foodcritic65的个人专页

上星期五晚同朋友去尖沙咀海港城行完街，決定食餐好嘅！佢嘅環境真係好舒服，窗邊位仲望到海景飲品揀咗熱桂圓雪梨茶同熱檸檬薏米水桂圓雪梨茶 * 呢杯茶好滋潤，有淡淡桂圓肉同雪梨嘅清甜，飲完即刻覺得暖笠笠，係一個舒服嘅開場檸檬薏米水 * 比較清爽，微酸帶有薏米香，食濃味菜式時飲，幾解膩。🌟必點滬式招牌菜推介！桂花黑醋小排骨 - $85 必試推介！💯呢個排骨真係做得好有水準！佢唔單止炸得酥脆，個黑醋汁調味非常平衡，甜酸度拿捏得好好，完全唔會死甜或過酸。最特別係有桂花嘅香味滲入去，食落帶有清幽嘅花香，將排骨嘅油膩感中和咗麻婆安格斯牛肉豆腐- $138 夠麻夠香！🌶️麻婆豆腐係我哋嘅心水菜式。佢用咗安格斯牛肉粒，令到豆腐唔只得鮮辣味，仲多咗份肉嘅香氣。個汁夠晒濃郁，麻香突出，辣度適中，豆腐非常滑溜，一夾就散，真係好適合配飯！將牛肉粒、豆腐同汁一齊撈飯食，真係好惹味！油淋淋子雞 (半隻) - $168 皮脆肉嫩！🐔賣相好吸引，雞皮炸到好乾身金黃。雞肉食得出肉質嫩滑，唔會嚡口，而且份量十足。佢嘅油淋汁係清鮮嗰種，配上蔥花香，食落唔會太重負擔，皮脆肉嫩做得好標準。黃金蟹粉撈飯 (每位) - $128 鮮味爆燈！👑蟹粉份量非常慷慨。蟹粉撈飯，食嘅就係佢嘅鮮甜濃郁！將蟹肉蟹黃同米飯徹底撈勻，每一粒米都沾滿晒蟹油精華，入口充滿海鮮嘅鮮味同蟹黃嘅甘香…查看更多

今晚同一個好耐無見嘅朋友約食飯，去咗中環嗰間AOAO食飯，試咗幾款菜式，味道唔錯。前菜：·赤貝：食落都算爽口彈牙，有淡淡海水味，幾新鮮，口感清甜。·萵筍沙律切成一條條，再配鰹魚汁，整體清淡唔膩，係好好嘅開胃菜。·焦糖南瓜南瓜表面微微焦糖化，帶出香甜味。主菜：·炭燒鰻魚：上菜好有儀式感，店員會攞舊炭再燒一鰻魚表面。燒鰻魚外皮燒得香脆，肉質保持到嫩滑，炭燒香味好突出，醬汁唔會太甜。·和牛三文治：和牛炸得外脆內軟，仲保留到肉汁，最正係和牛超柔軟，麵包亦都烘得香脆，最鐘意呢道菜。甜品：·迷你蜜瓜大福：外皮軟糯，入面係清甜嘅蜜瓜餡，口感煙韌。飲品：· G06：Ginger dry lemon rum加coke foam ，味道清新，帶檸檬果香，解膩效果唔錯。· Golden Harmony：Rum, papaya加cinnamon ，肉桂香mix木瓜清香，飲落好舒服。…查看更多

早排約咗一個好耐冇見嘅朋友夜晚食飯，我地哋去咗新都會廣場嗰間 The Pantry Cafe，試咗幾款嘢食，味道都唔錯。🍛 泰式海鮮冬蔭功Risotto個汁嘅酸辣度調得幾好，Risotto 煮得唔會太淋，保持到少少咬口，仲吸滿咗湯汁🥹 海鮮有青口、蝦同魷魚，整體嚟講係有驚喜嘅 fusion 菜。🍗 燒雞薄餅餅底係薄批款，咬落有啲煙韌😙 面頭嘅燒雞肉幾嫩滑，唔會韌，配上燒烤醬都幾惹味。芝士份量都算多，有做到拉絲效果，整體味道濃郁但又唔會太膩。🥗 柚子蝦沙律呢個沙律好清新！柚子肉清甜，同大隻爽口嘅蝦肉好夾😋 沙律汁係酸酸地嘅柚子汁，好開胃，食完濃味嘅 Risotto 同燒雞之後，用佢嚟平衡返就啱啱好。🍟 Mozzarella Gravy Chips薯條份量好多，上面淋滿融化咗嘅 Mozzarella 芝士。芝士嘅拉絲效果同薯條係絕配，好適合一班人share一齊食😍🍹 Very Berry Fruit Tea飲落好香雜莓味，酸甜度適中，唔會假甜，幾解渴。…查看更多

今晚同朋友慶祝生日😍 呢間好有氣氛· 西班牙烤乳豬外皮燒得香脆可口🤩，皮下嘅脂肪同肉層次分明，肉質保持到嫩滑同肉汁，配埋香甜既蘋果醬，無咁油膩· 紅蝦扁意粉用咗Carabinero紅蝦，超大隻，蝦頭嘅膏香非常突出，蝦味濃郁。意粉煮得軟硬適中，掛汁能力唔錯，每啖都食到濃濃嘅蝦鮮味😋· M5和牛牛腹肉叫咗五成熟，火候控制得幾好。Bavette呢個部位肉味較濃🥰，雖然唔算係最腍滑，但充滿嚼感同牛香，配埋旁邊嘅燒汁同炒菠菜，味道更加平衡飲品方面，朋友叫咗杯Lychee Green，飲到清甜嘅荔枝味，同淡淡嘅綠茶好夾，幾清新解膩👍🏻。我就要咗杯Virgin G & T，有齊Gin Tonic嘅香氣同清爽，適合想refresh一下嘅人😗…查看更多

今日同朋友嚟到東薈城shopping,見到呢間幾多人排隊叫咗「豪華2人套餐」，再加多個「九州產和牛壽喜燒鍋」😆🥗 前菜：・「溫泉蛋慢煮日本雞肉凱撒沙律」溫泉蛋有流心效果，雞肉都算嫩滑，沙律菜都好新鮮！・「精選刺身盛合 (5品)」有五款刺身，包括三文魚、油甘魚、帶子同埋三文魚卵，其中油甘魚同埋三文魚卵都幾鮮甜😋🍤 炸物與燒物：・「日本產雞肉 & 野菜天婦羅盛合」-天婦羅粉漿薄脆，茄子Juicy・「重量級火焰原隻雞腿」- 上枱時有店員幫手點火，視覺效果好吸睛，但記得要保持距離，雞肉燒得香口又保持到肉汁！🍣 創意壽司：・「火山熔岩鮭魚卷」- 賣相吸引，炙燒過嘅三文魚油香豐富，加埋微辣嘅醬汁幾唔錯🍲 主角登場：・「九州產和牛壽喜燒鍋」- 和牛雪花分布均勻，入口即化，冬天食暖笠笠，係必點之選總括嚟講性價比唔錯，環境同服務都幾好…查看更多

荃灣呢間極．大瀛喜真係高性價比！平日夜晚都幾多人佢有分A餐同B餐，入座前會問定你想要邊個餐。今次我揀咗貴少少嘅B餐，因為有幾款精選野食得B餐先叫到刺身係必叫😋😋！我極力推介金槍魚腩刺身，入口即化，魚油香超濃郁，食完成個口都係回甘！當然仲有三文魚、油甘魚、吞拿魚腩壽司同甜蝦，樣樣都咁鮮甜，肉質厚到呢～🤤上湯芝士焗龍蝦伊麵底🦐：龍蝦肉爽彈，個芝士汁夠香但唔會太膩，掛滿晒每條伊麵，份量夠細，食完唔會好飽，可以食得落其他野！時令大閘蟹🦀：食到蟹肉嘅鮮甜，蟹膏都算多，有鹹蛋黃味，值得一試！A5黑毛和牛薄燒🐮：一入口溶化咁滯，油脂分布均匀，質素拍得住燒肉店！仲有呢一個鱈魚乾海膽吞拿魚蓉TACO都好正！臻品鮮凍紅花蟹都係任食其他壽司嘅選擇都好多，仲有鮑魚任食， Häagen-Dazs雪糕味道都有新款，好易回到本,最正係自助區有nutella醬機同好多唔同既酒，原來餐廳有埋酒牌😳呢度真係好適合一大班人一齊嚟，個個都可以叫自己鍾意食嘅嘢，價錢又唔算好貴，真係好值得試下㗎😋…查看更多

近排同屋企人去咗京都薈食飯，佢晚市都幾多優惠，整體都好滿意😍羊腩煲冬天食羊腩煲真係人生一大享受！個煲熱辣辣上枱，香氣撲鼻！🍲 羊腩炆到非常軟腍入味，一啲都唔韌，而且完全冇羊羶味，同埋舊舊都好多肉，裏面仲有枝竹，索哂羊腩汁嘅精華，好鮮味！個湯底夠哂濃郁，充滿膠質，撈飯一流，食到成個人都暖笠笠！冬天必點啊！燒鵝脾（例牌） $68佢晚市有個四寶，可以4選1，燒鵝皮燒到脆卜卜，油光滿面，睇見都流哂口水！咬落去，鵝肉好嫩滑多汁，肉味濃郁，點埋佢個酸梅醬，酸酸甜甜，更加帶出鵝肉嘅鮮味，真係食到舔舔脷！份量都好足料，一個脾都幾大隻，夠哂兩個人開心share！😋白灼海生蝦啲蝦隻隻都好新鮮，蝦肉爽口彈牙，鮮甜味十足！雖然係簡單嘅白灼，但係就食得出蝦本身嘅鮮味，證明食材好有質素。點少少醬油，已經好好味脆皮燒乳鴿乳鴿燒到金黃色，外皮脆而不油，肉質好嫩滑，有少少肉汁滲出嚟，味道都好香濃，埋單$585，兩個人食到飽一飽，而且食物質素咁高，我覺得CP值都幾高！下次一定會再嚟！…查看更多

呢間Cafe叫 Subtle Island 🏝️，喺正旺角西洋菜南街，上到4樓一開𨋢門😍 佢哋嘅裝修好啱打卡，竟然有室內沙灘區 🏖️藤椅、帳篷，最誇張係有個土耳其風嘅水池位 ⛲成個feel勁似去咗摩洛哥1️⃣ 明太子卡邦尼意粉 🍝 ($98) 身為一個卡邦尼fans，呢個我俾pass！👍 佢個醬汁超creamy，配合煙肉嘅鹹香，味道好豐富！2️⃣ 紅咖哩荔枝窩大蝦 🦐 ($128) 一上枱個咖哩香已經撲鼻 ，啲大蝦爽口彈牙，唔係霉嘅。個紅咖哩汁好濃郁，有啲椰奶香，甜甜地又帶少少辣，超級送飯（雖然我哋冇叫飯😂）！我特別鍾意個醬汁入面落咗荔枝，仲要係超級甜，中和咗咖哩嘅霸道，幾有驚喜！3️⃣ 煙三文魚, 布利芝士伴貝果 🥯 ($108) 呢個bagel set好IG-able！🥯 煙三文魚份量一啲都唔孤寒，入面夾住布利芝士，芝士味好香醇，有啲creamy，同鹹香嘅三文魚勁夾！4️⃣ 自由選健康bowl ($118) 揀咗羅馬菜底，加咗翠玉瓜、雜菇、合桃、蟹子同埋黑椒牛柳粒，再配柑橘沙律醋。啲黑椒牛柳粒 🐄 煎得好香。好鍾意呢種選擇，可以自己決定食啲乜嘢，啱晒健身減肥嘅人…查看更多

話說最近同屋企人去咗呢間望住無敵海景嘅酒樓，環境真係冇得輸，夜晚維港景致一流！🥂 🦞 金銀蒜開邊蒸本灣龍蝦 (半隻)近排做緊優惠， $38半隻，啲金銀蒜鋪滿晒成隻龍蝦，濃郁蒜香，帶有海鮮嘅鮮甜味，肉質緊實彈牙，底部嘅汁用嚟撈飯真係食到舔舔脷！🥩 焦點推介：蜜汁叉燒皇 (碟)色澤紅潤亮麗，賣相滿分！夾起一舊，肥瘦均勻，望到中間嗰層半肥肉已經流晒口水！入口嗰下，外層蜜汁夠香甜，帶少少焦邊嘅脆口，肉質完全唔柴，軟腡帶有肉汁，帶有炭燒香氣🍍 開胃小炒：鮮菠蘿咕嚕肉 (例)鑊氣十足！咕嚕肉炸到外層酥脆，但裏面嘅肉仲係嫩滑嘅。最重要係個醬汁，酸甜度調得剛剛好，唔會過酸搶咗肉味，而且真係用咗新鮮菠蘿，令成碟菜清新咗好多…查看更多

最近同朋友去咗尖沙咀呢間 Royal Inn 慶祝生日！一入門口就俾佢嗰種歐洲皇室復古風吸引住，藍白瓷器擺設勁靚，黑白格仔地磚超有Feel，真係隨手影都係打卡位！🥩 牛肉他他 兩個迷你蒸包夾住牛肉他他。牛肉係剁到好細緻，口感好滑溜，醃料調得啱啱好，冰涼軟嫩，帶有黑椒和少許芥末油的微辛，口感細膩，非常開胃🥗 清新擔當：帶子西瓜沙律 呢個沙律係夏天嘅味道！ 佢竟然係將所有食材放喺半個挖空嘅西瓜入面，超有創意！帶子粒粒都好肥美，爽口甜美。西瓜球嘅清甜冰涼，配上Feta Cheese嘅微鹹同creamy，仲有青瓜同堅果碎，食落去口感又爽又脆，味道係鹹甜交織，超級解膩，食完即刻醒神晒！🍚 鵝肝燉飯 塊鵝肝煎得啱啱好，外層煎到少少焦脆，一切開，裏面係粉嫩嘅粉紅色！ 鵝肝油香豐滿，入口即融，燉飯底吸晒鵝肝同蘑菇嘅精華，飯粒煙韌有嚼勁🎂 巴斯克芝士蛋糕配雪糕蛋糕口感濕潤，芝士味濃郁，有少少焦香。碟上面仲有靚靚嘅 Happy Birthday 祝福同鮮果點綴，賣相一流！完美嘅生日作結！🥳…查看更多

今次同朋友去咗尖沙咀Harlan's食Set Dinner，除咗個維港夜景靚到冇得輸之外，最驚喜係啲嘢食！✨呢個6 Courses Set Dinner真係誠意十足，味道仲要層次分明！🤤🍽️ 前菜 Starter1. 北海道帶子他他配火龍果脆片紅石榴蓉碟邊舖滿玫瑰花蕾，超好打卡！🥰 帶子他他好新鮮，口感彈牙，仲有淡淡海鹽嘅鮮甜味。配埋酸酸甜甜嘅紅石榴蓉，個種果酸味將帶子嘅鮮味再推高一層2. 煙燻海鍪蝦，石榴巴馬火腿清湯蜆汁果凍呢個好特別！隻海鍪蝦已經煙燻過，帶有少少木香，肉質緊實彈牙。個清湯底好清澈，充滿咗巴馬火腿嘅鹹香同蜆汁嘅鮮甜，仲要撈埋個蜆汁果凍一齊食，好fancy！3. 日本帝王蟹蛋泡沫配24個月法國康帝芝士脆片及海膽 帝王蟹肉本身就夠晒甜，打成蛋泡沫之後，口感輕盈到好似雲朵咁！最正係塊芝士脆片，鹹香濃郁，撈埋新鮮海膽一齊食，個種海膽嘅甘甜creamy同芝士嘅鹹香撞埋，味道複雜得嚟好和諧，幾驚喜🍖 主菜 Main Course1. 黑松露北非小米配和牛牛舌及牛小排，鵝肝龍蝦汁 一大舊燉得超級軟腍嘅牛舌，肉汁鎖實晒，一切開啲肉汁就流出嚟！隻和牛牛舌都好出色，軟嫩得嚟有嚼勁。個鵝肝龍蝦汁真係靈魂所在，龍蝦嘅鮮味加上鵝肝嘅豐腴滑順，濃稠到痴線！墊底嘅北非小米吸晒所有精華，每一啖都好滿足。2. 慢煮伊比利豬肋眼上蓋肉配柚子沙律，日本柑橘及杏桃果蓉塊豬肋眼慢煮得外層帶焦香，內裡粉嫩多汁，入口完全唔嚡！豬肉嘅油潤被柚子沙律同柑橘嘅清爽酸甜平衡晒，完全唔覺得膩！甜甜哋嘅杏桃果蓉令成個口感更豐富，真係食得好舒服！🍰 甜品 Dessert香檸檬芝士蛋糕配酸柑、楓糖漿，糖漬檸檬皮，碧根果曲奇檸檬嘅清香好突出，芝士底做得夠實淨。上面粒雲呢嗱雪糕配埋楓糖漿，甜度啱啱好。最鍾意佢個碧根果曲奇碎，脆卜卜同埋有堅果嘅香味，令個芝士蛋糕多咗一份焦糖同果仁嘅層次感。呢個Set Dinner真係高質，份量足，味道又到位，無論係擺盤定係味道都有心思！加上喺高層望住維港夜景，真係約會或者慶祝嘅首選！…查看更多

600幾蚊食到鐵板燒，仲有180度嘅維景可以睇，唔怪得之平日都幾多人食😝 🥗三文魚親子沙律 三文魚肥美，魚油香氣自然。三文魚子提供咗明顯嘅鹹鮮味同爆汁口感，為清淡嘅沙律增加咗層次2. 刺身三點 刺身嘅色澤同紋理睇得出係新鮮。吞拿魚赤身味道比較清爽，肉質結實；油甘魚口感相對柔軟，帶有獨特嘅甘甜，仲有燒鰹魚，上面有一啲醃製嘅洋蔥，增加味道既層次🔥 鐵板燒帶子配醬汁 上碟時嘅煙燻效果幾有心思，令帶子帶有少少木香。帶子煎得外層薄脆，內裡保持到軟嫩。配搭嘅忌廉醬汁偏甜，令帶子味道更豐富，但鐵板燒大蝦配紅咖哩醬 大蝦肉質厚實，咬落爽口彈牙，個醬汁唔搶味，突出蝦肉既鮮甜鐵板燒白鱈魚配醬汁 (番茄底) 鱈魚嘅肉質相當嫩滑細緻，外皮煎到微微焦脆。鱈魚本身味道清淡，好依賴配醬。醬汁係以番茄為基礎，帶少少酸甜，有助於解膩鐵板燒美國薄燒 牛肉嘅熟度控制得幾好，肉質嫩滑，唔會太乾硬。作為薄燒，佢著重口感同肉汁嘅平衡。配埋炸蒜片一齊食，香口度更高煙肉炒飯 炒飯嘅油份同鹹度控制得唔錯，飯粒炒得乾身，有基本鑊氣。煙肉碎增加咗鹹香。湯品相對清淡，適合喺多肉多海鮮後中和一下味覺8. 甜點 (抹茶 & 黃豆粉日式甜點) 甜點是日式蕨餅類甜點，口感煙韌。分別沾上抹茶粉同黃豆粉。甜度適中，有淡淡嘅茶香同豆香，為晚餐作咗個簡約而清爽嘅結尾。…查看更多

上星期同朋友去咗旺角呢間日頭好Chill，夜晚環境又好舒服嘅Cafe食晚餐！🥩 香草安格斯牛柳配薯蓉 ($218) 肉汁鎖得好好，佢用咗香草去醃，一啖咬落去，係濃郁嘅牛肉味。 最正係配埋佢個薯蓉！滑到好似忌廉咁，而且牛油香好突出🥗 雞胸凱撒沙律 ($78) 呢個沙律好啱當前菜開胃！雞胸肉煎得啱啱好，肉質唔會柴，表面仲有少少焦香。菜方面用咗新鮮羅馬生菜，夠爽脆。佢嘅凱撒醬汁份量控制得好好，唔會多到浸住晒啲菜，保留咗菜本身嘅清爽，芝士碎都係加分位，鹹香適中🧄 蜜糖蒜蓉軟芝士法國麵包 ($118) 法國麵包焗到外脆內軟，面頭鋪咗厚厚一層軟芝士，再淋上蜜糖同蒜蓉。一入口係甜甜地嘅蜜糖香，跟住蒜蓉嘅鹹香同芝士嘅濃郁奶味湧出嚟。啲軟芝士熱辣辣半溶狀態，好邪惡但又忍唔住食晒佢！😋🍰 開心果巴斯克芝士蛋糕 ($58) 面層撒滿咗綠色嘅開心果碎，望落去好療癒。一切落去，中間芝士內餡係靚靚嘅淺綠色，口感超乎想像嘅creamy同軟滑！唔會太甜，開心果味好柔和但又清晰，配埋巴斯克特有嘅焦糖微苦，平衡得好好，食到最後一啖都唔覺膩！真心推介俾所有開心果控！🎃 熱焙茶鮮奶咖啡 (Hojicha Latte Hot) 呢杯係驚喜位！本身焙茶味好香濃，口感醇厚順滑。重點係個南瓜頭拉花！超得意！畫工好精細，見到個南瓜仔喺杯面，即刻感受到萬聖節氣氛！影相呃Like一流！🤳🍍 Summer Vibes (特飲) ($68) 橙色嘅飲品上面放咗塊乾菠蘿片同薄荷葉做裝飾，超級吸睛！味道酸酸甜甜，感覺有芒果同菠蘿嘅味道，Fresh同解膩！…查看更多

上個週末去咗尖沙咀 Dan Ryan's 試吓佢哋嘅經典美式菜，呢間餐廳真係好有 feel，環境夠晒放鬆，好啱同朋友嚟聚餐傾偈，見到好多外國人，好似去左旅行咁，哈哈🍞 餐前麵包 (Complimentary Bread) 一嚟到就有一籃餐包，有幾款唔同口味，但最特別係佢個牛油！🍓🧈帶點清甜嘅果香，搽落暖暖地嘅麥包同雜穀包度，真係好開胃，忍唔住食多咗舊！🍗 Buffalo Wings 水牛城雞翼 雞肉肉汁豐富，隻隻都好入味。🤤 個醬汁係酸辣味平衡得好好，食落有陣開胃嘅醋酸同埋少少辣勁，配埋旁邊嘅青瓜條同 Blue Cheese 醬，即刻解膩🥗 Caesar Salad 凱撒沙律 (半份) 食肉獸都要食返少少菜平衡吓！半份沙律份量都幾多，羅馬生菜好爽脆，個沙律醬做得好 creamy，芝士味濃郁，仲有幾舊金黃色嘅脆麵包粒，幾香口🥩 8oz Hanger Steak 封門牛柳配薯條 封門牛柳嘅肉味一向都比較濃郁，而且帶少少嚼勁，佢哋煎得幾好，肉質鬆軟度剛剛好，唔會韌。配菜係粗身嘅炸薯條，外脆內軟，點埋少少鹽花，係簡單又滿足嘅組合！🍝 Meatball Spaghetti 肉丸意粉個番茄醬汁超級香濃，帶有新鮮番茄嘅酸甜味，唔會死鹹，撈勻啲意粉食，掛汁一流！最重要係啲肉丸！一客有三大舊，肉丸煮得好腍身，一咬落去肉汁爆出嚟，仲有少少香草味，勁juicyDan Ryan's 嘅份量一向都好足料，味道係正宗美式風，夠晒邪惡同滿足！…查看更多

我同老公都幾鍾意食放題，都叫做試過唔同集團公司嘅放題，今次呢間都真係有啲驚喜，估唔到平日嘅夜晚都超級多人，滿座！以三百幾蚊嘅價錢嚟講，食嘅嘢質素有咁上下，尤其啲刺身比我想像中新鮮，食物嘅種類都幾多。🐟 必食皇牌：藍鰭吞拿魚刺身！老實講，佢哋今次呢隻藍鰭吞拿魚真係做得唔錯。魚肉色澤望落去都幾靚，油脂紋路清晰可見。口感唔會「嚡口」，咬落去係軟糯順滑，有吞拿魚獨有嘅鮮味，雖然當然唔可以同超高級Omakase比，但以放題嚟講，呢個質素真係交足功課，非常抵食！鍾意食吞拿魚嘅朋友，絕對要嚟回本！🌶️ 新登場熱食：鑊氣海鮮夠過癮！除咗刺身，佢哋今次加咗好多新熱食，好啱鍾意食Crossover或者夠晒鑊氣嘅朋友：* 泰式麻辣奶油大頭蝦： 呢個好特別！大頭蝦本身大隻，肉質夠彈。個汁底係微辣帶甜嘅泰式風味，但加咗奶油之後變到好Creamy* 黃金蝦： 即係鹹蛋黃炸蝦！一上枱就聞到鹹蛋黃嘅香濃味，蝦炸得好酥脆* 豉椒炒蜆 / 豉椒炒墨魚咀： 呢啲豉椒小炒夠晒火候，蜆肉同墨魚咀都好入味，唔會炒到過老* 🥂 奢華小點：魚子醬系列菜式* 魚子醬系列壽司： 喺幾款壽司同刺身上面加咗一小點魚子醬，魚子嘅鹹鮮味同壽司嘅米飯一齊食，的確多咗份高級感。* 泰式三文魚魚子醬卷：酸酸辣辣，好開胃，好好食* 魚子醬巴馬火腿哈密瓜： 外形幾精緻，鹹香嘅斑馬火腿配香甜蜜瓜，中和油膩感，味道又好夾另外好推介羊腩煲、榴槤、同埋燒蟶子，同埋原隻鮮芒果雪條，好食…查看更多