super_lover的个人专页

戴灰色頭套嗰位女職員態度奇差，全間店明明都無乜客，係都要逼我坐中間圓柱櫈，好心啦，又難坐又難食嘢，不如你哋自己坐吓體驗下先啦⋯⋯上次星期六多人都算啦，今日仲叫我坐中間？say yes嗰個都白痴啦我一話唔想坐，條女即刻黑面🙃講真人哋特登過嚟幫襯你，你咁樣對人，我真係要畀大家知道…查看更多

今日dayoff, book咗下晝剪頭髮，預多咗時間所以諗住搵間餐廳坐吓食個brunch。其實唔係第一次去呢間Courage Eighteen，但係第一次平日早上去。一入到去，門口幾張枱都有人坐，不過每張枱都係一個人，大家都好安靜咁做緊自己嘢，然後我就去點餐。叫咗個All day full break加一杯Flat white，甫點完餐其中一張靠近門口嘅4人枱就走咗，我就坐咗嗰張枱。坐低咗十秒店員就好有禮貌咁放低咗餐具。可能因為地點喺尖東，時間係平日上午，所以間餐廳都無乜人，亦無乜人叫外賣，非常舒服😌感覺步伐可以放慢一吓玩咗一陣手機📱Ig又post咗個story，好快份餐點同杯咖啡☕️一齊上枱。個All day full breakfast有黑麥多士兩塊、黑松露炒蛋、茄蕃配焗芝士片、油醋汁沙律菜、厚切煙肉、薯餅、煙三文魚。黑麥多士上面淋咗啲蜜糖非常香味但又唔會覺得好漏；黑松露炒蛋個蛋炒得好滑，不過黑松露份量得一粒癦咁少，我覺得可以大方少少🤏不過我都覺得ok嘅；蕃茄配芝士片幾好，一般餐廳都係一塊蕃茄，其實無論有無處理過，都會有一陣蕃茄嘅腥味，而courage eighteen放咗片芝士上去焗，就可以去咗陣腥味，唔錯👍🏼油醋汁沙律正常，油醋唔會過酸，菜類仲有kale🤤🤤；all day breakfast未見過有餐廳用煮carbonara嘅pancetta🤩🤩煎得好香，同個餐好夾！薯餅有有煎過先上碟，並非焗熟/炸熟，三小塊我個人覺得份量適中，但如果可以提供埋茄汁就更加好，因為齋食三塊薯餅好涸喉。煙三文魚正常。杯flat white個拉花好有心機，不過味道普通，份量都比較細杯，同埋上枱第一啖已經唔算好熱，呢點有進步空間💪🏻總結，如果大家放假可以約朋友去呢間過一個好chill嘅早上🉐🙆🏻‍♂️…查看更多

成日睇foodie都有講呢間嘢，又咩沙嗲牛肉麵關注組最top, 終於搵咗個星期六朝早去潮下聖。星期六約咗老豆老母一齊去試呢間沙嗲牛肉麵，9:10去到，門口條人龍兜咗三個彎😨最尾9:45先有位，我都估到星期六會多人去，但估唔到真係多人到咁，一入到去就知點解，原來佢舖面好細，好在流量快，大家食完就閃，如果唔係真係熱死門口排隊啲人(未食已經成身汗)入到去睇完餐牌，我哋三個一致叫「沙嗲牛肉、紅腸、煎蛋🍳麵」、另外叫咗一份奶油多同一份奶醬多。沙嗲牛肉濃到一個極致，有蒜味，牛肉算嫩，唔柴皮。紅腸係厚切，有炸過，非常香口，仲有兩大塊(真係好厚切)。煎蛋係燶邊蛋但蛋黃流心，非常有心嘅出品👍🏼三餸聽落好似正正常常，但食落個份量都幾勁。奶醬多有烘底，係薄多士，奶同醬都好香，如果唔係勁餓可以唔洗加，因為個三餸麵都好夠飽。餐茶我哋叫咗凍檸茶、凍奶茶同凍啡，我杯凍檸茶正常無乜特別驚喜，老豆杯凍啡就唔夠啡味，老母杯凍奶茶就太過奶最結：我本人都幾鍾意好好運嘅沙嗲牛肉，食得出佢好有心機調配過個汁，而其他餸都唔係一般茶記hae畀你嘅水準。一個三餸餐連熱飲只係$37，凍飲仲要只係加$1！我同我軘母都覺得呢件事好匪疑所思！如果大家有興趣，我覺得可以去試試，不過唔好肚餓先去排，食之前要預番咁上下排隊，仲有，記得拎埋把神扇先好去！😂🤭…查看更多

一直都知道呢間木船嘅存在，但可能因為身邊無人推介，而佢門面同裝修都唔係好起眼，所以一直都無的起心肝去試。直到上個禮拜放工，同男朋友兜嚟兜去都諗唔到食乜，最後決定give it a try，點知，一試愛上(我係，唔知男朋友係唔係)我哋叫咗兩個餐，一個係Jumbo木船湯河，一個係招牌燒豚肉飯，跟餐有湯、三款小食同餐飲。湯有兩款，分別係冬陰公湯同豬肉丸湯，我哋各叫咗一碗share嚟試。首先講吓個招牌燒豚肉飯，嘩，一上枱就已經好奪目搶眼，肉上面有超級無敵多青瓜絲，淋上泰式醬汁同芝麻，酸酸甜甜好開胃。燒豚肉簡直令我嘩嘩聲！首先佢哋燒得非常juicy，加埋個燒汁，一片肉再加啖飯，食到我就嚟高潮😂另外個jumbo木船湯河又係另一亮點，超大碗，超多餸，河粉底應該有二人份量，完全無同你客氣。湯底濃郁唔會過鹹，河粉滑溜，餸有白魚蛋、豬肉丸、貢丸、豬肉片、扎肉、牛腩、大量炸豬皮。我同男朋友share食都食唔哂。再嚟講吓個湯同小食。呢間個冬陰公湯非常之合我個人口味，辣度適中，夠酸，香茅味好出，椰香味個湯有多一個層次。小食款式每日唔同，我哋呢晚係麻辣雲耳、雞座，同朱古力蛋糕(呢個好搞笑) 麻辣雲耳勁惹味！勁麻唔會過辣，雞座正常，朱古力蛋糕男朋友話係莎莉😂餐茶我哋叫咗泰奶同泰啡，泰奶我本身最最最喜愛嘅係「水門X」嘅泰奶，但試咗呢間之後，即刻榮升第一位！飲港式奶茶我自己偏向重茶味嘅，但泰奶我自己覺得奶要多過茶味少少🤏先好飲，水門X其實茶同奶比例已經好好👍🏼但我覺得木船做得更勝一籌。而男朋友杯泰啡佢就覺得太甜，我試過都覺得過份甜，如果唔受得甜嘅朋友，可能未必鍾意。因為兩個主菜份量實在大到傻眼，最後食淨三成，不過木船真係另我一試愛上！佢唔係世界級水準，但質素同味道我個人十分滿意！…查看更多

是次用餐為媽咪生日飯及母親節飯。當時決定試青花係因為疫情關係，爸媽今年不能去泰國旅行🧳所以慶祝媽咪生日的餐廳想選一間泰國🇹🇭餐廳。這間是四間中我比較想試的一間。提早於openrice預訂了，我們一行四人，餐廳安排的座位還不錯👍🏼餐廳的裝潢跟設計都很新潮很舒服，樓底很高，空間感十足，餐廳面積不是超級無敵大，放眼看過去都是四人枱。登記完安心出行及量體溫後就帶我們到座位上，店員態度很親切有禮，時不時會主動加水，下單跟要求都有做好，這點很加分。點餐部分我們點了一份兩人套餐另加一個白冬陰公南薑椰奶雞湯；兩人套餐我們選了惹味拼盤(+$20)，烤雞青咖喱🍛，燒菠蘿蟹肉炒飯，油酥手抓薄餅，泰式肥豆兒醬炒芥蘭，泰國珍珠奶茶奶蓋🥤白冬陰公南薑椰奶雞湯（小）$82椰奶味偏重，冬陰公味不錯👍🏼料很多，不辣，我自己個人蠻喜歡，可是我覺得可以酸一點，香茅味可以多一點。小份夠4人飲用，價錢中等。惹味拼盤各款有兩件，味道正常，沒有特別出色的東西烤雞青咖喱🍛非常辣，但好味！雞醃得好入味，份量很多，配料有秋葵、薯仔🥔，青咖喱汁配油酥餅非常夾！不過真的很辣，建議要叫甜野飲燒菠蘿蟹肉炒飯有別於傳統菠蘿炒飯，沒有用去肉菠蘿蓋裝著炒飯，一反傳統用碟上，炒飯旁邊放著1/4個燒菠蘿，燒過的菠蘿甜味特別出，炒飯內亦有新鮮菠蘿肉，一點也不欺場👍🏼個人覺得這道菜很出色泰式肥豆兒醬炒芥蘭第一次食這個肥豆先醬，有啲似麵豉醬，但無咁咸，帶少許甜味，芥蘭十分嫩及新鮮，雖不是主菜，但份量非常多，炒得很香很入味，我自己很喜歡😘泰國珍珠奶茶奶蓋🥤茶味較重，奶蓋很特別，建議不要用飲管飲，珍珠有咬口，整體很好喝如果大家是泰菜愛好者，絕對推介大家去這間！座位很舒服，枱也很大，放了整張枱的菜也不會覺得很逼，餸菜調味適中，賣相很好👍🏼份量偏多，上菜速度中等，店員服務態度好，環境氣氛很適合三五知己聚餐暢談…查看更多

叫咗個芋圓紅豆豆腐花同奶茶芋圓，啲紅豆粒粒都好大粒，豆腐花好滑，芋圓夠煙韌，奶茶嗰款有奶茶雪糕同豆腐雪糕，兩款雪糕都好濃味，呢間甜品係我葵廣裡面食過最出色嘅芋圓！…查看更多

They have quality of food, but ALL of the staff show no patience and are very impolite to customers. I recommend you to give a visit if you wanna try how bad their services are.I ordered full breakfast with iced americano. The coffee was a little bit sour to me but still quite good…查看更多

最近，我經常光顧這間小店，原因在於我覺得她們對食物製作非常堅持及有誠意，價錢不貴又美味但最近兩次我點餐時，她們總會有意無意地恥笑我的選擇，不要辣有甚麼好笑？選擇麵底有甚麼好笑？我想食招積燙有甚麼好笑？我真心不明白今天我放工滿心期待可以再食到你們的招積燙，但還未吃，心裡已很不是味兒如果單純不想服務我，ok，我以後不再光顧如果不想製作招積燙，倒不如從籨餐牌中刪掉希望你地不要隨便取笑客人的選擇或意向，逆地而處，你去買一樣你想吃的東西，但店員與店員間有斷眉來眼去的取笑你，你有何感受？最後，祝你們生意興隆。…查看更多