Ariel0716的个人专页

朋友帶咗我嚟太古廣場嘅呢間Apinara食泰菜 餐廳用上暖色嘅木系裝修 枱同枱之間唔會逼狹 傾計都特別自在黃薑雞肉沙嗲 (6串)肉質燒到啱啱好唔會太乾 仲有少少焦邊 黃薑味好香 沙嗲醬濃稠得嚟帶點甜香燒黃薑金目鱸鱸魚燒到外皮金黃香脆 入面嘅魚肉好嫩滑同無咩骨 配埋酸甜西柚一齊食就更加惹味泰式海南雞(半隻)配雞油飯及雞清湯海南雞好滑溜 真係做到皮薄肉滑 雞皮又夠爽口 蘸埋佢個秘製泰式沾醬更加帶出雞肉嘅鮮味 雞油飯用咗橄欖油去煮 粒粒分明之餘仲帶住淡淡嘅油香 而雞湯就由椰青水煮成 好清甜!芒果糯米飯伴椰奶香甜嘅芒果配上煙韌糯米飯同椰奶 呢個組合真係無得輸泰式奶茶茶味濃郁 甜度適中鮮椰子沙冰天然嘅椰子味飲落好清新 沙冰打到好細滑 …查看更多

之前經過九龍城見到渡邊屋已經想試 今次係尖沙咀睇完戲一於試下佢地呢間分店日本活赤貝刺身食落爽脆彈牙 帶有淡淡嘅海水鮮甜 日本海膽魷魚刺身魷魚好滑溜 海膽又creamy 點少少豉油吊味令到海膽嘅甜味更加突出松葉蟹肉蟹籽沙律一絲絲嘅蟹肉連埋蟹籽同青瓜絲撈勻 食落好fresh鱈魚親子盛盒有白子軍艦 鱈魚刺身同鱈魚壽司 一次過試哂鱈魚唔同部位同做法 第一次食白子本身好驚會腥 但食落鮮味好出 完全無腥味 鱈魚刺身肉質好軟嫩 炙燒過後面頭有陣焦香 仲滲出d魚油 壽司就多咗層次感 魚油滲落啲飯度個味道即刻豐富咗天婦羅芥末熔岩蔥粒魚腩卷天婦羅嘅外層包住魚腩再配上濃稠嘅醬汁 食落幾有驚喜特盛刺身丼有齊三文魚 吞拿魚蓉 海膽 海鰻 帆立貝 甜蝦等 款款刺身都好新鮮 吞拿魚蓉口感綿滑帶點油潤 帆立貝 甜蝦大隻爽甜…查看更多

一開始係比呢間拉麵店嘅甜品吸引而去 但估唔到拉麵同小食同樣高水準濃蝦湯拉麵一上枱已經聞到超香濃嘅蝦味 湯頭飲落好鮮甜 拉麵掛湯力一流 鍾意食濃味嘅朋友必試Samurai醬油拉麵2.0對比之下呢碗嘅湯底就比較清爽 醬油湯底清得嚟唔寡 係用咗沙甸魚煮干同雞骨混合而成 兩碗嘅配料同樣有筍 風乾蕃茄 叉燒同2粒帶有軟骨嘅雞肉丸子Samurai炸雞 (2件)外皮炸到好脆身 入面嘅雞肉仲保持到肉汁 蘸埋沙律醬仲滋味焦糖布甸布甸蛋香醇厚 甜度啱啱好 口感係偏厚實個種開心果巴斯克外層微微焦香 蛋糕係好綿密嘅質地 仲有開心果碎增加口感Cold Brew Coffee冷萃嘅關係味道好順滑 無咗嗰種酸澀味冷泡八女煎茶茶味清雅得嚟帶點回甘 …查看更多

好耐無食車仔麵啦 深水埗呢間小李車仔麵嘅湯底用咗豬骨 雞殼同雞爪熬製 難怪咁濃郁 另外中式主廚入廚30年 連牛雜都係晨早去舖頭親自炆煮 仲有自家炒辣汁 誠意滿滿三餸麵 (河粉) (金牌腩汁)呢度嘅河粉經過低溫殺菌 所以保持到彈牙滑身質地 夾極都唔易斷 自家製韭菜餃皮薄餡靚 濃香沙嗲豬頸肉夠爽口 自家秘製豬手炆到超腍 充滿膠質 加咗辣菜脯食落更加惹味四餸麵 (油麵) (金牌腩汁) (滷水汁)朋友好肚餓所以加咗底同再加多咗個餸 湯底混合咗腩汁同滷水汁 雙重滋味 蠔油花菇好入味 70度慢煮火焰和風豚肉叉燒好軟嫩 入口即溶 開心芥末貢丸食落微微攻鼻 幾過癮 牛腩個名好搞笑 叫想再食牛腩 食落唔會鞋口 自家製必食溏心蛋係食車仔麵必叫椒鹽炸魚蛋 (8粒)好香口 灑滿咗椒鹽粉但唔會太鹹…查看更多

駱駝漆呢間拉麵店充滿日式動漫風 擺咗好多動漫poster同figure 啱哂動漫迷過嚟朝聖 餐廳仲好貼心放咗一盒橡筋係枱面 方便食野個陣扎起d頭髮櫻花蝦淡麗貝汁湯拉麵 貝汁湯底好清甜 飲到好純粹嘅蜆貝鮮味 一d都唔油膩 面頭鋪滿咗櫻花蝦同蜆貝碎 增加咗唔少口感 慢煮叉燒超級大塊 肉質軟淋 溏心蛋流心效果一流 另外加咗粟米芯 爽甜多汁蟹之雞白湯拉麵雞白湯本身已經夠濃郁 再加埋蟹嘅鮮味落去 飲落好厚身好creamy嘅感覺 將蟹膏同蟹肉撈勻晒落湯度個鮮味再提升多個層次 朋友額外加咗替玉同2塊叉燒 食完飽到上心口炸雞皮餃子 (4隻)即叫即炸 外皮微脆 入面餡料充滿肉汁飲品方面叫咗日本樽装波子汽水同日本提子梳打 夠哂清爽…查看更多

好耐無食過點心啦 經過見到太子呢間點心專門店全日免加一 價錢又幾親民就決定試下啦金牌蝦餃王 (2隻) 皮薄餡靚 咬開入面係大大隻嘅蝦肉 真材實料蟹籽燒賣王 (2隻) 面頭有蟹籽點綴 豬肉同蝦肉比例亦啱啱好 食落好紮實薑蔥牛柏葉 好濃郁嘅薑蔥味 口感爽脆 蒜蓉蒸墨魚頭墨魚頭夠彈牙 粉絲索晒蒜蓉香氣 好惹味香芒炸蝦卷 蝦肉同芒果幾夾 酸甜嘅芒果可以平衡返炸物嘅油膩感千島醬香脆蘿蔔糕 蘿蔔糕煎到幾脆 第一次見配千島醬同木魚碎呢個組合 幾特別鳳爪排骨飯 鳳爪蒸到好腍 排骨份量幾多 細細盅但係足料楊枝甘露糕食到芒果香仲有西米同西柚肉 清甜唔膩…查看更多

平時想食泰國野通常都係嚟九龍城搵食 今次見到呢間餐廳有2個舖位仲唔洗加一咁緊係要試下泰式蝦餅蝦餅入面係滿滿嘅蝦肉 真材實料 蘸埋泰式辣醬將蝦嘅鮮味提升上嚟 酸酸甜甜咁好開胃九層塔炒花甲花甲無沙洗得好乾淨 肉質夠飽滿 醬汁鹹香中帶點微辣 用呢個汁嚟撈飯超正泰式魷魚鍋湯頭係酸辣味 辣得好過癮 魷魚幾新鮮 食落爽脆彈牙 仲有好多索哂湯汁嘅椰菜 好惹味椰汁冰椰奶味香濃 甜度都啱啱好青檸梳打清爽解膩 食完重口味野飲一啖即刻refresh返個味蕾…查看更多

好耐無食過放題啦 收工嚟咗旺角食呢間御滿屋 自選2個鐘都係$298 有77樣野無限任食 壽司 串燒 炸物 燒物 甜品等等都應有盡有 最正係有Häagen-Dazs同Movenpick 而家仲有榴槤可以任食 今次試唔哂d野食決定下次再嚟食過最鍾意大大隻嘅松葉蟹腳同赤蝦 三文魚 油甘魚 帶子等刺身都係厚切 口感軟糯又新鮮魚子醬煙三文魚龍蝦沙律酥皮呢個配搭好有驚喜 酥皮脆卜卜 上面係龍蝦沙律同煙三文魚 面頭仲有魚子醬提升鹹鮮味三文魚腩壽司三文魚腩幾肥美 脂肪分佈靚 魚子醬龍蝦沙律珍寶熟蝦壽司肉質爽彈 龍蝦沙律creamy得嚟唔會膩 加埋魚子醬成件壽司食落好豪華豉椒炒蜆估唔到放題叫炒蜆竟然好出色 蜆肉大隻又無沙 豉椒汁濃郁惹味鐵板鵝肝 鵝肝入口即溶 底下嘅蘋果片可以解到鵝肝嘅膩 完美配搭馬來西亞極品榴槤果肉金黃色 口感好似奶油咁滑 食完成個口都係餘香 超級滿足…查看更多

旺角呢間樓上cafe有成個櫃嘅board game任你揀 款式多到花多眼亂 想搵個地方同朋友gathering呢度真係一流 又有得食又有得玩 香辣虎蝦海鮮意粉 虎蝦幾大隻 肉質緊實 青口 蜆肉 魷魚等海鮮都好新鮮 脆身嘅青椒同洋蔥増加咗口感 個茄醬底調得啱啱好 酸酸甜甜再帶少少辣食落好惹味 煙三文魚意粉忌廉醬汁好creamy 掛滿每一條意粉 食落去好滑好濃郁但又唔會覺得好滯 用料都幾足 煙三文魚唔係得幾片仔 入口帶住淡淡嘅煙熏鹹香 同個忌廉汁好夾 蘑菇同洋蔥煮到軟身 清甜嘅味道完全融入咗個汁裡面 椒鹽雞軟骨 一上枱已經聞到好香椒鹽味 炸到金黃酥脆 越嚼越香果味紅茶 (百香果) 食完d濃味嘢飲返杯熱嘅百香果紅茶夠哂解膩楊枝甘露 芒果味好香甜 仲有紅柚同寒天晶球 咬落去好Q彈…查看更多

夜晚睇完戲經過呢間味吉長龍 原來係石亭同沃川2間同區居酒屋嘅新分店 歷史26年同23年 見到午市套餐幾抵食 決定下次lunch time再嚟試下辛辣香肉慢煮叉燒濃清湯拉麵揀咗醬油湯底 辣醬係另上好貼心 咁就唔洗驚會辣過頭 有4大塊慢煮叉燒 入口好軟淋 仲有炸日本牛蒡條 香荀同溏心蛋鹽味濃清湯蛤蠣拉麵海鹽湯底好清甜 飲到濃濃嘅蜆鮮味 蜆肉大隻得嚟粒粒都漲卜卜好飽滿鮮蟹肉忌廉薯餅一咬開係好澎湃嘅忌廉薯蓉 面頭鋪上蟹籽同蟹肉絲增加口感明太子芝士焗薯角薯角外脆內軟 連埋明太子同拉絲芝士呢個組合好邪惡日本TOMOMASU SODA (白桃)桃味清新 汽泡感十足靜岡綠茶可樂可樂入面帶淡淡綠茶回甘 唔會太甜…查看更多

聽職員講呢間餐廳係新開無耐 但夜晚已經好旺場下 朋友食過之後好推薦佢地嘅小菜 鑊氣十足菠蘿咕嚕肉咕嚕肉炸得好脆口 個甜酸汁調得好好 仲有菠蘿同三色椒好開胃 小菜加$20就有埋飲品同白飯 秘製欖菜肉鬆四季豆四季豆炒得幾乾身 欖菜嘅鹹香同肉鬆嘅惹味完全滲透哂落d豆度 超級送飯鮮蝦腸粉腸粉皮好滑溜 一夾起就見到入面成隻大蝦仁 爽口又彈牙 豉油唔會太鹹 帶少少甜味啱啱好半份酥炸魷魚鬚即叫即炸熱辣辣咁上枱 估唔到半份都已經幾多下 魷魚鬚炸到金黃色 食落外脆內軟一啲都唔韌 半分海蜇八爪魚呢個做前菜超正 海蜇同八爪魚都非常爽脆 海蜇帶少少微辣 愈食愈上癮…查看更多

同朋友終於試咗由大阪開到嚟香港嘅花丸軒啦 由湯底到配料都係高水準幸福拉麵二重奏配溏心蛋叉燒肥瘦適中 入口即溶 豬軟骨炆到好淋好軟糯 軟骨部分完全唔黐牙 同時索滿晒湯汁嘅精華 溏心蛋流心效果都好完美 仲有唔少爽脆嘅筍 醬油豚骨湯底濃而不膩 飲到尾都唔會口渴 仲有淡淡膠質感鰻魚野菜天婦羅蕎麥麵凍蕎麥麵清爽彈牙 啱哂而家熱辣辣嘅天氣食 面頭嘅紫菜絲同天婦羅脆脆令成個口感無咁單調 第一次見鰻魚天婦羅呢個組合緊係要試下 入口外脆內軟而且保留到鰻魚嘅油香 南瓜 茄子同粟米嘅外皮食落一樣咁薄脆 雞軟骨配秘製醬汁即叫即炸熱辣辣 蘸埋秘製醬汁真係忍唔住一粒接一粒…查看更多

想食呢間餐廳嘅甜品好耐啦 估唔到主食一樣有驚喜海老蕃茄豆乳烏冬烏冬煙煙韌韌勁掛汁 海老爽口彈牙 蕃茄嘅天然甜酸味食落好開胃 估唔到豆乳同蕃茄都幾夾嫩雞肉明太子茶漬飯雞肉好嫩滑 連埋明太子再倒埋鰹魚湯撈勻一齊食鮮味十足焙茶生朱古力芭菲生朱古力甜而不膩 焙茶雪糕同焙茶球嘅茶味超濃 加埋忌廉 啫喱同粟米片食落好豐富黑芝麻白玉芭菲芝麻雪糕同黑芝麻球同樣好香濃 白玉軟糯有嚼勁 成杯由頭到尾都係濃濃芝麻香 超滿足抹茶牛奶抹茶同牛奶比例啱啱好 茶味甘醇得嚟唔會苦澀焙茶牛奶黑蜜果凍焙茶比起抹茶多咗份焦香風味 黑蜜果凍增加咗口感 甜度適中…查看更多

同朋友係深水埗試咗呢間餐廳覺得性格比幾高 味道同份量都好有誠意二郎系豚骨湯拉麵 呢款係今期限定 一上枱已經見到一大座蒜山 蒜香完全融入湯頭 夠晒惹味 湯底充滿豚骨嘅香味 入口creamy得嚟又唔會太膩 4塊叉燒份量十足 每塊都肥瘦適中 仲有溏心蛋 爽脆嘅筍 木耳同芽菜增添口感安格斯牛肉丼套餐本身諗住係拉麵店食丼飯應該無咩特別 點知幾有驚喜 牛肉份量好足 肉質軟淋牛味濃 飯粒粒分明 吸收哂牛肉嘅汁 連埋洋蔥同紫菜絲一齊撈飯食超正 呢2款套餐仲奉送炸餃子2隻同汽水添 …查看更多

觀塘工廈呢間串燒店嘅串燒同小食水準幾高 啱哂同朋友嚟食住吹水 九肚魚天婦羅魚肉好嫩 點少少沙律醬更加提鮮流心芝士拉絲豬扒芝士鹹香夾住豬肉 仲要拉埋絲唐揚八爪魚足外脆內彈牙 八爪魚腳夠厚身 咬落去QQ的酒盜安格斯牛小排牛小排肉質軟嫩帶油脂香 配埋上面嘅吞拿魚肝醬 味道層次好豐富燒菠蘿菠蘿燒過後超甜 解膩首選大葉雞皮卷雞皮燒到脆卜卜 入口有紫蘇葉嘅清香 雞橫膈膜好少地方有得食橫膈膜 口感彈牙有嚼勁越式豬肉串食落有咬口但唔會韌 啖啖肉超正而雞軟骨 燒雞排 雞心同雞腎串就正常發揮 調味簡單但好香口 飲品方面叫咗鹹檸七同青檸梳打 呢度嘅鹹檸七係打碎哂成粒鹹檸檬 飲落會有微微甘香…查看更多