點心。呢間新開火鍋店，食材擺設，非常用心，是應服務非常好，我同朋友都非常滿意…查看更多

突然好想食豆腐花，又想飲豆漿，今日我揀呢間甜品店“鮮芋鮮”真係合晒我心水，叫咗一碗「招牌豆漿豆花」$48招牌豆腐花有芋圓、芋頭、豆腐花濃濃豆漿味、香滑豆腐花佢個芋頭大大嚿，好好味，我真係未試過去糖水店食到咁好食嘅芋頭，好粉嫩芋圓煙煙韌韌最令我欣賞係甜品唔會太甜，一試難忘⋯⋯下次我會試芋圓嘅款式另外佢有下午茶精選都一樣好吸引，價錢公道…查看更多

觀塘區呢間餐廳裝修華麗，多個打卡位未開始用餐就急不及待打下卡先餐廳主蛋法國菜，我同朋友點咗三款美食焗蒜牛油處蝦配澳洲牛柳$258虎蝦包含濃濃的蒜蓉及牛油味⋯⋯香噴噴主角澳洲牛柳，肉質幼嫩，牛味濃，我哋選擇七成熟，配菜都非常有特色，有塊四方形嘅薯蓉、秋葵⋯⋯香煎鴨肝甜紅椒汁扁意粉配巴馬火腿$128鴨肝煎香，切一粒粒，柔潤帶點脆口，扁意粉配想甜紅椒汁，好醒胃，扁意粉彈口再加上大大片巴馬火腿，餐廳絕不吝嗇⋯⋯法式焗香草牛油田螺配法包$88一上枱就香噴噴，全因田螺用牛油焗，香溢撲鼻⋯⋯田螺肉非常大粒，喺出面好少食到咁大粒，呢間份量十足，每粒田螺配上薯蓉嚟食，口感更堪，滿足配角：法包⋯⋯脆卜卜食飽左的壓軸節目，就係繼續打卡，成間餐廳都有好多打卡位，仲有餐廳出面，裝修都非常有特色呢間餐廳集美食、打卡於一身…查看更多

今晚同媽咪一共四人嚟到呢間酒樓食晚飯，平時都見到電視有賣廣告，見佢款式都好多呢個四人餐，有雞有魚有龍蝦，仲有懷舊菜式懷舊金錢雞原來金錢雞唔係有雞，濃濃嘅醬汁包住瘦肉、雞膶同埋好爽口嘅冰肉冰肉油香四溢，瘦肉唔會乾身，雞膶非常嫩口⋯⋯霸王香妃雞雞肉嫩口，有鹽香味上湯焗加拿大龍蝦🦞呢隻龍蝦肉質唔錯，食得出好新鮮，伊麵鋪上龍蝦汁，非常鮮甜，伊麵成為重點好鮮甜的龍蝦肉海皇燴燕液海皇即係海鮮，樣樣有，加上燕液，頓時高貴了翡翠炒龍躉球清蒸斑頭腩我哋四個都好鍾意食魚，兩碟嘅份量都好多，滿足晒大家大大件嘅龍躉肉炒又好味，清蒸就原汁原味！一碟配上西蘭花，一碟配上雲耳，冇得輸蟹籽海皇炒飯炒飯最緊要係一粒粒配上菜心粒、蝦仁、蛋⋯⋯蔥粒係重點！已經令我哋四人清晒蟠桃壽包先頭我哋研究緊，使唔使外賣拎走呢四個包包，跟住上枱原來唔會好大個仲可以趁熱食埋佢，飲番杯熱茶⋯⋯媽咪話呢間食材水準唔錯，價錢公道，我哋已經book咗冬至飯喺呢間食…查看更多

今晚同朋友黎到黃大仙中心搵食，見呢間Menu款式多，圖片仲好吸引，入去試吓先入到餐廳坐低，餐具及餐牌都非常乾淨企理溫泉玉子牛油果凱撒沙律$65我比較喜歡沙律裏面有雞蛋，呢間餐廳合晒我心水，仲要係溫泉蛋配上新鮮沙律菜、車厘茄、粟米粒、炸麵包⋯⋯好清新呢度啲凱撒醬絕不吝嗇，我比較鍾意多醬火炙鵝肝三點$72帶子、三文魚、鰻魚壽司，上面放咗鵝肝，鵝肝絕不細粒，好厚肉，同埋食得出唔係平價貨色食材非常新鮮，價錢仲非常合理燒日本廣島蠔四隻（蒜蓉芝士）$98熱辣辣上枱，香噴噴蒜蓉芝士，一定要即刻食，真係正肥美嘅廣島蠔，配上蒜蓉芝士，絕配美國安格斯牛肉鍋$108好少地方有呢個價錢，但份量絕不少，牛肉唔韌，牛肉味好出，絕對係選用安格斯底下仲有粉絲，蔬菜，絕對飽肚牛肉鍋附上生雞蛋，一上枱我就放落佢，再篤穿佢撈勻，美味金蒜燒日本米茄子$53茄子上邊放上蒜蓉黎燒，真係冇得輸，因為茄子同蒜蓉係非常之合襯，呢個又係，即刻食，熱辣辣，香噴噴叫咗兩杯特飲$45一杯檸檬藍柑梳打，酸味味，好醒胃青蘋果奇異果梳打，非常特色嘅配搭，甜甜蜜蜜滿意嘅一餐，我發覺呢間選擇非常多，價錢又合理，我同朋友下次再試其他款式，因為餐牌上好多食物都好想試…查看更多

一行四人黎到“名門私房菜”，唔講食物住，服務態度一流預訂左個燉湯，好期待馳名爵士湯$838#記得預訂呀⋯⋯螺頭、一隻雞、廋肉、花膠，哇！唔怪得啖湯咁甜啦⋯⋯我地仲食埋湯料片片螺頭肉，好鮮味冰鎮鮑魚$98沙律菜薦底，鮑魚好鮮甜配上燒汁芥辣醬，另有一番味道荔芋乳鴿酥$128件（要預訂）老闆話係新菜式，好驚喜切開熱辣辣乳鴿酥，重重嘅芋頭味，非常香，最緊要係夠熱，整完即刻上枱，一定係好好食鰂魚片煎蛋白$298喺出邊食私房菜，好少有呢個餸，又係好有驚喜，上枱嘅時候好似一個Pizza咁，好搞笑⋯⋯用鯽魚片煎蛋白好有創意，仲加配菜一齊煎，非常健康糯米炒糕蟹$888起（記得要預訂）今晚天氣凍凍地，食呢個菜非常合時，隻蟹好大隻蟹膏豐滿，仲有我最愛嘅糯米飯爆蔥油髀拆肉潤腸煲仔飯$378（二至三位用）要預訂油髀拆肉第一次食，老闆非常細心，因為如果三四個人食，其實一隻髀都要自己拆開分配，但係依家私房菜已經拆好肉，我哋食得好輕鬆，油鴨髀同潤腸，都非常柔潤光澤滿足糖水必食木瓜燉雪耳、蛋白杏仁茶最欣賞呢兩款糖水唔會太甜，特別稱讚蛋白杏仁茶，超級超級好味，從未食過咁好味⋯⋯今次呢餐私房菜我哋食得非常開心，老闆、員工、都好有禮貌，走嘅時候仲同我傾偈…查看更多

朋友介紹隱世韓國餐廳⋯⋯果然冇介紹錯入到餐廳暗暗的燈光好有feel地下嘅階磚都好有特色有四小碟前菜泡菜辣度好啱食茄子、芽菜、脆肉瓜醬油蟹一隻$220嚟到梗係上機食先，一見到呢碟醬油蟹，大家味蕾充滿力量急不及待，兩個人都向住蟹膏進發，哇⋯⋯超級好味，醬油味、蟹膏味，真係冇嘢講好鮮甜味⋯⋯配埋白飯，簡直無憾，本身諗住一碗白飯大家分，但係原來醬油蟹配白飯係好好味，所以我哋叫多一碗白飯令到呢間韓國餐廳，記得必試醬油蟹🦀🦀🦀韓牛牛小腸肥腸拼盤$580呢個拼盤包含牛小腸、牛大腸等等喺出邊淨係食到普通牛嘅部位，呢間韓國餐廳，居然有牛嘅其他部位比客人品嚐，等我認識下牛小腸牛大腸，其實都幾好味，原本諗住好肥膩，但係拼盤裏面仲有芽菜等配料，咁樣就令到呢個拼盤冇咁嘅問題奶油芝士炒年糕$270首先，我以為淨係炒年糕，點知上枱原來咁豐富，有薯條、炸蝦、壽司、紫菜卷、餃子、煎蛋等等炸蝦、餃子都係脆卜卜⋯⋯熱辣辣，絕對熱辣辣上枱，年糕煙煙韌韌，薯條配奶油汁，絕對美味，仲有八件壽司，今餐我絕對滿意、滿意、滿意返到屋企，忘不了醬油蟹🦀🦀😆😆已經約咗朋友下星期再嚟，順便可以試其他食物…查看更多

真係路過行過唔好錯過經過呢頭，見到個招牌寫住「120分鐘任食放題」見到任食牛扒同埋「Movenpick」，真係好有吸引力餐牌仲有六款主食係任食，出面仲有海鮮、甜品、雪糕、沙律自取每人仲有一杯飲品，我急不及待叫咗牛扒先主食：紐西蘭西冷牛扒賣相已經唔錯，切開肉汁豐富，無諗過任食都咁有水準仲有紫薯、甘筍伴牛扒，紫薯蓉好甜、濕潤，一啲都唔會膩海鮮類都非常新鮮，鮮蝦仲好鮮甜我試咗一碗蘑菇忌廉湯，蘑菇味濃厚，我個人非常鍾意佢嘅質感，因為出邊多數都好稀，但呢間我非常欣賞湯嘅杰度我仲喺飲食區攞咗麻辣雲耳，吞拿魚脆多，呢兩款我一共出去攞咗三次，我覺得超級好食，麻辣雲耳不算辣，但味道好吸引，另外吞拿魚配脆多，多士脆卜卜，唔會好似出面食店擺到腍坺坺，細細件好精緻，我自己食咗六件主食：子薑菠蘿青口茄醬扁意粉子薑粒、菠蘿粒，酸味味的感覺，配上茄醬非常夾，個意粉質感唔錯，唔會煮到林啤啤⋯⋯唔錯主食：冬陰功雞柳意大利飯呢碟真係要試吓，喺出面我仲未食過冬陰功意大利飯，我好鍾意意大利粉嘅質感，配上冬陰功味道，原來可以好好食，食下食下，成碟食晒主食：烤紐西蘭羊西配 青醬平時我食開羊架，呢碟非常方便⋯⋯已經切好一片片放入焗爐烤，上枱已經香噴噴，配合青醬 主食：烤美國豬肩扒豬味濃郁，完全唔韌，肉汁鮮嫩，配上黑椒汁，冇諗到任食都可以咁好水準哈哈⋯⋯最後一定要食嘅，甜品同雪糕，甜品細細件，可以食唔同嘅款，仲有我最鍾意嘅雪糕牌子下次嚟食，我會叫多三個人嚟，因為四位以上可以每人送一隻生蠔呢度雖然係任食西式放題，但係佢食物質素非常高，絕對唔會將價就貨，所以我非常欣賞，另外，呢度啲侍應都好有禮貌、熱誠，值得一讚…查看更多