挑剔人的个人专页

其實未預備好，點解要開呢？今日專登去食5:15 就有人排隊5:30 入坐漢堡扒飯，飯係暖嘅，漢堡扒都係暖，淨係支茶係正常。盛為$98。另一個餐仲大鑊，我從來未食過牛扒係凍嘅。一入口，「凍喎！」 咩料呀？飯又係暖嘅，淨係碗湯嘅溫度比暖熱少少….盛為$198大約6:00pm食完出面仲大排長龍大家可能都係睇IG 啲人講到幾好食幾好食…之前D22 嘅蕃茄師兄都無咁差，大家都係同一間公司啫，呢間極難食喎。希望之後啲人食到熱飯熱餸😐…查看更多

之前一直有幫襯開泰潮，因為多食品選擇，價錢又唔貴。可以食麵又可以食飯。但今晚去到，成個餐牌都唔同咗😮‍💨 少咗好多食品選擇，價錢又貴咗少少。雖然招呼仍然幾好，但太少食品款式選擇了…. 之後想食少啲嘢，又想食湯麵的話，又少咗一間揀🫠 科學園及白石角已經少好嘢食，咁又少咗一間了。…查看更多

今日去食lunch，原來已經無點心紙，對上一次去食晏都差唔多兩年前，都仲可以跟點心紙叫嘢食，雖然選擇唔多，好過無！留園啲嘢食係好食嘅，熱燻好夠熱，味道唔會過鹹👍🏻 係一間好食的上海菜菜館。只不過招呼係奇差！有時真係唔係好明，如果你地係只照顧熟客，點解唔轉做私房菜？！咁自然無生客，無over expectation！或者佢地唔憂做，有一班固定熟客，生客可以唔洗點理！好彩灣仔仲有其他中餐廳選擇，呢間又Out了！…查看更多

今晚嚟試食科學園新開的越南餐廳。19:30星期一晚去到，由外面睇入去，差不多滿座。但門口無人接待，要行到入去水吧先搵到個人。兩位、坐底、睇餐牌。餐牌正常，但無扎肉就怪怪地🫤 越南餐廳無扎肉？！落單：一碗雞絲湯粉，一份鑊仔炒飯，一份春卷。睇見周圍枱早過我地入座都未開始食嘢…. 🫠 靜靜地等咗大約20分鐘，雞絲粉到。味道及熱度都未做到好好，無味啦…. 要落辣椒醬先可吊味。炒飯要再等15分鐘就到了，炒飯炒得夠乾身，味道比較單一，如果加多少少蝦乾或咸魚仔應該會好食啲。春卷隔10分鐘嚟到，春卷炸得出色，係好食嘅，但生菜大塊啲會更好。見佢用Tom Bar & Gill 嘅牙籤及紙巾盒，可能「越」都係under Tom Bar & Gill。Tom Bar & Gill 喺科學園都算守得住，如果「越」食品嘅味道有多啲層次，應該會更好。…查看更多

昨晚情人節，諗住近近地去科學園食晚飯。之前已經知道呢間餐廳在法國攞了米芝連，即日又訂到位，咁咪嚟試吓啦。點了一份Angus Beef Steak 及 一份肉眼扒。前菜：青口，周打蜆湯：正常；沙律：沙律菜唔夠新鮮。嚟到牛扒：一上菜就知伏🥶 首先：薯條係凍嘅！食落會諗究竟啲薯條炸起咗幾耐？！牛扒就唔洗講：韌及有筋嘅。難食到唔識形容… 😫 一切落去，同埋食落口，已經知道食材唔夠靚… 仲有，水杯係有跡嘅…難怪平日晚餐係得好少客人嘅，而情人節晚餐又可以當天訂到位的都係知賴嘢啦……查看更多

今日落開尖沙咀郵局攞掛號，順便去對面谷辰買沙律做午餐。落order要蘋果薯仔沙律+南瓜凱撒沙律+一碗蕃茄湯外賣，一共$93。之後搭一個站地鐵去紅磡返公司食。蕃茄湯味道正常，有少少辣味；但一打開盒沙律，點解係蝴蝶粉沙律？！喺食店內一眼望晒得大約10款沙律，咁都可以錯？！我見到幫我落單比錢同夾沙律嗰個係同一個人，點解咁都唔啱？！如果我唔食得蝦，又唔食芝士，咁就會浪費半盒沙律😒我估我唔係第一個買到錯沙律嘅客，呢間食店真係要改善一下😟…查看更多

都唔係第一次嚟，之前嚟可能唔係繁忙時間，落單、上菜速度都可接受。今朝第一次嚟食早餐，落餐後等等等，沙牛通追了兩次單，啡走直情漏單，而啡走又點解會比杯加咗奶嘅咖啡？！收錢仲特別，首先樓面阿姐話比張單我地埋單用，擰出去埋單又唔啱，收錢個阿姐又唔識POS嘅操作，搞咗一陣先搞掂🤦🏼‍♀️今次嘅總結：好亂，眼見好幾枱都要追單或送錯餐。香港人去茶餐廳，首要「快」「準」，今日呢間餐廳係兩個基本標準都未做到。…查看更多

今次堂食。點了：牛角包，朱古力牛角包，Caramel Latte，Earl Grey Latte。牛角包：As expectation朱古力牛角包：Under expectationCaramel Latte：極度懷疑佢唔記得加CaramelEarl Grey Latte：正常十分相信呢間舖頭真係法國嚟的！排隊等位所受到侍應嘅discrimination同身處法國一模一樣！有一個華人樣但講英文的侍應用超級無禮貌嘅語氣叫我地及後面嘅人排好隊（by the way, there is no sign for us to queuing up！）眼神語氣就好像我係佢殺父仇人一樣！大家唔洗去法國食都好像置身法國一樣！其他講廣東話嘅後生仔女侍應係正常嘅！…查看更多

因為係韓星粉的關係，大部分新開又有關韓食的餐廳都不會放過！上星期日特登去K11 Musea買呢個艾草年糕包（我又係年糕fans），當日即食，涷食真的麻麻地，叮返熱食會好一點，叮耐啲等年糕軟身啲會更好食。但係味道又未至於其他人講的咁好食！只係食完會好飽，好飽，四分一件已經可以當lunch食！🍞🍞另外又買多個菠蘿朱古力包，好似$78，更加麻麻地😅艾草年糕包，$85一個，價錢係貴，試一次無妨，但不會試多一次！…查看更多

幸好，當舖頭啱啱開時去過食，人多到要坐Bar枱。見到有兩位日本師傅坐鎮整拉麵。第一次食真係意外地好食。連我平時點都唔飲晒拉面碗湯的當日都飲晒！後尾聽到隔離枱講起先知道是日本開過來的拉麵店，有信心保證！心諗終於有間好食嘅拉麵店係沙田！但上個月再去時，日本師傅不在店內（不知道是已飛回日本抑或當晚不在舖），味道已有分別.... 雖然都見到拉麵湯是一包包原裝拆開（相信是日本直送過來），但真的無咁好食了...😔…查看更多

第一次嚟呢間食，夜媽媽，諗住茶餐廳會快，點知等了又等..... 叫咗個牛扒餐，正常。叫咗個雞扒餐，侍應話要耐少少時間，好，咁我地等。等了成半個鐘（跟據落單時間）之後問一問侍應，佢問廚房先個無雞扒😒 聽到時真係O晒咀囉！成半個鐘都無人知！唯有叫多個牛扒餐..... 茶餐廳變咗做慢茶餐廳！大家嚟呢間食真係要預多啲時間。雖然員工服務態度都唔錯，但真係好突然好失望囉。隔離枱叫咗星米，炒飯，亦都係等了又等🤣🤣…查看更多

其實已經不是第一次遇到，等位等得太耐😤門口一堆人等位，裡面大把吉位無人理，個個客都企係門口投訴。其實佢地有冇諗過方法改善呢？裡面得4個人處理晒成間餐廳，收錢、落單，送餐😓荔枝角呢間大戶屋係去過咁多間服務最差的。😤😤😤…查看更多

可能在青衣城的關係，價錢比較貴。今次食了牛肉石頭飯，食物質素一般，無驚喜。當我問牛肉石頭飯有否配自助韓式湯時，職員說不跟餐的，但隔離枱有在喝湯哦🤨覺得餐牌最好寫清楚午餐set會跟什麼，以免造成誤會。…查看更多

一向都係一田fans，沙田新開了幾間食店，就諗住一間一間咁試。今晚試食八兆屋的牛舌飯及蝦魷魚天婦羅飯（外賣）。兩份共$148。一開飯盒，嘩！好細份，牛舌好難咬開，天婦羅無味，試一次唔會有下次！下次試另一間！😋…查看更多

今日在公司好忙好忙，所以叫外賣。諗住燒味飯實無伏，但一開盒，有點兒傻眼🙄🙄點解啲燒鵝咁似燒鴨？塊皮一啲肥都無！食落口唔甘。外賣等了1個鐘+40分鐘。一個飯要$74。🙄🙄…查看更多