關人忍士的个人专页

由於收工遲,所以去到時,蒜泥白肉,口水雞都已沽清!所以只叫了,酸辣粉、北川涼粉、麻辣牛肉及夫妻肺片!不過本身不吃得辣,所以就算小辣,我也已經,,,,,,噴火咁濟!幾時都話,好食既野吾需講太多,由其係呢處,幾句攪掂:好香、好辣、好麻、好味道、正!不過吾知是否麻辣牛肉需要撈勻,呢味多左個好鹹!不過都會返去再試其他野!…查看更多

呢家是新接手的,之前的已幫襯過幾次,薄餅跟旺角的新疆回族薄餅差不多,今午去試下新的手勢!去到見佢地食飯時間都無客,覺得奇怪,原來大熱天時吾開冷氣,咁咪等於打邊爐無冷氣,真係搵鬼堂食,所以叫了外賣~咖哩羊肉套餐..再加薄餅二件!套餐跟飯同餐茶$30,價錢算OK!開始進餐,可能我是他們的第一個客,打開個飯盒,想咖哩撈飯,點知睇見D飯一粒粒,又有D一舊舊,又吾熱,已心知不妙,試後真係冷飯(格夜),估吾到今時今日仲有人咁做,真係當D客傻既!心想算啦,仲有薄餅,...點知!食落件餅竟然硬掘掘,又係吾新鮮既!如果新鮮D餅是鬆軟..帶小小脆家嘛!真是豈有此理!至於咖哩羊..羊肉算"林",但咖哩就死辣,而且油太多,並無香味可言!唯一可讚的是杯拉茶,香..滑..OK!其他都不值一提!如果大家要試,最好下午後才去,等D格夜食品沽清,咁...你就有新鮮的啊!…查看更多

之前外賣過烤餅,今晚不知食咩好,想起了烤餅,就去了堂食...不外賣了!叫了個三人套餐:五香雞扒,任選三道菜,二件烤餅,白飯,飲品及餐湯!$229.價錢算OK簡評:五味雞...小辣口感不錯算OK但只得幾"舊"仔,份量很少!;選了咖喱蝦及咖喱羊,羊較好,蝦偏太細隻,炒雜菜算最差的一味,最好的算是烤餅,之後我地仲ORDER左幾件不同味烤餅!整體我個人覺得比不上重慶上的咖喱,因兩道菜,咖喱羊及咖喱蝦,兩種味一樣只是料不同,而我在重慶如果叫四樣菜,佢地可以有四種不同的咖喱,而且味道都比這種的濃及好味道!至於服務也很差....就好似我的小朋友整跌左支叉落地,個侍應在旁邊見倒都吾幫我地更換,要我地開口至換,呢D咪叫做吾識自做自覺囉!地方又太細太迫,下次都係外賣算了!…查看更多

今日午餐選擇左今葉子,成日行過都無機會,今日終於可以一試!set lunch約無套$40,加$12多一份小食,如雞翼,炸蝦餅,炒菜等,和同一集團竹屋的形式一樣!叫了個海南雞飯午餐,+雞翼,香茅豬扒+炒菜!先睇賣相..不錯,食落也相當不俗..肉滑、嫩、有雞味,再加上油飯配合,有小準....好味!但香茅豬扒就相反,印象中香茅豬扒應是乾身,無汁,而且有很重的香茅味,但這裡的有很大pat汁住d豬扒,而d醬汁又很鹹,豬扒略硬,一句,...吾掂!但最吾掂係呢處d服務,全程除左上菜,就無人理你,如加水,收碟,....更加吾好想會有人幫你換碟呀!我睇番d post話有甜品送,但我地無囉,仲無問過tin!…查看更多

啊!原來堂記星期日是不開的,難怪上次摸門釘!因人多無位所以叫了外賣,回家慢慢嘆!兩碗鴨腎菜干豬骨粥,想叫燒鴨腸,但因賣晒,所以叫了叉燒蝦腸!先試腸粉:蝦及叉燒平均分布,腸粉可算是滑,但反而入面d料先至係波!蝦很爽口,口感不錯!不知是否經過蒸焗(新鮮出爐),叉燒粒比燒臘店賣的叉燒飯還要香,真是奇怪...!再說鴨腎菜干豬骨粥,碗內充斥菜干,鴨肉肉碎等材料!菜干及陳腎本應是很搶味的食才,但堂記把各材料的味道都調得很均衡,水準不錯!p.s.:兩碗粥加腸粉都只不過是$45...低食!…查看更多

之前朋友推薦過,一路無時間嚟試,上次想嚟又排晒隊,被迫放棄,今次醒喇....5點鐘就嚟囉位,今次終於可以一試!之前睇過D POST,話碟碟$50,但今日是7月,依家碟碟係50有2呀!即係加左2蚊價! 由於時間過早及人數不多,所以只"輕試"幾道菜1)頭抽浸米鴨(半隻),肉質嫩滑,頭抽味較用滷水味為鮮!(2)盆菜豬肉,有點像梅菜扣肉,當然是無梅菜,不過佢用竽頭墊低,加埋D醬汁,肉淋,OK 啦!(3)梅子面醬烏頭魚(一條),呢碟一放低,仲以為佢好辣,因顏色紅紅地,試後原來一點都不辣,而且兩種醬料加起來,味道確實不錯!(4)麵醬油麥菜(5)蒸饅頭10個 總括而言:味道算不錯,而服務也不像其他大哥大姐說的差!佢標榜是圍村菜,而味道也確實與一般中菜或酒樓有別!不過今次試菜不多,待我下次叫多幾味,試真D,再下結論! P.S.:記得食埋個糖水至走呀....碗紅豆沙不錯架!…查看更多

昨晚食完土瓜灣鴻福火鍋,本想去九龍灣大榮華,點知六點已經大排長龍!....唯有走之!老婆建議去番老坑!咁就決定番兜老坑火鍋!因上週至來過,,,但佢話難忘個招牌鍋底喎!? 咪就係蕃茄蟹鍋囉!講真真係幾好味,,,,但上次食完我飲了六大杯水,即是話鍋內有很多味精!?不過老婆話去,吾通吾聽咩! 今次都係蕃茄蟹湯底,韮菜餃,四寶丸,珊瑚蚌,肥牛,什菜,和煲仔飯(雞)!今次和上週竟然會有小小分別,湯底的蟹竟然比上次大隻而且肉質很好,真正肥大肉厚!二.湯底比上次小味精,(因到現在02:30.AM我也不飲了很多水),而肥牛及四寶丸也比上週新鮮!而新鮮就是打邊爐的一切,其他都不用多說! 而今次加了一煲煲仔飯,大大煲份量夠,飯的水份洽到好處,加埋醬油...正! P.S:埋單$595…查看更多

數年前來過已很久沒來.昨晚跟同事一行六人跑去落山道鴻福火鍋讓他們試下火鍋加BBQ!在網上已看過環境,所以他們也沒什麼要求,都是跟想像中一樣的...差!鱘龍魚湯底賣晒,亦沒有魔鬼魚湯底,我們只好叫了鯊魚骨湯底,另外開一個爐BBQ,兩者皆是炭爐!先來雞軟骨,手切肥牛,大蜆,四寶丸,鱔圈,獅庵,大頭蝦,雞翼,香腸,魚春,魚扣,鴕鳥肉,鵝腸,白菜仔,珊瑚蚌!如果比較火鍋/BBQ邊樣食物較好...?我會說是BBQ..因用BBQ去燒海鮮類:如大蜆,鱔圈,大蝦等味道及鮮味較佳!其他則可算是無什麼特別,只屬一般貨色!再說到火鍋,好老實講可以話完全吾掂!好像鴕鳥肉..外出普遍是鮮紅色的,但這裡的是好像剛在雪櫃取出而且又雪了很久似的,完全無色彩,獅庵,我地燒又試過放下鍋又試過,總是不打開的,店員話是打不開的,"我話吾新鮮至呱",佢又話新鮮..新鮮請放心!佢真係吾知我係潮州人,細細個就見老爸食獅庵,只要用水"陸"一陣,自自然然會打開,而裡面都係紅紅地就一口食了它...呢D就叫新鮮!(當然依家吾可以更食,因有肝炎菌),.點似佢咁話"死都吾開蓋喎"咁叫新鮮!再講果碟鵝腸,一放低在桌上,我而經即刻掉埋一邊,點解?因肥到離晒大譜,邊有可能咁肥,全部脂肪,我又問伙計,佢又話係咁肥,寫明是肥鵝腸,我睇菜譜都無寫,如寫了肥鵝腸,我一定不ORDER!其他配料只是交行貨,但都屬較差的貨,總之一句.....吾掂!但最大問題是大熱天時吃炭爐火鍋加BBQ遇到一間冷氣不夠的....實在辛苦極了,回家後仲要成身炭味!相對幾年前來過,果陣時D配料好很多,就像此網頁的二編專訪一樣配料新鮮,但現在卻不是!P.S.:呢餐仲要收$1100…查看更多

第二次來,今次一行7人,由於是我推介黎食飯,當然吾衰得!雖然是7人,但只叫了幾道菜,主角:燒鵝全隻:一條伙計話正過東星既班,兩碟炒菜:一個湯!先講燒鵝皮脆肉嫩,.剛出爐...好味!至於蒸魚方面,上次試過蒸魚有水準,所以今次叫條正D既,果然無失望,火喉剛好,醬油味道適中,加埋條魚新鮮,簡直無得彈!炒菜....仿似回到以前大排檔...夠鍋氣!個個都話好過沙田龍X好多!(因上星期去沙田龍X,個個彈都飛起),算補回上次的失望!…查看更多

睇過咁多大哥大姐推介,上星期日終於一試!都係兩大兩細去...大開食界!湯底當然是蕃茄蟹湯,餐前小食~雞腳,四寶丸,水餃,珊瑚蚌,肥牛,氣管兩溝(忘記咩氣管),牛腳根拼魚(吾記得咩魚_見圖)!好老實講,呢家香港大多數既火鍋店食物一定新鮮,呢到都係一樣,所以不再形容!我想講是...此店可能是家庭式,服務比一般店好.因我地點了些以前未食過的,如什麼喉嚨,脚根....啊!開始左無幾耐...老闆娘就過來教我們吃的先後次序,每樣食物所需時間等!非常細心!而湯底真是成也湯底,敗也湯底!何解!?讚~服務和食物都可說是水準之上,而且同價錢的食物可以兩溝,呢樣真係小有,即是話如果叫四碟 ,兩溝後等如是八種食物!彈~上面講過成也湯底,敗也湯底!何解!? 因為是蕃茄蟹湯,所以湯底很鮮甜,也因鮮甜我和太太喝了超過四碗仔湯(因沒太多肉,所以湯沒什麼油),也因呢四碗仔湯,我和太太回家後每人飲了超過五杯水,即是話湯內有很多味精!此乃敗筆處!如果不是有大量味精,呢餐會很完美!…查看更多

去圓方睇完戲,本來想去堂記食腸粉,點知咁岩無開!咁就去左附近的添記法式三文治.剛到場,已經有客在等,等了約10分鐘,終於到我order,其實佢無得好似subway咁有得選咩配料,只有法包(大)$38,細$20,蒜茸包$5!我就叫了每樣一份!即場睇住老闆"開包",放各款碎肉在包內,當中有一樣是肝片(雞或豬肝,小心健康各位),然後放入焗爐焗約10分鐘,出爐後再放入蕃茄,紅蘿蔔,青瓜等,再加小小胡椒粉和鮮露即可!過我手已急不及待咬了一大口......!..正...!真是未試過咁鬆脆法國包!好味道!後記:讚~即焗即食,包當然鬆脆可口!蒜茸包都幾好味....當然啦都係襯熱食嘛! 彈~制作比想像中簡陋,此終只用手而無用手套,收錢和做包是同一個人! 食品配料應該可以多d選擇! …查看更多

某一夜...留下兩位小朋友在家(當然有賓賓啦)...自已和太太偷得浮生半晚閒,出去打邊爐!選擇了尖沙咀的譚漁頭九點後$128/位的任食火鍋! 選了麻辣及清湯的鴛鴦湯底,跟住就開始發動攻勢!我地主攻鴕鳥肉及珊瑚蚌,兩者皆很新鮮,再叫了一些丸,..,菜呀...等等,...當晚真是抱住個肚歸家! 總結:需然食物不是有太多選擇,而我地兩口子已覺足夠,而且最重要是食物新鮮!而我想讚的是,$128/位,在埋單前我想起碼是$400左右呱,因湯底,2罐汽水,加一等等!,,,,農夫有支歌都唱啦....人頭費$79...埋單點解每人要比兩舊($200)!......但最終是三舊有找(是$280)...! 中式酒家竟然無加一,無茶芥,無花生費,仲無湯底費,大家仲想點??其實大家應該鼓吹呢個風氣!吾好比d酒樓酒家濫收費用!試過有間任食火鍋,話每位$39,最後咪每人$150!…查看更多

如果大家都在香港出生,相信細個果時都會去過龍華!依家個個大晒,間中也會一家人一齊去回味,算是集體回憶吧!然而每次光顧後,大家總有莫名的感覺,(點解好似又差左既),而每次總會跟住講一句,....(下次都係吾好攪喇!) 講完之後,下年又會抱住一種態度,....(今年應該好d呱...不如去多次啦!).....^^"!點知今年仲大劑,因未試過一行8人一齊去,咁比錢果位話叫套餐,果個套餐好似約為仟多元,但成個套餐真是無啖好食,只有乳鴿及豆腐花可以話ok!而且d服務應真差,!如果吾係歷史悠久,肯定無人幫襯! 成千元既套餐,炒碟菜仲差過我賓賓.....再加上有隻(賓)到無可再(賓)的碟...你話點去!(見相)!.....呵..仲有一樣果處有很多雜費,肯定比你遇期多佰幾元! 如果大家去幫襯,最好淨叫乳鴿,加窩粥,便夠...可能你會食得開心點!^^ …查看更多

一家四口釣完魚,記得附近有間西沙茶座,即管走去試試!叫左8道菜如下: (1)菠蘿焗飯$85 (2)雜錦拼盆(細)$68 (3)印度蒜茸烤餅$36 (4)印度薯茸烤餅$36 (5)北印度咖哩羊肉$85 (6)鹹魚炒椰菜苗$64 (7)粉絲炒蝦$77 (8)碳燒泰皇雞(半隻)$85 白飯一個,(用來送咖哩) 加一後$602.80簡評:雜錦拼盆:粉絲炒蝦:菠蘿焗飯..只屬一般菜式! 椰菜苗可以一試..但偏鹹! 咖哩羊肉..咖哩味濃..羊肉夠(淋)..OK! 兩款焗餅..也是一般,睇住佢做,當然(新鮮),但價錢竟然可和山頂-峰景餐廳比,..勁! 最好味算是泰皇雞-烤得不錯,肉質漱滑,好味!…查看更多