mslittlebelly的个人专页

今朝去左附近商場食早餐，呢間comma比較少去，平時都要排隊，今日唔洗排就直接入去食。叫左一個set，佢既蕃茄米粉有少少失望，因為係直接用羅餸湯湯底，個人覺得無咩誠意。但佢有餐包，配埋煎雙蛋，加一條腸仔，40蚊都算食得幾飽，可以接受。…查看更多

好耐無食呢間，以前係深水埗返工，諗唔到食咩就會近近地食呢間酸辣米線。今次再黎，叫左以前既配搭，豬扒加墨丸酸辣米線。佢既湯底係超酸好開胃，加入米線配料係鑊到即整。豬扒有炸過，好大塊，不過放入湯已經好快軟曬，味道就有少少油，不過份量無得輸。至於墨丸就一般啦，差過譚仔既墨丸，唔特別好食。佢會送一杯免費菊花茶，係佢地自己煲，淡淡地，用黎解下渴都ok既，不過一定要再另外買野飲，因為食完會超級口乾，不過40蚊左右食到呢個餐都叫做好抵，無加價，當重拾回憶。…查看更多

叫左一個伯爵茶口味雪糕，有少少失望，因為之前見好多報導話好高質。佢一唧出黎就已經係咁樣，好縮水同埋塌曬。而一試味道就食到伯爵茶味，但坦白講唔算好濃，咬落個曲奇筒都無特別，唔係難食，不過同價錢我會選擇其他。…查看更多

今朝同媽咪去飲早茶，佢既孖寶套餐都幾抵食，我地叫左3個，飽到唔洗食晏。黑金流沙包唔錯，先講賣相，黑襯金好靚，感覺精緻高級，一咬就燙口，滿滿既蛋黃流晒出黎，好邪惡。翡翠帶子腸就正常，不過帶子太細碎，唔係好食得出。至於咸菜黑椒大腸，咸左些少，大腸都幾大塊，不過食完會有d口乾，要飲多2杯茶。…查看更多

有飯焦既煲仔飯天氣轉凍左好多，所以去左食煲仔飯。呢間好好茶餐廳係好典型既港式茶餐廳，連服務都係，要快快手落單。我叫左窩蛋肉餅飯，一開蓋就冒曬蒸氣，睇住佢係即刻用明火煲，唔係煮好再裝飯落去，所以見到會有飯焦，窩蛋就有流心，不過略嫌肉餅太淡味，可能醃唔夠，要加好多煲仔飯豉油先有味。另外就叫左臘腸排骨煲仔飯，相對入味好多。而且明顯一大片飯焦，卜卜脆。講真都算抵食，6-70蚊一大煲，2個女仔食都夠飽，冬天食夠曬暖。…查看更多

早一排去咗西貢深涌行山，跟住行到差唔多五點準備等搭船走，就去咗呢一間士多食野，補充下體力。本身都冇乜期望，叫咗一碟乾炒牛河，一碟都大概一百蚊左右，但好大碟，兩個人食剛剛好，而且相當夠鑊氣。另外我仲叫咗一罐啤酒，佢嘅杯係用雪冰過，所以好冰涼，夏天飲嘅話將啤酒到入去杯，可以維持一段時間都凍冰冰，飲落透心涼，而且望住無敵大草原，有一刻覺得好似去咗外國咁，所以如果經過做補給，去呢度食都係一個唔錯嘅選擇，淨係睇個景都已經值呢個價。…查看更多

佢既裝修係新式既冰室，藍色做主調。入去可以唔洗排隊。佢既焗豬都幾出名，就同同事叫左2個，不過要預少少時間，都真係要用成20分鍾先上到，lunch就有d趕，要預鬆時間好d。至於味道，豬扒幾大塊，不過配埋芝士，食多幾啖就略嫌滯左d。豬扒都熱辣辣幾juicy，不過未算好驚喜。埋單接近50蚊，唔算好平，係元朗黎講可以有更多好味既選擇，所以如果經過唔洗排隊可以食下，不過我覺得無想像中咁好味，有少少名過其實。…查看更多

係東龍島既士多其實選擇唔太多，假日士多係其中之一，雖然選擇唔多，多數都係最簡單既公仔麵類，不過價錢算公道。叫左個冬菇水餃公仔麵，份量都唔少，算係良心價，$38蚊碗。食落有少少麻油味，冬菇餃就正常，係平時屋企食既味道。至於紅豆冰都正常，食到粒粒紅豆，仲有少少陳皮味，夏天飲會好解渴。呢度食其實唔係食味道，而係一種風味，係島上行到攰有一間茶座比你休息下，慢慢睇下風景，同樓面姐姐吹下水，補充下體力，都係另一種享受。…查看更多

因為媽咪未食過黑糖包，所以帶左佢去outback試試。黑糖包相當鬆軟，而且份量唔細，不過就唔太熱，亦食唔出黑糖味。叫左2個set，一個係香辣蝦炒飯，佢有少少地中海風味，加左唔少香料。一條條脆薯絲，令口感更特別。另一個叫左墨西哥脆餅。佢整得都唔錯，不過就太膩，食2塊都頂唔住，建議蕃茄仔數量可以增多少少，特別係烤過，會開胃d。反而值得一讚係薯條，烤得好脆，唔會一口粉既感覺。至於餐湯就不過不失，埋單2百可以接受，不過黑糖包比之前食差左d，短期未必會再去。…查看更多

呢間稻坊係無意中發現，見到裝修好中國古代宮殿咁，不過價錢都唔貴，一至六11點前落單，全部點心有半價，所以就入去試試。佢既茶係全自動，可以自己㩒幾個掣就自動沖水，而且茶杯好細，比人感覺好精緻，好似飲緊功夫茶咁。佢既點心份量比較細，但味道唔錯。佢既叉燒類既點心出色，得別係叉燒酥，咬落幾酥脆，一層層而且食到叉燒甜而不膩，而叉燒腸都幾滑。流沙包幾可愛，係million造型，都有流心效果，不過略嫌蛋黃味唔夠出。糯米雞都唔錯，咬落飯香糯，而且個餡調味唔錯，咸咸香香。最後埋單同媽咪2個人先食左101，個人覺得好抵食。…查看更多

Made in HK既月餅💕之前都有食過奶皇月餅，但相比之下，個餅皮真心香，放入微波爐叮30秒左右，熱辣辣個陣食，有少少流心既效果🤤除左奶黃外，食得出有咸蛋黃既香味，兩者配合得剛剛好，同屋企人食完都覺得唔錯🥰…查看更多

荃灣開左呢間主打雪條同甜品既連鎖店，今次就買雪條試試。佢既雪條種類都算幾多，眼花撩亂。我一直糾結買綠茶定冧酒，最後決定買提子冧酒，比較少見d。佢酒味唔算好濃，食落有d甜甜酸酸，仲有提子乾，感覺都幾特別。士多啤梨味就正常，食到士多啤梨牛奶既感覺，但唔算得上好好味，正常發揮啦。不過覺得好貼心既係，你買個陣個比一小袋冰仔比你，唔會超快就融，雖然唔係頂到好耐，但服務都算係咁。下次有機會，我會想試下佢地既糕點類，例如泡芙。…查看更多

元朗真係有好多選擇，食lunch都可以試唔少餐廳。今次去食呢間巴打，係一間小店，佢好細間，大約容納15-20人左右。佢係食西餐加fusion菜做主打。我叫左吉列豬扒配白汁。佢既吉列豬係整得好鬆脆，而且即烤夠曬熱。而白汁調味都唔錯，加埋蛋當蛋包飯咁食，相當唔錯。而另一個熱狗芝士牛肉熱狗都賣相好靚，配埋沙律咁食唔會太滯，不話同事話太濃味，食完覺得有d口乾，可以改善下。至於價錢方面，就屬中等，連飲品太約5-60，都可以一試。…查看更多

元朗食小菜之選🐒呢間南山軒份量都算幾大，炸墨魚餅好味，恰到好處，出面層粉漿唔會太厚，外脆內彈牙，加埋沙律醬或者泰色辣醬都好惹味☺️菜膽霸王雞就不過不失，我都係鐘意用小棠菜多d，雞肉唔夠滑，不過調味就唔錯🐥至於炒大腸就一般，實在太咸，用黎配飯就好d，唔係就太重口味🤧…查看更多

元朗舊式西餐廳🐷寶石餐廳係比較傳統既舊式扒房，類似花園餐廳，佢既午餐都算幾抵食，50-60蚊左右，一個set包埋餐湯連埋飲品☺️而且份量都唔算細，叫左燒汁豬扒意粉，一個女仔都食唔曬，加隻煎蛋，口感更加豐富，lunch一個唔錯選擇，同事叫左薯菜，薯條熱辣辣😎…查看更多