ilovehightea的個人專頁

網上見到呢間嘢裝修幾靚，啲嘢食又好似好有heart 咁。mark 低咗要黎試吓。星期五晚黎，隔離食冰嗰間起碼排20人... 呢度滿嘅，但戶外位就冇人坐。今晚唔算好熱，坐咗戶外。但佢棵植物太大啲葉頂住曬坐開邊個人，好心換咗佢啦唔該！職員好有心咁介紹咗個menu 一次，其實好次主打係食佢個豆腐布甸同椰子冰。好多款只係將唔同料(例如茅台，好多人鐘意架咩？！)掉落去襯。個menu 真係靚同有特色。佢個椰子冰其實好吸引，但$128 實在太貴，最後揀個布甸+$10 椰子冰。甜度係適合香港人嘅，因為唔甜，就算我叫焦糖香蕉味都唔會話好甜 😂 佢個豆腐布甸ok 但唔係香/特別好味。加嗰個椰子冰最失望。椰子味唔夠，冰真係仲有冰淨... 同隔離排隊差好遠。如果叫$128 真係會喊。朋友食鴛鴦布甸+椰子冰都有同感。鴛鴦唔夠濃，椰子冰唔夠椰子味...總結：唔洗排長龍試其實係ok 嘅，畢竟打卡係唔錯。但老實講要長做嘅，佢就要提升食物質素啲人先會返黎。家下暫時真係無意欲再返黎。…查看更多

同事話食過幾好食。星期五晚3個walk in 黎食都有位。裏面都幾多檯。招呼好好。帶咗我哋入房坐，同隔離啲人有隔板隔住。冷氣夠。餐牌都好大陸。餐牌好靚，啲相都好靚。煙薰雞：煙薰味好重，雞都滑，味幾好，但雞肉冇咩彈性。土豆絲：食親大陸嘢都會叫呢個，因為好少會整得難食。呢個味都ok，少辣嘅，但太油。糖醋骨：都幾大碟。但完全唔合格。肉好肥兼韌，個汁唔甜唔酸兩頭唔到岸。最大鑊係啲菜。瓜同紅蘿蔔切到勁大舊，勁生又勁大浸草青味。完全好似未煮好咁。癲。唔知咩羹：OK. 有特色。有啲餃子皮粒響裏面。幾多料。唔會太咸。鍋包肉：炸肉有啲酸酸地嘅黃色汁。肉冇乜味。炸得麻麻，食到中段變韌。皮凍：唔知食緊乜。食緊個冇乜味嘅Jelly 咁。最大鑊係個汁都唔好味。唔惹味又唔香。唔知佢想點。蔥油餅：無蔥味。油。硬。急凍舖個台灣蔥油餅都好食過呢個十倍。原本諗住之後叫甜品，但基於以上嘅嘢，就知此地不宜久留。總結：服務好都無用，啲嘢食真係唔掂。竟然冇喊。奇。家下係咪好多東北新移民？！…查看更多

星期日兩個人黎食brunch。原來會展行過黎要落樓梯出大門然後再轉𨋢。座位預期中咁闊落。冷氣好夠。Brunch $888 一位。頭盤3道會俾曬，除非你再加錢食其他嘢，湯二揀一，主菜5揀一，甜品俾曬兩個。包：全餐最好食嘅嘢係呢個洋蔥包。香及重洋蔥味，雖然都油，但係可接受程度。Mozzarella 沙律：好大碟。好大個Mozzarella。但個Mozzarella唔係超好食。裏面比較淋，冇乜彈性。黑松露片Beef Carpaccio: 好大碟。啲牛片好似未解凍得曬...食到有啲冰感... 黑松露片好淡味。炭燒八爪魚：因為佢冇曬青口，就轉咗個八爪魚。幾香炭味，八爪魚唔算好新鮮，但合格。洋蔥湯：幾大碗。芝士厚，偏臭但我鐘意。唔算好油。好味。龍蝦湯：要加錢。幾大碗。有3粒龍蝦肉。香但唔係勁香。牛扒： 好大塊。但真心覺得牛味普通。一般專食牛扒嘅餐廳都食到呢個質素。薯條好大兜，中幼度，炸得剛好，有啲油，但唔係十分好食。磨菇都好大兜。菠菜都好大兜。已經真係好飽。芝士蛋糕：好大舊。唔係好實嗰隻紐約芝士蛋糕。唔係好滑。偏甜。Apple crumble: 大過我塊大面。Crumble 係脆的，幾牛油味嘅。幾甜，唔配佢個雲呢拿雪糕會太甜。佢個雪糕唔甜，係比較light 嗰隻。服務好好嘅。美式服務。成日黎關心你嗰啲。總結：如果你好大食，呢度真係啱曬你。如果你只係正常食量，未去到個扒就已經飽咗。唔識欣賞點解一間五星酒店要整間大件夾抵食嘅餐廳。我太細食去返食精緻嘢啱啲。…查看更多

平日夜晚黎，完全唔洗等。粉麵店黎講，座位唔錯。光猛乾淨。四寶撈粗：料非常足。麵彈牙，但覺得太咸，一定要撈啲湯食。魚蛋係新鮮唔彈嗰隻，但魚味幾出。黑椒牛丸好夠味，幾好味，大小亦剛好，但食到一粒細硬嘢(懷疑係骨)。牛腩竟然麻麻，肉都幾鞋。雲吞普通，雖然皮靚，但太淋。魚片頭正常。熱檸茶：係港式，但唔係極濃，反而鐘意，因為極濃會鞋口。總結：想去個粉麵店坐得舒服啲嘅，又唔貴嘅，呢間可以考慮，但一般就唔會專登黎食。…查看更多

今晚冇之前咁熱，決定食拉麵！發現中環有新嘢+東京有的+唔洗爬好耐山，即刻去！嘩...星期五晚竟然一個客都冇！新得滯定個市真係咁差？！裏面其實都唔細，個裝修幾高級，啲用料幾靚。大部分係坐bar 檯高櫈。啲冷氣好勁。可能得我一個人，好好招呼，雖然我就唔太需要嘅。俾我見到廚房有人食煙喎... 好在就唔係對住個爐食嘅😂 貼住個度門食啫。等咗一輪見廚師冇郁，淨係見佢用細煲煲緊湯。唔知咩事。原來餃子係裏面廚房整出黎。上曬餃子個麵先會到。餃子有4隻。餡唔算多，但個皮係恰到好處嘅薄。上面塊kimchi 估唔到幾好味，同個餃子好夾，結果完全冇點過醋。佢俾咗幾塊煙薰大根我試吓。幾香煙薰味。好味又爽口，唔錯。N年豚骨拉麵(幼麵): 估唔到咁多種配料！南瓜片好似係第一次食拉麵見到，原來都襯喎！個湯底浸味好熟悉，令我諗起出前一丁豬骨濃湯麵個湯底🤣 但佢好在唔油，濃味得黎又唔杰，佢個麵又唔係滑潺潺嗰隻，食得好舒服。豚肉得兩細薄塊，都肥嘅。雞卷我唔欣賞，覺得同個豬骨湯底唔夾。隻雲吞皮薄餡靚，本身係好味嘅，但我覺得都係同個豬骨湯底唔夾。隻蛋香嘅，但出奇地淋，係個蛋白淋。總結：呢個價錢我覺得幾好喎。想食清少少嘅豬骨時可以encore。…查看更多

發現雖然飲食業低谷，但台式邊爐任食都繼續好旺場，so far 覺得牛站>牛大人，呢間新賣點係有鮮芋鮮嘅芋圓任攞🤣 食sukiyaki 先有日本A5和牛點。其他嘅係澳洲。所以食sukiyaki. 另外佢仲有無限時餐，貴～兩舊。比起牛站，好啲嘅位係：1. 有sukiyaki. Staff 幫你用牛油開鍋.2. 環境好啲，座位舒服啲，無咁逼無咁嘈。3. 牛質素高啲，切得亦好啲4. 芋圓寒天仙草嗰堆嘢自𢳂係好食啲。有豆腐花自𢳂。5. 有台式小食，部分仲要真係幾好食，例如鹽酥雞。比起牛站，差啲嘅位係：1. 個sukiyaki 佢整第一轉已經放勁多水落去。由頭到尾都係sukiyaki 湯底邊爐。2. 嘢飲選擇少，佢自製的茶淡如水。3. 自己去攞嘅菜&餸選擇較少。水蓮要叫先有。極度孤寒，叫咗幾次一份嘅份量仲細過手指尾。4. 漏單幾次5. 雪糕淨得3隻haagen daz 自𢳂。另外有本地牌嘅細粒雪米滋都幾難食吓。總結：如果重點食牛，又想坐得舒服啲，呢度好啲。牛站就啱要多嘢揀同成班人嘈住黎食。…查看更多

見佢無喊就book星期六晚食。間嘢裝修雖然唔係特靚，但好新。檯櫈都正常size，甚至叫做大。但同隔離檯嘅距離就麻麻。鐘意佢餐牌，因為我有選擇困難症，清晰有基本嘢+少少特別嘢就最好。刺身拼盤(白身魚): 7種魚都好新鮮。有幾款白身魚直情濃味兼好味。反而最濃嘅吞拿魚麻麻。串燒拼盤：同師傅講咗唔食內臟。任佢燒俾我哋。免治雞肉串好好味，完全唔鞋，點蛋勁好味。雞肉串有啲鞋。整體上啲味較得好好，唔會太咸，尤其隻雞翼，真係皮脆肉嫩。之後加咗兩隻雞翼。Carbonara 烏冬：個味又係調較得好好，烏冬扁身好滑，但個汁可以再杰少少。Book 時寫限時2粒鐘。超時冇人等，佢係無趕我哋走嘅。我竟然要講呢樣嘢出黎，講出黎都有啲悲哀。總結：如果冇開支酒，$350 一位。少貴. 但嘢食好味。…查看更多

平日夜晚3個人黎。估唔到咁多人。然後先知原來冇耐前電視介紹過佢。唔怪得。3人坐2人圓檯，好彩張檯唔係好細。都可以接受。檯距都有啲窄。蒸粉包：Ok. 幾大舊，但皮厚，料都ok 多。春卷：比較幼，但炸得幾好，生菜新鮮程度可接受。串燒：幾大串。燒得唔錯。雞好食過豬，豬比較肥。沙嗲醬可以但唔夠香。燒烏頭：有啲失望因為雖然肉滑，但唔香，味亦唔夠。蟹肉海鮮炒飯：呢個最好食。好香同都多蟹肉。服務普通。水要嗌先出現/斟。不過是日係爆場嘅。總結：呢個價位覺得都OK啦。…查看更多

親戚請食飯。成圍。親戚本身識個部長。部長之前響連鎖酒樓做。之前食過一次覺得佢啲嘢都真係唔錯。去間嘢要上十幾級樓梯。入到去啲裝修有啲渣，地下有啲濕(但當日係潮濕嘅) 但有游水海鮮缸。食兩次都覺得佢蒸魚真好食，佢真係蒸到啱啱好，啲魚肉滑到呢！只需落好少豉油已經好好味。食咗條杉斑同瓜子都好味。另外就係個咕嚕肉！真係脆皮！唔洗汁都好味嗰嘢癲！我食咗起碼十舊😂當晚仲發現，佢個豉油皇炒麵都好正！食到麵時已經好飽！但都竟然覺得好食，所以真係好食！麵好幼但彈牙，足料，唔會太油，但唔係重豉油味嗰隻。當晚唯一覺得差啲嘅就係龍蝦，因為啲肉唔彈牙，雖然個汁做得好好，配煎米底好夾。總結：嘢食係好食嘅，但抵唔抵食就唔知。…查看更多

平日突然約食飯，去到想食嘅餐廳竟然全爆，又話飲食業寒冬？！似乎係唔好食嘅就寒冬喎. 但呢度就得另外一檯客。裝修就靚嘅，位都舒服，檯唔細。青醬意粉：個樣好靚仔，又有幾塊牛油果。但廚師你係咪無落鹽？成碟嘢冇味嘅？！又唔香，唔知想點！朋友食都問點解可以無味成咁。龍蝦意粉：呢個ok。都香，隻龍蝦正常size。叉燒飯：朋友話之前食過好味。個飯係好味。但叉燒我試嗰舊麻麻咋喎，鞋喎，但主要食嗰個覺得ok.間舖最大鑊係serve 個𡃁仔。完全十問九唔應。問佢攞多隻碟，完全唔應人就走咗去，佢有返黎俾嘅，但講句"好"都咁難咩？之後放低嘢食又唔俾餐具，走咗去就攞個電話死蛇爛鱔咁趴響bar 檯碌電話，要我自己去攞，佢同事見到都頂佢唔順，幫佢做埋佢嗰份。真係好痴線。大佬做茶記都冇咁嘅態度啦。唔想返工唔好返啦！返去躺平啦你！總結：唔係好掂。你換過個staff 佢啦。…查看更多

幾個月前見到網上有人介紹呢度，開場白係香港飲食業真係好大鑊，呢度完全冇人！佢去嗰時呢間酒店啱啱開，又無乜宣傳，佢食lunch，冇人其實都唔奇。星期六晚終於試咗。Semi buffet。睇你主菜食乜，$300~600都有。匯豐卡有85折。都係冇乜人！真係慘烈。但我就當然開心，因為唔嘈，啲嘢又可以放去隔離張櫈😂座位真係幾舒服，啲檯都闊落，同其他檯嘅距離都OK.自助餐部分算少嘢食。有壽司，冇刺身，冇凍海鮮。Salad bar 幾多選擇，最重要係都撈得好食嘅。甜品得西式得5款。中式得紅豆沙，但比較水。最失望係冇雪糕。不過啲生果好味！咖啡正。主菜就個牛扒就普通，個人覺得汁太多，如放一邊會好啲。韓式牛勒條原來唔係好多醬嗰隻，但啲醬做到幾好味，少辣同配飯，但啲牛比較肥，所以其實唔多肉食。總結：嘢食選擇唔多但質素Ok. 但坐得舒服兼冇乜人！我哋坐到差唔多九點九先走，冇人黎趕我哋。…查看更多

首先利申我響歐洲住過，土耳其人多，可能咁已有既定形象覺得kebab 應該係點樣。其實我都係openrice見到啲笑幾多先試吓，畢竟覺得Ebz 嗰間連鎖都只係麻麻哋，有時啲肉都幾鞋。叫咗個mix kebab wrap. 黎到望望已經懷疑麻麻，啲色好淺。食落...個皮係咩黎😑 春卷皮咁薄得黎又粉嘅...想點...佢菜係夠嘅，菜係脆嘅，但肉又唔知做咩，一堆肉碎咁，究竟我係咪食緊burger 呀肉丸呀嗰啲？！中途仲有舊肉係凍嘅。雖然我成9點先黎食，但你刪1點架喎...間嘢唯一好就係乾淨光猛。…查看更多

星期五晚差唔多九點先黎食。唔洗等。入到去發現氣氛好歡樂。光猛乾淨。員工好笑容同nice。有啲驚喜。幸福二重奏配蛋：樣好靚仔。湯又濃又香，但真係好多肥膏浮浮吓。麵好彈牙，蛋好香，熟度完全剛剛好，荀都好味唔會勁重酒味，唔會有渣。叉燒非常香但好薄，但比其他拉麵舖細塊。最估唔到係我食條豬軟骨裏面啲軟骨雖然滑同香，但啲肉係鞋的。都幾鞋吓添。Fail！成碗食曬到夜晚十二點都覺得好滯，因為真係肥。家下冬天OK 嘅，但夏天真係唔會想食啲咁肥膩嘅拉麵。總結：相信重口味人士會好鐘意呢個麵。個肉鞋對我黎講其實唔係大問題，因為我食拉麵主要食個湯、麵同蛋。但個湯對我黎講實在太多肥膏，相信下次都至少一年後。…查看更多

首先想講清楚，呢度唔係佢講嘅"無限時"任食。佢9點幾已經last order，晏晝亦有落場時間，絕對唔係旺角嗰間真無限時。我同朋友分別開舖無耐黎過三次，最近嗰次係我九月黎過。兩個都覺得好正，啲牛又香又滑真和牛質素，所以近排轉凍就約埋黎。黎到發現餐牌轉咗，開始心知不妙。叫咗600幾嗰個。啲牛完全唔係之前嗰啲貨式，家下唔香唔滑無牛味兼韌... 極度失望！又少一間香港餐廳可以食！佢其他嘢係keep 到嘅。天婦羅啲漿好薄，炸得好。蕃薯好甜。魚生好新鮮，甚至新鮮過部分酒店自助餐。甜品都好食，係個芝蔴雪糕比較鞋。服務都ok 嘅。啲staff 好有禮貌，但冇主動換鍋。燶曬要叫先換。總結：呢個貴價主要黎食牛，啲牛唔掂，冇可能會返黎。…查看更多

入黎東涌專登搵間出面無嘅黎試試，仲要米芝蓮推介，應該唔會差得去邊。因為係平日下午黎，等咗5分鐘就有得攞。啲粉又鞋又粉又淋的... 個"湯"就粉湯黎。料係豬皮/肥膏但又唔係香。最好食係啲榨菜，唔會太咸或個味太激動。食咗半碗放棄咗。唔明點解呢換嘢要40蚊。XO 醬炒蘿蔔糕炒得幾好，份量幾足。都幾多料，蝦米亦見到唔少，不過都幾多油。食食吓浸落碗粉個"湯"度去下油...估唔到都ok，個皮都冇話淋同甩 XD總結：食個炒蘿蔔糕。怕油可能唔叫XO 醬會好啲。…查看更多