nicole852hk的个人专页

因就近工作地點，其實經常去。我自己最愛食佢地嘅牛筋、芫茜餃。我自己因為敏感，如"重"味精會偏頭痛，要食強力止痛藥。但這店暫時我未試過有一樣令我偏頭痛。有時收工，會買外賣回家2口子吃。家中的那位，也極愛這店的出品﹕牛寶寶、羊腩煲、鵝寶寶、豬寶寶...... 餃子(買生的，回到家才煎熟)，次次也說好吃！有次朋友來家一齊食飯，我買了餃子，外賣有送給樽仔辣椒油。朋友食過大贊，我隔天便買1樽送給她。媽媽出來銅鑼灣和我食晚餐，食過辣椒油，更要我即場買樽拿回家。辣椒油是老闆自己炒。有次他閒談時，話落重櫻花蝦乾，所以特別鮮、香。我對他說，我更欣賞他對火喉時間拿得剛剛好。就牛筋來說﹕淋，易咬開但還有咬口，又不會膠著嘴。"咸魚青菜、各有所愛"。我不敢說自己識食，但這店剛好對上我的口味。清、鮮﹕主要的味是來自食材本身。最怕有鬆肉粉、味精......這類添加劑…查看更多

新開特價買一送一，和同事一齊試咗很多口味，都好好味。完咗特價優惠，今天試楊枝甘露糯米椰。飲落第一啖，好似有沙咁。吐出嚟，好似打碎生米咁。我從未諗過食生的米。原本味道好味的，給這些（米沙）破壞了一切。…查看更多

諗住同老公食完午餐再返工。原本老公建議隨便去葵芳邨的茶記。行過見這店環境OK,又唔多人，試試吧。點知......我錯了。我不確定這間廚師是否識煮，還是他們想創新。蝦多士，無蝦膠，放隻蝦+乾蒜在多士上。卡邦尼意粉，似黑椒牛油汁加煙肉。好多黑椒，但無黑椒香。原本卡邦尼意粉係好creamy﹐有芝士，呢間原全無！仲有，煙肉質素差，唔香，勁咸。是食咗1啖放棄！肉醬意粉，用茄汁+紅蘿蔔泥煮。應該用茄膏煮，有蕃茄粒......無，上枱時一層油在底，唔知仲以為加咗清湯以上3樣食品，上枱時只是溫暖，唔係熱的。咖啡是即磨咖啡。但應該咖啡豆質素問題。好似無咗咖啡豆油咁，口感好乾旱。要另外問才給糖水，上枱時凍咖啡是無落糖。食物完全無可取之處！…查看更多

星期六下午帶同狗狗坐。我要杯大檸茶+熱狗，安全渡過。老公要咗個1人餐盒：雙層煙薰牛肉漢堡+6粒炸雞配蜜糖芥末醬+石榴柚子檸檬水。炸雞粒偏咸，芥末醬做得濃滑。漢堡扒咸到爆，煙肉條乾爆但無咩香味。熱狗包&漢堡包似甜餐包，基本上我情願用返超巿的咸包，感覺味道正常D。個包好細個。因附近不多地方歡迎狗狗進入，所以都會再嚟，但一定不會再食任何包類。或者下次試吓薯條。送雪糕只限網上落單，但只限visa付款。系統未做到其他電子貨幣付款。…查看更多

見到都開咗幾個月。門口主要係賣台式飲品，我沒什麼興趣。今日LUNCH諗唔到食咩，諗住試吓，點知衰晒！叫咗個魚香肉絲飯，送一細紙杯凍飲$42。(價錢係平)返到公司打開個飯盒，完全唔係香港平時諗果d魚香茄子之類。基本上似大陸"老闆菜"咁樣的送酒小菜或叫做下菜飯。佢有木耳絲，紅蘿蔔絲，似係素肉絲，青瓜絲.......用紅油(可能係辣椒油)炒過。 對我嚟講最大鑊係，佢重味精而我對太重味精會左邊頭痛。d紅油包浸晒飯........ 佢杯凍飲話係凍柚子蜜。佢除咗係黃色水合乎"柚子"之外，真係咩味都飲唔到。差點連甜味都無。當然佢更加唔會見到有柚子。絕對不是一般超巿買到的柚子茶糖漿開水。係完全唔會有柚子肉，以一杯黃色水。對於我嚟講係超恐怖的一個飯盒...... 食咗一啖，我真係無辦法食到第二啖..... 掉咗，不過唔夠5分鐘仍然發生左邊頭痛.......... …查看更多

突然想在外食飯，和老公&朋友臨時約。打電話訂位，接聽的小姐說新春期間不接電話訂位，要到時等位。但幸好我們到剛好有張枱食完離開。有位年青的waiter，十分落力幫離開的客人，因有位長者坐輪椅。全晚見這位waiter 很落力，親和風趣的招待客人。我十分欣賞他，要給他一個"LIKE"！基本上全場滿坐，幾個侍應全場"飛"，仍保持很好的態度。點完菜約5六分鐘開始上餐湯。老公有少許不滿餐湯不夠熱。但我覺得ok，可接受。(但呢點都係好個人主觀的)全場這麼忙，3道菜的水準都很好。証明廚師受得壓力測試，這樣忙也沒失手。(3道菜的味道個人感覺都附在圖片備註)餐飲叫了啤酒，玫瑰花茶(上枱時已嗅到蜜糖香味)，熱檸茶(侍應忘記給糖，但老公說不用)。整體來說，我們3人都十分滿意這一餐。和老公都覺得可以帶奶奶再來，朋友說預他一份…查看更多

昨晚❨2/9/2022❩收工買了2碗招牌燒仙草，1碗雙芋仙草奶凍回家。3碗糖水的燒仙草，紅豆，糖水..... 都沒問題，只是沒特色。芋泥不可說沒香味，但混和糖水底後，芋頭味很淡。珍珠&芋丸的中間心出奇的硬，應該是未熟透。我食了第2匙羹後，真的受不了。每口糖水我都要吐珍珠/芋丸出來。奶奶❨老人家❩說，下次不要買了。咬又咬不了，每口吐返出來又煩得很。或許會再買，但一定不會買有丸子類食品或飲品。而且附近也有很好其他同類的店，所以再買機會很低…查看更多

1點半後入座半價定食。電腦出單時間13:35分，2點送到主菜。 同事個滑蛋豬扒飯，有湯浸住，隻水煮蛋在豬扒下壓住。豬扒炸粉厚過塊豬扒，因為湯浸到發脹。同事挑走炸粉食。雖然切開了，但仍難咬，因為件死體好實，好硬。我自己個燒汁牛肉，咬了1口便放棄：咸死人！2個飯都只比"生米骨"好少少，好似食沙石咁。絕對不是日本米。全程最安全好味，只有中華沙律❨海藻❩&螺頭。同1集團，但係銅鑼灣廣場2期，真係好好多。我唔係好明，只知絕不再上9樓呢間…查看更多

之前每一次買各種餅同家人朋友分享，從未試過有不滿。萬估不到今次給老公慶祝生日，買個季節限定版的芒果批，會如此的失望。各人都認同，個批底破壞成個餅。芒果甜，雖不及呂宋芒的香，但很穏定的甜。芝士餡加了雲尼拿籽，香滑。但一個拿破倫式蘇皮底破壞了全部。因為餅底吸了軟芝士醬質餡的濕氣，餅底變得韌。如果轉用曲奇餅底可能會好D。或希望廚房下次試新產品，應要考慮客人取貨不是廚房做完，客人即刻享用。會在店內放幾好時，拿回家也不是即開始食用。…查看更多

28 Aug晚和老公2人，諗住試吓呢間。其實入坐後都未知是A1 Bakery旗下店。點了2人餐$246，選了5成熟牛扒配焗海鮮飯，餐湯是南瓜湯。我們2人都不愛南瓜湯，叫不用送上，不想浪費。店員要我們點埋餐飲，我要了熱咖啡，老公要了熱檸茶。餐飲到，見到糖上印了A1。隻杯容量，大約3個神枱杯咁大。難飲到我地慶幸佢咁細杯，唔係浪費太多，因為飲咗啖就放棄。2個小牛角包用微波爐返熱，所以口感韌。白汁焗海鮮飯，飯淋。最厲害的牛扒到.... 我感覺是5成熟沙膠1塊(不是1人1塊，好彩係2人都係得1塊)。大小約7cm X 2cm厚。好彩佢把刀夠鋒利，咁粗條根+咁韌既牛扒都切得開。甜品是2杯雪糕。我地已經無膽量再試，送咗比側邊枱的小英雄(3歲左右小朋友)見到佢地職員抺枱。個膠盒內有檸檬&奶白色的水，抺每1張枱都是這盒水。珍惜食水、職員唔怕污衊伸手入盒水...... 佩服…查看更多