rm202的个人专页

之前去過佐敦店及銅鑼灣店食點心，覺得環境未到價錢各樣也不錯。今次見有優惠，而且評價不錯， 於是便透過openrice訂座， 再現場付款， 去到才選擇點菜。 因見網上有團購是需要先付款的見到火鍋相片都好吸引但價錢偏高， 今次見到廣告$288set， 午市包括加一及醬料價錢，晚市則另計， 由於朋友下午唔得閒所以便安排晚市。我們訂枱五點半， 朋友早到也不能進入要準時五點半才安排座位， 原來四點至五點半為落場時間。坐低揀湯底很快便上齊食物， 湯底可選鴛鴦不用另外加錢呢個要讚， 點了沙爹同埋香菇清湯， 沙爹只有一點鹹味， 另只有一杯少少的凍茶， 沒有提供飲品， 來了兩碟牛肉， 看上去不過不失， 但食落去就比較鞋口， 另外有四隻餃子皮非常厚， 畀一般餃子大隻，食落有粟米， 蟹子蝦丸不錯 ，我諗住要係用嚟打卡用， 蔬菜新鮮乾淨， 烏冬都合格， 不是用最平的那種， 另外仲有鴨血， 不過不失 ，其他整體嚟講真的冇特別， 我們另外點要一碟豬肉，$138， 兩罐汽水，$29@， 埋單價錢$587， 就是原先講過價錢兩倍出來了😅如果食特價餐的話， 建議中午來因為是免加一及醬料，總括這是一個食環境的地方， 試過便算。如對食物有要求應該要散嗌， 或者可能食物質素會好一點。味道不至於難食， 只係性價比低， 如果沒有舒適的環境， 只會畀劣評。…查看更多

經過門口見到比較光鮮再望下個menu鮮魷魚一下再行多幾間睇完之後決定返轉頭其中一個被吸引嘅地方就係有蟹鉗食下午茶時間到問了侍應攞menu睇他說晚餐時間由五點半開始當時係5點23分所以心諗都應該可以叫到點知叫了兩隻炸蟹鉗後說今天虾膠未整好 沒有有點失望之後再食了兩個下午茶餐 咖哩牛腩飯同焗肉醬意粉咖哩牛腩飯很快就到想不到牛肉很多另外有別於大部分茶餐廳牛腩同咖哩是分開煮所以非常入味另外肉醬意粉嘅意粉亦唔會淋bet bet相信係即煮所以等候時間都較長料同味道都合格餐加九蚊飲紅豆冰好大杯另外紅豆都好多紅豆好淋另外唔會太甜從以上產品可見小店誠意忽然之間被職員問是否想食蟹鉗現在有打當然即時叫了兩隻也是即時炸起由新鮮肉都好鬆化簡直有大酒樓水準下次去開嗰頭一定會再幫襯…查看更多

最先是見傳媒介紹，再上網search，見到平價非常之好， 所以便 趁放假特登去試下新嘢六點前到星期日人不多不用等位座位充足樓底高枱與枱中間都有距離只是冷氣不足今日溫度28體感34度落餐後 不到五分鐘最快到的是 蟹肉 炒飯好有可能係 預先製作只是稍微翻熱不熱，只是微暖炒飯不乾身隨即 到的是冬陰功湯熱度都不太夠裏面有兩隻蝦不新鮮的 不是味道出現問題而是口感好像有點梅湯嘅味較重直接講即係太酸太咸可能係翻熱無數次的緣故越煮味道越濃縮第三樣係雞肉串燒咁多樣之中呢個熱度先至最熱合格味道及醬汁都可以最後來的是豬頸肉以為會好似雞串一樣熱辣辣但又不是。。。🤪醬汁較失色食完之後會口渴可能其他人寫得太好或者冇期望就冇失望…查看更多

見朋友社交媒體網站食咗一份燒春雞唔夠話想食多一份咁啱去開灣仔所以就一試睇地圖都好容易搵十二點鐘左右到唔使等位即入大概半個鐘頭後就差不多全滿點了一份燒春雞因為肚餓配了意粉另外menu寫心點叉燒飯冇諗過燒春雞落單後極速上枱😱隔多一陣就叉燒飯都到跟住凍咖啡最後先羅宋湯燒春雞造型一眼望落去似炸多啲食落口的確幾滑一齊配的鹽同醬料都冇用因為本身已經有鹹味味道ok不至於經緯天人非食不可只屬可以一試的級別叉燒飯就是一般茶餐廳水準…查看更多

話說之前一早已經見到食評高分上市的餐廳但由於係九龍人唔想特登出去食或者要避開排隊高峰期終於咁啱出去灣仔搞嘢到的時候已過兩點但竟然仲有人龍等咗一陣條隊都冇乜點變嗰一刻又肚餓望望下見到有個午餐特價外賣餐牌記得之前睇到網上評價堂食份量超大好多時都食唔曬要打包外賣份量就剛好而且價錢較優惠所以就決定買個外賣去附近公園食買完嘢飲返嚟一陣就有得攞喺我前面的人應該大家都嗌一樣的咖哩豬扒飯一次過一齊出嚟幾分鐘路程就到公園用餐熱辣辣的包裝盒用料不錯咖哩同飯是有分格的豬扒啲顏色比較深色好像油不是最新鮮的那樣不過食落口是脆的而且有肉汁厚度都不錯至於咖哩就只得個鹹字堂食的話要93蚊聽說外賣份量減半53蚊堂食每人最低消費是一份整體來說堂食較不化算座位都較迫總括試過便算…查看更多

由於被無限時吸引冇仔細睇餐牌大概諗住同類型嘅餐廳之前都去過去到點餐的時候用bar code嘟的選擇非常之少完全沒有海鮮牛肉只有一款！！！豬肉亦只有一款！！！大路的豆腐也沒有頭盤選了龍蝦雖是焗的，但不是熱的上面鋪了一些洋蔥或其他另外加上的配料奇怪的組合龍蝦味道一般補錢叫了鴛鴦湯底竹絲雞肉質可以花膠麻麻地海鮮拼盤完全得個樣裏面包括有蝦，各二其他鮑魚，帶子，魚，蠔，兩款丸各一仲有少少蜆，八爪魚仔朋友話依隻蜆平時無沙的但今次竟然食到成口沙😱除咗蝦同鮑魚係新鮮的未見過帶子都是用冷藏貨朋友仲話似係假的另外生蠔完全係結冰狀態見到都唔敢同唔想食基本上海鮮一半以上都唔鮮👎👎👎牛肉一盤都是普通貨色以上的完之後冇得再追加至於座位是卡位安排枱中間有一個頂腳位置非常不舒服爐頭過大食具鋪枱紙只能放在一角抽風系統都不好成晚像蒸面一樣見食評不錯是次才選擇點知最後覺得重伏眼見差不多全場爆滿如此食物質素覺得有點神奇…查看更多

店名為餃子大師，食過餃子覺得一般，反而擔擔麵同炸豬扒更為出色😋尤其擔擔麵！真係超級足料！！！已試過好幾次😊水準非常之穩定有需要的話外賣可加一蚊分湯大部分豬扒都是即叫即炸👍只有一次可能中午飯忙時間炸定變稍為失色至於食套餐可加錢加配小食試過酸辣湯，雞翼酸辣湯好像不太正宗但味道也可以雞翼比起豬扒就變得冇味試過一次便算豬扒都有試過淨食叫外賣厚身鬆化同埋都係因為即叫即炸熱辣辣食特別唔同值得支持的小店👏👏👏…查看更多

已去了多次！之前覺得環境、位置、食物、價錢都好所以去過再去！由不設定位服務,到現在openrice可訂位（更方便）今次一攞位收銀的便即說用餐時間1小時15分鐘是快餐嗎？？？冇諗過中餐限時那麼短！！！另訂位時為什麼沒有提及交枱時間/用餐限時？！沒法照食吧！兩個人點了6樣餸朋友食魚雲煲問我有冇叫到肉真的只有骨/殼之類有點過份！食蜆、瀨尿蝦後瀨尿蝦較之前細隻完全冇膏第二樣失望食完之後好似冇食過嘢一樣所以再叫另外三樣乳鴿也像縮左水見到生意明顯好咗在今次的出品及安排暫時再到此餐廳用餐的意欲卻步…查看更多

經過好多次，第一次幫襯食咗晚飯，再諗住搵地方飲杯嘢坐下傾下餐廳分兩部分第一部分是店內第二部分是店外商場座位叫咗兩杯飲品加一個甜品無諗過嗰杯用一次性上面的生果感覺會重用間店有蚊滋味道ok的，但價錢略高試一次便夠另外未到九點的時候被吹埋單以為9關門當然配合地結帳離開但離開的時候發覺商場座位部份仍有客人坐而且食物是剛到的可能坐商場位他們收工你可以慢慢坐吧…查看更多

已N年無幫襯，今日下午茶，同朋友去食，點了瑞士汁炒牛河、蝦多士，想食埋梳乎里，點侍應叔叔份量會否太多，他説梳乎里只有一個size，有人食得晒，亦有人食唔晒，但要預半小時，最後河粉同多士到左，決定食埋梳乎里。環境冷氣充足，坐得舒服，瑞士汁不會過甜，好味，蝦多士雖不是金黄色，但無油益味。傾下傾下，梳乎里到了，造型100分，香噴噴，打卡👍👍👍有時有好多老餐廳保不住舊有嘅味道，但今次食得好開心， 仲好有人情 ，尾聲時侍應叔叔過來問我地食唔食得晒， 笑容好親切， 我話你下次可以同人講2個女仔都食得曬🤣🤣🤣…查看更多

聽個名就聽咗好耐 今次終於約朋友去試 同行兩個朋友都已經食過 對於揀湯底 仍然有猶疑 要揀啲傳統穩陣嘅定係新奇刺激嘅 朋友話薑母鴨好食好重酒味 另外一個朋友之前食過養生湯底話好清清到好似冇味 最後生做會員有鴛鴦鍋底優惠 選擇咗麻辣同埋酸菜 麻辣一般酸菜都係比較清淡選擇咗最貴嘅套餐上網book咗時間去到都有條隊但等得唔耐落單後上菜速度非常之高主角牛肉 選擇款式 ok賣相精緻豬肉食咗兩款都唔好食羊肉 麻麻所以肉嚟講都係主攻牛肉熟食方面一般可食可唔食蔬菜同丸類就喺出面自己攞丸類餃子以台灣款式為主正常貨色但限時120分鐘真的食得嚟有點趕三個人埋單九百幾蚊如果去散叫的火鍋餐廳應該也可以嗎p. s. 平時打邊爐食嘅蝦同依度嘅品種不一樣呢度嘅學係比較硬 食得呢冇咁方便冇咁好食飲品沒有提供酒精類飲品甜品只限點一個三個人安排圓枱搭枱有點不滿…查看更多

喺openrice個apps度order完，顯示 等候時間 大概20分鐘，諗住慢慢先去攞 ，點知過左五分鐘左右，就收到notice通知食物已準備好😱😱😱，超級快手！！！擔心炸魚薯條是否整定？！🧐🧐🧐取時仍是熱的！三文魚比較鹹……整体是ok。自取優惠及信用卡優惠雙重使用後，非常抵食👍👍👍👍👍自取的話比外賣平台，更能容易控制時間，令食物質素保持！ 不用擔心 食物一早準備好但外賣員仍未到openrice apps落單都非常方便簡單！ 目前用過兩次！會有下次…查看更多

講开食米緑，講开食谭仔，朋友話米線代表喺荃灣，並已食了三十年，於是親放假，便前往一試。差幾分鐘便三奌，見門外竟然還有人龍，令信心大增。排隊期間，阿姐已幫問落定單，等了幾分鐘，便可入坐。鋪內全滿，搭枱係必然，點了兩碗三餸，酱爆貢丸酸菜豆卜小辣，肉醬腩肉豬腸中辣。入座不久，便馬上送到，超高效率。友人食小辣，便党得不只小辣，貢丸比别店出色，彈牙，米線煮的時間亦剛好，不会过稔，有口感。只我的中辣較平易过人，下次可挑戦大辣，腩肉不太肥，豬腸一般但没有嗅豬味，肉碎真的很碎很入味，且量又很多。中国式粉面以47蚊來説是偏贵，幸好真的足料。整体ok,要扣分的，要説是廚房，一看便可看到中国的傳统，地下。。。。不说了，去到便知了…查看更多

是次只有兩個人，人少少只叫了三个餸，但超飽超滿足，凍凍地又見有新menu,便一試蔘鷄湯，寫的是全隻但不用一舊水，上枱發現真的有人蔘，且也不小，曾在别店食，真的找不到蔘在那裏，本人認為此店是良心小店。另友人要食韓式蛋卷，印象中也是份量不少，一到，真的被嚇一跳，醬汁造型很美，有如蛋糕，下次朋友生日可考慮在此慶祝也可，kkk。想食牛仔骨，但浄牛仔骨量較多，便點了牛仔骨飯，沒想到上面還有隻荷包蛋，再次俾個抵佢，肉質很淋，但不是中式用梳打粉"那"的味道，牛有牛味，再問老板娘，原來加了水果如梨，波羅調味，真掂！！！美中不足是地方不大人手不夠，但也算是小店特式吧！希希能保持水凖，絕對有下次！Fighting! …查看更多

本想食附近老店，但又想尋找新鮮感，行行下，想起附近開了新店，便一試，此店有别一般云呑麵檔，比較光鮮，另廚房設計亦開揚，見必食推介魚旦，但想較香口便點了魚角，貪心双拼了云呑麵，另同行叫了牛腩飯，飯先到，賣相醒神，like, 肉質淋，汁夠，味道一般，再嚟双拼，一看，第一反應:甘少餸嘅？！魚角三件，雲呑2隻，餐牌寫了双拼加8蚊，但單上不見此收費，可能加錢後量更多？定少收了錢？？一吃魚角，囗感超好，咸度適中，其彈牙口感令人聯想起乒乓魚旦，绝对可encore,下次目標要試豬手…查看更多