tasty_budd的个人专页

每位$168，雞煲半隻雞+八串串燒+紙包飲品任飲兩個人去食所以加埋有一隻雞！雞煲係最有驚喜嘅一個item！🐥不論係雞煲個煲，定係雞煲隻雞，都同樣出色。望住復古嘅煲嘅設計令到我更加肚餓了；至於雞件，椒麻味同芫荽味十分出色！雞件亦都十分嫩滑！入面仲有啲白木耳做配料，味道同口感都好夾！串燒種類有22種係menu可以揀，一碟上曬16串都好震撼！紙包飲品選擇都多元化，都有成八款！可惜第二日要返工費事飲酒，如果唔係都想試買$68生啤梅酒任飲😋…查看更多

Follow my instagram: @tasty_bud😎😎😎食物方面肉眼扒一貫嘅高質，肉質鮮嫩，燒得剛剛好。特別欣賞以南瓜及甜蕃薯作為配菜，放係牛扒下面完全吸收曬肉汁嘅精華，比起一般西餐嘅西蘭花同薯仔更好味！ 豬架好容易煮到乾曬，餐廳處理得好好，多汁！配合埋豬架上面嘅開心果碎同酸奶油香，好食有驚喜！ 甜品cream brulee比想像中大！真係二人份量！面層嘅焦糖脆脆同燉蛋嘅滑簡直係完美，再加上一口雲呢拿雪糕，正！…查看更多

Ig follow @tasty_bud記得book位！ 首推厚燒牛舌🐮！估計只係簡單用黑椒同鹽醃一醃，燒出嚟好香好食爆汁唔韌！ 跟住必嗌嘅係豬茜卷🐷！鍾意食芫茜鏡絕對唔可以錯過！豬腩片包住海量記芫茜炸蒜蔥，咬落去口感豐富餡料多到瀉出嚟！ 仲有清酒煮硯賣相非常精緻！用一個透明袋包住啲蜆放喺鐵板上面燒！一打開酒香源源不絕咁飄出嚟，嗰日咁啱每一粒蜆都有肉！鮮甜！ 港島燒又係一款特別嘅餸菜，入面嘅材料都係具有香港特色嘅食材，例如有臘腸蝦米叉燒肉鬆芫茜等等，出嚟嘅效果好正，係高級版嘅蘿蔔糕😆…查看更多

位於將軍澳富康花園入面嘅一間小店，完全冇諗過一間食串燒嘅鋪頭環境裝修可以咁靚！🙌 一般串燒舖都係調味料勁重勁咸，燒吧嘅調味同坊間截然不同☝️，調味完全唔會蓋過食材本身嘅風味，海鮮類嘅鹽燒白鱔🐟同埋肉類嘅厚燒牛舌🐮就係好好嘅例子！仲有蟶子嘅「葱蒜」真係一流！ 菠蘿燒🍍係最值得推介嘅菜式！完全可以用爆汁💦去形容！吐司🍞又係一個殺我一個措手不及嘅item！除咗芝士火腿牛油仲有黑松露醬，幾樣嘢再加埋燒嘅效果真係世界級！…查看更多

呢間餐廳係miramall就食得多，係harbour city嘅分店我都係第一次試！餐廳裝修好有風格！拱門設計同光猛燈光都坐得好舒適，好適合打卡！入座前店員都好有禮貌講解嗌野食同唔嗌野食齋飲分別嘅用餐時間！青醬雞肉忌廉長通粉 $97青醬加上忌廉非常香，而且非常滑！雞肉嘅質素令我好深刻！分量多食極都食唔晒之外，雞肉絕對冇諧霎霎嘅感覺！非常嫩！檸檬汁烤雞煙肉意大利三文治 $69唔知做乜琴日真係好想食雞，所以又叫多咗一個雞肉嘅主菜！panini微微燶燶地非常香口，有雞肉有煙肉啱晒食肉獸！西多士伴鮮漿果雪糕配自家製焦糖醬 $69幾有驚喜嘅一個甜品！西多即叫即整、外脆內軟，中間加咗士多啤梨醬都幾特別，鍾唔鍾意呢個配搭真係見仁見智😂配埋個雲呢拿雪糕同埋伴碟嘅士多啤梨同埋藍莓真係錦上添花！最後同友人咗杯iced latte同iced matcha latte，嚟到嘅時候奶啡分明，慢慢用飲筒攪勻佢心靈感到好自癒！咖啡非常香！非常出色！…查看更多

Homeland All Day Breakfast $88Egg Benedict $98香煎西班牙伊比利亞豬肩肉配薯菜 $138..聽聞大角咀有好多黃店，懷疑一個禮拜每日食一日都食唔晒！Homeland嘅門面💒色彩繽紛耀眼奪目，入到去見到佢個Welcome Home霓虹燈嘅水吧覺得幾有特色😋店舖內都有好多「有特色」嘅裝飾品、掛畫，仲有啲物品義賣！💛..由於太肚餓嘅緣故，我哋兩個人食咗三個餐😆all day同egg benedict基本上除咗個蛋🍳之外都係一樣！但係兩者都真係好精彩！沙律菜嘅份量非常充裕，最驚喜嘅係入邊牛油果🥑嘅份量並不少！香腸都有兩條！我覺得條芝士腸真係好好食！egg benedict合乎水準，反而all day個炒蛋🥚如果可以加啲奶香會更perfect!!!不過塊麵包係有心思嘅！🥯..主菜豬肩肉🐷嘅賣相我覺得可以媲美港島區嘅質素🤣🤣勁大嚿啲肉勁厚！肉質鮮嫩彈牙，juicy到💦我切緊嘅時候啲汁都彈咗去我副眼鏡度🤓..後記有兩個重點，第一係見到佢水樽上面嘅貼紙不其然就會見字飲水🍼！第二係店員親切友善！👩🏻‍🍳一定會再encore！…查看更多

#黃店 <KOKO Coffee Roaster>地址: #荃灣 #南豐紗廠 六廠地下G09號舖..食黃店雖然已經要有心理準備等候上菜時間比較耐，或者食物質素未必有大集團咁有質素保證，但係我絕對係唔會容忍戴上黃圈光環就可以無禮貌😡😡😡..話說我落單時已經嗌左一大堆食物同埋要杯iced oat latte，到我俾完錢睇多一次張單發覺無轉oat milk，我立即同企喺落單嗰位店員隔離位男性戴帽咖啡師講我話左轉oat milk，佢一句答埋黎就係「吓」（再加上隔住口罩都感受到佢個唔滿意嘅樣），可能佢已經跟單沖左要辛苦佢再沖過一杯，所以佢咁唔滿意掛！？..Ummmmmm我覺得 1）落錯單其實真係一件好普通嘅事，但係沖咖啡嗰位店員嗰句下真係好冇禮貌，佢要發洩嘅對象唔應該係顧客，而係佢落單嘅同事 2）好多咖啡師可能會覺得飲咩奶對個顧客黎講冇咩所謂，橫掂都沖左點解你唔脆脆地接受杯沖咗嘅咖啡而要轉奶，大佬呀你估我唔想飲普通奶，敏感呀大佬。如果呢個世界上多啲同理心同愛心就好了😔..…查看更多

#黃店 <1963 木十豆寸>地址: #灣仔 灣仔道110號中匯大樓2樓..由踏入中匯大樓開始行兩層樓梯去到餐廳門口，所以去到入到餐廳坐低之後，無論裝修定係氣氛都非常復古懷舊。..最鍾意食係養生清燉牛肉麵，麵質非常煙韌彈牙，淡淡藥材味嘅湯底令人一試難忘，仲有不得不提嘅牛腩同牛筋都非常入味！如果可以多少少牛腩就會再飽啲🤪..滷肉飯套餐水準亦都一流，個汁真係好有台灣嘅風味。滷肉拼盤嘅餸都幾豐富，雞翼蛋豬耳豆腐乾蘿蔔blah blah blah.....店員服務態度好，午膳時間黎講係灣仔區價錢我覺得非常合理！…查看更多

一路都好鍾意食花生醬 🥜 ，個種又香又滑又濃嘅味道真係會令人陷入萬劫不復之地！😍😍之前都介紹過花生醬配朱古力 🥜 🍫 嘅Reese's peanut butter cup，今次花生醬配漢堡包我真係聞所未聞，食完後覺得呢個係一個令我驚喜萬分嘅burger🍔😋..花生醬配漢堡包嘅效果真係好正😌，個一種甜與鹹嘅交疊真係好完美👏🏻，雖然花生醬特登調稀左，但係都仲keep到隻香味！😼..有陣時麥當勞巨無霸你係會食得出塊牛肉又薄又乾一咬d碎就跌曬出黎咁！但係呢塊手打牛肉🐮真係好juicy💦💦仲好厚！…查看更多

☝🏻簡直係本人有生之年食過最難食嘅甜品鋪頭！💀☝🏻心太軟流心嘅部份完全消失，到底知唔知道乜嘢叫做心太軟？💀☝🏻從來未見過侍應會喺兩個客人中間上菜，一個唔覺意線唔小心倒瀉左喺客人身上點搞？💀…查看更多

黑糖珍珠抹茶鮮奶 $32大甲芋頭鮮奶 $32..前者非常不錯！奶香濃郁！珍珠好有咬口！煙韌得黎又唔會太硬！由於本人非常喜歡甜，所以今次冇特別調節甜度！不過飲落都覺得唔會太甜😍後者下次經過我要認認真真飲多一次😂由於係熱飲杯唔係透明嘅關係，我飲咗半杯奶先知道啲芋泥沉晒喺底，店員又有冇主動俾攪攪棍我😂所以剩返半杯奶嘅時候先撈勻黎飲，有點吃不消！🤣不過芋泥嘅份量都好足料的！..#茶 #願榮光歸香港 #黃色經濟圈 #hkfood #topcitdybiteshk #tophkrestaurants #foodiehk #hkfoodie #hkfoodblogger #hkdfoodie #hkfoodblogger #hongkong #hkfoodstagram #手機食先 #香港美食 #一路食一路post #foodgram #foodpics #foodstagram #foodphotography #foodpic #foodspotting #foodjournal #nomnom …查看更多

以前就話秋風起先至係打邊爐嘅季節，但係而家一年四季我覺得打邊爐都係最佳嘅選擇😂今次去咗一間叫做《牛精皇》嘅火鍋店試吓！火鍋店有提供一啲二人👫套餐，我就揀咗$548嘅「精選2人餐」，入面包括左15款食物😍，同埋一款$78以下嘅湯底。其中13款食物用咗三層塔👻去呈上，入面包括四種丸類、四款雲吞水餃、海鮮蟶子同青口，同埋三款牛！🤪火鍋湯底我揀咗傳統蕃茄薯仔鍋🍅🥔，一路打一路覺得佢同平時火鍋店嘅湯底好唔同，第一係冇咁油膩，第二係佢真係好似屋企煲蕃茄薯仔湯，二唔係普通一個火鍋湯底咁簡單，香味特別濃郁撲鼻！💨首先真係要講下三款牛🐮，分別有手切牛肉，安格斯牛柳粒，牛白肉。《手切牛肉》雪花分怖平均，顏色鮮嫩，肉質軟腍！餐廳建議唔需要滾太耐！入口彈牙！油香十足！肉味香濃！《安格斯牛柳粒》就起碼要滾10分鐘。佢嘅肉質同口感比較彈牙同有韌性！不過個人鍾意食一片片嘅嘢多過一粒粒嘅嘢😂最後要highlight嘅係《牛白肉》！牛白肉即係牛胸骨嘅軟骨位，望落去似一舊脂肪肥膏，不過食落口感爽脆彈牙！充有牛香味海鮮分別有兩隻蟶子同埋兩隻青口！兩款都非常鮮甜，肉質彈牙富彈性！特別係蟶子！非常大隻完整！手打丸亦都好正，你係真係會食得出手打嘅不同之處，寧舍爽口彈牙！四款分別有蝦丸、墨魚丸、牛丸同鯪魚丸，每款兩粒，粒粒都大大粒！特別鍾鷾粒蝦丸！非常原汁原味！餃類嘅選擇同丸類一樣，都係有四款！有魚皮餃，雲呑，水餃，韮菜餃！每一款都非常大粒，就咁睇已經覺得餡料好爆！食落又真係皮薄餡靚！我覺得鮮蝦雲吞入面嘅蝦肉好鮮，冇乜雪藏味！食落好厚肉！咬落去d湯汁都有少少好似小籠包咁爆出黎！另一隻我覺得好味嘅係韮菜餃🤪🤪除了上述提及嘅火鍋配料外，個餐仲可以揀烏冬或公仔麵。見佢烏冬係正宗稻庭手打烏冬，所以就揀咗佢！食落真係優質d，完全吸收湯底的精華，又有咬口！仲有蔬菜籃，我嗰日就有西洋菜、油麥菜同生菜，蔬菜新鮮脆嫩！雖然個二人餐睇落好似好少嘢食，不過食完都真係好飽！雖然冇任飲任食嗰啲咁過癮，但係每樣食物都有d，而且又高質，唔係淨係將啲任飲任食嘅材料質落肚，咁樣打邊爐享受好多！…查看更多

環境好靚好grand，用左我最鍾意雲石枱同簡約風設計，淨係坐係到未食野都覺得好舒適。加上係basement floor，我去個時又未去到peak hour未咁嘈，真係好正😎😎🔹煙豬面肉薯仔炒蛋 $58非常有驚喜嘅小食！三種食物都係好普通食材，但係呢個組合同煮法，出嚟嘅效果比想像中好！😎煙豬面肉🐷好香好香，煮到有少少似臘肉嘅味道！面呢一股鹹味唔單止淨係肉裏邊出現，仲滲埋落去薯仔🥔嗰度，令到薯仔更加入味！🍳炒蛋炒得好滑！侍應推介要夾埋麵包🍞一齊食，不過我覺得就咁食仲可以更加體會到當中嘅滋味！😋🔹味增腌豬肩 $158腌肉嘅醬料我都真係第一次試！味增嘅味道都幾難去形容，小小咸小小甜又帶有淡淡嘅豆香味！豬肩肉嘅表面師傅應該有煎一煎過，完完全全做到外脆感覺！配菜方面有沙律同埋雞髀菇，相信廚師嘅諗法係令到豬肩肉食落無咁油膩！不過鍾意原汁原味嘅我始終都係就咁食舊肉先覺得過癮！😍😍🔹Latte with oatmilk $36最近做咗個食物敏感測試，發覺原來自己對牛奶過敏， 所以而家飲親咖啡多數都轉做豆奶。同店員提出呢個請求嘅時候，佢好細心咁推介我不如試吓燕麥奶，飲落口感會起豆奶更好！試過果然所言屬實！不過市面上好多咖啡店都冇燕麥奶提供，所以如果想試吓真係不妨過嚟飲番杯咖啡！☕️🔹Iced Matcha Greentea Latte $45同平時喺Starbucks飲開個隻味道完全唔同，加咗抹茶落去，味道除咗平時飲開綠茶嘅甜味之外，仲多咗一浸淡淡的茶香苦澀味，冇平時飲開嘅味道咁清新，但係嗰浸苦澀嘅餘韻簡直係我嘅口入邊繞樑三日！😎😎…查看更多

..🔹德國脆炸咸豬手 $288👍🏻好大隻！又夠熱！呢間餐廳其中一個可取之處係真係所有野都夠熱！豬手皮炸得好靚！肉質算係滑，個陣咸咸地又好香嘅感覺實在太正！食肉獸1st choice!👎🏻不過要自己切😂😂對於食客有少少唔方便，其實都唔係少少😅自己切完其他菜都凍凍地😂..🔹Secret of lavender $88👍🏻唔知係咪期間限定，係另一個separate嘅menu見到呢杯野。 一上枱成件事都幾grand，有個罩遮住入面杯野又出曬煙咁！打開金鐘罩，白煙隨風飄出，感覺真係好secret！聞一下，檸檬片上經過火燒嘅薰衣草真係好香！呢個香味都幾難忘！再係未攪前嚐一口，感覺淡左少少！👎🏻無俾攪攪棍我攪勻杯野飲，唯有自己搵野攪😂未攪前又太淡，攪左又甜左少少😂不過個人口味嘅野又好主觀，可能有啲人又會覺得甜度剛剛好😋…查看更多

一出電梯就到達佔地成層嘅餐廳，未到萬聖節，已經率先係鋪頭充滿心思嘅deco感受到Halloween嘅氣氛！🎃🎃如果上黎記得book定窗口位！大廈頂層加上落地玻璃，望住人哋大廈天台實在好有居高臨下嘅感覺😍凱撒沙律配扒香草雞胸 $138平時出街食飯真係好少機會食菜，所以最近無論點都好都鍾意嗌返個沙律平衡一下，自我感覺健康啲😂沙律菜好新鮮好爽脆，加埋佢秘製嘅醬汁同好多芝士，味道真係一流！一啲苦澀味都無！最值得highlight嘅係佢有隻溫泉蛋，攪爆隻蛋再溝落啲菜到食，真係好正😋😋唯一美中不足真係塊雞扒，實在太韌😂😂咬極都咬唔到😂所以放棄了！賓尼迪蛋 $128Egg Benedict 又係好考廚師技巧嘅一道菜，中間蛋黃液態嘅程度就係致勝嘅關鍵 😎呢道嘅egg benedict 就做得好好啦，外貌漲卜卜嘅水煮蛋再配上面頭橙黃色嘅荷蘭汁，外觀非常吸引😗一切落去，蛋漿湧曬出黎，溝埋個汁，夾埋鬆餅、煙火腿一齊放入口，蛋香同鬆餅嘅香率先跑出，跟住有煙火腿嘅鹹香，味道充滿層次感🤩…查看更多