yandyli的个人专页

完全淡而無味， 好似一杯奶水。首先冇烏龍茶香味， 然後飲落去怪怪地， 好似係用奶粉沖開出嚟嘅飲品， 成杯嘢好差，白色一杯混合物。 完全係呃錢， 根本就唔係一杯茶飲，純粹係用水沖出嚟嘅一杯嘢。…查看更多

在大型商場內， 通常都是類似的連鎖食店。 但這間卻是難得一見的誠意之作。物超所值的 西餐廳餐牌選擇眾多， 可以選擇單叫， 也可以選擇意粉或飯， 另外又可以加配小食，餐湯，沙律或甜品。非常適合我 喜歡每樣食物也輕嚐。香脆魚柳配卡邦尼意粉略嫌意粉汁 淡而無味， 但脆香魚柳非常好， 魚肉很鮮味， 並不是平常一般雪藏的。吞拿魚卡邦尼意粉醬汁味道不錯， 吞拿魚很入味小食拼盤好正新鮮炸起的薯條香脆美味可口洋蔥圈 又係炸到卜卜脆雞翼同香腸一般加咗一件迷你芝士蛋糕做甜品細細件唔會好膩…查看更多

泰國菜一向都色香味俱全，令人開胃。呢間小店座落於馬鞍山一個不起眼嘅位置， 但價錢合理，屬於家庭式營業嘅小本經營餐廳。 本人絕對支持呢類型嘅本地小店都好鍾意佢嗰個冬陰功湯， 次次去到都好想食，配埋金邊粉真係一流。串燒都算不過不失啦， 肉質有啲鞋口， 不過應該係因為 肉類不夠新鮮， 但醬汁 濃郁搭夠。泰式魚餅真係好好食煎香咗再配上泰式辣醬簡直一流可惜嘅係泰國餐廳但竟然冇泰式奶茶雖然有得叫套餐 ，但係就冇泰式甜品可供選擇。…查看更多

茶餐廳的下午茶不外乎都係嗰幾種， 呢間餐廳嘅選擇配搭款式好多， 至少比一般茶餐廳多選擇。今次揀咗焗卡邦尼意粉配香脆魚柳， 通常雙拼嘅， 每邊都係有少少， 本人就係鍾意每樣都是少少意粉煮到漲哂同好林， 靠個焗嘅白汁 ，補救返少少味道啦香脆魚柳，肉質好滑，而且新鮮炸起。飲品就揀咗 薑味奶茶估唔到味道又真係好濃郁， 幾有驚喜啵～如果冬天飲應該好正不過出餐就慢咗少少啦， 真係要等15分鐘先有得食， 但餐廳入面唔算好多客人， 大概坐咗六至七成人客。三十幾蚊都算幾抵食呀…查看更多

去到旺角， 餐廳其實大把選擇。呢日特別想食泰國嘢， 尤其係想食啲開胃嘅。平時經過呢間舖頭， 已經見到門口有 用炭爐燒烤串燒， 已經好香好吸引我。於是就入咗去試下啦本來係食泰式湯粉麵， 加少少錢轉做冬陰公湯底， 另外再叫兩個沙嗲串燒。先講呢個冬陰功湯牛丸金邊粉， 個冬陰公湯真係好正， 食得出嘅配料有蕃茄洋蔥碎等等， 另外飲落去都好開胃。 加上轉咗做金邊粉， 成個配搭好match。串燒分別係豬同埋雞， 由於用炭爐燒， 所以啲肉質好好味， 而且好香口。 加上濃郁嘅沙爹汁， 配上少少辣汁， 熱辣辣超正。食完之後都心思思諗緊下次幾時再嚟食…查看更多

呢間車仔麵分別有兩餸三餸同四餸畀人選擇， 一般車仔麵嘅配料都有。比較特別嘅係有一款叫做薑汁皮蛋貢丸， 咬開粒丸裏面有好濃嘅薑汁， 皮蛋就唔太多覺有。麵底都係幼麵，油麵，粗麵，米粉，河粉，米線。不過今次去食就話冇米線， 所以就轉咗米粉。所謂嘅豬骨湯底唔算好濃味， 額外加咗腩汁同辣汁先叫做有返啲味道。牛腩都算係入味嘅， 不過咬口就麻麻地。沙爹牛肉完全冇沙嗲汁， 純粹係普通用梳打粉 醃過 嘅牛肉浸落個湯， 容易咬，不過就好無味道。整體嚟講 比較失望， 可能普通一間茶記嘅湯粉麵仲好食啲。只此一次 ，永不再嘗試。…查看更多

元朗有唔少特色嘅店舖， 一場嚟到梗係想試下啲本土地道特色餐廳啦。路經呢間門面好似茶餐廳，大大隻字寫住自製牛丸， 對於自家製產品我一向都好支持， 滿懷希望咁去嘗試一下。店舖食品種類唔算多， 牛腩，牛筋，牛丸 可以配河粉，米粉，油麵。有啲選擇困難症嘅我就揀咗三拼配米粉。 碗仔細細 ，但裝到個碗幾乎滿瀉。唔食牛嘅可以選擇食三文治或者西多士， 西多士有法蘭西西多士，芝士西多士，火腿西多士， 又或者可以三拼。不過食咗一碗粉就已經食唔落其他嘢啦。 所以我就冇試到。淨係黎講普普通通啦， 牛筋都炆得好林， 牛腩啲肉就比較鞋身， 牛丸亦冇我想像中咁有牛肉味同彈牙囉。唔值得特登入嚟食， 但如果經過都可以試下嘅。…查看更多

偶然間喺網上見到有介紹呢間位於北角嘅傳統老店， 超過半世紀嘅老字號。雖然舖頭地點距離本人都幾遙遠， 但係一向都好鍾意食過年嘅糕點， 見佢介紹 話係人手製作而且有天然嘅椰子汁香味， 就已經心思思好想試下啦。難得去到咁遠， 一次過買咗六底糕班蘭椰汁年糕椰汁年糕馬豆糕平時去食泰國菜都有食過班蘭糕， 類似千層糕嗰類嘅甜品， 但同年糕揉合一齊就真係第一次嘗試一打開個盒就聞到好香嘅班蘭味， 而且甜而不膩， 比起平時食完年糕會覺得滯同膩嘅感覺好唔同。椰汁年糕就好似平時食椰汁糕咁樣， 不過比起平時嘅糕點更為煙韌。馬豆糕係細個食完之後都好耐冇食啦， 爽口得嚟又有椰子香味，正…查看更多

平時食pizza通常都係喺屋企叫外賣， 好少去鋪頭食， 咁啱今日呢間舖頭唔使等位， 又心思思想食下嗌咗個千島海鮮迷你pizza細細哋都有四件， 人少少就啱曬啦雖然個pizza細細哋咋， 但係份量十足， 而且由於新鮮熱辣剛剛出爐， 所以好香脆。另外嗌咗一個龍蝦汁海鮮意粉上枱之後香味好濃， 賣相已經好吸引， 食入口仲好有驚喜， 啲意粉索曬啲龍蝦汁， 所以好入味。另外有兩杯飲品， 柚子蜜。不過好似甜得滯， 要加返半杯熱水先至好飲啲。…查看更多

喺馬鞍山呢個美食沙漠， 只要一有新餐廳開張就會好多人衝著去試呢間新開嘅西餐廳喺大水坑站附近，喺村屋位置旁邊， 都算幾方便。鋪仔細細 ， 一眼望曬， 但當日去都坐咗八成人， 室內得番一張枱有位， 室外就仲有兩張二人枱， 今次選擇坐咗入室內， 因為出面太陽都幾曬幾熱下。今日嘅餐廳係洋蔥薯仔湯， 味道淡淡地， 賣相亦唔算好討好。紅酒燴牛肋肉拌意粉肉質易咬， 軟淋淋又好入味西冷牛扒配薯菜侍應冇問你煮幾多成熟， 但上枱切開後發覺大約七至八成熟左右啦， 口感都幾好， 肉質呈半紅狀態， 都幾有咬口。 薯條仲要係熱辣辣脆卜卜即磨熱咖啡雖然見到有咖啡機係即磨咖啡豆沖出嚟， 但飲落去又好似係即沖嗰啲咖啡咁…查看更多

睇網上有人介紹呢間餐廳慕名而來， 因為有我幾鍾意食嘅意粉， 同埋地點都算係鬧市中嘅本地小餐廳， 好想試下。第一樣抵讚嘅係意粉嘅份量真係好大碟， 好似平時係supermarket買嘅一包意粉落曬落去煮咁卡邦尼意粉睇到都知道用料十足， 煙肉，火腿同意粉 的分量都好多， 一碟真係食唔曬 除非好肚餓同埋要慢慢食吞拿魚碎蛋沙律牛角酥配蜜糖薯角牛角酥係好香脆， 但如果再熱返少少味道會更好， 甜甜地嘅薯角好似bbq咁， 同平時一向點茄汁有啲唔同。香脆炸魷魚圈呢個就新鮮熱辣辣嘅感覺， 唔使點醬汁就咁食都ok另外再嗌咗洛神花茶， 尤其係食咁多煎炸油膩嘢， 飲番杯花茶好舒服…查看更多

荳子餐廳一向都幾出名, 不過次次都好多人等位， 就連平日都唔例外。Lunch hour 過左都座無虛席， 入嚟用餐嘅人客一直絡繹不絕。今次試咗黑蒜帆立貝蜆肉意粉上枱嘅時候唔夠熱， 大概只有七至八成熱， 味道略嫌淡咗啲， 海鮮煮得比較乾，冇哂味道， 啲蜆仲有啲沙。有期望之下比較令人失望忌廉蟹肉炸薯餅蟹肉都幾入味， 但係分量少咗啲， 不過味道都唔錯。芝士肉醬薯條普普通通啦， 如果啲肉醬同芝士粉用焗爐就會較入味。Stone（甜品） 芝麻配上熱情果嘅甜品， 清清地味道都算唔錯。Lychee lover （ 荔枝味甜品）入口幾有驚喜， 好fruity 同埋 酸酸甜甜， 食完令人有種精神同埋開心嘅感覺。檸檬蜂蜜有凍飲同熱飲選擇熱飲嘅檸檬蜂蜜飲得出蜜糖味， 而唔係平時嗰啲糖水溝出嚟。…查看更多

本來去香港文化博物館已經係一個消閒好去處， 四周環境幽靜，感覺好舒適。呢間餐廳更加配合咗四周圍嘅環境氣氛， 一入到去高樓底，充滿西方特色嘅座位擺設 ， 仲有好聽嘅英文歌。行完博物館 ，想舒適咁搵個位坐低嘆杯咖啡， 呢間餐廳絕對係首選， 好過好多連鎖大牌子嘅咖啡店。今次試咗我一向最愛嘅hazelnut Latte 拉花都幾靚， 飲落都幾香幾滑。呢間餐廳主張慢活， 希望都市人能夠慢慢享受一下， 唔使成日匆匆忙忙。仲有個幾特別嘅服務， 就係可以買張明信片喺指定日子，餐廳會可以代為寄番畀自己， 令你可以回想返之前嘅感受。…查看更多

用openrice預先booking， 會有discount優惠， 今次係晚餐有正價六折雖然位於旺角， 但係個地點有啲吊腳， 唔算話好偏僻， 不過都有啲難搵六點半前到達加提早訂位，都會有discount優惠。兩個女仔 嗌咗兩份小食， 兩份主食， 加兩杯飲品。蒜香一口牛， 濃沃嘅香味，牛肉入口煙韌， 跟沙律菜， 感覺都幾好食。吉列蟹肉忌廉薯餅， 口感都幾好， 新鮮熱辣炸起， 香脆可口。黑松露雞肉意大利飯， 略嫌個飯煮得太淋， 但味道清清地都算唔錯， 而且配料都算唔少， 不過不失啦。鐵板bbq燒豬腿 本身有燒烤汁， 另外再跟多個醬汁， 肉質都幾好食， 不過如果醬汁再多番少少就好啲， 因為鐵板好快燒乾哂啲汁。玫瑰鮮奶咖啡， 兩個女仔都心有靈犀咁揀咗呢杯飲品， 當侍應送上咖啡時， 見到個拉花圖案係有啲小驚喜。餐廳裏面啲壁畫都幾靚環境都算唔錯， 都值得再去試多次…查看更多

之前已經去過呢間餐廳食個下午茶😋感覺都算唔錯， 款式幾多， 絕對唔係一般嚟嚟去去嗰幾個選擇。😀聖誕節雖然啱啱過咗，但都係想食西餐😁見到佢晚餐menu好多選擇 ，配意粉薯菜或飯 ，另外仲有唔少fusion菜。餐廳環境都唔錯本身今晚係想食粉麵類， 見到佢餐牌上有一個冬陰功海鮮燴闊條麵， 睇落都好似幾吸引 ，想試下啲特別啲嘅嘢食就揀左佢。果然冇揀錯 ，個醬汁好濃 ，真係有冬陰功湯嘅味道， 但睇落又好似普通白汁忌廉咁， 估計係應該用咗冬陰功湯某種香料放落去。揀咗兩款小食 ，炸魷魚條同瑞士雞翼， 兩樣都唔錯 ，魷魚條新鮮炸起外皮幾脆，入面咬口唔錯 ，瑞士汁完全滲透雞翼。…查看更多