ruthtam的个人专页

好耐以前曾經睇過老陳介紹哩間葡國菜，上星期終於有機會去試下，入面都幾細只有四﹑五張枱，我下午一點到，好彩仲有張二人枱，兩個人叫左三樣野食一枝白酒呢枝白酒已經係餐牌入面最貴既...$150，低到爛，入口微酸，好岩午餐淡淡地第一樣到既食物係馬介休球好耐都無食過呢樣野，因為以前食過好多都好鬼死咸，哩個內裡非常鬆軟，好香馬介休又唔死咸，$30有三粒第二樣就係我今次黎試既主角，葡國蝸牛$60，第一次食蝸牛，原來佢d肉好淋，而且好少肉，本身係咩味真係唔知，因為成碟野都好鬼死香，我唔識食係咩香味，總之就係好香，同有少少辣，我男朋友食左三粒話頂唔順，原來佢以為會似東風螺咁肉質，但係事實係相反，不過我就好鍾意，一個人食晒成碟第三樣係與別不同焗鴨飯$80，平時食既焗鴨飯都係好乾身既，哩個d飯係有少少濕，似食糯米雞d糯米咁，鴨"穌"味香爆，怕"穌"味既人千其唔好試，但係我好愛超愛成餐飯四樣野加埋$320，無加一 …查看更多

見各位人兄都讚哩間既雞煲，我就未食過，因為我太愛佢既冬瓜環喇，實在好清甜，成個冬瓜盅打邊爐好少地方有。不過任食包既肥牛就唔係好得，我見好多人都另外散叫牛，其他食物就幾OK。價錢好似係138一位(大約唔記得)，包湯底啤酒汽水，旺角任食不二選!…查看更多

擒日岩岩食完咖哩好夠味，個牛湯底好濃味岩晒我，不過唔知點解河粉唔夠新鮮有D硬，但係都非常滿意另外食左雲吞蝦係好爽，而且有金魚尾，不過因為我男朋友唔食得牛，佢個湯底係牛骨，所以只可以走湯，乾左比較失色，有湯應該好好多…查看更多

因為訂唔到日麗就去左試不夜天，點心拼盤$68有8款，4件蒸4件炸炸既就春卷最好食，竟然覺得入面D蔬菜有好清新既感覺。蒸既就個鮑汁餃最好，不過我反而覺得有D似羅漢齋既味，好神奇。其實味道同係日麗食既一樣，$68有齊幾款出名既點心真係好低食。另外點左一個麵包濃蝦湯味道一流，好濃好濃好濃既蝦味，好似係$48咁上下，我覺得物超所值再黎一個焗豬扒飯豬唔係扒，係三條肉，炸得非常好，埋係咁多汁入面都唔淋，而且肉質一D都唔鞋，雖然似係冰鮮肉，肉味唔係太濃，不過個汁已經太好味都唔計較得咁多，平時我好怕好多地方D茄汁好酸，但係佢就反而係甜甜地。呢個午餐食得非常滿意，多謝老陳介紹啊﹗唔係咁多新餐廳，真係會遺忘舊葡京既輝煌。…查看更多

突然收到e-mail，山里推出特價午市套餐($270)，推廣到8月尾，唯有放棄食葡軒既行程我覺得成個餐入面溫物最好食，可能係有蝦乾好香口，豆腐非常滑，不過有件唔知係咪芝麻糕既野無乜味炸蝦唔係天婦羅，外面個層係米通，都幾得意另外叫左一個刺身套餐$350刺身非常新鮮，不過無特別驚喜囉，雖然係好好食最後的甜品﹑綠茶我個人認為...以煮物計山里係最好食以天婦羅計天政最好食以鐵板燒計新故里最好食…查看更多

我都係睇左老陳既介紹黎食，真係一D都無推錯，樓下師兄介紹左葡國雞，咁我介紹下吉列豬扒啦﹗我覺得哩個豬扒好食過任何一間收你過百蚊既所謂吉列專門店，大份唔在講，香脆唔鞋唔油膩﹗食落D豬扒係有用香草腌製，味道濃厚。而且每個餸都可以揀飯或意或豬仔包，強烈建議食豬仔包，非常鬆脆話說回來，小店就真係小店，座位非常有限，當日我地12:30到達一個客都未有，但係未到1:00全店已經滿坐，要食好野就要準時啊﹗…查看更多

還有...每樣食物都根據味道由淡至濃上枱，最後仲有麵豉湯﹑漬物﹑甜品我覺得物超所值啊﹗…查看更多

[本來無諗住寫哩個食評，不過睇到樓下位師兄咁勞氣，所以想分享下個人既經驗天政既SET LUNCH，係有分一盤盤上(2百蚊起)同係你面前即炸即食既(4百蚊起)，兩樣我都食過，都好好食(上年食一盤盤上既，比較平，今年食即炸既，比較貴)兩個人叫左一個"竹"餐，炸竹蝦兩隻，炸海鮮兩款，炸雜菜五款 $480一個"健怡"餐，炸海鮮兩款, 炸雜菜三款 $380同廚師講兩個人share食，佢會幫你每樣都分一半…查看更多

原來天政下午有超平套餐，由二百多元到六百多元都有，另有匯豐卡有特別套餐六折，即四百多元一個人。不過我地無咁豪只係叫左兩個二百多元的。一個餐有9樣野食，最正係個吞拿魚腩飯，天婦羅當然都係無得頂。另一個，海鮮雜菜餅飯，超好食，食到唔停得咀。兩個人食左四百多元，我覺得物超所值，底食到不得了。…查看更多

第一次食小船鍋，鋪面細細地，好好招呼。我地面個人點左檳城海鮮湯，好濃蝦膏味好香，$98連一碟海鮮拼盤。牛肉好"林"，好有牛味。絕對值得再去。…查看更多

响澳門除左酒店包既早餐之外，都好少會係酒店食野，不過新葡京哩間食麵既真係幾好食，雖然價錢唔平，勝在24小時營業，水準都ok。今次宵夜食左個豬扒一根麵牛肉湯底，麵質煙煙unun，比上次個刀削麵好食，其他都唔錯。最令我滿意係，食唔晒打包番酒店，佢提供左一對木筷子，唔係即棄個種，洗乾淨可以再用，比較環保﹗…查看更多

上年生日都係黎禮記食，上次食左個二人餐$888，有吉品鮑兩隻，中勾翅，一條唔記得咩魚，半隻雞，太飽太飽﹗﹗所以今次淨係叫兩樣，凍蝦同一煲二人份既海虎翅，留D位再戰下場﹗凍蝦$72半斤-----好香酒味，肉有D實，我唔識咩叫新唔新鮮，總之就幾好食海虎翅$388----好濃味雞湯底，翅都OK粗，有得咬下咬下，一煲每人有兩碗環境就一般舊酒樓咁，全個地都好滑，我食既時候有個女人P左一野，嚇親人﹗一定要小心﹗﹗…查看更多

睇到之前D食評咁好，一落船就黎試下哩間葡國菜，裝修的確唔錯，啱二人世界，午餐SET有好多選擇，不過兩個人食唔到，唯有揀重點乳豬配炒飯$150-----驚喜﹗﹗乳豬脆到不得了，無一般炭燒燶味，肉質嫩(可能我個碟係豬腳既關係)，炒飯係西炒飯，內有葡國腸同豬潤等，份量都幾大，一碟已經夠兩個人食七分飽HOUSE WINE$140---有分一杯﹑1/4L﹑1/2L﹑同1L，我地叫左1/2L，對午餐黎講岩岩好，味道偏甜…查看更多

下午係附近拜完山黎哩度食，兩個人淨係叫左魚湯粉同濃湯雞絲麵魚湯粉---好正，不過如果唔係用炸粟米餅，用番油炸鬼好D濃湯雞絲麵---唔掂，好重花奶味，我地兩個人都唔食得奶，只好放棄…查看更多