緣來是油雞的个人专页

朋友揀左呢間餐廳就喺中環地標性煤氣燈長樓梯隔離，地方典雅幽靜，橢圓枱之間都有充足嘅距離，唔覺得有壓迫感。侍應介紹餐牌嘅時間話剛剛轉咗全新嘅Tasting Menu，和之前好唔同，雖然我哋第一次嚟，不過佢咁講就試吓啦。Amuse bouche係用Parma Ham包住一粒造成球狀嘅哈密瓜，簡單開胃。第一道菜係吞拿魚赤身加牛油果蓉，上面再加海膽。入口鮮味無窮，我覺得最主要係因為海膽非常之新鮮和甜，配搭赤身同牛油果層次同味道都好驚喜。第二道菜是有些玩味，有一個玻璃罩吸住，上枱嘅時間打開有濃濃嘅煙滲出，入邊就係一個白蘆筍蓉再加蘭王蛋。第三道菜亦都玩味十足，有一個玻璃紙袋載着馬賽鮮魚湯，然之後侍應就會剪開，除咗玩味十足，味道亦都很濃郁。第四道菜就係乳鴿鵝肝配黑蒜醬，乳鴿很嫩滑，鵝肝香氣滿溢！第五道菜就係招牌紅蝦手工意粉，不愧為招牌，紅蝦味道濃郁，闊條麵亦很有口感。上主菜之前係一個清清喉嚨嘅青蘋果雪葩。主菜有兩個選擇，和牛或者龍蝦，我們各叫一個，M8和牛是很有趣，侍應會先攞一個盤，上面載着一塊和牛，然後他會用一把扇撥下撥吓，再問需唔需要幫我們切，之後便會拿回廚房。M8和牛肉味濃郁，而且入口軟滑；慢煮過的啖啖龍蝦肉，配上柚子做的醬只能夠說天衣無縫。來到甜品亦是一個豐盛的結局，不單只有Tiramisu還有cheese platter. 而作為晚餐最後一樣Petit fours 亦十分有驚喜，因為入邊嘅Chocolate truffle 可以算是近年我們食過最好的。…查看更多

餐廳位置不多，有壽司吧卡位和VIP房，我地今晚坐壽司吧，一路望住師傅整，一路食又是多個娛樂。先來金糖盒蟹肉三文魚籽。簡單來說，他是用蟹肉，三文魚籽，魚子醬豆腐放在脆片上，而下面白色的是棉花糖。驟眼看來配搭有些古怪，但是將所有材料一次過放入口的時間，口感同味道就會變得很複雜，鹹香嘅三文魚子和甜甜的棉花糖很夾，脆片和蟹肉亦都恰如其分地配合得很好。之後便是海膽三文魚籽粟米脆片壽司，這個精粹就落在於粟米脆片身上，脆脆的口感配上飯和三文魚子海膽很是滋味。再來便是薄燒和牛飯團，侍應會先端上來向你解釋，然之後便會詢問要幾成熟。由於是薄切，而且是宮崎和牛，我們要五成便以足夠了。日本蛋再加和牛，一口即溶，又是另一個大滿足。最後是大熱龍珠卷，這間店是用海膽加拖羅和鹹蛋黃去做，一盒已經有四件，入口非常濃郁味道。建議加一些芥辣去食，味道會更加突出和平衡，吃了一個已經很飽。…查看更多

「點解唔加底仲貴過加底架？！」 估唔到周星馳電影入面嘅對白能夠在現實中，哩篇食評既重點不在於食物上，食物來說以這個價錢有這個質素是不錯的。今次重點在於餐廳收費及員工服務及態度嘅問題。員工的說話語氣態度先不細緻描寫。因為之前已經有好幾個食評反映了，在此不必多言。話說這裏是用QR code落單，當我們見到有甜品套餐和甜品散叫時，不期然覺得奇怪為何散叫仲貴過套餐？（套餐是有送飲品的。）所以我們決定叫一個窩夫套餐和一個散叫疏乎厘班戟，看看分別在哪（因為常理上就覺得套餐的份量應該比較少一點。）但是我們居然不小心叫了兩個都是疏乎厘班戟，沒辦法了。不過我們是比較想食窩夫的，所以便再叫多一個。但這次的大意反而我們發現一件事，就是不論是套餐或散叫份量都是一樣的。由於上文提到服務員的態度問題，我們都盡量避免和她接觸以免發生不愉快事件，但去到這個情況都不得不提問，結果果然係散叫和套餐份量一樣，而套餐除咗平少少之外還送飲品。 有套餐咁點解要整個散叫出來？就算係散叫多幾粒士多啤梨都好呀，起碼有個分別。之後窩夫來的時間都已經有啲飽，於是就食一半再打包一半。最後埋單的時候，我們和服務員提出既然食的東西都一樣，可否將散叫價錢變回套餐？那杯附送嘢飲我們可以不要。最後店員回覆，因為已經落咗既單是不能取消。好，無問題。只是十元八塊的事無謂大吵大鬧。附圖有我們的單據，上面清楚顯示有套餐和散叫，亦有我們所有餐點圖文並茂。總結今次事件，收費不清晰和有誤導，因為份量賣相完全一樣的話，為何要做一個套餐和一個散叫去誤導消費者？最重要係套餐比散叫更便宜和有飲品送。我們相信如果不是用手機下單，而是由服務員給我們下單絕對唔會有這件事發生。如果店家正看到這個評論，請盡快改正及對相關店員加以培訓。以免浪費廚師們用心做的好甜品。…查看更多

一年之前試過這間西餐，仍然很難忘他的牛扒和意粉，用平民價錢換取酒店級水準。今次再來當然要繼續試他的牛扒，但是今次我們點了risotto。前菜是火炙半熟三文魚莎莎沙律，比起上次，這次的前菜出色了不少，可能是上次豬手沙律個汁太甜了。今次呢個做得非常平衡，三文魚是輕輕的煎一煎個表面，仍然食到刺身的感覺。緊張嘅時刻來臨了，牛扒嘅擺盤同之前一樣咁出色，但係切開又點呢？一樣係完美嘅四成效果。肉質味道所有東西都和之前一模一樣，好正今次呢個risotto係新嘗試，聞落已經好香，食落去完全對板，意大利飯煮得輕微生，係Al dente 既口感，醬汁濃厚，但係又唔會太多變得水汪汪最重要係材料非常多（比飯還要多）。甜品和飲品就中規中矩，但亦可一試。…查看更多

今晚同朋友黎依間打卡居酒屋，門口都佈滿打卡位，非常吸晴。呢度菜單同其他居酒屋嘅一樣好多選擇，我們點了魚生太卷，燒茄子，串燒及壽喜燒。先嚟魚生太卷，入邊係厚厚的魚生和飯卷，大件夾抵食，味道也不錯燒茄子和我們預期的有些不同，本來諗住係原隻上，但係呢度係幫你切開晒咁樣食。不過味道亦尚算不錯，味噌不會太重手導致好鹹，甜度亦都啱啱好。和牛壽喜燒亦都夠足料，只係略嫌和牛部位有些靭，未能夠做到入口即化，但係味道亦都是濃厚的和牛味。最後串燒入邊，雞肉棒入口鬆軟，軟骨有咬口。厚切牛舌彈牙濃味，而最讚嘆嘅係燒白鱔串燒，厚肉，味道夠，燒得香脆。如果唔係個一開始魚生卷食到有啲滯，應該會叫多一串。…查看更多

好耐之前試過，難得佢搬過嚟港島區，而且鰂魚涌呢一間裝修格局比較似一間靚嘅中菜館。坐嘅位置亦都好舒服。餐牌都係主打潮州打冷滷水。頭盤係海蜇頭和免費小食鹹酸菜，爽滑有咬口，醬汁醒胃，作為前菜一流另外鹹酸菜雖然係免費，但係味道十分之好，甜酸到適中。上次食過滷水鵝，今次就試埋其他滷水嘢。墨魚入口非常軟滑，誠意推介其餘豬腸，元碲生腸都係水準之作。還有一個清燉荷包饍，功夫菜嚟嘅，要用菜包住鱔再去燉，鱔係肥大無骨，個湯帶有香濃嘅菜乾味，可以一飲而盡。二十年菜甫燉豬肚湯呢個可以話係完美，豬肚處理得非常之乾淨，而且炆得軟腍，送飯一流。總括而言，陳儀興絕對係可以一來再來的餐廳之一。…查看更多

餐廳位置很顯眼，由集成中心行落嚟一望就見到，一定唔會蕩失路。哩度嘅餐牌比起一般中菜嘅選擇少，但係豬牛羊雞海鮮樣樣齊，所以係麻雀雖小但五臟俱全。先來一個正宗海南文昌雞，上枱的時間略嫌有少少熟，但係入口暖和而且雞味濃，和薑蓉食也很不錯。之後就係豉椒涼瓜炒安格斯牛肉，醬汁豆豉味濃，配上鮮嫩安格斯牛，再以苦瓜甘香作為一個中和，完全係經典嘅粵菜配搭。最後就係非常好味既新竹炒米粉，上菜嘅表面舖滿帶子，蛋絲和蔥花等，淨係聞到已經覺得很香，吃的時侯更加係對味蕾嘅衝擊，米粉是煙靭有勁，條條分明，感覺到醬汁滿滿滲在米粉入面，但整體唔會炒得很濕，顯然師傅的炒功是很高水平的。這裏的價錢不貴，但係地方舒服，服務非常之好，值得再來。…查看更多

好耐冇黎D2 place，見哩間燒肉多人讚，就嚟試吓，點左二人和牛套餐，反正樣樣嘢都有，唔使諗。餐廳望落都幾大，卡位基本上坐四個甚至迫迫地六個都得，先上泡菜和沙律，沙律調味就比較濃啲，泡菜就唔太辣適合所有人食用。先來虎蝦，蝦身夠大，肉夠彈牙和鮮甜，建議吃前下些許鹽調一調味，味道會更上乘。之後就係雞肉三味，上菜的時候侍應忘記講是哪三個部位，無所謂，好吃便是了。之後便是主菜和牛拼盤和牛舌，不得不讚這裏的師傅將這些和牛處理得十分好，那一個應該薄切那一個應該厚切都拿捏得很好，每一舊無論你點樣燒很都美味。最後的甜品也有兩個選擇，雪芭和雪糕，建議吃雪芭，因為酸酸的很解油膩。…查看更多

本來只是行完街經過諗住醫下肚，反正女人街多選擇，實有野食，通常喺旺角西餐都係伏，見呢間淨係做意粉和Pizza就試吓，感覺就係專做一兩樣嘢，出品應該唔會太差掛。入到嚟餐廳好光猛，但係冇音樂，枱面雖然簡單，但係整體環境好整潔。呢度嘅侍應都幾有禮貌。好，最重要就是嘢食，我們點了手作意大利粉和pizza…這裏上菜比較慢，所以建議點啲小食沙律或者湯。先來蘑菇湯，這個蘑菇湯很Creamy而且帶香草味，喜歡的會很喜歡。雞塊很香芝士味，焗得不錯，雞肉唔乾又唔嚡。手作意粉是用忌廉汁和魷魚菠菜炒的，忌廉汁很Creamy，最緊要係意粉，是真正Al Dente，口感帶勁，非常好味。Pizza就係醃肉加芝士菠菜焗成。批底吃得出是自家製的，麵粉很香， 煙靱而帶咬勁，配料亦唔錯。最後再點多一個甜品，本來想試綠茶卷蛋，但係賣晒。咁就點咗個焦糖脆脆蛋糕，這個焦糖脆脆加分位係脆脆是暖的，入邊的蛋糕很鬆軟，好好食，比某大品牌的天使蛋糕好食一百倍。總括而言，真係有驚喜，估唔到喺女人街可以食到咁高質素嘅Pizza和意粉。唯一覺得美中不足就是這裏的環境，希望店家能配些少音樂和調校低少少光，咁樣就會增加餐廳嘅用餐氣氛，始終係西餐嘛。…查看更多

荃灣廣場隔離條街，近來越黎越旺，再唔係得茶餐廳，好多唔同類型餐廳都有，由於今晚要趕睇戲，所以快快手食一餐就算。估唔到哩間越男仔有咁多選擇，除咗要食海南雞之外，見到湯底有越南酸湯選擇，於是便試吓。海南雞係套餐，仲有小食牙車快和炸魚柳。牙車快沙律開胃醒神，即炸魚柳熱辣辣好食。海南雞就穩穩陣陣，雖然冇話驚喜，但係都有水準。越南椰汁酸湯牛肉粉就頗特別，酸酸地很醒胃，配牛肉食成件事覺得好平衡。尤其是大熱天時食吓越南嘢都是一個唔錯嘅選擇。…查看更多

今日去筲箕灣睇海防博物館，晚餐就黎東大街搵食，三個人又唔想食安利咁簡單，見到有間食麻辣嘢就走過來試吓，入去以為餐廳好細，原來有兩層。餐牌有好多嘢食，雖然唔食得辣，但係都要為兩位嗜辣的朋友解下辣癮。幸好他們都體諒我，每份都只叫小辣。涼拌小黃瓜前菜冷盤，小黃瓜好爽口，是一道唔錯的醒胃小食。招牌酸菜魚這裏的份量不少，魚肉好滑，酸菜咸道適中，值得一讚係湯底唔會好油，喝兩啖唔覺得油膩。古法鵝腸朋友覺得少少過熟，我就覺得冇問題，但係味道都係一致認為好食。川北涼粉涼份咬落有爽勁，配料足，味道唔會好嗆口。口水雞雞肉嫰滑，雖然一定係冰鮮雞，但係配上辣汁食，一啲都唔失禮。雞肉嫰滑，雖然一定係冰鮮雞，但係配上辣汁食，一啲都唔失禮。…查看更多

今日要去佐敦工作，放工老細話想食串燒同飲吓嘢，上網就見到依間餐廳食評唔錯就嚟試吓(最緊要有老闆埋單)。餐廳門口幾特別，唔知以為係食西餐。我地叫左一個和牛廚師發辦套餐，另外再加散叫。先黎兩個冷盤小食，其中螢光魷魚味道鮮甜，配上生啤，辛苦工作一天之後應當如此享受下。北海道栗米，真係一試難忘，口感脆甜多汁，生食都無渣。套餐串燒有六款由大廚發辦，店員說由於其中一款係雞肉棒是他們的招牌菜，所以建議我地另外散叫多一個。果然是不錯的決定，因為雞肉是伴隨一個日本生雞蛋，強烈建議食完之後要留著蛋汁，之後點其他嘢嚟食都是一流，今晚的串燒有些不在菜單上，是大廚時令做的。例如這個雞皮包蝦，雞皮超級香脆，包着蝦一齊食很滋味，另外一款是雞肉包住墨魚。還有炸豆腐和燒雞翼，都是正常發揮！反而有一個比較特別叫小炒王，其實就是豬腩片包着韭菜和蝦，和大蒜脆片一齊食起上來，味道的而且確和大排檔食小炒王一樣，好好食串燒之後，便是主角鹿兒島黑毛和牛。大概切成幾塊，每塊大概半吋厚，拌有wasabi，蒜片和蔥，但係都係建議第一口什麼也不用點，只需要落少少鹽就夠了，這樣才能品嚐到他本身的肉味。最後就是飯團和麵豉湯，麵豉湯較為淡口，所以可以將飯團入面的明太子送入湯中一齊飲，味道層次會豐富很多，加上飯團是輕微煎過，微焦的很香。我們另外再加多一個牛肉湯烏冬做主食，這個性價比超高，因為他的湯底應該是用牛骨煲，但係味道香濃清甜，加上價錢絕對不貴。牛肉也肯定是和牛的邊邊位（平常師傅改肉時剩低的肉），口感軟嫩而肉味濃。雖然他不是什麼主打必食產品，但是我覺得這個水準十分之高，下次黎都一定會點。總括而言，雖然價錢不是十分便宜，但是加上餐廳環境，服務絕對值得來試，起碼比坊間一些貴價串燒來得物有所值！…查看更多

非常隱蔽的餐廳，如果唔係朋友帶黎都唔識去，建議黎之前要問清楚。最喜歡食韓國菜前菜，點餐後送來4款韓式小食：泡菜、青瓜、芽菜、辣魷魚。依度既泡菜好岩我口味，唔會好咸又唔會太辣，岩岩好但最特別既係辣魷魚，雖然有少少辣但超有口感芽菜同青瓜就正常發揮喇令人印象深刻嘅係佢哋嘅海鮮煎餅。煎餅入面有很豐富嘅海鮮，包括蝦仁、魷魚等。相比其他餐廳，呢間餐廳嘅海鮮煎餅嘅麵團更加少，煎餅嘅口感非常酥脆除咗煎餅之外，每次食韓國菜都會叫韓式炒粉絲，一道簡單又好味既主菜。粉絲炒得恰到好處，口感有彈性又入味。可以選擇唔洗自己燒既韓式牛仔骨，牛肉軟腍，牛仔骨肉可以輕鬆分離出來。最後食個清新沙律可以減低肥膩感今晚叫咗一瓶韓國米酒，係當地好受歡迎嘅酒。有微微甜味，很容易入口，好啱同韓式菜肴一齊食。…查看更多

銅鑼灣糖街新開左一棟座地大玻璃商廈，入面有幾間餐廳，今日同朋友就揀左日本燒肉食午餐。好好采被安排坐到窗口位，可以對住維多利亞公園，而且卡位好似自成一角，很有私人空間，環境非常舒適。 午市套餐有和食和燒肉選擇，我點了一份九州和牛五寳盛合，套餐仲有跟是日前菜、茶碗蒸、麵豉魚湯和甜品。其中麵豉湯十分有驚喜，因為他是用魚湯做湯底，鮮味十足燒肉分別有兩塊五種唔同部位既和牛，脂肪和肉的比例都岩岩好，不愧為A5和牛，肉味很濃郁朋友的午餐是A5宮崎牛拉麵，配菜和燒肉套餐一樣。順帶一提，這裏的蒸蛋上面加上三文魚子，味道層次更加提升。牛肉都是牛腩那些位置，十分軟稔，而且份量很多。麵質就不能與拉麵店相比，但係整個拉麵也是很不錯。最令人難以忘記的是和牛水餃超濃肉味多汁，非常好味最後送上柚子雪葩作完結。下次一定會再黎試下其他午市套餐！…查看更多

位於鰂魚涌的陳儀興的分店，裝修光猛整潔，環境舒適優雅。用餐前及餐後都送上濃郁的功夫茶，非常正宗。頭盤先來凍馬友，凍魚是潮州名菜之一。凍馬友的製作過程需要將馬友魚肉去骨，然後用鹽和糖腌制一段時間，讓魚肉更加入味，接著再用冰水浸泡一段時間，令魚肉變得更加緊實。但魚肉仍然鮮嫩沒有魚腥味，配上普寧豆醬和薑絲，味道絕佳。鵝三寳是我最喜愛和推薦的菜式。這道菜式用鵝肉、鵝肝和鵝腸作為主要成分，配上豐富的滷水汁，讓味道更加豐富。鵝肉去骨後切成小塊，然後用滷水汁浸泡數小時，使其入味。鵝肝和鵝腸也是同樣的處理方式，這樣可以讓它們更加鮮美。食用時淋上滷水汁，口感豐富，令人回味無窮。第三道菜式是胡椒豬肚湯，以白胡椒烹調，辛香撲鼻，十分健脾暖胃。豬肚亦煮得非常軟嫩，帶來濃郁的肉香。最後，潮式魚蛋浸菜是一道簡單卻美味的菜式。魚蛋彈牙有嚼勁，帶有魚的清香，配上浸菜的清淡口感，整道菜式讓人倍感清新。總結來說，陳儀興潮州菜的非常正宗地道。餐廳的服務周到，提供了一個愉快的用餐體驗。價錢方面，雖然稍為略高，但物有所值。十分推介帶一大班朋友來用餐。…查看更多