翁依玲的个人专页

今晚八點幾响旺角收工，同事話呢間咩記打邊爐又有串燒，正呀我哋先食咗個火鍋，然後9:30再叫串燒。串燒羊小排、串燒羊肉非常惹味。鴛鴦鍋底一邊係麻辣，一邊係卜卜蜆濃湯。滾起嘅時候，濃郁嘅香氣撲鼻而來。邊爐食材真係正，百日羔羊，肉質鮮嫩。除咗羊肉，其他食材，新鮮嘅竹笙、金菇、萵筍，樣樣都新鮮又好食招牌嘅爆汁燒乳鴿，皮脆兼肉質鮮嫩。呢度嘅裝修充滿地道港味，食物又啱口味，係朋友共聚嘅好地方。…查看更多

同事食Farewell飯，揀咗食潮州嘢，銅鑼灣公司附近嘅正潮樓，地點都好方便，中國色彩嘅裝潢，店內唔算好大，原來還有幾間獨立房。同事負責點菜，有蠔餅、炒飯、小食、春菜煲、滷水鵝片。蠔餅煎到金黃色好脆口，蠔仔大大粒，非常鮮甜，醮魚露來食更惹味！😍😋滷水鵝片～ 無骨之餘仲啖啖肉，滷香濃郁，肉質嫩滑，正😋👍芋頭炒飯好香，粒粒分明，材料有蝦米、芋頭粒、瑤柱絲⋯好食到添完再添😋😋👍👍潮州春菜煲：湯水清甜解肥膩，春菜腍甜。😋煎韭菜粿表皮煎香，咬落軟糯，韮菜餡料好香。😋最後梗係要叫最喜愛嘅甜品清心丸綠豆爽，清心丸口感Q彈，湯水甜而不膩，正呀！…查看更多

某人突然間想話食韓式燒肉，揀咗尖沙咀嘅喜來稀肉。我都係第一次嚟呢間舖，上樓梯之後就見寬廣嘅內部，有獨立間隔座位，也有圓枱和方枱。店裏播放住比較強勁韓式嘅音樂，入座之後，店員就會將一嚿肥豬肉放響烤盤上面，一路燒一路出油，燒肉嘅時候就冇咁容易黐底。烤盤邊有兩條坑槽，一邊放咗泡菜，一邊放咗芝士，店員會加湯汁落去。叫咗『一頭豬』豬肉拼盤$480，包括護心肉、豬頸肉、五花肉，韓式豬皮、喜來五花肉。除咗有豬肉之外，仲有菇片、翠玉瓜片，另外仲有一碟黃豆粉係配豬皮的。店裏面有一個自助前菜吧，有菠菜、大豆芽、青瓜、韓式泡菜、生蒜片......，另外仲有生菜籃，都可以無限添加，當然食得晒先好拎啦。前菜味道又唔會太濃，好好食呀，添了好幾次呢。豬肉整體好有肉味，我最鍾意就係韓式豬皮，好有驚喜，烤到外面脆卜卜，入口煙煙韌韌好特別，點埋黃豆粉食又香啲，仲冇咁膩。成個餐都份量都好足，我哋食到飽飽。原來follow佢哋社交平台就可以免費獲得一杯，食埋甜品就完美啦。…查看更多

銅鑼灣見完客順便同佢食個午餐，佢話推介呢間位於恩平道的樓上店 ～明道店內裝潢清雅舒適，有點小溫馨的感覺。午市套餐豐儉由人，亦有日式火鍋套餐可選。所有定食配有：茶碗蒸蛋、味噌湯、咖啡或甜品茶碗蒸內有冬菇、元貝和銀杏。蒸蛋口感夠曬滑溜。特上至尊鍋套餐$298：黑豚肉和美國牛肉肉味香濃，正！配有新鮮蔬菜。蔬菜籃有內容非常豐富：有本菇、金菇、冬菇、大蔥、皇帝菜、小棠菜、豆腐、水晶粉火鍋料食完之後，店員送來稀飯和蛋汁，倒入火鍋湯內煮成粥，有2大碗呀！香軟綿滑，非常好味。火鍋套餐仲有特選串燒兩款：今次係雞肉串 + 雞翼，肉質嫩滑又惹味。另一個揀午市套餐，銀鱈魚西京燒(配飯)$198銀鱈魚皮脆肉滑，口感一流，夾箸椰菜絲，爽口清甜。餐後甜品係雪糕，有榛子味同鹽味，我食榛子，又香又滑，回味無窮呀。…查看更多

出外旅遊回港，終於可以去食最掛住嘅港式燒味啦！閨蜜推介尖沙咀金馬倫道棋子燒鵝，咁就一於揀佢啦。兩個人叫咗一個二人餐，包括：燒鵝例牌一碟、燒味例牌一份、 油菜一碟，另外，每人可以揀飯、河粉、米粉或者瀨粉 一碗。燒鵝肥美甘香， 滋味無窮。燒腩仔皮脆肉滑，非常香口。叉燒肥瘦適中，滑得嚟又有咬口。油菜係菜心，新鮮腍甜。另外，仲有老火例湯兩碗，是日例湯係花生雞腳眉豆湯，真材實料，火候十足，非常美味。兩個人連食餸都食唔哂，已經好飽，為免浪費，瀨粉同米粉打包返去慢慢嘆，估唔到兩人餐咁抵食，大滿足！…查看更多

閨蜜神神祕祕約見面，去到先知係食生日飯，廚師發辦 ~ 太感動啦。店舖不算大，大約坐十多人，牆壁放滿各式酒類🍹，氛圍感十足。漬物：醃子薑、蒜子、大根，全是自家製，好味又開胃。$798 十八款食物前菜3點盛：漬南瓜、炸公魚仔、黑梅貝當造嘅魚仔炸咗配南蠻漬，味道酸酸甜甜。南瓜腍甜。 汁煮黑梅貝，慢煮幾小時，肉質腍甜。五種刺身：墨魚、伊左木、金目鯛、鯖魚、華漣牡蠣日本墨魚做刺身口感爽軟，配清香柚子汁，正。伊左木刺身清甜、爽身，唔使調味就咁食，鮮。手釣金目鯛比較油潤，火炙令佢更好味。新鮮鯖魚油分豐富，傳統食法，超好味。「日本一」華漣蠔，生蠔配柚子醋爽甜鮮脆又清新。一品料理係竹田蟹膏燒虎蝦，鮮甜爽脆又惹味。六種壽司：深海池魚、帶子、白蝦、赤鯥、中拖羅、紫菜海膽熟成2日嘅深海池魚口感滑嫩，與純赤醋飯簡直係絕配。用新鮮北海道帶子做嘅壽司，係鮮味嘅天花板哦。時令白蝦壽司蝦味鮮甜。炙過嘅赤鯥油感更豐富中拖羅選用近大拖羅嘅部位，熟成12天後無筋無渣，巨好味。皇室海苔配北海道赤海膽，紫菜保持脆度，海膽甜美。江戶前玉子係傳統蛋壽司，無麵粉又做到口感鬆。金鯛（馬頭）舞茸清湯，用當造舞茸煮湯浸熟金鯛，肉質軟滑，湯水清新。甜品係北海道手做白桃雪葩，非常完美嘅一餐。感謝閨蜜拳拳之愛。…查看更多

閨蜜約食生日飯，揀咗去厚福街嘅日本餐廳。店內氣氛濃厚，坐喺吧枱前面，側邊係窗望落去心曠神怡，點菜重任就交俾閨蜜。日本蘋果沙律底層沙律菜，上面係爽脆蘋果絲、蟹柳絲、一坨蟹籽，撈勻嚟食清新開胃。炸澤蟹口感脆脆的，是上佳嘅下酒小食。活海膽係日本馬糞海膽，入口細膩軟滑，鮮味滿滿。十貫目2個人分著吃，食材新鮮配上赤醋飯，好味😋中拖羅油潤無筋帶子爽中帶糯🥰碟魚邊嫩滑荷魚口味清新什錦天婦羅有炸蝦3隻、南瓜、茄子、青椒和蕃薯新鮮熱辣，外脆內軟，點埋加咗白蘿蔔蓉嘅醬汁，更加好味。扇形炸物材料原來係素麵辣酒烹煮廣島蠔隻隻飽滿肥美，蠔肉鮮美，微微嘅辣更添風味。好滿足啊，謝謝啦。…查看更多

生日同閨蜜去山頂行大運，行完肚餓就在出發前頂廣場搵食，發現居然有腸粉、燒賣食，仲有個好靚景觀嘅雅座。🤭話曬都係慶生節目之一，小食都要食豪啲😁除咗燒賣、腸粉、碗仔翅呢啲常見港式小食之外，仲叫埋鮑魚、八爪魚、瑞士雞翼巷仔混醬腸粉$22，梗係要加埋芝麻先至滿足香味四溢加上滑滑口感 串串鮑魚$58有4件，口感彈牙，😍夠入味，個汁仲有堯柱絲，增添貴氣。瑞士雞翼$40有5隻，非常入味鹵水八爪魚$34味濃有咬口，.越食越過癮。🤭碗仔翅$30有冬菇木耳粉絲等如果唔食小食，店內仲有飯餐提供，食完係度影相打卡，開開心心又一餐。…查看更多

去跑馬地探朋友，佢帶去附近食泰菜，話呢度係佢嘅飯堂，好味又抵食喎。精選拼盤$99包括: 蝦餅、魚餅、雞卷和春卷各2件蝦餅口感彈牙有蝦鮮味，魚餅充滿檸檬葉清香，春卷香又脆，雞卷夾有粉絲，口感味道都有驚喜。Starter Platter Assorted prawn cakes, fish cakes, chicken rolls and spring rolls.  蒜蓉炒椰菜苗$93椰菜苗辣辣哋，口感爽脆嫩Sauteed Baby CabbageSauteed baby cabbage with garlic and chili泰式蝦炒粉絲$115Pad Thai Wun SenStir-fried vermicelli with prawns, peanuts and sprouts enlivened with dash of tamarind and palm sugar炒粉絲很惹味同時又帶點甜大蝦蝦肉口感爽身，味道鮮美。柚子沙律$105滿滿嘅鮮甜柚子肉，配料有花生、椰絲...等，淋上靈魂醬汁，正Yun Som O: Pomelo saladPomelo pulls mixed with chef's special dressing coated with fried shallot, fry-roasted peanuts and grated coconut.  椰子雞湯$85上菜時已經飄來陣陣椰香，入口香滑帶一點點冬蔭功嘅韻味，好喝哦。Tom Kha Gai: Chicken Coconut Milk Soup with Mushroom, Flavoured with lemongrass, kaffirs lime leaves and fresh coriander.店內裝潢滿有泰式風情，據說牆上的畫係搵師傅一筆一畫咁畫上去架。…查看更多

同閨蜜去元朗影簕杜鵑，影完喺附近搵個地方食晚飯，見呢間放題都好抵食就揀佢。店舖要落樓梯入去，店內感覺寬敞舒服，我哋選擇加$190升級，多咗生蠔、飲品食品都多咗選擇。首先叫飲品，啤酒非常之好飲，上面有少少冰好特別。先嗌兩隻生蠔試吓，試過好食肥美鮮味又爽身，於是追加咗10隻大部份俾我食咗。試咗幾種手卷，包括：海膽、香蔥吞拿魚腩、軟殼蟹，件件質高美味。刺身叫咗赤蝦、帶子、甜蝦、吞拿魚......其中黑鯛肉質透亮好新鮮，中拖羅配醬油脆脆油潤好味，其他閨密食完話味道鮮美。牛油燒海蝦食完又再叫多士香脆鵝肝甘香，燒菠蘿香甜開胃羊架香口有羊味軟殼蟹粥又係推介之選，粥底綿綿又香又滑。最後一定要食呢個鯛魚燒，鯛魚燒係紅豆餡，用吉士奶黃墊起，外脆內軟，甜度適中。另外店內仲有各式雪條等甜品提供，不過我哋太飽就無食啦。…查看更多

同閨蜜食生日飯，約咗喺中環一間意大利餐廳，地點都好方便，就係中環半山自動扶手電梯側邊，我哋坐咗窗邊位感覺愉悅，店內播放輕鬆音氣氛好正。喺中環區二百零蚊個晚餐真係好抵食，每人叫一個晚餐之後，就上一碟兩款餐前麵包，蒜蓉包和蕃茄莎莎都香脆可口，最吸睛係中間原個蒜頭，蒜粒腍滑，香而不辣。Mojito飲落清爽，疲累盡去。閨蜜嘅前菜 ~巴拉火腿哈密瓜，香甜密瓜與鹹香嘅火腿確係絕配。我嘅前菜 ~ 蕃茄水牛芝士，醋汁欖油伴有羅勒香，好味。主菜燒鱸魚擺盤靚，外皮燒得香脆，肉質保持軟滑，最後重要係有魚味又唔腥。閨蜜嘅烤安格斯肉眼扒，據說表面烤得香脆而肉質仍然軟嫩。甜品選了提拉米蘇，十分有驚喜，微微咖啡酒香，口感滑軟，我哋都讚不絕口。我哋6：30入坐是第一枱客，後面陸續有客人到來，見一半以上都是熟客，可想確實是值得回頭的店。…查看更多

係鰂魚涌見客食晚飯前，順便响怪獸大廈打個卡，出嚟過馬路就到地方嚕。客人話呢度有間潮州嘢幾出色，咁就一於佢啦，店內裝潢感覺古雅。坐定定後有功夫茶及沙咸菜奉客經過櫥窗見到滷水鵝想著定要叫 一款嚟食。沙咸菜爽脆開胃兩個人叫咗小食、湯、鵝三寶、手工菜、仲有兩碗粥。海蜇頭比較厚身，口感爽脆有咬口，好味。鵝三寶有鵝件、鵝肝、同埋鵝腸，鵝腸爽脆肥美，鵝肝甘美豐腴，鵝件肉質軟嫩入味，點埋醋汁開胃又好食。荷包鱔係手工菜賣相有趣，用菜包住白鱔、火腿、香菇，再以菜絲紮成四方荷包狀，令肥美嘅鱔肉更香鮮味美。花蛤湯裏面有鹹菜、胡椒粒、香菜，大大隻花蛤肥美鮮甜，鹹菜好爽口又唔太鹹，湯水鮮味順喉，胡椒味幾出，飲完感覺暖暖的，乍暖還寒天氣最啱飲。清香嘅潮州白粥正好為這一餐完美作結。…查看更多

潮州新袍非常喜愛食潮州菜，今次閨蜜帶我去iSquare呢間潮州菜，我哋坐低佢就會有碟沙鹹菜奉客，非常爽脆。每人要咗一個鹹菜豬肚湯，湯裏面有鹹菜件、豬肚件，湯味順喉，咸淡適中，有唔太辣嘅胡椒味。用爐仔熱住個湯，好貼心。第二道菜就係獅頭鵝件，係我嘅必點之選，咬落肉質軟滑，滷水香味，夠入味。惹味咸蛋香之中伴有微微嘅橘子清香，咸蛋酥好吃不膩。川椒雞肉嫩滑，醬汁惹味。炸蠔餅脆中帶薯粉嘅軟糯，蠔仔大大粒，夠鮮甜，點埋醬汁夠惹味。春菜煲湯水清甜滋潤，春菜軟熟，排骨酥軟。豬紅軟滑入味，韮菜香爽。這個炒飯很搶眼，可以當蛋糕嚟切，炒飯香噴噴又軟硬適中，真係色香味俱全。一口薯鋪滿香脆嘅燕麥，呢個配搭出奇地夾，口感軟糯，甜度適中，好吃哦。…查看更多

元朗呢間泰國菜已經好耐歷史，經過見裝修過門面清雅閑逸，入去坐落整體感覺舒服。兩個人叫咗沙律、菜、包、蠔餅大蝦金柚沙律材料豐富，除咗四大隻鮮蝦同金柚之外，仲有椰絲、腰果、紅蔥頭、蝦米、生菜，蝦肉爽脆有蝦味，柚子好甜，腰果鬆脆，口感豐富，又香又有咬口。蒜蓉包好香又得意，包包已經切開八件，中間插咗一株迷迭香，令到個包都沾染咗香氣，咬落去滿口蒜蓉牛油香，外脆內軟令人停唔到口，中間粒烤蒜頭都唔放過。椰菜苗鮮嫩無老葉，惹味爽脆，唔會成口渣。蠔餅嘅蠔仔好大粒又鮮甜，下面煎雞蛋充滿蛋香，薯粉令蠔餅外圍香脆內裡煙韌，墊底芽菜清爽夾埋蠔餅一齊食仲正，點埋隨附嘅辣椒醬更添風味。呢個甜品擺盤好靚，用泰式奶茶刨成綿密嘅冰，滿有奶茶香味，加上白色嘅係海鹽忌廉，香滑之餘更提味，加埋焦糖脆餅碎落去一齊食，味道與口感更有層次。入坐時可能啱啱開夜市(六點)冇咩人，坐落冇幾耐就已經全場爆滿，走嘅時候仲有人等緊位，睇落都幾受街坊歡迎。…查看更多

在屯門市中心逛街逛得累了，搵個地方坐坐順便食埋晚餐，經過這家薄餅店幾吸引，於是就揀佢啦。兩個女子食量有限，叫咗沙律、薄餅及飲品。經典凱撒沙律$120嘩，滿滿嘅帕爾瑪芝士片呀，下面嘅羅馬生菜新鮮又爽脆，麵包粒據說係由秘製蒜蓉牛油整架，香脆可口，所有材料混合埋醬汁更開胃。水牛香辣烤雞薄餅$129薄餅配有特別醬汁薄餅店有自家磚爐烤焗薄餅，熱力均勻圭烤得餅底香脆，餡料除了主角水牛香辣烤雞之外，仲有西芹同埋甘筍絲，當然唔少得芝士啦。送餐店員會現刨芝士絲在薄餅上面，客人可按自己喜好要刨多少芝士架。水牛香辣汁令個薄餅非常惹味，加上香脆口感，令人非常回味。溫馨提示，唔食得辣可以揀原味烤雞冰凍檸檬紅茶正好可以解解辣。呢度環境唔錯，坐得舒服，食物又啱食，無話限時，有機會再來。…查看更多