puiyungli的個人專頁

麵包狂粉又嚟啦一次過滿足媽媽兩個願望帶完佢飲茶，再帶埋佢買包包🤣Friendship market近排出咗啲新口味今次行過嚟到尖東呢間分店睇睇有咩唔同開心果鬆鬆酥見佢個樣少少其貌不揚，但好多人買跟風！返屋企切開嚟試味，果然有驚喜粒粒果仁好足料甜度香味十足放落氣炸鍋微熱20秒 香噴噴一盒有四個次次嚟親都一定要買拉絲芝士包個人最鍾意佢哋Fresh fresh bakery嘅麻糬麵包仔系列一袋有五個 方便分享 而且佢哋入邊嘅麻糬軟糯放過夜都唔會硬今次見佢出咗香蔥芝士麻糬包 又幾夾喎衰鬼仲有上次食完要encore嘅QQ布甸麻糬去到五點做緊優惠買三送一買咗一盒四個 包裝好靚😚伯爵茶味勁有驚喜茶味香濃甜得來又唔會太甜😂細細一個 布甸滑溜😋😋😋新出咗甜品杯有荔枝同埋白桃味奶凍香滑 水果啫喱層清爽最下嗰層係海棉蛋糕包裝企理唔會食到好論盡繼續都係媽媽心目中，我最喜愛新式麵包舖之一🤪#香港手信 #香港伴手礼 #香港面包 #简品堂 #friendshipmarket #香港吃喝玩乐"…查看更多

帶媽媽去佢最鍾意嘅一盅兩件縱然生活工作忙碌密不透風但偶然抽空同屋企人飲啖茶食個包吹吓水也是必須屋企人追求CP值高大件夾抵食環境乾淨企理就得今次book mark咗太子呢間平時行過路過既點心點心專門店同我屋企嘅飲茶界senior去點評下🤪一入去2:30但已經坐滿九成 大家氣氛熱絡感覺好多都係熟客平時聚腳店同員工有傾有笑樂也融融一坐低媽咪已經好興奮，話一定要食糯米包🤣佢話而家好少地方有糯米包 平時要自己喺屋企整然後又話見到隔籬枱阿叔食既腸粉好正見到佢開開心心就好啦今次我哋一行二人食咗好多嘢，樣樣都想叫🤣🤣1） 棉花雞- 呢度嘅魚肚質感好好，絕對唔係豬皮級數，而且有厚度滑身索汁😏雞食得出用咗靚雞，雞肉嫩滑新鮮！成個display好好，仲有蟲草花襯托起！2）香芒炸蝦卷-炸蝦卷不得不提，入邊嘅蝦好爽彈，新鮮，配搭芒果中和油膩感，而且外皮香脆可口3）雪山叉燒包-皮薄餡靚叉燒包，新鮮熱辣嗰種感覺要即食！4）蜜汁叉燒腸-餡料足料，腸粉嫩滑，配搭秘製XO醬！👍5）蜆介鯪魚球-一份四粒大大粒，平時覺得啲蜆蚧總係好鹹，不過佢呢度做到少少帶甜，空口食咗一舊都唔怕6） 臘味糯米包-媽咪最愛，一放低自己拍咗一個，唔係成日有得食，足料好味7）蒜蓉墨魚頭- 墨魚頭嘅感覺比鮮魷好好多，口感彈牙新鮮，配上朔晒汁嘅蒜蓉粉絲，掂8）金牌蝦餃王-一行二人有得叫兩粒，名副其實嘅一盅兩件，用料大方入邊有成三四隻蝦，而且好爽彈，鮮蝦系列勁推9）蟹籽燒賣王-燒賣王亦都冇遜色，入邊都係有大大粒蝦，一盅兩件，讚！茶位$6位，點心質素確係唔錯，性價比高，樣樣都大大件，好多回頭客，平民美食之選👍👍…查看更多

隔住個mon都聞到香噴噴令人回味既牛扒😍喺香港第一次食石燒牛估唔到成件事咁和味咁好玩有屋企人喺日本返咗嚟屋企冇乜邊個人食牛我哋兩個係牛扒愛好者！一於搵間石燒牛試試佢有附近街坊朋友食過覺得好食推介就搵機會過嚟試吓佢入到餐廳冷氣都足夠唔會話因為大家食燒牛所以油煙好大好老實呢方面我好注重食完唔會成身都係油煙味餐廳大概有30個位左右環境都闊落 唔會覺得好壓迫我哋每人叫咗一份石燒牛再加$38/48/58套餐1️⃣美國安格斯封門柳配鵝肝$238-呢一款上嚟係一大塊鎖住肉汁燒到咁上下自己再切牛肉味比較濃 肉質比較冧 肉質豐富再加上香草牛油 嗰個香味不得了鵝肝肥美都大件 我哋一分為四淺嘗外脆內軟 油香十足2️⃣厚切美國平鐵牛扒$168-呢款係12安士，份量會再多啲上枱已經分割好咁上下就自己再調味加鹽食起嚟會再方便一啲 肉質唔錯亦唔會太肥 每一口都係滿足我哋加上蒜蓉牛油又係香到不得了！加錢轉套餐基本配備有是日餐湯，沙律或薯條或意粉，同埋餐飲佢哋嘅特大杯餐飲一上枱，嚇一嚇我圖入邊可以見到個分別建議大家不妨叫返杯特大杯感覺好爽🤣🤣🤣🤣🤣配菜同餐湯都唔錯薯條新鮮，每一條都脆卜卜熱辣辣沙律菜配搭牛扒會比較清新罪惡感冇咁大所以我哋就會叫咗一份服務態度👍雖然餐廳主要一兩個侍應但上菜時間好快手唔使等好耐 唔會落空亦係一個傾偈嘅好地方！#石燒牛 #牛扒 #荃灣美食 #封門柳 #平鐵牛扒…查看更多

荃灣商廈cp值高有格調意大利西餐廳🍽️岩哂happy hour同朋友同事嚟飲杯嘢🥂La Mensa Grill & Bar (荃灣)地址: 香港荃灣楊屋道88號Plaza 88地下5-7號舖電話: +852 28030310上次嚟呢度同朋友happy hour飲咗兩杯覺得個vibe幾好嗱不過入到嚟要講英文㗎😂無意中見到佢嘅餐點都好抵食同埋好大份今次搵到機會過嚟食個dinner睇睇一行二人我哋叫咗一個沙律一份主菜一個甜品兩杯嘢飲1️⃣香蒜雞肉沙律-千祈唔好睇小沙律嘅份量，佢係一個可以食得飽嘅沙律，啱晒要keep fit但係又要外食既大家，上邊嘅雞肉亦唔會嚡口仲幾嫩，調味足夠，唔會太油，建議健康好味之選！2️⃣燒烤豬肋骨半份- 呢個份量一上嚟都嚇親咗，因為明明叫咗半份，但嚟到覺得都好大份，好老實我唔係好鍾意星期二露比嗰款，因為覺得冇乜肉感又乾，呢款嚟講好似食緊扒咁，係可以切得開口感彈牙多汁，又唔會食咗個空虛，一人最少切到三大條，配菜有薯條同沙律！3️⃣朱古力心太軟配朱古力雪糕-1上嚟有啲驚喜，店家好好，自製咗個甜品拼盤俾我哋，但明明淨係叫咗心太軟，可以試埋佢哋最signature嘅Tiramisu. 酒味濃郁但唔會太Over，口感細滑，而且係一件食落會好滿足嘅甜品，另外心太軟亦不負眾望，朱古力味濃，唔會太甜配埋隔離嘅朱古力雪糕，雙重滿足！4️⃣牛油果奶昔- 呢個整得好靚，上層嘅奶味會出啲，牛油果味有少少沉澱左落個底建議攪拌飲用，但望落去都係賞心悅目嘅一杯飲品！5️⃣薑汁汽水-呢個就正常發揮埋單人均$250呢個環境食物質素坐落舒舒服服唔會有壓迫感啱大家嚟chill 一chill#lamensa #bar #荃灣美食 #意大利餐廳 #happyhour…查看更多

二人沉醉雞煲套餐份量十足亦有兩個醉小食配搭係搣咗蝦殼嘅醉蝦同埋花甲🥰喺套餐入邊嘅項目都係誠意之作湯底濃味得來感覺好養生建議跟足指示加完雞滾起嘅時候先飲半碗會感覺暖笠笠雞件有半隻 雞非常嫩滑可口唔會太肥佢嘅墨魚滑同蝦滑非常新鮮彈牙二人份量亦足夠豬肉片新鮮口感唔錯蔬菜拼盤係娃娃菜同金菇佢嘅手工韭菜餃亦飽滿調味十足同一個碗入邊有四粒黑芝麻湯圓記得唔好咁早落🤣另外佢每人有一set米線份量十足飽飽🥰🥰另外要大贊佢哋嘅麻辣秘製醬，好好味！真係講緊乜嘢都要點點佢用嚟撈米線又得😝#杞醉 #howdrunk #荔枝角美食 #火鍋外賣 #良心小店…查看更多

一間好得意嘅西式快餐店有齊我鍾意嘅燒雞同Fish and chips 一入舖頭嘅裝潢有啲搞鬼舖頭你會發掘到唔同角落都有唔同既公雞公仔佢哋亦係識魚之人牆上有唔同魚嘅掛畫🤣入到嚟會有一種從容不迫既感覺Chill chill地今次同朋友叫咗佢哋嘅set lunch第一次嚟試咗佢哋嘅主打燒雞同Fish and chips燒雞餐係半隻自家燒雞配薯蓉或者薯條我哋揀咗佢嘅薯蓉 係舖頭秘製嘅份量亦足夠食落滿足細滑濃稠雞肉唔會太乾 而且雞皮外脆內嫩多汁調味入味但唔會過鹹過淡另外Fish and chips叫咗本地sea bass 炸魚脆漿唔會太油膩 炸得適中魚肉亦唔會乾 配上秘製嘅醬汁👍店員亦親自介紹係本地新鮮嘅鱸魚值得一試 係誠意之作頭盤我哋揀咗一個沙律一個湯蘑菇湯足料 絕對唔係罐頭嘅味道沙律叫咗自家製炸鹹鱈魚蓉配沙律 黑醋汁清爽份量足夠飲品自己配搭我哋叫咗海鹽檸檬梳打同薑味梳打係出邊少有嘅配搭 都係佢哋嘅秘製誠意之作！小店值得支持好多用心製作而且員工氛圍好好 Teamwork滿滿😉…查看更多

荃新天地平民價錢抵食雞煲鮑魚海鮮火鍋放題！荃灣地頭蟲近排同屋企人食咗一間好抵食嘅火鍋想多啲人知道 支持到佢哋呢個價錢真係冇得輸！星期一至四$268兩位起跳星期六日加$30幾部曲俾大家選擇先揀雞煲或者烤魚我哋試咗烤魚用料一啲都唔求其講緊出邊$348先食到一大盤仲有薯粉，配菜等等，辣度自己調節然後再揀火鍋湯底我哋叫咗花膠養生美人鍋湯頭滋潤順口又濃郁而且入邊花膠數量亦唔少，雞件彈牙嫩滑天地真的海鮮拼盤任選六款強力建議推介活海鮮，鮑魚、北寄貝、聖子、海蝦、生蠔等用料新鮮大隻火鍋配料蔬菜飲品選擇亦唔少不過好老實，食完前面嗰啲已經飽咗😂😂😂呢一間嘅火鍋任食有兩個賣點都好吸引我！就係佢有我最鍾意食嘅燒味有成八款俾大家任揀仲有即制點心，熱辣辣燒賣大大粒入邊有鮮蝦，另外叫咗個菜苗餃，水晶皮煙靭！點心放題，真係啱晒我阿媽🤣🤣🤣呢個價錢質素喺大商場入邊值得俾多啲人見到！…查看更多

生活紀錄小分享同屋企人去開旺角朗豪坊同小朋友玩完夾公仔掟彩虹想搵啲得意啲嘅餐廳上咗12樓發現有間小薯茄主題店主打食台灣菜一行三人叫咗三個餐第一個係近排推出嘅薯茄餐套餐包一個刈包，一碗小型麵食，台式小食，飲品同造型鎖匙扣-刈包，可以揀炸蠔牛腱肉同脆香雞扒，我哋叫咗脆香雞扒，配上香辣醬汁，新鮮美味可口多汁！而且刈包上邊印咗小薯茄嘅公仔圖案，幾得意！-小型麵食，可以選擇蕃茄雞絲/牛腱烏冬, 我哋叫咗牛腱入味，肉質唔會太乾有厚度，配上蕃茄湯底同烏冬係清爽嘅選擇-台式小食，限定咗係地瓜球，一份有四粒，外皮香脆，地瓜球軟糯，內有香芋餡！小朋友愛不釋手- 薯茄餐入邊包嘅飲品無上限，餐廳可以提供嘅飲品都可以選擇，唔使補差價，呢個位大家可以拎返啲着數😂- 另外小朋友最鍾意嘅就係抽禮物，造型鎖匙扣有七款，以盲袋隨機配送，妹妹抽到心頭好開心！另外我哋叫咗兩個lunch set- 佢哋嘅午餐套餐有一份小食+麵食+ 甜品+指定嘢飲醉湯烏冬湯底有驚喜，之前冇食過，而且可以配醉小食，配搭新奇創新，但又幾夾，大人不妨一試-佢亦有其他台式小食嘅配搭可以揀，例如鹽酥雞炸雞扒，台灣腸等等，都做得不錯- 甜品今次配咗茶凍係一個清爽嘅選擇- 除餐附送嘅飲品有六款，如果想要餐牌額外嘅可以補差價今次令我好大驚喜嘅，係佢哋新推出嘅泰式甜品冰冰！泰奶冰底底配上仙草凍麻糬蓋同其他配料醬汁口感豐富而且配搭好吃！不過呢個要盡快食溶嘅速度會比較快！見到隔籬枱嘅外國人專登過嚟食呢個泰奶冰，睇嚟係回頭客！識食呀吓#小薯茄 #台式菜 #朗豪坊 #旺角美食 …查看更多

街坊食堂鑊氣大排檔🤩同屋企人喺附近探親再搵下場食飯行過見到熟食市場好墟冚一於試吓！果然冇失望每碟嚟到都嘩嘩聲勁大碟好扺食！來都來了！三個人叫咗六個餸樣樣都好吸引好想叫😂分別叫咗1️⃣豉椒炒鵝腸-豉椒惹味，鵝腸新鮮肥美，口感彈牙飽滿！2️⃣炸蠔餅-每台必叫之選，大大份，乾身脆口，但唔會炸得太乾，蠔仔數量十足，配上魚露邪惡，但唔叫會後悔嘅選擇！3️⃣薑蔥魚雲煲-份量十足靈魂單只係喺魚雲，佢嘅薑蔥爆得好香好好食！大概有成九舊，肥嘟嘟炸咗面，朔汁一流！4️⃣豬潤啫啫雞煲-豬潤大概有五片，雞煲份量十足，雞肉嫩滑，調味惹味5️⃣金銀蛋浸莧菜-湯底奶白色，莧菜幼嫩，食完菜會連啖湯都飲埋6️⃣肉絲炒麵-呢個份量超十足！私人推介大家一定要加紅醋同辣椒醬，會將味道昇華提先，肉絲炒麵底香脆，撈埋芡汁，不得了！去到開飯時間七點開始全場爆滿有室內同室外嘅座位大排檔風味得來亦唔使日曬雨淋價錢合理 性價比高係多人聚餐嘅餐廳選擇！…查看更多

Burger係我耐唔時就會想食下既comfort food所以一直有張口袋清單去試d特別有實力嘅漢堡店今次嚟到尖沙咀嘅burger mate由幾位外籍老闆專門打造既型格漢堡小店餐廳唔大 麻雀雖小 但五臟俱全入到去抽風做得好唔會有浸油煙味老闆好熱心推介唔同漢堡同醬汁嘅分別介紹佢哋所有嘢基本上可以Handmade都會Handmade好老實 小店通常講緊只有兩個人做嘢但佢哋出奇地多竟然有四個人 😯就睇吓佢有咩符弗漢堡嚟講 佢哋主打牛肉有安格斯牛肉同和牛既選擇但都有脆雞扒同天婦羅炸蝦嘅選擇小食嚟講都有五六款飲品就有啤酒同汽水我哋一行二人叫咗兩個漢堡同兩個小食分別係 蘑菇安格斯牛漢堡同瑞士芝士安格斯牛漢堡再追加炸洋蔥圈同黑松露薯條一上到嚟 我哋兩個嘩嘩聲😂佢嘅配搭係會令到你食慾大增好想一啖咬埋佢首先要讚佢哋貼心嘅位個漢堡撳扁咗再加咗牛油嚟煎食落去外脆內軟 而且好香夾住嚿牛肉 雖然全熟但係惹味多汁絕對係誠意之作同功架嘅表現再配搭蘑菇蕃茄帶點清爽口感好滿足！另一個以為純粹係加咗瑞士芝士少咗蘑菇但發現有驚喜瑞士芝士果然係唔同啲佢會令醬汁嘅層次昇華左再配搭佢本身嘅醬汁食落去絕對有分別而且好推介！！同樣做到香脆多汁口感滿滿小食薯條走唔甩香脆新鮮拎上手唔會好油淋淋配搭佢哋嘅黑松露醬汁😍同埋偷偷地同炸洋蔥圈嘅醬汁交換🤣又真係好百搭喎！佢哋嘅炸物都做得唔錯洋蔥圈再配上醬汁又係一個你會舐埋隻手指嘅小食！入到餐廳發現入嚟嘅好多都係回頭客果然有質素嘅 就係會令人記掛住嘅小店！推介！👍👍👍👍👍#burger #漢堡 #尖沙咀美食 #小店美食…查看更多

Burger係我耐唔時就會想食下既comfort food所以一直有張口袋清單去試d特別有實力嘅漢堡店今次嚟到尖沙咀嘅burger mate由幾位外籍老闆專門打造既型格漢堡小店餐廳唔大 麻雀雖小 但五臟俱全入到去抽風做得好唔會有浸油煙味老闆好熱心推介唔同漢堡同醬汁嘅分別介紹佢哋所有嘢基本上可以Handmade都會Handmade好老實 小店通常講緊只有兩個人做嘢但佢哋出奇地多竟然有四個人 😯就睇吓佢有咩符弗漢堡嚟講 佢哋主打牛肉有安格斯牛肉同和牛既選擇但都有脆雞扒同天婦羅炸蝦嘅選擇小食嚟講都有五六款飲品就有啤酒同汽水我哋一行二人叫咗兩個漢堡同兩個小食分別係 蘑菇安格斯牛漢堡同瑞士芝士安格斯牛漢堡再追加炸洋蔥圈同黑松露薯條一上到嚟 我哋兩個嘩嘩聲😂佢嘅配搭係會令到你食慾大增好想一啖咬埋佢首先要讚佢哋貼心嘅位個漢堡撳扁咗再加咗牛油嚟煎食落去外脆內軟 而且好香夾住嚿牛肉 雖然全熟但係惹味多汁絕對係誠意之作同功架嘅表現再配搭蘑菇蕃茄帶點清爽口感好滿足！另一個以為純粹係加咗瑞士芝士少咗蘑菇但發現有驚喜瑞士芝士果然係唔同啲佢會令醬汁嘅層次昇華左再配搭佢本身嘅醬汁食落去絕對有分別而且好推介！！同樣做到香脆多汁口感滿滿小食薯條走唔甩香脆新鮮拎上手唔會好油淋淋配搭佢哋嘅黑松露醬汁😍同埋偷偷地同炸洋蔥圈嘅醬汁交換🤣又真係好百搭喎！佢哋嘅炸物都做得唔錯洋蔥圈再配上醬汁又係一個你會舐埋隻手指嘅小食！入到餐廳發現入嚟嘅好多都係回頭客果然有質素嘅 就係會令人記掛住嘅小店！Burger Mate (尖沙咀)網上訂座即賺Rice Dollars網址: https://s.openrice.com/QrbS0ry0500~uITLKAQ地址: 香港尖沙咀金巴利道78號金輝閣地下A號舖電話: +852 64612771推介！👍👍👍👍👍#burger #漢堡 #尖沙咀美食 #小店美食…查看更多

新式冰室座位闊落開陽有卡座同朋友舒舒服服傾吓偈冇壓迫感餐牌嚟講選擇都算好多我哋下午茶時間過嚟主打一個乜都想食一人叫咗兩個餐🤣誠意推介佢哋嘅招牌厚豬扒系列分別可以有飯麵包沙律薯菜嘅配搭我哋叫咗焗咖喱厚豬扒飯份量十足滿滿大概係有接近兩塊嘅大豬扒咖喱汁香濃惹味焗飯炒底豬扒肉質嫩滑內有肉汁配菜亦新鮮！讚！👍👍另外都叫咗佢哋嘅厚豬扒配薯菜紅豆冰下午茶豬扒唔會太乾 而且厚切口感唔錯薯條另外用個隔油兜上紅豆冰飲落係港女口味夾埋唔會太甜😂👍雖然眼闊肚窄，但機會難得乜都想食比隔籬枱日式照燒系列嘅鰻魚飯吸引咗佢哋照燒汁會好細心咁另上配菜唔係出邊見到嗰啲白烚蔬菜用咗油揚腐皮中華沙律仲配咗少少粟米鰻魚飽滿肥肥😙😙😙然後佢哋仲有招牌沙嗲牛沙嗲牛肉醬汁惹味份量又係十足呢間冰室主打一個性價比好高！樣樣都大大份 而且感覺到誠意滿滿唔怪得知而家市道唔係咁好但佢越戰越勇衝出元朗再就黎去渾十八區！好，下次返公知叫外賣啦😙😙😙…查看更多

我地買咗兩杯飲品分別係開心果椰奶加豆漿凍同蘋果蜂蜜金萱加桃花紅茶凍呢間有得加兩蚊轉天然零卡糖唔好有負擔！正個人偏好啫喱果凍多過珍珠芋圓坊間比較少見嘅以果凍為主嘅茶飲店呢間嘅果凍啫喱選擇多過珍珠味道亦有幾款今次嘅豆漿度同埋紅茶凍都好好食而且個口感好好亦比較清爽茶底清香！亦有配搭水果系列好多都好吸引！下次經過再試下！推介！#壺 #茶飲 #茶凍 …查看更多

呢間舖頭徹底將雞蛋仔昇華到去另外一個level細個食雞蛋仔又點諗到佢呢件事可以變成到咁fusion咁Fancy仲咁揚名海外一講起雞蛋仔就代表到香港上環近排有間舖頭好Hit話題熱爆‼️將香港茶餐廳文化匯聚左係一間雞蛋仔舖頭入邊下⁉️腿蛋治雞蛋仔❓餐蛋治雞蛋仔❓仲有菠蘿包雞蛋仔❓你係真唔係呀⁉️一於一試究竟！今次帶咗媽咪嚟捐窿捐罅佢見到菠蘿包雞蛋仔玩得好開心除咗有視覺衝擊之外仲填滿咗佢嘅少女心仲係咁話要合照影相！見到細細個迷你菠蘿包又真係幾Q手工嘢真係唔同啲講緊係佢哋嘅員工逐粒菠蘿包皮放上去雞蛋仔上邊然後再搽嘢拎去焗 啖啖食落去都係手工令人讚嘆係佢每粒嘅大細都差唔多而且放得好穩陣 唔會嚟到嘅時候甩皮甩骨佢哋嘅菠蘿包雞蛋仔係signature招牌包裝亦得意過癮手抽小提袋 而且佢哋亦專登設計過透氣位就真係啲香氣一路喺嗰啲位置滲出嚟 而且keep到佢脆卜卜 一粒又一粒停唔到口另外我哋叫多咗個腿蛋治雞蛋仔又真係唔係講笑一咬開入邊真係將腿蛋治濃縮咗喺每粒雞蛋仔裏邊一層蛋兩層火腿出邊仲有香脆嘅雞蛋仔包裹住真係又好玩又好味有機會要過嚟再試埋佢嘅鹹牛肉同餐蛋治雞蛋仔！返完通宵過嚟飲杯精神美式咖啡唔係講笑，佢啲咖啡都幾好飲同雞蛋仔亦係最好的配搭媽咪唔慣飲凍嘢，見到有養生茶選擇發晒光🤩唔該一杯桂花桂圓安神茶然後又點估到佢嚟到嘅係一壺仲要配上兩個杯仔絕對係打卡able配上雞蛋仔，亦係消膩之選媽媽高興啦！😝輕輕鬆鬆坐喺度嘆埋杯茶🥰#菠蘿包雞蛋仔 #腿蛋治 #雞蛋仔 #茶餐廳 #香港精神 #香港手信 …查看更多

喺外國旅行得長時間嘅話最常就係會去食麻辣燙解解中餐愁返到香港反而少食今次嚟到v walk 見到有間好少女心嘅麻辣燙入邊坐低嘅人竟然係男仔居多仲要係自己一個去食 好違和嘅畫面但又令我好好奇口麻天辣 (深水埗)網址: https://s.openrice.com/QrbS0A08C00~uITLKAQ地址: 香港深水埗深旺道28號V Walk 2樓L2-127-128號舖電話: +852 39070383商場資訊 :V Walk 網址: https://s.openrice.com/QrbK0000000Zlr7c~uITLKAQ買咗外賣返去同屋企人食今次叫咗蕃茄魚，麻辣燙，口水雞，同串燒甜品酸甜清新蕃茄魚套餐除咗主菜，仲有一款涼菜同甜品味道會偏濃味少少配飯就啱啱好魚塊嘅份量好足 返到屋企都唔會覺得佢嚡不過當然現場食會再滋味嫩滑啲佢嘅底會配咗粉絲 係又有飯又有麵嘅概念涼菜配送清炒萵筍絲而甜品就係有驚喜嘅脆炸鮮奶海鮮麻辣燙嘅玩法係揀三款肉食再揀三款蔬菜配料湯底自選辣度款式麵條自選呢個湯底我鍾意有驚喜我叫咗滕椒麻辣燙中麻刺激得來又會覺得順口係可以空口飲嘅湯外賣返屋企食完啲餸個湯底剩返第二日再加粉絲落去煮飲埋😂仲有得揀我鍾意嘅薯粉，煙煙韌韌！口水雞無辣不歡嘅我竟然叫咗走辣因為有屋企人唔食得辣所以今次叫咗個唔辣嘅的而且確冇辣嘅咁過癮不過都唔遜色雞肉唔嚡夠味有啲位仲去咗骨啖啖肉最後試咗個新奇嘢冰粉口感唔錯，係解辣神器烤串好得意細細串一嚟就係10串每串幾粒咁樣！惹味！拎到返屋企屋企人第一個反應係哇啲兜咁靚嘅全部粉紅色😂😂😂#蕃茄魚 #酸菜魚 #麻辣燙…查看更多