張寶仔的个人专页

約咗朋友收工後係觀塘食飯，觀塘好多工廈美食，咁岩今日大家都想食日本料理，於是去咗呢間叫「鳥棲」嘅餐廳，主打熟食日本料理，食物款式同種類都算多（不過就冇魚生壽司呢啲啦），價錢合理、環境寧靜，整體都好滿意！餐廳外形同個名好夾啊，有成大幅草地牆！因應疫情，餐廳都已經做齊衛生配套，包括進入餐廳前要量體溫、提醒客人食物來到前要戴口罩、使用酒精搓手液等等，店內都幾大，座位寬闊，特別係張梳化好舒服！
牛油果蟹子沙津 $52唔算好特別，但都幾大碟，兩個人食剛剛好，個人認為牛油果可以加多幾塊，酸酸甜甜幾開胃！


原條鰻魚炒飯 $128
成餐飯最期待就係呢道菜，鰻魚好好味！大大條，超滿足！
留意返個炒飯係比較濕底的～
牛肉他他燒 $88第一次食，味道同賣相都唔錯！
鳥樸和牛 $36入口即溶的和牛，極度推薦！
洛神富士山 $35賣相好吸引嘅凍飲～
舖咗雲呢拿雪糕係杯面，真係好似冬天山頂上有積雪嘅富士山，入面仲有加燈，會不斷轉色，打卡一流！對富士山情有獨鍾的朋友一定要試下～…查看更多

今日張寶仔嚟到尖沙咀食一間和牛專門店，個名簡而潔，WaGyu Ya即係和牛屋。店舖入邊嘅裝修簡潔時尚，有吧枱、卡位，但係枱數不多，有心嚟食就最好book定位啦。我哋今次就叫咗兩款，日本鹿兒島A5和牛肉眼（120g) 同埋A5和牛三文治。果然係A5和牛，油脂分布相當平均，每一塊肉都好似雲石狀。燒好之後放入口，唔需要點咀嚼，就已經喺口裏面溶化。淨係食肉又好似唔太飽肚，所以我哋叫咗A5和牛三文治，始終都係要食啲澱粉質先安樂。三文治原來即係吉列厚切和牛三文治。中間夾住嘅和牛切得比肉眼更厚，更有口感同飽足感。油香濃烈的和牛肉配上香脆的麵包皮，中和了整個味道，為成道餸帶來平衡。和牛上面仲有金箔同魚子醬，豪華感Max!雖然今次唔算食到好多款，價錢亦都唔算平，但係每道餸都食得出佢價值所在，而且亦感受到店舖對和牛嘅專注。就好似日本嘅匠人精神；只做一件事，並將佢做到最好。…查看更多

宜家肺炎疫情肆虐，真係唔敢係街上面邊行邊食。但咁啱今日出開銅鑼灣，行行下又見到有好耐冇食嘅雞蛋仔，就買咗一底上車食。平時食開呢間都係食甜味，例如紫薯、香蕉朱古力......今日見有少少餓，想試吓鹹味嘅雞蛋仔，所以就揀咗鹽燒紫菜粟米味。估唔到鹹味嘅雞蛋仔都幾有驚喜，紫菜原來係一整塊比雞蛋仔夾住，加上少少鹽味襯托，每一粒雞蛋仔入邊都有粟米粒。味道出奇地配搭，身為芝士控嘅張生覺得如果加埋芝士就Perfect啦！…查看更多

今次張生同寶仔慶祝張老先生嘅生日，因為張老先生想食中菜，所以寶仔就同張生一家嚟呢一間十里洋場食上海菜。雖然四個人食飯，但係大家都唔係食得好多，所以主要叫咗冷盤同點心。第一道菜係黑松露煙燻糖心蛋。上盤嘅時候有個玻璃蓋罩住啲煙，一打開就會有煙霧離漫的感覺。糖心蛋充滿煙燻的味道和上面的黑松露醬配搭，味道濃郁。下一道係醉乳鴿，平時醉雞就聽得多，但係醉乳鴿真係第一次聽，所以就試下。佢都保持住乳鴿嘅鮮味，肉質亦都不會太韌。但張生都係鍾意食燒乳鴿多啲。跟住呢道菜就係點解張生為張老先生揀十里洋場嘅原因啦！就係因為喺網上見到呢張蓑衣黃瓜嘅相。呢一道菜就係將青瓜用精湛嘅刀工切片，但又好小心咁唔會切開，再擺成好似蓑衣嘅形狀。睇到就知道廚師嘅功架啦。打卡影相必叫！跟住呢一道係陳醋紅蜇頭。雖然係睇落好似平平無奇嘅冷盤，但係原來非常之好食，四個人都爭住食呀！海蜇頭十分爽口，陳醋帶出嘅酸味調校得啱啱好，食到停唔到口！呢個碧綠圈子其實係筧菜拌炸豬大腸，份量都幾多，可惜除左張老先生想食，張生同寶仔都麻麻地豬大腸。如果唔係張老先生想食都唔會叫啦。睇咗好多食評都推介既脆煎灌湯小籠包。果然無介紹錯，鐵板上夠熱辣辣。皮薄脆底多汁，感覺似小籠包同生煎包既混合，唔錯。最後揀咗豆沙香蕉做甜品，唔會太膩，甜度啱啱好，入面既香蕉夠熱又香又軟，做個結尾非常滿足！其實張生仲叫咗半份砂鍋雲吞雞！侍應會幫你分好每人一碗連雲吞上，點知掛住食無影到相！雖然聽落個菜式唔算特別，但個雞湯係超級濃郁！雲吞大大粒，鍾意飲湯既張老先生同張生都忍唔住係咁飲！下次一定再叫，影返相俾大家！高度推介！…查看更多

今日寶仔叫外賣！同媽咪share一個辣豬肉炒飯！超有鑊氣，啲飯係粒粒分明，非常乾身，而且個汁調配得啱啱好，唔會太鹹，非常容易入口！完全冇野可以挑剔！介紹過媽咪食一次之後，佢非常之鍾意食！成日都話要食！依家叫某外賣APP超方便！…查看更多

今日張寶仔齊齊出動，去慶祝寶仔家姐嘅生日，一班人成一齊聚會，就最啱食蒸海鮮！其實又係有少少因為寶仔要食健康。。不過家姐亦都好愛鍋心海鮮！鍋心有好多間，最中意係最後既八寶飯！所以一定要黎食太子哩間，其他既都係粥底喔！期間，寶仔食個隻蟹有少少臭，一問店員，佢地竟然二話不說就幫我搵過第二隻！果然真係有分別，非常鮮甜！今日之最，寶仔覺得係日本蕃薯🍠 非常軟甜！八寶飯係我地所有人既摯愛，配味令到個飯非常入味！欲罷不能！每人食左兩碗！…查看更多

寶仔今日星期五去同舊同事食lunch, 因為寶仔經常都係係減肥狀態中，所以舊同事都好好，陪我食健康餐！又想食健康，又想食好味，又想飲下啲湯水，就一定要嚟食美味餃子店！張寶仔其實都已經食過無數次，但係寶仔最近因為減肥，所以唔可以食呢度最出名嘅榨菜醬，但係發現原來唔加，清清地飲湯，亦都可以帶出餃子餡入面嘅鮮甜味！其實得個女仔食一碗細嘅，有七隻大大粒嘅餃子，已經非常飽，仲有一碗咁大碗嘅湯(無味精㗎)，係非常之足夠！非常之滿足！…查看更多

今日寶仔去咗同朋友high tea，因為朋友已經嚟過幾次，同經理亦都非常熟悉，所以我哋就唔使book都可以有枱可以入，服務真係一流㗎真係超級好！最中意係個有墨西哥風味嘅彩色三文治，個味道調校得好好，酸酸甜甜，非常美味！Scone做得非常出色，jam係高水準，甜而不漏，可惜每人得一個！任食甜品車，寶仔揀咗個藍莓撻！冇嘢可以挑剔！又大又甜又好味！最後因為朋友推介我食咗一粒棉花糖朱古力，因為寶仔唔鍾意食朱古力，但係呢一粒嘅口感非常特別，唔錯！…查看更多

星期四寶仔擺左一日假同媽咪去Cafe食野chill下，呢一間大和堂都算犀利啦，張寶仔之前已經去過三次，但係都排唔到隊入唔到去，所以唯有閒日黎食，可惜張生唔得閒，寶仔就同左媽咪嚟嘆咖啡！因為寶仔媽咪都好鍾意飲咖啡！Latte寶仔最鍾意飲latte，去到邊都係揀latte飲嘅，大和堂latte幾滑幾香，媽咪最後仲搶咗我杯嚟飲添！Spanish coffee係用煉奶沖嘅，寶仔媽咪話好鍾意，飲完一啖有又一啖，好快就飲晒成杯，佢話要再嚟飲啊！Avocado ToastAvocado又係寶仔嘅摰愛！呢一度嘅avocado toast真係唔錯，最鍾意就係佢上面嘅番茄仔，好甜！成個味道都tune得好清新！黑松露炒蛋三文治媽咪話食得好過癮，黑松露味好濃，因為佢最鍾意食黑松露啦，亦都唔會太油，唔會太膩！佢好快就食晒，寶仔一啖都無試到啊！環境都非常舒服，感覺係好悠閒嘅一日…查看更多

張寶仔最愛既羊肉麵！佢啲湯係真係用羊骨同牛骨去熬製，我哋係會飲晒所有湯，都唔會覺得頸渴，所以佢係完全冇味精㗎 ！而且啲湯唔會太油，所以飲落好順口！最鍾意就係將佢個羊肉米線轉成上海麵，因為佢嘅上海麵好出色，幾彈牙，唔會太腍，粗幼適中！尖沙咀平價餐廳首選！佢其他小食都非常出色，張生最鍾意就係佢個豬耳，份量多，又有咬口，非常出色。寶仔最鍾意佢個土豆絲，唔會太辣，次次黎都會叫嫁！羊肉上海麵勁多葱！張寶仔超鍾意！…查看更多

寶仔今日同兩個姊妹食飯，發現原來我哋三個都幾近荃灣，所以就揀咗喺荃灣食飯啦！之前已經好想試蘇媽媽，今日就一於試一試佢！魷魚通菜普普通通，就係你想像中的味道，因為寶仔唔太鍾意食魷魚，所以呢碟菜對於寶仔黎講都係麻麻肉骨茶肉骨茶係任添啲湯㗎！寶仔幾鍾意飲啲肉骨茶，跟住加咗一次湯嚟去送飯。咖史多士寶仔怕肥，所以冇食到，但啲姊妹話好好食喔！芽菜性價比唔算高,但係啲芽菜肥肥短短咁，呢一隻品種寶仔都幾欣賞白咖喱麵一定要盡快食，如果唔係啲麵會索晒啲湯，波仔覺得麻麻地啫，啲面未到好入味，唔會好驚艷個一種！…查看更多

張寶仔之前已經去過台灣食，超級好食，性價比極高，壽司很有鮮味，所以見到香港話要開，我地就即刻去食啦！其實點book枱都有技巧架，因為我哋係冇成功訂枱的，但就係佢開門嘅時候，11點正打開佢個app，立即禁飛，之後大約12點 1點就可以去食啦，就算係星期六日都可以成功食到㗎啦！最推介既係中拖羅！大拖羅食唔食都得，因為食咗幾舊都係有根嘅，怡中拖羅嘅油脂都好高，食落都已經好過癮，而且又好平，性價比極高！之後去應該都只係食中拖羅！ 另外燒鯖魚都非常好味，又平，好有魚油香味！大推！希望壽司郎遲啲會再開多啲分店！…查看更多

由細食到大！雞絲粉皮 冇得輸！張寶仔都好中意食，夏天一定要食，涼浸浸，個麻醬勁香，一定會清曬全部！每個月最少食一次啊！寶仔好鍾意加個菜食，因為啲菜好新鮮，一定係朝早去街市買嘅，跟住啲湯係可以飲嫁！因為係冇落味精！…查看更多

超級無敵大好食！食完美味餃子店，行去對面對面就可以食芋圓圓啦！寶仔叫咗個鮮奶燉桃膠，超級滋潤，啲芋圓非常之Q彈，好多料！依家咁嘅天氣食暖粒粒，好好味！張生叫咗個黑糖桂圓，比較之下真係比較普通，因為鮮奶燉桃膠真係好味太多了，下個禮拜想即刻再去食啊！…查看更多

寶仔今日星期五同同事一齊去咗荃灣食lunch，好開心，因為寶仔好鍾意食米線㗎！木瓜南瓜鯇魚尾米線($51)木瓜超甜，超軟，煮得好爛，超級好味，令到個湯更加鮮甜！好多舊魚尾，非常之鮮味！寶仔更加係飲晒成碗湯，飲到個肚超脹！一定要帶張生黎食啊！性價比又超級高，因為係第一次食，所以唔係好識叫，但下次寶仔只會叫木瓜同埋鯇魚片，因為其實加埋南瓜就好飽，成碗都係澱粉質，仲要留肚飲湯㗎嘛！不過寶仔都完全食晒，淨係整咗少少米線咋！…查看更多