trevor.poon的個人專頁

最近嘅天氣真係太熱，每日都成40幾度，真係冇乜好胃口食飯，呢啲天氣我自己就最鍾意食意粉！補充番適當嘅蛋白質，又唔會太高卡路里。 呢一間係我真心推薦，份量啱啱好，性價比都好高！ 頭盤就揀咗呢一個沙律開開個胃，最鍾意係佢嗰個日本胡麻沙律醋汁，酸酸甜甜，配埋流心嘅溫泉蛋，真係好開胃！ 主菜我自己就最鍾意呢一個欖油大蝦意粉，本身已經好鍾意食蝦，最鍾意佢嘅蝦煎到好焦香，但係一啲都唔會好油膩，成件事食完之後好飽足，但係完全又唔會覺得太滯太油膩。 同埋佢呢度嘅Menu都好多元化，除咗意粉之外仲有好多扒餐，龍蝦餐等等，好多都keep住做緊唔同嘅優惠，都幾抵食。…查看更多

///又係時候要素一素，每個月入面我都會揀幾日食素菜，務求令到自己身體更健康😆呢一間已經試過好多次㗎啦，我想講食素一啲都唔悶㗎，選擇好豐富，好多你想像唔到嘅菜式其實都可以做素菜。 佢哋嘅價錢好大，長者咭仲有優惠，仲要係免加一，食物係完全自在任食嘅，佢哋都有一個自助飲品區，自己斟嘢飲，最鍾意飲佢哋嘅涼茶！ 食咗咁多次最鍾意嘅都係煎釀三寶，加埋秘製嘅醬汁，好好味！ 沙律酸辣粉同埋鳳爪都係我最愛，每次都會食咗幾碟先，因為太惹味啦！另外，山水豆腐花都係我自己最鍾意嘅心水之一，好清甜。 總括而言，佢哋真係太多選擇，唔可以一一盡碌，但全部嘢食都係好好味！服務都好好！小店要繼續加油啊❤️❤️❤️…查看更多

喺大圍附近返工都一段時間，最近新開咗呢一間：友飯食，係我食過最好食嘅蔥油雞扒煎蛋飯🤣🤣🤣自問食過香港都好多間嘅冰室，茶記，呢間都係高分之選，環境企理乾淨，食物出色，夠大份夠抵食，幾十蚊有交易😆呢味：蔥油雞扒煎蛋飯，真係滿分，個太陽蛋煎得勁靚，配埋秘製豉油同埋蔥油，撈飯超一流，個雞扒夠晒腍，雞肉好嫩滑👍 同埋佢哋唔係淨係可以揀雞扒㗎，轉做豬扒都得🤣另外再叫埋個蒸肉餅飯，又係送飯一絕完美配搭，再加埋兩杯地道香港凍檸茶，成個晏晝大滿足😌😌😌佢哋晏晝嘅菜式經常性都唔同㗎，自己都試過唔同幾隻款，每隻款都高質😉…查看更多

夏天雖然熱辣辣，但係打邊爐係冇分季節既！我就最鍾意周圍試唔同嘅火鍋，琴日就去咗吞pot食晚飯😆呢度除咗火鍋之外，都有唔同嘅雞煲選擇，最愛辣嘅我地就揀咗重慶麻辣雞煲。一上枱啲雞其實差唔多煮熟晒，好快就可以食得，雞件吸晒啲雞煲醬料，又滑又惹味👍🏻朋友話爆芝響鈴係必食！！！😍咁就當然幾飽都要試下啦，啲芝士真係湧晒出嚟，唔使放湯都咁好食，仲脆啲添。幾個朋友share就啱啱好。另外仲叫咗杯青瓜特飲解辣，幾fresh，夏天飲真係幾爽。總結每樣嘢都幾好食，下次會再嚟試埋其他特色火鍋湯底👍👍👍…查看更多

搵到間正嘢！呢排見社交平台有個fd試左呢間餐廳，野食睇落都好吸引，於是放假我都入左黎食。個位置好易搵，旺角豉油街果頭。入面嘅佈置幾有特色，由其佢個吧枱位同部份嘅牆，有啲水泥磚，成功吸引到我打個靚卡火炙春雞半隻配薯菜，話就話半隻但我覺得好大隻🤣🤣雞皮香脆裏面嫩滑好多肉汁～可以點埋個茄汁食～呢碟$158好抵播煙三文魚班尼迪，$82有兩件，勁流心嘅半生熟蛋，非常滿意呀！煙三文魚又唔會好薄，足料夠誠意！牛油果醬薯條又係勁抵，呢個份量明明係好多但都係$68咋！牛油果醬好幼滑同食得出係用左靚牛油果黎整呢間cafe真係好chill好正，值得再食👍👍👍…查看更多

今日要同家人去馬鞍山睇示範單位，順便附近食晚餐。見openrice呢間餐廳好多人話抵食同服務態度好好，所以選擇左呢間主打泰菜但又有少少fusion菜嘅餐廳。我地呢碟煙三文魚忌廉汁意粉幾唔錯，好大碟意粉，三文魚碎撈埋啲白汁味道好郁濃好味，仲有個脆香蒜蓉包仔送。另一碟泰式海南雞配香茅油飯都係份量好足。海南雞有半份，充溝油香肉質嫩滑。唔點醬食都好好食。最後好想食甜品，就嗌埋個芒果紫糯米。芒果好鮮甜wor又無絲，底下紫糯米唔會過甜。同埋餐廳服務態度真係幾好，但係有一樣唔開心既野就係原來佢地好快就搬喇，呢間鋪會做到6月28號，老闆娘同我講佢地之後會搬去田心村，好彩都近我既，好啦，等佢地Settle Down 左之後，再食過先😆😆😆👍…查看更多

難得遠征入荃灣，當然要搵啲未食過嘅野食盡佢！喺openrice發現到有間工廈食堂，個個都話又平又正，我都即刻入黎坐低慢慢揀野食！網民果然無講錯，真係好平喎，乾炒豬扒公仔麵同肥牛芝士撈公仔麵兩碟野加埋都只係100蚊鬆啲咋～兩款公仔麵各有特色，首先第一款豬扒煎得香脆，啖啖唔多肥膏位又唔多骨位～每塊都大過我手掌嘅size~公仔麵炒至乾身入味，麵條硬度適中唔會痴埋一pat pat咁👍肥牛芝士撈就非常香芝士味，入口非常creamy, 岩晒鍾意芝士嘅我！芝士配肥牛嘅配搭我就第一次食，都幾過癮架😆下次再黎絕對想再嗌埋其他芝士汁嘅野食！…查看更多

平時冇嘢做，假期最鍾意係去唔同地方發掘新餐廳🤫 今次就留意到呢一間位於葵芳嘅台灣菜餐廳，唔同朋友去到都有好評，表示口味正宗，今次我就特登去試吓先😄😄😄同朋友一齊去到，叫咗兩個主食一齊share嚟食👅 分別叫左酥炸雞扒湯麵同鹽酥雞滷肉飯🤩 酥炸雞扒好大塊 ，雞扒肉質嫩滑 ，麵條彈牙 ，湯底唔好過鹹👍🏻 另外鹽酥雞同滷肉都係我好鍾意食嘅配搭 ，鹽酥雞熱辣辣非常香脆😍 滷肉好腍好入味，十分好送飯啊🤭 推薦大家，如果你係葵芳都可以過嚟試吓呢度嘅食物👅…查看更多

要係香港搵好食既越南菜一啲都唔易，今次係旺角就搵倒間新開的越南菜，味道好似幾好味🤤除咗一般，喺街連鎖餐廳可以食到湯濛河粉等等之外，佢哋都有比較特別嘅冷盤、燒物，價錢都唔算好貴，食得出係用心製作🤭頂級生牛肉睇顏色就知好靚♥️牛肉入口嫩滑，食既時候唔會有腥味，配上醬汁一齊食更滋味，可以一試檸檬葉燒多寶魚多寶魚大大條，唔算多骨但好重魚味，加埋檸檬葉酸酸甜甜好惹味蒜蓉炒通菜通菜不會太油，配上蒜蓉更香更惹味，值得一試。…查看更多

自己一個人係黃大仙做野，諗住係附近食就搵左間主打潮州菜既餐廳，好似話開左好耐同幾好食，lunch好多人，我諗係區內應該好出名見佢地有蠔餅、炒大腸、炸鯪魚球等特色潮州菜式，款款都好想食，不過見咁大份下次約埋朋友先黎食枝竹清湯腩跟飯 $50今次叫左個清清地又考功夫既小菜，枝竹清湯腩真材實料用上湯炮製，食既時候唔會好咸好重味精，牛肉風味非常濃郁， 口感軟諗，另外值得一讚個枝竹好軟諗又入味，送飯一流今時今日$50仲要唔加一有呢個質素真係好正…查看更多

我屋企人好中意食川菜，所以平時都中意揾啲方便就腳啲既川菜館去帶佢去食，因為老人家唔似後生會特登去揾餐廳，反而佢地都唔太中意周圍，越方便佢地就越肯跟我出去👵🏻所以今日就落左樓下淘大商場入面，確保位置方便🤣唔知味道又如何呢？口水雞🐔呢款夠辣既話真係好正，最怕係啲口水雞會好油又唔夠辣，但呢到真係做到口水雞個精粹串燒有好多選擇🐮第一次係川菜館食呢味餸，因為屋企人request，果然係出色，非常惹味酸辣萵筍絲🥒最後仲嗌埋個菜，呢款我就中意佢夠酸啦整體來講都幾唔錯，2老都滿意👍🏼下次都會想再去…查看更多

同朋友係屯門食完飯諗住食埋糖水先走，係紅橋有間幾出名既糖水舖，幾多選擇，所以決定同朋友試下，味道有驚喜♥️涼粉食得多，用椰皇水製成既椰子涼粉大家又食過未呢？今次就叫左個芒果紫米椰子涼粉😀食落有咬口之餘味道清爽，甜度剛剛好食落透心涼，芒果香甜，紫米煮得剛剛好食落有咬口作為飯後甜品一流佢地仲啲小食選擇，今次叫左衰仔雞翼尖，留意番味道有少少辣，不過越食越香口，調味好夠，作為小食一流，可以叫埋野飲食更滋味下次會再同朋友嚟食其他🤭…查看更多

出街食咁多油膩野，間唔中都要食得健康啲🤓經過呢間素食餐廳好似好多人食，原來係自助餐形式，一枱底就可以出去拎野食，唔好睇佢好平，野食都有好多野揀，賣相都好吸引，睇見都流晒口水大推苦瓜煎蛋，苦瓜能抑制脂肪吸收🧽食既時候不會太苦帶回甘，配上雞蛋有飽肚感炸茶樹菇也大推，外皮香脆炸粉不厚，香口惹味酸齋間間素食店都有，呢間都整得好食，酸度剛好幾開胃另外幾鐘意個翠玉瓜扒肉片，翠玉瓜本身好甜，肉片係仿真但味道幾乎一樣，好食😋…查看更多

講到食烤魚，香港其實都有好多好出色嘅烤魚餐廳，就好似小漁村咁，抵食又好食，一個月總要來一次🤤呢度係放題型式，除咗烤魚仼食之外，仲有打邊爐，只有開頭嘅海鮮拼盤不能refill，其餘食幾多都得。海鮮拼盤唔錯喎，五款不同種類嘅海鮮都好新鮮，中間仲有麵同薯角🤩入味。終於可以食烤魚啦，我哋試咗兩條，第一款係麻辣第二款係青椒👍🏻兩款都重口味，湯底都有少量配菜，調味不錯。然後我哋就用青椒烤魚嘅湯底打邊爐，加埋啲牛頸脊，蔬菜等等。牛頸脊肉味好濃😋瘋狂encore，其他配料亦都好高質，任食嚟講真係好唔錯了。所以平時朋友提出食烤魚，我就一定會來小漁村，質素keep得好好。…查看更多

見餐廳留下有宣傳好似幾吸引，所以就去左試! Follow/like page就有全單85折優惠，留意只限惠顧雞煲火鍋喔! 今次揀左重慶麻辣雞煲，麻辣味道十足，辣椒的滋味和香料的香氣令人流曬口水，雞肉好滑都夠入味，入面仲有肉汁，係近期食過幾好食既雞煲之一接下來，我們點了羊肉! 羊肉質感爽口，保持了羊肉的原汁原味。每一片羊肉都濃郁多汁，入口即化，十分美味。魚皮大大塊又香脆，魚皮放入湯底鮮嫩滑溜，配上麻辣調料，魚皮更加香辣可口封門柳都好好食，大大塊顏色都好靚仔，食既時候肉味香濃，不用加醬料就咁食好正! 下次會帶朋友再黎…查看更多