mezutozil的个人专页

今日要去寶琳新都城做嘢，晏晝想搵個地方靜靜地食個飯，突然想起附近有間蝦湯拉麵，所以去咗一期的蝦魂。今次已經係第三次幫襯，之前食過蝦湯拉麵，厚切牛舌心飯，都唔錯。今次入到去有下午茶餐，所以揀咗蟹棒*蝦紅湯拉麵，只需要$52，且仲有一杯熱茶贈送，非常抵吃。我加多$17加咗隻糖心蛋。蝦湯拉麵依然好好味，食完唔會口渴，溏心蛋都可以。埋單都係$69，算抵食。 店內環境寬敞舒適，店員又殷勤有禮貌，應該多多支持小店。…查看更多

經過好多次終於有機會試吓，佢哋賣點係自家製湯，原來唔止蝦湯，仲有雞白湯，麵條都係自製。今次試咗佢哋蝦紅湯拉麵同紅蝦雞肉餃子，蝦湯好濃好香蝦味，麵軟硬適中有口感，伴有糖心蛋和幾隻剝咗殼嘅中蝦，兩款都幾好味，食完唔口亁。第一次食這款蝦餃子，原隻蝦食好有滿充感。老闆仲好細心提我先試啖原味之後先應加醬汁。可能因為舖頭比較新，食客不算多,老闆特別細心同有禮貌。食物有水準，環境寬敞，服務態度又好，千祈唔好走寶！要知道好食肆摺一間少一間。…查看更多

好耐以前幫襯過一次，對佢哋嘅燒雞翼又愛又恨，愛嘅係佢真係燒到剛剛好，皮脆肉滑，仲有一滴滴肉汁流出來。恨嘅係真係等得太耐 ，入席即下單，差唔多埋單先燒出嚟。好啦，依家佢只做預約，仲要先下單入數先確認有冇枱，諗住會快啲啦，到頭嚟都係要等。咁究竟值唔值得呢？我犯賤，俾我再揀都係都要嚟，因為我真係好鐘意食佢隻燒雞翼。今次仲試埋佢隻阿媽唔認得麵lv.2, 真係唔講得笑，我自認食得辣都投降，好難想像有人食到lv.10🥵…查看更多

已經嚟過飲㗎啡同茶好多次，今次終於記得寫食評。哩度㗎啡同茶都出色，我尤其喜歡Matcha Latte, 隔離最鐘意叫四季青萱烏龍茶，各有特色。要讃嘅唔單至係飲品，仲有工作人員嘅服務態度。無論你買外賣定店內享用，無論你叫一個餐定一杯㗎啡，佢哋都好有耐性同體貼，送餐時又有禮貌同笑容。突然想起上個月去102樓望海食嗰餐，服務員隻眼生喺額頭到，隔離枱食電子煙又扮睇唔到，埋單仲要3千幾…. 睇返哩度，幾個靚仔有講有笑，做嘢時又可以好認真。希望這間㗎啡店生意越做越好。…查看更多

晏晝冇約人食飯，一個人走落去新開嘅RUD燒肉食。12點去到未使排隊，一個人自然被安排坐自閉位，好快趣用QR code 落咗單，叫咗牛之盛盒套餐，有牛小排，牛胸腹同牛Kaxx牛肉片共300g，仲加咗錢轉紫菜飯。問職員三隻牛肉點分，一聽就知佢亂噏當秘笈，聽完就算。鋪頭咁新當然環境比前身momoko 坐得舒服，燒烤爐等用具亦使用方便，自己燒都冇問題。三隻牛肉都幾好味, 300g份量剛剛好。埋單免加一要$154，算低食。下次會再嚟。…查看更多

本人非常喜歡食餃子，以前多數去食荃灣餃子屋，貪佢大大隻，同埋碗湯幾好飲。但路程實在太遠，所以今日捨遠取近，去試吓附近這間餃子坊。因為想飲湯，問收銀有冇套餐選擇，佢提議燉湯套餐，八十幾蚊一碗響螺燉湯，一碟生菜，三隻芫茜餃子。我想食多幾隻餃子，所以再叫多半打白菜豬肉煎餃，送一碗魚湯。食後感如標題，餃子普普通通，燉湯好似好多料，但坦白講，唔特別好味，不過不失，但唔會特別想再嚟，但如果某一日諗唔到食咩，可能會再俾多次機會佢。…查看更多

往年情人節都會晚上去扒房据扒,今年要返工，六點後又冇堂食，所以決定今天在公司附近慶祝，選了一間可以訂位嘅西餐廳食午餐。見食評不錯，我選了9成熟豬扒，對面是紐西蘭牛扒，食物質素整體唔錯，價錢合理。…查看更多

揀咗最貴嘅午市套餐，火煱湯底有不少選擇，我選擇酸菜豬肉。牛肉豬肉水餃等等火煱配菜可任食，上菜速度很快，也有台灣小食任叫，質素不錯。仲有自助飲品任攞同肉丸蔬菜任夾。最好食嘅反而係每人一碗送嘅仙草甜品，幾種材料口感有層次，不會太甜。埋單差不多每人二百，算合理。…查看更多