Charlie Chung的個人專頁

今次叫咗份西京燒定食，有刺身南瓜醃菜沙律面豉湯。魚肉算嫩滑，白飯都係日本米，刺身都新鮮。沙律比足醬汁，出奇地2舊南瓜幾好食。由於依區冇乜日本餐廳選擇，所以千兩午市通常都要排隊，作為打工仔排得隊黎都叫做爭分奪秒食個lunch。…查看更多

行完街想食越南野周圍都唔多選擇，行過見到芽莊就想試吓，我哋幾個人都叫左生熟牛肉湯河，我哋不嬲對牛河都有要求，牛肉+湯底+河粉都好緊要。佢哋既牛肉湯河都算用料上乘，湯底湯郁，最緊要係份量好夠一定食得飽。另外，我哋叫多左份鮮蝦米紙卷，食落好清新加上醬汁好醒胃。…查看更多

好耐之前幫襯過銅鑼灣另一間喇沙專門店，但自從執咗笠就冇再食，到前排行過見到大大隻字做緊promotion即刻衝入去試！叫左一杯龍眼冰，菠蘿炒飯同一份龍蝦喇沙，份量十足，真係大件夾抵食！老闆仲會另外俾手套，隻碟同個鉗你KO左個龍蝦先，費事高台跳水彈到成身係！…查看更多

因為住得近都幫襯左好多年啦，個人比較鍾意食泰國菜但發覺近來九龍城執咗好多間，加上想食越南菜好少會同一間滿足到兩個願望！ 而且其他餐廳加左價但水平又低左，咁多年來好似得佢一間屹立不倒。…查看更多

MK以前都都有幾間羊肉邊爐，但近幾年真係執咗好多。出面一般打邊爐都好少有羊肉揀，難得行過見到就上去試吓。裝修仲算新淨應該開咗冇幾耐。閒日都算幾好生意，入座爆滿。 …查看更多

我哋嗌左2碗車仔麵，比起一般餐店多好多選擇,不論醬汁,配料,面底。值得一提係湯底清清地一d都唔油吾似出面啲腩汁味精湯!牛雜誠意十足有齊咁多款,雞腎魷魚都滷到好淋入味,秘制醬料又好好味，價錢算親民，位於葵涌廣場地下好方便，一落車行過去就係！…查看更多

主食點左龍蝦all day breakfast,份量十足龍蝦用左芝士焗又大大隻,waffle焗到脆卜卜,scramble egg又啱啱好吾會太熟,沙律用咗和風黑醋汁,成份都好足料！另外加左個雞翼做小食都好有水準，醬汁好好味!最後甜品係好少有嘅波子汽水味刨冰+雪糕,食落口感細滑！…查看更多

今次主菜點左炭燒美國封門柳,肉質嫩滑真係做到5成熟啱啱好仲有少少炭火香味,配菜用咗羽衣甘藍同薯條,比平時椰菜西蘭花更有誠意值,肉汁酸酸地平衡左牛扒油膩感。甜品叫左綠茶紅豆麻糬窩夫,用左日本紅豆大大粒,麻糬又煙煙韌韌口感獨特!…查看更多