Nigel Ma的个人专页

昨晚同新架坡黎探我既朋友食晚餐，原先本想食屯門虹橋既一間雞煲，但聽朋友話佢喺新架坡食西餐好貴，所以就決定同佢去食西餐啦，虹橋小區唯一一間提餐西餐廳。都聽有些朋友講此餐廳食物好食，但價錢唔平，但為滿足遠來既朋友，就一試啦。一行4人6：30到，不用訂枱都有位，被安排坐入5人卡位，好舒服，而且發現係有live band 同歌手。我地點既係Alaka,頭盤係油金魚他他二食，油金魚配他他醬原來可以甘好味。跟住係煙爐西班牙黑毛豬腩卡邦尼，低溫慢煮乳酪奶油法國黃油雞，鱸魚紙包蒸海鮮濃湯，黑毛豬鞍架，每樣都好好味。最後再點了兩樣甜品，伯爵茶千層酥（唔太甜，好味），焦糖巴斯克（即係芝士蛋糕配以檸檬肉碎，夾埋酸酸甜甜，好正）。由於有朋友病後初癒 ，所以今次就冇點酒，服務員服務態度好好，不停幫我地添加熱水，而且好有禮貌，個個滿臉笑容，甘既服務態度喺而家香港既食肆已好難得啦，真係值得一稱讚…查看更多

睇小紅書介紹就同老公揸車過去食午餐，兜左兩次都錯過左入口，所以一定要慢駛，唔係好容易會錯過。泊車位頗多。茶餐廳有戶外座位但比較窄，我地選擇入內座，反正不吸煙。兩個人叫左一個午餐A,即海南雞飯，一個銀芽肉絲抄麵，兩杯凍飲，成為134蚊，價錢合理。海南雞飯賣相一般，可能係用膠碗載的緣故吧，雞滑但我覺得有雪味，醬汁太細碟但味道都幾好。銀芽肉絲抄麵無論賣相及味道都好正呀，啲麵炸到裏裏外外都鬆脆，配以瘦肉絲同草菇再加玻璃芡，味道好夾，食到不能罷口😂下次會約埋幾個朋友再去此店食晚飯私房菜。…查看更多

星期日同老公加發小兩母子食晚餐，我地平時都鐘意去元朗搵食，尤其係打邊爐，因疫情前經常去既火鍋店在疫情時已關門大吉，故有成年未去過元朗打邊爐了。 今次係經open rice找到此店，入內環境比較暗，枱不多，被安排坐一入門左手邊既卡位，我都公就話門口冷氣勁凍，因為是開住大門，故門口位比較大風吧。一睇餐牌（是數碼落單的，但我地喜歡先看餐牌會易啲簡），價錢也是上等的，所以眼見店內客人都但兩人起，4人止，沒有一家大細，大家明啦。食材如牛肉，豬肉都係靚既，丸同餃就好一般，78蚊只得4粒。店內員工服務都好好，也很熱情。總結係，價錢比較貴，不會經常去啦。今次4人食左接近2千蚊，叫左一碟豬肉，一盤牛肉，兩碟丸，一碟餃，一碟嚮玲同一小盤菜。餐後有豆腐花送，好好味。…查看更多

5個人食lunch,每人200元。叫左5個餐連飲品，另加4個甜品分享食。我地叫左（1）西冷牛扒；（2）豬仔骨；（3）煙三文魚沙律；（4）海鮮意大利飯；（5）薯條炸魚，大家share食，食品味道很好，尤其豬仔骨我覺得最好味。飲品叫左有Ice Americano, Cappuccino x2, Ice Mocha x 2,佢地用既係意大利深烘焙咖啡豆，味道比較nutty. 我最欣賞係佢地既服務態道，我地order既西冷要5成熟，黎道係起碼熟左7成，經理聽到我地講，即刻再送過一件5成熟既西冷比我地。跟住因為大家傾得好開心，有其中一個朋友將自己杯Ice mocha倒寫左，侍應即刻過黎提供餐巾，抹地，而且仲送來一杯新沖既Ice mocha。最後，都有小小欠理想就係餐廳長期將其中一邊玻璃門打開，由於而家天氣太熱，我地坐既位置近門，所以就有啲熱。今次用餐都係愉快既，會再去。…查看更多

環境清潔，坐位舒服，職員友善有禮貌。最緊要係點心出到黎熱辣辣又好味道，價錢好合理，茶錢每位6蚊，而且全日免收加一。有夜茶。總知係任何時間都有點心食，可飲早茶，午餐，下午茶，晚飯同消夜都得。附近又有數間糖水甜品店，飲完茶再去食甜品，真係人生好享受。已經係第四次黎，每次都盡量食啲唔同既點心，但灌湯餃係必需要食既，湯好飲，料好多，仲有仿魚翅，每人一隻好豐富。無論只係兩個人或一大班朋友，都一樣膚合，而且仲有得電話預訂，真方便。…查看更多

裹蒸糉是淡而無味的。蓮蓉鹼水糉味淡而蓮蓉小。平時到這處食午餐，下午茶或晚餐，也有食過佢地既糉，覺得好好味，於是今年就放棄美心去買靠得住既糉，但太失望了。而且，係中國制造的啊！所以更加失望，唔係話中國制造就唔好，而係靠得住話哂拎過米芝連，以為應該會本地制作啫。連人地大家樂都註明係make in Hong Kong 啦。…查看更多

復活節假期第4天同朋友去海天飲茶，超難食。 XO醬蘿蔔糕，全部是面粉，錦鹵雲吞又係全是粉，中間又唔熟，朋友家既姐姐整得仲好食，上湯煎粉果，一樣，又係全是粉， 超失望呀。 …查看更多

食物味道一般，價錢就並非一黎啦，waiters服務太差啦，十問九唔應，食到一肚氣，禁臺面鍾冇人理。我地5個人，好難叫到人應問要夾，佢就只比一隻，爐蓋黑哂都唔會同你換😡 ， 我地5個人，包肉食既生菜就員得4片，叫佢refill，又只係拎4片過黎，我地叫左3次，共得12片（分三次比），即係每人得兩片半唔夠，叫到無癮，就甘食算，係第一次去但一定會係最後一次。食物份量亦太小，套量包既部隊鍋就只得一片五餐肉，一個面加kimchi醬就算係，真離譜。 呢間真係最差既韓燒店。店內人手好唔夠，做到個個員工黑口黑面，受罪既就係我地呢班食客。…查看更多