Small Boy的個人專頁

4月29日與朋友中午相約在西鐵元朗站, 看見有間酒樓在西鐵站內, 有點好奇 , 因為港鐵站內一般祇有便利店, 銀行及餅店或其它小商店等等, 居然有酒樓在站內, 其中一名友人話此位置以前都好似係酒樓, 但名稱不同, 可能整間酒樓頂比人轉左手啩, 大家商量之後話不如試下啦, 橫掂都係要食午飯, 好一餐, 唔好又一餐. 在門口等了十分鐘不夠已經可以入座. 先講酒樓環境, 格調走高檔路線, 大門入口用酒店式旋轉玻璃大門, 氣派不凡, 法國宮廷白色裝修絕對 made for 結婚擺酒之用, 酒樓內沒有玻璃窗, 但有很多慳電燈膽, 所以光線照明很充足, 地方也不小, 沒有柱躉阻隔視線, 一望無際, 簡單 d 講好似社區會堂, 祇不過樓底略低, 估計可以擺卅幾圍酒席啩, 酒席價錢好似由 $5,400- 元起.再講服務, 侍應招呼不錯, 推荐食品說話時有紋有路, 收碟加水都很快手快腳. 最重要講既係食物, 四個人點了個蠔油北菇菜遠辦麵, 福建雞粒海皇炒飯, 點心祇點了2份煎叉燒飽 及 鮮竹卷. 蠔油北菇菜遠辦麵, $68-, 味道不錯, 祇是粗麵略為煮過籠, 比較淋, 筷子夾上去很易爛, 咀嚼時不用費力. 福建雞粒海皇炒飯, $68-, 味道也 OK, 飯底似是用隔夜飯炒, 飯粒有口感, 不是大家樂式的新鮮白飯炒出來軟淋淋口感. 燕瘦環肥花彫煎叉燒飽, $19-(三個), 其實此叉燒飽即是變種生煎飽, 用叉燒代替牛肉而已, 比較有特色的是用熱辣辣迷你砂鍋蓋上盛載, 上菜前侍應倒少許花彫酒在砂鍋蓋邊緣, 花彫酒即時沙沙聲蒸發出煙好似食鐵板菜一樣, 打開砂鍋蓋後有少許酒香, 還有些少洋蔥在砂鍋內塾底增添另一種香味. 但此煎叉燒飽入口味道其實沒有什麼特別, 祇有少許花彫酒酒香留在飽外. 鮮茄龍蝦湯鮮竹卷, $19-, 鮮竹卷半截浸在龍蝦湯內軟淋淋, 另外半截露出空氣中脆卜卜, 味道也幾好, 祇是龍蝦湯味道稍微淡了少許, 龍蝦味不夠. 要彈既係, 通往洗手間必經之路有一盤蘭花, 個花瓶好似成年人咁高大, 擋著去路 , 出出入入男女老幼都要讓路才可通過.埋單後與侍應聊天幾句, 原來此酒樓剛開張數天, 怪不得很新淨啦. 埋單共銀 $248- {$68+68+19+19+19+(茶錢 8x4人)+10%}, 平均每人約 $60-…查看更多

食完碗仔翅及蝦子撈麵後最後一站係三元粥品, 先來個必食的豬肉丸粥, 之後再來個三元及第粥. 等了5-6分鐘後終於有得食肉丸粥, 粥底入口清甜及很綿, 感覺味精不多, 不會搶喉, 人手搓揉的豬肉丸真係有口感, 與攪拌機的口感差之千里. 再來的三元及第粥就失手了, 假如第一碗豬肉丸粥無八十也有七十分的話, 呢碗及第粥最多祇值四五十分, 因為及第配料如豬潤豬肚粉腸等等好像在另一個鍋用滾水煮熟後才放進此碗及第粥, 豬潤豬肚粉腸等等完全無味道, 食之無味棄之可惜, 與旺角富記的及第粥比較真係一個天, 一個地. 再者, 它們的胡椒粉也完全無料到, 又唔香, 又唔辣, 胡椒粉覆蓋整碗粥面也沒有感覺, 以為自己食得辣又或者發神經, 但看看隔離左右的食客也不停手落很多胡椒粉就知道自己的味覺沒有問題.新春期間此店每款粥品祇加收兩元附加費, 平均約 9-10% 左右, 與祥記撈麵的 20% 相比算有良心了, 下次再來祇可以食豬肉丸或牛肉丸粥, 及第粥真係不用想了, 也希望胡椒粉可以改善吧.埋單: ($19+2) + ($19+2) = $42-…查看更多

第一站食完碗仔翅後, 第二站又來到祥記, 它的招牌蝦子撈麵基本上保持水準, 味道穩定. 低頭食麵時發生小插曲, 隔離檯有位人兄起身結帳時與好似老闆娘的婆婆有少許爭拗, 事緣係新春期間的附加費. 祥記要加收 20%, 牆壁上已貼上此附加費的通告, 此位人兄相信沒有注意吧, 婆婆的解釋有點含糊太簡單, 人兄可能不太理解, 最後另一位侍應阿姐在旁邊看不過眼, 幫口講清楚, 人兄明白後再沒有出聲行去櫃檯埋單走人了. 埋單: $22+$22 = $44再加20% 合共$53-…查看更多

連續食完兩餐自助餐後晚上又轉戰到新馬路手信街朝聖. 在福隆新街例牌都係食 d 人氣食物, 第一站先食翅, 七時未到已有三數人在門口等位, 等了一陣已可入座. 先來豪華碗仔翅 $38-, 味道有 d 似飲宴場合的魚翅, 不是旺角的碗仔翅, 除了肉絲以外也有小許魚翅. 食完第一碗魚翅漱口後食髓知味, 再來一個招牌煲仔翅 $55, 砂鍋上, 而且熱辣辣起泡, 好似食砂鍋粥一樣, 差 d 燙傷口腔, 味道更勝一籌, 內有大大舊翅, 小許海參及魚肚等, 加 d 浙醋加 d 麻油口感一流, 真係正 ! 可惜地方比較擠迫, 祇有廿多個座位, 食得比較辛苦, 建議各位不要先去買手信才來食翅, 大包細包放在地下真的不方便, 食完翅後才去買手信就舒服得多啦.埋單 : $38+38+55 合共 $131-…查看更多

昨晚在金沙賭場吃飽自助晚餐後, 今天再吃自助午餐, (自助午餐 + 旅遊塔套票).離港前在碼頭購買, 售票小姐再三溫馨提示要打電話去餐廳確認座位, 因為春節假期座位供應可能幾緊張, 其實一心想去觀光, 食反為其次. 自助午餐分兩節時間入座, (頭圍 11:30- 13:00) (尾圍 13:30-15:00), 每段時間祇有個半鐘, 有點急趕. 準時 11:30 到達旅遊塔地下大堂服務處換領觀光門票, 之後按服務員指示落扶手電梯再直行到盡頭, 乘坐超快電梯直達 360 餐廳.電梯門打開後比眼前景象嚇呆了數秒鐘, 環境真係好靚, 可能今天天氣好有陽光, 陽光照射入餐廳內形成光暗分明. 侍應帶位招呼你坐低後飲淡水, 之後狂拍風景照, 新舊葡京, 永利, 凱旋門等遠看真的很美, 拍完照後望望手錶祇餘 80分鐘左右, 循例出去打個轉走個圈, 看看有乜野食, 一看就知典型格局的自助午餐款式. 冷盤大部份係自製凱撒沙律 或 其他薯仔菠蘿沙律 或 蘋果沙律 或 三色齋等, 還有好像沒有人幫襯的淨壽司卷(沒有魚生). 熱盤都有幾多選擇, 自己挑選了 : 炒麵, 燒賣, 魚柳, 咖哩, 黃飯, 釀豬柳卷, 叉燒, 燒鵝, 炆牛腩, 西炒飯, 炒雜菜等.簡單 d講, 食品全部大路貨色, 即係話此餐廳主打食風景及食感覺, 食味道的話就退而求其次了, 基本上沒有大驚喜, 也沒有大失望, 絕對普普通通. 要彈既係洗手間超細, 牆壁上有通告建議人多等候上廁時可以乘坐電梯返回地面, 使用地面的洗手間, 咁都得 !! 套票上餐廳電話號碼是錯誤的, 無人接聽, 好在出門前在"開飯啦"抄低了另一個號碼才不致出錯, 希望旅行社修改電腦上的資料啦. 下次再來的話要試試自助晚餐, 看看晚上的風景又如何 !! 希望食物質素好 d 啦 !!…查看更多

新春去澳門燒炮仗, 結果變成賭場燒銀紙, 化悲憤為食量, 食餐勁既, 雖然已訂位明天旅遊塔食自助午餐, 但一於少理, 因為肚餓, 食左先算. 新春期間真係人多, 晚上七點左右在門口等了十多分鐘才可入座, 入座前先結帳才進場, 進食時間沒有限制, 好過葡京酒店自助山要分時段入座.第一次來, 環境感覺 OK 似高級食堂, 當然不能以星級酒店比較, 始終都係美食廣場嘛. 開位坐低後循例出去打個轉走個圈, 看看有乜野食, 款式好多, 不愧係拉斯維加斯式賭場. 自己主打食冷盤 : 生蠔, 長腳蟹, 翡翠螺, 青口, 凍蝦, 煙三文魚, 什錦薄切凍肉, 吞拿魚三文魚魚生等等等等, 有殺錯無放過, 熱盤真係無食過. 整體來講味道不錯, 合格有餘, 食物補充添加也算快, 侍應招呼換碟不算怠慢, 一舉手就有人來. 要彈既係 ...... 1) 生蠔要排隊等待幾分鍾, 因為開蠔開唔切, 每次補充祇有十多隻, 三幾個人分零鐘就掃光, 直到九點幾仍見有補充.2) 翡翠螺補充一兩次後直至離場也再沒有出現了, 莫非新春人多, 還是來貨數量太少 3) 全場祇有一台自助飲品機提供清水飲用, 反而橙汁及蘋果汁各有兩台飲品機分別在場內左右兩方, 飲清水要走來走去有點不便. 食飽後見有 Haagen-Dazs 雪糕, 重有2種味道, 整個鴛鴦雪糕球後就徹底了結呢一餐了. Walk In 價每人 $288 + 10%, 但入境澳門時在碼頭出口處有賭場穿長靴靚女派發傳單, 傳單上有優惠打七折, 碌咭埋單每人才 $230.50-講真, 此餐二百多元有香港三四百元的酒店自助餐質素個人認為算是有賺了, 好似食家 "思思糧" 話齋 : [以價錢來衡量的話, 某程度上都尚算抵食]…查看更多

原本一班老友上週六晚上搞個良朋歡聚宴, 但臨時有幾個人甩底話要去做”道士”, 即時問佢地搞乜鬼, 原來幾個人突然心血來潮萬聖節前夕想去蘭桂坊”捉鬼”, 結果得番5個人打邊爐.小肥牛已幫趁多次, 但不是常寫食評, 元朗分店則是第一次來, 雖已打電話訂位但仍要等大半個鐘才有檯, 無辦法, 週末晚上很多食肆都要排長龍等位, 分別祇是在室內等或戶外等而已, 但在教育路馬路邊食西北風食飽咁滯才入座就有點不好受了.食物質素及服務態度一如以往非常穩定, 個人評語認為跟其他食家差不多, 今次要講的是什錦刺身, 非常新鮮好吃, 在座有兩名嘴刁的朋友話相比其他日本料理還要出色, 席上個個都讚, 祇可惜賣相有小小嚇怕同檯數名女士. 因為上菜時看見魚頭的嘴巴仍在碟上開開合合, 大家都知道此乃表示這條魚才剛剛去世, 但女士們則覺得很殘忍核突, 男士們還可以接受, 大家想即時把魚頭放在火鍋裡煮熟, 但女士們又怕魚頭在鍋裡受熱後跳跳紮更加得人驚, 最後女士們目不斜視祇看著目標刺身才拿起筷子去夾刺身食, 其他時間不敢再看會郁動的魚頭, 當然, 十幾廿分鐘後魚頭動也不動了.埋單5個人連汽水啤酒竹蔗水才捌佰陸拾多圓, 如果在九龍城某些著名火鍋館, 同樣菜式呢餐銀碼一定要多一半才夠.…查看更多

預早少少先訂位, 到期當日下午三時許小肥牛姐姐來電話與你再確認: 人數, 時間, 等等, 似乎幾有交帶, 安排不錯. 曾與朋友幫趁此店數次, 每次十個八個人點很多食物, 今晚祇有四個人食火鍋, 故此選擇不多, 都係食 d 招牌人氣食物. 湯底 --- 蕃茄薯仔牛腩湯, 味道 OK, 可惜蕃茄味不夠濃郁, 沒有蕃茄膏在湯底內, 好似另一位食家 “hyy1009”的圖片一模一樣. 芝士牛丸 --- 味道依舊, 保持水準. 鵝肝墨丸 --- 味道依舊, 保持水準, 但口感略為差 d, 以前比較煙韌d. 炸腐皮卷 --- 仍是“醫黐烹”, 無得頂. 鯊魚唇 --- 今晚味道差少少, 口感又無以前咁爽口, 略為淋左 dd. 墨魚滑 --- 仍是“醫黐烹”, 無得頂. 鮮牛肉粒 --- 牛肉味依舊咁香濃, 好濃郁, 正. 花彫浸牛肉 --- 好香既花彫酒味, 可惜太香蓋過牛肉味, 感覺就是食花彫, 不是飲花彫. 黃喉 --- 無乜味道, 祇係好爽口, 唔加醬油的話肯定無味. 白鱔片 --- 無乜特別, 幾爽口. 水餃 拚 韭菜餃 --- 餃子外皮較為厚左 dd, 餡料不錯. 什菌拚盤 --- 無乜特別, 普普通通.基本上大部份食物保持質量, 服務員阿姐阿哥態度也良好, 漏單即刻幫你看看有無入電腦, 哦, 原來真係無入單, 翻查原來睇漏點菜紙上個別的剔號, 渣渣淋再入單. 四人埋單連埋2枝汽水才 $646, 個人認為唔算便宜, 但又唔係搶錢, 希望下次再來時人多 d 可以食多d 啦. …查看更多

訂位 18:30 PM, 一行五人 (3大人+1長者+1小童) 準時到場, 同行友人曾經幫趁過, 佢話質量一般般普普通通, 但我未曾來過話試下又無妨, 好食有下次, 唔好食無下次, 最緊要食完大家唔好肚痛或肚瀉就可以了. 坐下座位後飲淡水歇一會, 然後走出去打個轉看看有什麼食物 ?? 湯羹 : 南瓜忌廉湯, 蛇羹. (有菊花及脆片可自行添加)冷盤大致有 : 生蠔, 凍蝦, 青口, 三文魚刺身, 吞拿魚刺身, 壽司(大部份是紫菜圈), 蕎麥冷麵, 自助沙律吧, 薯仔沙律, 火腿菠蘿沙律, 番茄芝士, 薄切雜肉片, 煙三文魚, 什錦齋, 醉雞, 燻蹄等等.熱葷大致有 : 泰式豬頸肉, 泰式雜錦炒飯, 煎蓮藕餅, 炆三文魚腩, 煙鴨胸, 什錦德國香腸, 炒雜菜, 炆雞腳煲, 杜仲羊腩煲, 胡椒豬肚煲, 即切燒豬肶, 即煮意粉或螺絲粉(自選味道:番茄醬或忌廉白汁底+自選配料), 即煮四川麻辣湯粉麵(自選魚蛋肉丸蔬菜等等各種配料)甜品大致有 : 木糠布甸, 傳統焗布甸, 蕃薯糖水, 杏仁糊, 忌廉泡芙, 一般忌廉及黑森林蛋糕, 意大利芝士蛋糕及芝士餅, 泰式荷葉甜品, 3種味道Dryers自助雪糕筒或雪糕杯+自助Topping, 西瓜片, 菠蘿片, 蜜瓜片等等.免費飲品有 : 祇有1個按鈕的熱咖啡機(己調好咖啡及奶份量), 自助奶茶, 檸檬茶, 檸檬水等.收費飲品有 : $38-/Jug汽水(可樂, 橙汁, 忌廉), $98-/瓶哎呀法國紅酒.每個人口味口感不一樣, 食物質素個人認為 OK 合格, 同行曾幫趁友人也說好過上次幫趁, 佢話今晚食物質素及味道整體幾好, 不會太鹹, 太甜, 太淡等. 當然, 要挑剔你可以話生蠔間中有d 蠔殼碎, 雞腳炆得太淋入口即溶好似食豆腐, 即煮意粉或螺絲粉比較硬左少少, 青口仍未完全溶雪, 咬落仍有少許冰碎在內, 羊腩煲味道濃左dd 有d苦. 甜品有 d 就略甜, 有d 就差少許甜味, 蕃薯糖水唔夠蕃薯 ……… 等等. 食物補充幾快手, 好少有吉盤或吉碟出現. 九時許埋單時看見絕大部份食物盤仍有食物在內. 年青侍應態度良好, 有笑容幾友善, 收碟也快手快腳, 但係佢地既制服就真係好街坊好大眾化, (深藍色長袖衛衣+深色牛仔褲+波鞋), 有位女侍應更穿白色短袖扣鈕有領 Polo 恤添. (可能佢唔怕冷) 總括來講 : 以酒店 $188 價錢想要求食什麼 ??? 講真, 油尖旺好多日式放題 或 任食韓國燒烤連加一在內都要 $15x 或 $16x 啦. 去開濕地公園旅行既明友有機會不妨試下, 祇可惜, 此處地方真的有點偏遠, 如果祇來此處食自助餐絕大部人實話連來回車費在內差不多二百伍左右, 在市區好多酒店都食得到啦. 最後, 還覺得有點喜出望外添, 原來獅子銀行信用咭有九折優惠. …查看更多