pwert的个人专页

喂旺角打邊爐放題邊間唔伏呀🤫🤫旺角馬祖啦🍲🍲 最平$247起裏面有好多都係自家製手工丸 值得一試👍🏻牛肉叫咗幾輪每一碟質素都好平均🥩每一碟嘅油花都好靚要推介麻辣蕃茄牛肉湯俾大家個湯底勁濃郁跟住再出去攞多啲蕃茄熬湯底🤪佢哋仲有好多自家製嘅飲品大家有興趣上去自己book位試吓啦大家記住喺OpenRice book定位啊有8折至85折㗎 ‼️‼️‼️📍地址📍 馬祖無限時台灣養生涮涮鍋 (旺角)旺角彌敦道628號瓊華中心11樓…查看更多

📍醉潮館 荃灣嚟講我覺得最好食嘅大排檔😋😋，同埋價錢唔貴份量又大，我自己覺得三陂坊咁多間大排檔對面最好食嗰間，潮興嗰啲NoNoNo‼️，如果大家嚟食記住book位 arrr，唔book位隨時無得食或者有排等，小編每一兩個星期總會去一次😉，想知我食咗咩就繼續留意睇落去啦👇—————————————-————👅 鴨蛋煎蠔餅 $88食潮州菜必要㗎喇‼️，最驚出邊食嗰啲蠔餅勁油，呢度啲蠔餅炸得好乾身唔會好油，啲蠔仔大大隻又多，同埋佢哋係用鴨蛋特別香—————————————-————👅 椒鹽鮮魷 $128椒鹽鮮魷份量就真係唔係好多🥹，但不過真係好好食，我呢碟係升級左做避風塘炒鮮魷㗎🤫，個味道好香，啱晒我呢啲重口味人士—————————————-————👅 醉潮秘製雞煲 $268呢個第一次試份量真心大，色香味齊晒🔥送飯一流，下次我一定要試埋佢個砂鍋卜卜蜆煲，好似好吸引🤤🤤🤤—————————————-————👅 薯仔牛柳粒 $128呢個我每次又係必叫，不過有時份量好大有時份量好細😂😂，廢話唔使啦總之好食—————————————-————環境 - 坐室外或者室內都有，訂位嘅時候記住講明，佢哋有分兩輪時間，如果想傾偈嘅話建議食後面嗰輪☺️☺️—————————————-————📍地址📍醉潮館 (荃灣)荃灣三陂坊30號地舖…查看更多

今次要介紹俾大家嘅餐廳係主要食雞煲同烤魚，但應該2019年之後大家都唔會再返大陸食野㗎啦，唔通仲食咩探魚咩，所以就要幫大家搵啲類似嘅餐廳😎😎，呢間分別有兩間分店一間係尖沙咀／將軍澳，餐廳種類多選擇款式又多價錢又唔貴，值得大家一試😝😝，佢哋好似仲有啲午市套餐都幾抵食，留返下次有機會再試下先，想知我食咗咩再留意下面啦👇👇—————————————-————👅 重慶雞煲 (半隻) $168雞煲份量睇落好似唔係好多但食落都幾飽喎，雞煲好惹味，但注意‼️食得辣嘅人記住要叫中辣或以上，因為今次叫咗小辣但唔夠辣，店員即刻好貼心俾咗啲辣椒乾我哋🥰，整體來講成個雞煲都幾好食值得一試👍👍，食雞煲梗係要叫啲吸味嘅嘢食啦😚😚 —————————————-————👅 炸午餐肉粒 $68炸午餐肉都可以整得唔好食嘅話可以即刻執笠😂😂，咁就梗係好食啦，份量都唔少炸得好香脆—————————————-————👅 冰豆腐 $28都係正常冰豆腐無乜特別嘢介紹，不過食雞煲一定要叫囉🤣🤣，吸晒裏便啲湯底勁正😝😝—————————————-————👅 黑毛豬腩片 $108正常豬肉片無乜特別，勝在份量多—————————————-————👅 椒鹽魷魚鬚 $98呢個份量好多‼️第一眼睇$98嗰隻貴 睇完個份量OK wor☺️可以試吓 幾惹味—————————————-————環境 - 環境整體都好舒服，以呢啲食雞煲烤魚嘅地方來講，食呢啲最緊要一班朋友一齊分享㗎啦，都完全無問題冷氣夠晒凍燈光都OK…查看更多

📍鍋心‼️$2xx幾蚊高質海鮮粥底火鍋 📌 7️⃣ 款海鮮 + 8️⃣ 款配料任你揀呢間海鮮粥底火鍋其實好多年前已經開始幫襯，真係超抵食又高質，最啱就係一大班朋友嚟食👫，尤其是年輕人肯定覺得去街市買海鮮又要洗海鮮好煩😂，隨時你喺呢度食仲平過出去買🦐🦞🦀，逢星期一至四仲係無限時添，星期五六日就限時兩個鐘，超多分店總有一間係你附近，想知我食咗咩就繼續留意睇落去啦👇 私心最鍾意元朗店🤫🤫，個個員工服務態度都超好‼️超好人超有禮貌🥰🥰—————————————-————👅 海鮮🦀 肉蟹+沙白蜆套餐 $218🦞 龍蝦+沙白蜆套餐 $238🦞🦀 龍蝦肉蟹+沙白蜆套餐 $268再加5️⃣款時令海鮮，總共有7️⃣款海鮮食鮑魚丶海蝦丶貴妃蚌丶花甲丶北寄貝👅 呢個價錢我覺得有呢個海鮮質素真係無得輸，仲有七款海鮮喎，海鮮詳細就唔多講啦放心一定新鮮，‼️最緊要係記住訂位同佢講咗邊個餐先，因為佢哋成日海鮮賣晒咁去到就食唔到你想要嘅餐🥹🥹—————————————-————👅 火鍋配料特別推介以下幾樣👇👇👇👅 農場雞件叫雞件嘅重點係令到個粥更加好食😋，但係有意外驚喜個雞肉好嫩滑俾咗雞髀位👅 自家製雞骨丸呢個係必點‼️，出邊好少食到比較特別，絕對唔係出邊交黎嗰啲，有咬口👅 自家製手打馬蹄雞滑雞滑出邊真係好少見，加埋馬蹄嘅口感好好食好特別，呢個都係必要👅 牛黃喉呢個比我想像中好食，有驚喜🫦👅 肥牛丶豬腩片丶梅頭片呢啲就正常水準啦無乜特別—————————————-————最後食完海鮮打完邊路最緊要就係個精華，成碗粥都係啲海鮮味，佢哋再會加入啲冬菜丶菜甫丶豬油渣，我哋食唔晒仲打包一碗走添😋 —————————————-————環境 - 佢哋有好多間分店環境都算舒服，今次就試咗元朗店座位好闊落唔會好逼夾，逢星期一至四無限時，星期五六日限時兩個鐘…查看更多

📍La Vista東涌海景墨西哥菜🌅，有遠離市區嘅感覺望住個海見到飛機升降，無論日頭定夜晚都係咁舒服☺️，好啱同朋友chill傾偈happy hour🍺，餐廳都好大有indoor 同 outdoor，餐廳位於灣景薈商場入邊，佢哋裏面有幾間餐廳都食過全部都好高質，而且有啲餐廳仲可以帶埋寵物添🐕，同埋呢間餐廳啲嘢食份量都幾大㗎，想知我食咗咩就繼續留意睇落去啦👇 —————————————-————👅 烤雞肉卷餅 🌯 $148一切啲餡即刻湧晒出嚟，入邊有大量嘅芝士丶蘑菇丶洋蔥同埋蕃茄，食晒成個都唔會覺得乾身，口感好豐富極度推介👍👍，最緊要係有我最鍾意嘅牛油果醬，一定要加埋嚟食，下次一定要試埋餡餅🥙—————————————-————👅 墨西哥燒肉 $188呢個相對上我就覺得比較遜色啲啦，因為前一個太好食😂，熱辣辣嘅鐵板上放咗好多嘅豬肉條有炭香味不過比較乾身，記住夾埋佢附送嘅薄餅包住嚟食，但總括嚟講無乜特別不過不失—————————————-————👅 EMPANADAS 肉捲餡餅 $88大推🙌🙌，好好食出邊好少食到好特別🥰，佢有三種口味選擇我今次就試咗芝士蘑菇，勁多餡料，佢係一嚿炸餃子，配埋佢個汁又唔會好肥膩，總之好好食啦一定要試‼️‼️—————————————-————👅 MEXICAN WINGS $98我叫雞翼好似好低能但真係值得一試😂，啲雞翼勁大隻，外脆內軟勁多汁，加埋佢個Sour cream😉👍一流，我覺得我人生食過最好食嘅炸雞—————————————-————👅 Buzz Groupie $88呢杯係店員推介嘅飲品🍻，用咗芒果丶菠蘿同埋士多啤梨，飲落酸酸甜甜好開胃—————————————-————環境 - 嚟到呢邊食飯個人好relax，辛苦完一日好有放鬆嘅感覺，仲可以望住過海望住飛機升降，不論日頭定夜晚嚟個景都係咁正🌅 —————————————-————📍地址La Vista (東涌)東涌怡東路9號灣景薈1樓106號舖…查看更多

📍 Channel 3 Tapas Bar & Restaurant太子酒吧街咁多間餐廳去邊間好❓間間都咁熱情喺門口拉客🤨🤨，今次就試咗呢間Bar🍺，七點前去到都已經差唔多坐滿場，食完就知道終於明點解，啲嘢食價錢都好合理，而且份量仲係超級大份食咗唔係好多嘢已經飽到想嘔，食嘅時候望住廚師煮嘢佢哋嘅廚房好細好細，但覺得佢哋好勁咁細嘅環境已經煮到咁多嘢食出嚟😂😂，想知係咩就繼續留意睇落去啦👇 —————————————-————👅 德國蜜糖燒豬手 $228隻豬手相當有巨型🐽，佢哋係用咗西班牙嘅煮法加埋honey sauce 一齊燒🔥，咁樣會令到個豬手皮更加香脆，豬手亦都相當有肉汁唔會好乾身，我同埋佢會跟一個啤酒汁嗰個汁係完全係解膩一定要加，仲會配上沙律同埋薯角，雖然薯角都係交嚟但我覺得好好食囉😂😂 —————————————-————👅 巴塞隆拿海鮮炒飯 $168呢個飯真係有驚喜喎🤩，諗住佢個廚房咁細個飯好食極都有限度，點知係好好食喎，首先佢個飯軟硬度適中，啲海鮮嘅味道入到個飯裏面，裏面仲有大大隻蝦同埋青口添😋😋 —————————————-————👅 天多尼雞肉自家製手打薄餅 $118係咪自家製就。。。見仁見智啦😉，不過呢個相對上就我覺得比較遜色少少🤏，同埋都唔係太需要叫，叫其他更好食嘅小食好過啦，味道就OK嘅但係我覺得個Pizza底比較硬—————————————-————👅 Barcelona $78你會嘢飲裏邊混合左士多啤梨汁丶橙汁丶青檸汁丶石榴一齊打成沙冰，係真係好好飲嘅我覺得 😍，但好老實真係好細杯囉，真係兩啖飲完—————————————-————環境 - 正常酒吧環境囉燈光比較黑暗，同朋友食飯飲嘢吹水傾偈係幾好嘅地方嘅價錢又唔貴，記住如果想食打電話嚟book位啊…查看更多

📍川婆婆平時成日經過寶勒巷都係去食嘉寶漢堡 🍔，今次就介紹第二間餐廳俾大家啦就係川婆婆，都係黃店嚟嘅💛，主要係食麻辣火鍋川菜嗰啲嘢🌶🌶，同埋仲可以燒烤🍢，一次過滿足晒你兩個願望，比較特別嘅係佢哋全部嘅🥤可樂都係玻璃樽裝👍👍正，同埋如果有興趣嘅記住要book位，因為佢都幾爆場，想知係咩就繼續留意睇落去啦👇 ————————————-———— 100分鐘辣鹵串串火鍋放題📌 套餐A～靚牛海鮮套餐 $338/位📌 套餐B～靚牛套餐 $298/位📌 套餐C～串串套餐 $268/位今次就揀咗套餐B～靚牛套餐 仲送時令海鮮🦀————————————-————👅 湯底湯底方面我哋揀咗麻辣鍋丶養生菌王雞湯，鴛鴦湯底就要加$30，呢個麻辣湯嘅特色就係佢哋係用茶底嚟整湯底，同埋佢哋嘅小辣都幾辣㗎，如果唔食得辣或者驚太重口味嘅人就可以試養生菌王雞湯，不過養唔養生就見仁見智啦😂😂 ————————————-———— 👅 牛肉個餐跟咗🥩牛頸脊丶SRF和牛肉眼邊，呢兩隻牛肉都算係好高質嘅牛肉，我自己就比較鍾意食牛頸脊多啲因為油花同埋肉味都唔錯，和牛肉眼邊就超級重牛味不過就會比較有咬口，不過佢用到SRF級別真係幾有誠意————————————-————👅 串串 火鍋配料出邊仲會有大量嘅串串同埋火鍋配料，我覺得最好食就係牛肉韭菜串丶牛腩丶鴨血丶豬大腸丶芫荽牛肉串，呢幾樣嘢放落麻辣火鍋真係無得輸啲味吸晒，佢有羊肉串燒嗰個就適合攞嚟燒烤————————————-————👅 海鮮Er….無乜特別，完————————————-————👅 飲品飲品方面我就覺得好有誠意喎，全部汽水可樂全部都係玻璃樽裝，放題或者餐廳真係好少見————————————-————環境 - 冬天就正囉佢出邊有兩個位係可以坐室外，勁有feel囉，裏邊環境就正正常常無乜特別，店員幾友善我攞住蛋糕佢哋都即刻幫我放入雪櫃————————————-————📍地址📍 川婆婆 (寶勒巷) (尖沙咀)尖沙咀寶勒巷26-36號地舖…查看更多

📍 鮨亭對於唔係住屯門嘅人嚟講，屯門絕對係一個迷宮😂，永遠落咗西鐵轉輕鐵或者巴士落咗車都要行好遠，簡單啲嚟講因為我唔識路🫠😑哈哈，今次就去一間見到IG全部有讚無彈嘅餐廳啦wow，事實又係咪呢🤔🤔，餐廳位於一條寧靜嘅街道裏面，個門口又真係呃得下人嘅🥰，門口突然間好似去咗日本嘅感覺啊😙，餐廳有午市套餐價錢就中上，嘢食就…. 常知就繼續留意睇落去啦👇 特別一讚所有店員服務態度都好好👍，好有禮貌又會主動添茶，雖然好似好簡單嘅嘢但好多餐廳做唔到囉😂📌 下一個post我要介紹一間又係喺屯門嘅餐廳俾大家，就係好出名嘅咖喱屋真係好好食名不虛傳👍👍👍————————————-————📌 以下價錢全部午市套餐 以上套餐全部會跟餃子丶麵豉湯丶凍飲————————————-————👅 鮨亭壽司定食（配烏冬）$149呢個定食餐裏邊有8️⃣件壽司，佢哋每日嘅壽司都唔同，視乎嗰日咩食材最新鮮，即係$149食到廚師發板🤭😵，壽司質素係… 壽司上高嘅刺身係唔錯嘅幾新鮮，我特別鍾意帆立貝丶油甘魚同埋池魚🐟，個壽司飯呢就見仁見智😬，可能我老啦咁啱我就覺得嗰日啲壽司飯比較硬，超級世界級無敵有咬口，可以訓練牙力🦷個烏冬🍜反而幾好食喎因為佢用隻烏冬幾靚，唔會係好淋嗰啲，烏冬軟硬度適中，又唔會太大碗，仲有半隻糖心蛋添————————————-————👅 海鹽火炙左口魚邊丼 $128碗飯又真係幾可愛㗎喎🫠🥹，細細碗幾精緻，第一眼睇仲以為玩具添😂😂，火炙左口魚裙邊好正🔥🔥，因為左口魚一火炙甘甜魚油就會慢慢滲出，層次豐富，濃郁甘香，配埋上高嘅三文魚子口感幾豐富，到個壽司飯就都係訓練緊我嘅牙力🦷，不過可能係我唔識食我垃圾🤔，不過如果兩樣揀嘅話我會叫壽司定食————————————-————環境- 環境係幾舒服嘅幾有日式嘅感覺，冷氣又夠晒凍，不過夜晚聽講好似都幾full大家『如果』有興趣記住要book位————————————-————📍地址📍鮨亭 (屯門)屯門青善街22號康景花園地下3-4號舖…查看更多

📍 長洲慶發記重要嘅嘢講3️⃣次，必買‼️必買‼️必買‼️之前聽朋友介紹推介話去長洲一定要買長洲慶發記做手信‼️，咁岩踩單車🚴就經過見到呢間舖頭，咁就梗係即刻買嚟試吓啦，我哋三個人買咗三罐，大鑊飲完返唔到轉頭，佢哋舖頭選擇超多仲要所有嘢飲都超級抵飲，好解暑☀️夏天飲一流👍👍，最後我哋三個人差唔多買咗成15罐返屋企😂😂，阿爸阿媽都話好飲咁就掂，重點係佢哋啲嘢唔會好甜，想知我飲咗咩就繼續留意睇落去啦👇 📌碼頭行過去2分鐘嘅咋—————————————-————📌大部份九成嘢飲都係$20 有啲好似仲平添🤫🤫—————————————-————👅 芋泥西米露 $20👅 紫米西米露 $20呢兩個西米露就一齊講啦，如果兩個比較我個人就比較鍾意芋泥西米露多啲❤️，雖然兩個都好飲但係佢個芋泥真係好正好厚身😂😂，椰汁唔會好甜甜度適中，但講真飲完一罐都幾飽肚㗎😉，佢一罐差唔多係出邊一碗半嘅糖水份量囉—————————————-————👅 芒果楊枝甘露 $20係呀呢個又係$20😂，出邊一碗楊枝甘露都$40啦，完全係滿滿嘅芒果同埋西米，味道就無乜特別，都係大家想像到楊枝甘露嘅味道，不過我覺得佢嘅楊枝甘露就比較奶身啲，都好飲嘅各有各喜好，係呀同埋佢嘅西米好煙韌好有口感好好食—————————————-————👅 極上椰青凍 $20行到熱死嘅時候我估飲呢個係完全可以解決一切☺️，重點係佢個椰青凍，椰青凍其實係椰青啫喱，一路飲嘅時候好有口感，配合埋椰青汁好消暑啊，都好特別我覺得呢個好少人會用椰青汁做啫喱跟住整嘢飲—————————————-———👅 濃厚凍腐竹 $18係呀你無睇錯啊$18呀‼️，完全唔同出邊嘅腐竹雞蛋糖水，呢個係濃郁10倍嘅版本，一飲落去成口都係腐竹，同埋完全唔甜呢個老人家都適合，佢哋應該幾鍾意—————————————-————👅 紫薯芋泥奶凍 $18呢個我覺得相對上就比較普通啲，係有芋頭同埋紫薯嘅味道不過唔濃，奶味亦都唔重，唔需要試—————————————-————…查看更多

📍叁不館好似從來無介紹過天后嘅餐廳，今次呢間餐廳係好有懷舊特色嘅打邊爐🍲，有冷氣板嘅大排檔好有feel ☺️，好鍾意呢種感覺同朋友傾偈好開心好舒服最緊要冷氣夠晒大，店員都好貼心一嚟就會逐樣嘢介紹，佢哋嘅醬料方面都好多款式，同埋佢哋嘅點餐紙都好特別😂，想知我食咗咩就繼續留意睇落去啦👇 依家可能人老啦😅，寧願食少啲食精啲，都唔鍾意食放題，好多都好垃圾食得又辛苦—————————————-————👅 莫生氣椰椰雞湯 $178呢個湯底其實係幾抵，因為仲有半隻雞🐔，首先店員會將一個椰青🥥加入湯底，店員會建議打邊爐之前飲咗一碗湯先，啖湯係好清甜，唔會好似出邊啲打邊爐湯底好頸渴，建議大家可以試吓呢個👍👍 推介‼️ —————————————-————👅 頂級安格斯牛頸脊 $268可能我食牛肉🥩 要求比較高，我覺得就正常發揮😂😂，中上水平，油花分布係幾平均亦都好嬾滑，不過就無乜牛肉味，如果鍾意食牛肉味嘅人就叫封門柳啦—————————————-————👅 芝士蝦丸 拼 芝士牛丸 $98👅 手打豬肉丸 $70👅 手打墨魚滑 $88佢哋啲丸大部份全部都係自己手打，雖然比較細粒但真係粒粒都好好食🥰🥰，蝦丸好彈呀，但如果配芝士嘅話我覺得牛丸比較適合，牛味好濃郁，唔係出邊嗰啲垃圾牛丸對唔住詞窮😂，豬肉丸好食 完🥹，我唔識講—————————————-————👅 冰豆腐 $42揀個靚湯底，索晒啲湯，好入味—————————————-————環境 - 環境好有香港風味🇭🇰，有冷氣版嘅大排檔風格，播住啲好休閒嘅廣東歌，冷氣夠晒凍同朋友傾偈一流—————————————-————…查看更多

📍 譚仔三哥譚仔又出咗新米線啦喎大家又試咗未呢‼️，就係砂砂湯肥牛鹿茸菇米線，呢碗係全新從來未推出過，可以試到香丶麻丶辛丶辣嘅滋味🍜，同埋仲有推出咗唔同全新嘅飲品同埋小食，記住食完米線要去收銀嗰度食埋Jeffrey嘅靚仔poster返屋企吖🥰，想知係咩就繼續留意睇落去啦👇 —————————————-————👅 砂砂湯肥牛鹿茸菇米線 砂砂湯肥牛米線有啲似沙嗲牛肉米線😂😂，又有啲似喇沙嘅感覺，花生味都幾濃🥜，同平時麻辣同酸辣有另一種感覺，各有各捧場者✨，配料有肥牛同埋有鹿茸菇，🥩肥牛就大概有三片左右🥹，可能肥牛比較貴，我今次就叫咗3小辣我就覺得完全唔辣，食得辣嘅朋友可能應該可以小辣起跳—————————————-————👅 煳麻辣椒豬肚以為$22份量好少點知有好多喎，味道比我想像中無咁鹹，同埋都唔會好辣反而好重胡椒味，鍾意食豬肚嘅朋友可以試吓—————————————-————👅 奶蓋芒果蒟蒻椰香甘露杯嘢飲就即係等於楊枝甘露啦，譚仔裏面飲過咁多隻特飲，我覺得呢杯係絕對最好飲嘅一杯，奶蓋我就飲唔到啦，不過反而芒果同椰香味好濃，加$13嚟講滿分…查看更多

📍泫居酒屋九龍城真係一個飲食集中地，想食中西日韓泰乜都有齊，仲有一個名叫做泰國街不過泰國嘢留返下次先再介紹，今次就介紹一間高質嘅日本居酒屋🏮比大家啦，餐廳嘅裝修以木系為設計主調，餐廳係行中高價位路線，所有食物都好精好高質，最欣賞就係店員會逐樣嘢食介紹，絕對適合同朋友靜靜地約會傾偈好地方，大部份食材都係由日本直送，想知係咩就繼續留意睇落去啦👇 —————————————-————👅 刺身👅 赤海蝦刺身 $28 一隻👅 刺真鯛 $58 2切👅 深海池魚簿造刺身 $68赤海蝦真係好正$28一隻就好合理，勁新鮮肉質彈牙，裏面啲蝦膏好濃真鯛魚味比較濃郁，肉質細緻柔軟，真鯛嘅味道淡雅的同時，又帶點鮮甜深海池魚肉質細緻爽口，魚肉纖維幼細味道香甜，就算買平時呢隻都係比較貴嘅魚—————————————-————👅 泫厚燒玉子 $80呢個玉子雖然真係好普通但係莫名其妙幾好食😂，口感好綿，再加上芝士呢個組合係無得輸，仲會有小小嘅黑魚子提升味道🤤🤤—————————————-————👅 海老天婦羅 $158呢個價錢相對比較貴，但我覺得絕對係驚喜之作，平時出邊嗰啲垃圾放題我都唔鍾意食，但係呢個炸醬好薄，好少食到天婦羅隻蝦係新鮮㗎，再配上佢嘅自製醬汁，正😋😋—————————————-————👅 串燒👅 雞掌心 $58👅日本單骨雞翼 $30👅 蘆筍豚肉串 $44👅 日本甜薯 $28👅 日本青椒仔 $25泫嘅串燒當然係即叫即燒，大家要耐心等待啦，再加上秘製燒汁，令食材嘅香氣同鮮味提升，我覺得最推介最特別係雞掌心，好彈牙佢似雞軟骨同雞肉嘅中間位，整體來講全部串燒都好好食—————————————-————👅 溫泉玉子冷橋麵 $78呢個啱晒夏天食好消暑，我平時係唔鍾意食蕎麥麵嘅人，但係呢個反而我會成碗食晒喎，原來蕎麥麵加溫泉蛋係咁好食，加埋佢嗰醬油湯正呀👍👍—————————————-————環境 - 餐廳裝修以木系為主，環境係好清靜好舒服嘅，好適合同朋友靜靜地約會傾偈食飯，不過餐廳位置有限記住要book位先好嚟啊—————————————-————📍地址📍 泫居酒屋 (九龍城)九龍城太子道西426號地舖…查看更多

📍 大越越南餐廳喺沙田發現咗一間下午茶極平嘅越南餐廳🇻🇳🤫，而且仲係我哋值得支持嘅小店啊💛，全部嘢食都係$40蚊左右，而且份量仲係超大份，加小食都係$12 - $28蚊勁抵食，佢哋有啲嘢係特別好食👍有啲就一般👎，想知邊啲嘢食係特別推介就繼續留意睇落去啦👇 👇—————————————-————📌 以下價錢全部都係下午茶價錢📌 嘢食味道正常街坊平民小店 要求唔會好高—————————————-————推介之選👍👅 廣寧炸春卷 $12春卷真心好食有驚喜喎，唔係出邊交嚟嗰啲係自己整，裏面嘅餡料好足料👍👍👍 —————————————-————👅 蒜蓉牛油雞翼 $52呢個就要散嗌，雞翼超重蒜蓉牛油味，啱啱新鮮炸起，雞翼多汁—————————————-————👅 泰原香茅豬扒 $40$40蚊真心抵食😂，味道講真唔會特別超級好食，不過$40 OK啦豬扒份量又多味道又唔差—————————————-————👅 清沅扎肉蒸粉包 $22👅 椰汁飲品類 +$8👅 大越海南雞—————————————-————📍 地址📍 大越越南餐廳 (沙田)沙田沙角街8-12號花園城一期地下2號舖…查看更多

📍 咯咯雞韓食店呢間餐廳位於尖沙咀一條隱藏嘅街道亞士厘道，佢哋主要係食韓國嘢，一入到去已經覺得好有親切感🇭🇰，牆上貼滿好多香港人嘅回憶💛，佢哋嘢食嘅價錢都唔貴仲有做午市套餐同埋下午茶添，下午茶最平好似$49已經有交易，我覺得最好食就係個炸雞，其他嘢食就正正常常普通😉，特別要讚店員服務態度好有禮貌👍👍，想知係咩就繼續留意睇落去啦👇 —————————————-————👅 蜜糖咖喱味炸雞 半份 $119成餐最有驚喜呢個炸雞🍗，出邊好少食到呢隻味道我覺得都幾特別，首先炸雞皮薄雞肉嫩滑佢係做到嘅😋，佢哋應該係首先攞咖喱醃咗做底味，之後再炸再加蜜糖，不過唔食辣嘅朋友要注意呢個係有少少辣🌶️—————————————-————👅 冬陰公泡菜牛肉炒粉絲 $88呢個泡菜粉絲份量好多好大份好足料，牛肉份量都唔少，不過個粉絲就偏鹹，連我咁食得鹹我都覺得鹹😂😂，如果唔想個腎有事就可能要叫第二樣嘢🙈，可能可以試吓石鍋飯，可能會好啲—————————————-————👅 炸紫菜卷 $48熱辣辣新鮮炸起，好食嘅不過就無乜特別無乜嘢講😂😂，就係大家平時食到嘅味道 🤗—————————————-————環境 - 喺呢個熱辣辣嘅天氣☀️，求其入到餐廳冷氣凍已經覺得好舒服😌，本身熱辣辣見到佢哋嘅裝修個人即刻醒神，見到牆上貼滿蘋果日報，佢哋呢啲小細節紙巾都要印住我哋真係好撚鍾意香港🇭🇰，咁有咩可能唔支持下呢😉…查看更多

📍和牛燒肉一郎 -荃灣一郎燒肉喺荃灣廣場開咗新分店啦 📣📣，今次仲係用新幹線為主題🚃，食物會喺輸送帶度送嚟，配合埋用QR code落單，方便衛生又快捷，地方好闊落坐得又舒服😙，唔會好似一般放題好逼夾侷促嘅感覺，想知係咩就繼續留意睇落去啦👇 放題有A - D 餐選擇 ^ 價錢由$298 - $888今次就試咗B餐 $498呢個餐總共有 1️⃣0️⃣2️⃣ 款食物，包括有牛肉丶豚肉丶雞肉丶海鮮丶炸物丶煮食等 🍱，總括嚟講我覺得得閒都要獎勵吓自己食啲好嘢呢個餐都好滿足㗎啦 🥰🥰—————————————-————📌 以下我會介紹我覺得必點嘅幾款嘢食👅 極上厚切牛舌👅 牛里脊肉👅 薄炙牛肋肉👅 炙燒牛外橫膈膜( 牛刺身）👅 海蝦 ‼️‼️真心正 超新鮮👅 帆立貝👅 廣島蠔肉👅 炸雞想講佢哋啲海鮮🦐真心正，完全唔似放題質素，平時我放題都唔鍾意食蝦因為費事整污糟隻手，我喺呢度我會食囉仲食咗超多隻🤣😂👅 甜品佢哋全部嘅雪條都係用明治，全部都係高質薯條，每款都好想食晒勁吸引😋😋 —————————————-————環境- 環境以放題來講真係坐得好舒服，抽風系統都好好唔會成場都係油煙味👍👍，最貼身係佢會為顧客提供圍裙 加分加分💯💯—————————————-————📍 地址📍 和牛燒肉一郎 (荃灣廣場) (荃灣)荃灣大壩街4-30號荃灣廣場6樓621至630A號舖📍 和牛燒肉一郎 (百誠大廈) (佐敦)佐敦佐敦道31-37號百誠大廈3樓📍 和牛燒肉一郎 (新都城中心2期) (將軍澳)將軍澳貿業路8號新都城中心2期1樓1040-41號舖📍 和牛燒肉一郎 (寶漢大廈) (銅鑼灣)銅鑼灣波斯富街24-30號寶漢大廈2樓…查看更多