monkey_baby的个人专页

去食泰國嘢，都會諗起辣辣酸酸重口味重調味嘅嘢，今次就有啲唔同！ 今日首先試左水門雞飯，感覺有啲似海南雞飯，件件雞都幾大件，好肉質，皮薄肉嫩而且無骨，個雞油飯唔太油又唔太鹹，飯味好吸引，另外有個雞骨湯看似清但其實係濃香味十足！ 朋友點左泰式無骨豬手，可以話係骨膠原爆棚，食得出有彈性，又唔太肥！泰式生蝦嘅蝦都幾新鮮，口感爽脆，連埋啲秘製醬汁，更加清新！依度嘅裝修雖然簡約, 但有風味, 食物種類有特色, 地點又方便, 我用咗舊嗰啲真係wendy嗰啲跟住減返係咁樣囉會推介畀朋友仔試下!…查看更多

拉麵JO原來在元朗開了分店，以往我和太太都是去銅鑼灣分店，人太多了！今天來到YOHOMALL一期，幸好我們早，不用等位。我比較大食，叫了一碗特裝低溫叉燒麵，這個麵較貴，$118，但是食過才知道是好東西！這個麵有很多一片片薄的叉燒，叉燒是低溫煮，比起平時的叉燒會比較淋身，湯底比較濃，是豬骨湯的味道。糖心蛋有半隻，麵質不算太林，咬起來比較有嚼勁。太太說我的麵比較多肉，她order了特製醬油豚骨拉麵，這個麵有兩片叉燒和一件豬腩肉，先說說豬腩肉，十分juicy，肉汁好多，而且好細嫩，一點也不痴牙。湯底始終有醬油，味道較為濃味和略咸，但是OK的。麵質煙煙韌韌，幾彈牙！另加了一份餃子，$42有五隻，約抵食，餃子是炸過的。皮很脆但是沒什麼油，餃子餡內的材料都很豐富 每啖落下去都很有口感。強烈建議大家來Yohomall，因為這邊等位都舒服點，沒有那麼熱。…查看更多

今晚收工約左個fd出去食飯，個fd岩岩去完exchange半年，好磚無見啦！佢話係北京exchange淨係得水餃食，今晚要食意粉咁話，我就提議去旺角食西餐啦餐廳唔算太大，但係d椅子全部唔同顏色，幾colourful！我地叫左個二人Set share食，「北海道全蜆忌廉意大利麵」，意粉好al Dante, 夠彈性，意粉醬汁非常鮮甜。佢比起平時嘅忌廉有d唔同，平時嘅都係好鹹，但今次lee個帶有忌廉南瓜湯嗰種甜味，應該係甜椒帶出嘅味道。蜆肉亦非常多，好抵食！「煙三文魚紅醋沙律」，份量相當多，煙三文魚鹹香十足，一啲腥味同雪味都冇。配以爽脆嘅生菜，鮮甜嘅番茄仔，絕對係口感上嘅大滿足。不得不提嘅係個紅醋汁，調教得恰到好處，酸甜度啱啱好，唔會嗆喉，同個沙律配合得宜。推介！「慢煮肉眼扒伴農夫菜」，牛扒外脆內軟，肉嘅表層煎得夠乾身，而內在熟嘅程度剛好，都係medium rare。肉味濃郁，塊扒非常大塊，仲大過我塊面！另外碟上嘅配料都好好食，薯泥同牛肉汁嘅配搭簡直一絕！去左exhange半年既佢，大大力表示讚好呀！…查看更多

最近因為有朋友生日想慶祝，但又食滯左西餐中餐，一於就同佢食餐日本野賀一賀佢！咁由於放題依加市面實在有太多選擇，我地就揀左吉壽呢間相對具知名度ge餐廳，咁起碼有知名度嘛！😝我地就book左7:30,由於係閒日的關係唔洗再等好耐就可以入去。而我覺得吉壽第一個好處就係地方相對寬敞，我地三個人都俾到一個好闊落ge些卡位我地，心情大好！😌咁一坐低我地實左太肚餓la，所以我地就分頭行事-我首先去攞前菜熱食，另外兩個friend就分別負責攞野飲同埋點住菜先。因為我地因間就食刺身，所以我就諗住攞d熱食暖下胃，就攞左葡撻同墨魚丸子，不過又忍唔到手攞左幾件加洲卷xd食落d小食都算唔錯，大家肚餓又未有野食黎時不妨試下😝到戲玉-當然就係刺身la!朋友分別叫左三文魚，甜蝦，北寄貝，玉子，鮑片，帆立貝，呑拿魚，劍魚同榮螺等等。其中本人就大推三文魚同呑拿魚，因為都比想像中肥美，而朋友就鐘意食甜蝦，貪佢夠鮮甜😋壽司呢我地都按份量嗌左每款一d，而最得我歡心的就莫過於火炙三文魚腩同埋帆立貝，前者充滿三文魚香氣油脂四溢，後者配上蒜蓉十分香口，令人吃過番尋味😋而燒物同炸物方面，我就大推燒牛舌同埋炸芝麻雞翼，十分香口而且惹味，而鐘意榴蓮的朋友更加不得不試炸榴蓮波波，但就要小心惹來你朋友鄙視的目光😂最後因爲食得太飽，所以我淨係食左雪糕糯米糍，實在係大滿足！😚…查看更多

黎到旺角，有五花八門既餐廳，基本上你想食咩都得！今日同老公去睇裝修d野又黎到呢個好多人既旺角，都唔諗食咩啦，見野岩就食啦！今次食呢間新開既小店，之前行過好多都唔多覺。我揀左食豬骨濃湯，因為唔係好食得辣，湯內本身已經有啲配料，芽菜、酸菜等，配上紅薯粉，餸我就揀左豬腩片、魚皮餃、魚腐、芝士腸同響鈴，每款都係加$8，$9咋！碗粉一黎呈奶白色，好大碗，湯有啲似平時拉麵feel，飲兩啖個湯，幾濃。紅薯粉都幾重而且好滑，佢呢度啲豬腩片好薄，肥肉唔算好多，但係好爽，又唔油。跟住介紹下d小食，忍唔住叫左三款，每樣都唔係好大碟，所以絕對食得落！三款小食都有青瓜絲襯底，如果覺得辣不妨連埋青瓜絲一齊食，減輕個辣。蒜泥白肉唔錯，每片肉細細片又切得薄。口水雞d雞唔會太硬、冰冰凍凍咁。我最想介紹既就係「黃金皮蛋」，超好味，皮蛋晶瑩剔透，食起黎軟林林，而且好襯𠴱種麻辣味，三款小食中最正就係呢款啦！小店好多學生哥畫幫襯，可能因為價錢夠親民，要多d幫襯啦！…查看更多

今晚係屯門出沒，一家三口去左市中心，突然好想食拉麵於是去左霸嗎。霸嗎個名好有霸氣，去到已經7:30，目測都有成20人排緊隊。好唔容易有位啦！我就叫左個「濃厚豬骨豚肉子拉麵」，話晒濃厚豬骨，個湯底真係幾濃，同埋無乜油，湯底都好深色，飲完唔會好咸，而且唔會辣。麵仲有一隻糖心蛋同埋一片豚肉，豚肉有d似五花腩，有d豬肉係上面，肥肉肥膏就係下面，豚肉煎得幾香，而且唔油，容易咀嚼。麵質我揀左軟麵，食起黎唔算軟，感覺仲有d粗，麵質我就一般，湯底就的確無得頂！…查看更多

今日同朋友慶祝生日，大家住既地方都唔一樣，所以揀左旺角，我地去打邊爐！呢間我之前已經食過美孚店，水準很好，上網睇人介紹開左旺角店，當然要幫襯下。入到去好大好靚，任取既菜類、丸類都係座位中間，好方便！旺角店可以任食刺身，當然唔會放過呢個機會啦！朋友揀左$268早鳥優惠，任食刺身，有海鮮仲係任食美國肥牛，刺身師傅會發板先黎一round，刺身選擇不比放題少，有三文魚、吞拿魚、北寄貝、劍魚腩等，劍魚腩雖然顏色不討好，但是魚油味好甘香，三文魚就好滑，入口好滑口。我地之後再叫多幾次，發現一樣幾好味既刺身：黃金魷魚！所謂黃金魷魚就好似一粒粒黃色既魚子咁，舖上魷魚度又幾特別喎！海鮮拼盤有兩個揀，我地一人揀左一個，我地叫左A同B各叫左一個。半隻奄仔蟹，自稱爆膏既佢，的確好爆膏！！未碌已經見到，食起黎好似一直都食緊啲金黃色既蟹膏咁，無蟹肉XD另一個餐既龍蝦有大半隻，大釣滾10分鐘左右就穩陣啦，龍蝦味好鮮甜，龍蝦肉亦一啲都唔痴，好快就可以係殻度攞出黎。我都中意桶蠔，好大隻，蠔肉部份十分肥美，漲卜卜，邊位都唔韌架！肥牛切得幾薄，每片都同雪花連埋一齊，脂肪分佈平均，牛肉都唔會鞋口。我比較欣賞雞肉，雞肉一d都唔硬，唔鞋，食起黎好滑。除左個餐包既野之外，餐廳中間位置仲有好多配料，涼盤，甜品任揀！講真，$268真係唔貴，竟然有3隻唔同牌子既雪糕食呀！！…查看更多

灣大鴻輝整棟大廈都好多野食，火鍋都有好幾間，今次就試下18樓雞煲啦。平日晚上8點幾，都好多人等位，好彩可以用apps 排隊，可以行住街等位。夜晚9:30前就$168，9:30後就$138。加埋一都$200有找，價錢好抵呀！地方好大，每張枱與枱之間都有好多空間，座位都坐得幾舒適。點菜紙共有三張，肉類，海鮮，丸類，菇類都應有盡有，菜類歡迎雪櫃自取，蔬菜記得係要自己去雪櫃拎架！菜都有好多選擇，唐生菜、西洋菜、白菜仔等等。飲品都係自己去雪櫃拎既，如果想飲凍檸茶，仲可以加$18 冇限添飲，不過我對檸檬茶冇太大喜好，所以都係飲雪櫃既野飲。湯底選了粟米豬骨湯，總括黎講湯底幾好，好有豬骨味，海鮮方面，蝦同魚都好新鮮。肉類豬，牛，羊，雞都有，質素都幾高。特別係呢度既豬肉分兩種，我就比較中意「梅頭豬肉」，真係有豬味架!而且比較林身。蟹籽墨魚滑好好味，好有咬口，食到停唔到口！白饍片都好特別，唔係間間都可以食架!一D雪味都無，切得夠薄，好快就熟。食飽火鍋記得要留肚食雪糕呀！雪糕係自助式，鍾意食幾多就幾多，仲有好多唔同toppings 可以加，好食又好玩。每人都唔洗$200， 食足2個半鐘。緊係要再encore 啦！…查看更多

約左細佬食飯，好耐無見過佢啦！今日約係佢學校附近食日本野，我地一早已經去到排隊，估唔到6點半已經咁多人！我地先叫左三款刺身，三文魚同油甘魚都好厚切，三文魚好滑，紋理亦好清晰，油甘魚有d甘香味，一咬時口腔內有甘甘地又苦澀既味，但係魚油好多，夠晒肥！甜蝦都好新鮮，甘甜味。我地揀左一個小食：「七味魚翅」，呢個小食好特別，脆卜卜的，一d都唔硬身，食落個feel仲好似雞泡魚干咁，七味相信係加左七味粉，所以又滋味又惹味！之後細佬話想食壽司，我地特別啲，無揀平日啲普通壽司，叫左「海膽壽司」，海膽壽司有好大舊海膽，呢度d海膽甜架！反而無左聞馬糞味，唔會覺得苦苦地，甜甜既海膽襯埋啲醋飯感覺好match！最邪惡係咩？？平日d人話食雞唔好食雞皮呀！我今日就係食雞皮！日本華美雞雞皮～華美雞出晒名好味，今次我地唔食雞件，改食雞皮，聞落去十分香，一咬d油就飛晒出黎，不是炸時的油，係好香既雞油，雞皮本來平平無奇，宜家十分爽脆！鹽燒特上牛舌：牛舌其實簡單整已經好好味，呢串牛舌落左黑椒、鹽only，但味道已經好出，牛味都好重。黑松露和牛炒飯，我地只叫了一碗，好彩好細碗，一碗$58，兩個人Share剛好。淨係和牛炒飯都已經好香，加埋黑機露味道更明顯。突然傳來陣陣香味，係Sukiyaki味呀！正！我地個牛肉壽喜燒黎啦！好大塊牛肉呀，份量足夠我過下口癮，個壽喜燒湯底無平日𠴱啲咁甜，而且就算煮完牛肉，湯面都唔會有太多油，價錢都好相宜，只係$98！飲品我地叫左特飲，巨峰提子同白桃梳打，我中意我杯白桃多d，白桃味香好多，又無咁甜。今晚餐飯價錢又唔係好貴，又有氣氛，係人多d，好生意呀！…查看更多

唔知有無人同我一樣，覺得愉景灣係好浪漫，我好中意去🤭今日去行完沙灘，feel free就入咗哩間餐廳，感覺又幾唔錯！難得撞正lady’s night!我同朋友兩個一人叫咗杯one of my favourite drink ——Cosmopolitan! 免費㗎！當然要飲翻杯chill下佢🥂  我地叫咗seared salmon & citrus salad ，三文魚好新鮮好香，仲要幾大件下，配上酸醉地嘅沙律菜好開胃。之後我地叫咗一份linguini pasta 🍝 份量超滿，而且意粉厚度適中，而且帶點爽口，味道正宗！有酒飲當然要叫翻兩份小食助興。哩份Mozzarella 勁正！真做到邪惡拉絲嘅效果，芝士濃濃香味，加上外面炸得爽脆，仲一啲都唔油，好正！仲有buffalo wings,味道勁香口，雞翼外面脆得黎入面仲鎖到有肉汁，用黎送酒一流。最後我地仲食埋cheese cake 作結尾~ 蛋糕朱古力味濃郁，仲要擺得好靚，心心眼😍！…查看更多

個個都話乜大喜屋，乜大喜屋好好食，講真我一次都無食過....今晚同事生日，佢新公司都係尖沙咀，大家就約一齊去試下大喜屋啦～先畫刺身類，試下新野，松葉蟹腳同池魚王先，松葉蟹腳比較少有得食喎，蟹腳唔會雪到凍晒硬晒，蟹肉都好豐富好鮮甜。池王原來係刺身係新貴，好少放題有得食架，池魚好清甜，𠴱隻甜唔同甜蝦𠴱隻，呢隻係有海水味既甜味，而且好爽！劍魚腩好肥美，好厚切。壽司有好多款式，我最中意三文魚腩壽司，而唔係普通三文魚，魚腩口感比較豐富，三文魚既脂肪係口中爆出黎。黑松露雙色吞拿魚壽司，一般吞拿魚都比較淡味，比較甘，加上黑松露就增加左味道，幾Match喎！之後我就追佔手卷，手卷款式唔算多，但係已經有我想食的：海膽手卷。一d都唔寒酸架，份量都算多，起碼唔係得一啖呀！海膽味道好好，反而無馬糞味，味道偏甜所以好易入口。沖繩黑糖燒牛仔肉，聽個名都覺得好特別，用黑糖代替蜜糖真心唔錯，因為除左陣甜味之外，仲有陣甘甘地既味，牛仔肉一d都唔un，算好林身。炸吉列蠔幾出色，粉一d都唔多，蠔肉都好肥好大隻。燒羊架仍然穩佔我放題排行榜第一位，呢度既羊架啖啖肉，而且羊羶味好重，食完之後但成個口都係羶味tim！最後點少得食甜品呢？先試左坊間好貴既馬卡龍，味道係radmon既，我就試左綠茶同咖啡，綠茶唔係好甜，好香綠茶粉既味，咖啡味就一般唔係好特別。Tiramisu杯細細杯，芝士味好濃，我叫左4，5杯呢！呢間大喜屋都唔錯，不停有人換碟收碟，價錢都唔貴呢！…查看更多

旺角食飯又唔係一定要瓊華兆萬既，今次monkeys去左始創中心，始創唔係淨係買電腦野架，原來仲有好味既上海野食！我係一個超中意飲酸辣湯既人，一黎就點左個酸辣湯，例牌唔係好貴，三十幾蚊，個人覺得酸味較多，唔係好辣，配料都好多，比較「杰」唔太稀。之後叫左個炸雞扒擔擔面，擔擔面我地叫左中辣，中辣都唔係太辣，仲可以飲到啖湯！擔擔面𠴱種係麻麻既辣，花生碎同酸菜都搭配得唔錯！炸雞扒份量多，但炸粉比較厚，雞扒偏咸。鮮肉鍋貼有三隻，千萬唔好放凍左先食呀，熱辣辣時一咬，入面既肉汁漏出黎！！鍋貼皮唔厚都可以完全包住豬肉。而我最愛就係蟹粉小籠包，佢比起普通小籠包貴一個double，但都忍唔住要食，小籠包皮薄，但夾起唔會穿，仲可以望到入面個餡，真正皮薄餡靚！我本以為蟹肉會好咸，但唔係喎，將蟹肉同豬肉撈埋一齊，味道仲更加鮮濃。最後點左賽䠙蟹同豆腐鮮魚羹，賽䠙蟹配上大蝦，今次我地唔落醋，想試下佢既鮮味，唔加醋都無乜問題喎，蛋白好滑，配上蟹肉同蝦，味道很好。鮮魚羹我覺得比酸辣湯更出色，魚肉一d都唔霉，顯然係新鮮既魚肉，個羹略帶d咸，豆腐同魚肉既份量都好多。樣樣都好味，但我都係中意蟹粉小籠包，黎夏麵館必食呀！…查看更多

成日都叫老公同我去bangkok嘆世界，點知佢無一次聽我講...今日突然mood列，即刻拉佢去食泰國野，我search到有間哈哈笑好多，就去試下啦！餐廳係先達對面，係小店一間，六點幾已經好多人啦！行到身水身汗，整杯龍眼冰先，龍眼冰唔係好甜，龍眼肉漲卜卜。香芒蟹肉炒飯：起初睇左好耐以為比錯左我，以為係咸魚雞粒炒飯，說好的芒果呢？原來已經切到細細粒，蟹肉已經切成一絲絲，味道有d咸咸地，但加上芒果，會變左甜甜地咁，中和左個味道。豬頸肉炒通菜：用左少少馬拉盞黎炒，所以有dd辣，豬頸肉無乜肥肉，油份都唔多，用左炒菜增添左肉味！泰式炒金邊粉有乜理由唔食呢？呢個金邊粉好好食，除左有大大隻蝦之外，味道仲一流，甜酸辣夾集，令人異常開胃！金邊粉仲薄身，又幼，加上煙煙韌韌，正！泰式小食拼盤：有春卷、炸雞翼、魚餅等。每件大大件，$138都唔算貴，幾豐富架！特別推介下個魚餅先，魚餅咸咸地，香茅味幾重，有魚露、少少咖哩辣味加埋檸檬葉，令魚餅好惹味！我地諗左好耐食唔食得落，最後都係叫左半打串燒，六串，一半豬一半雞，無牛的。沙嗲醬唔使另外點，已經淋晒落串燒度，夠晒醬，平時的要另外點，得頭頭有，尾部好少點到，沙嗲醬甜甜地，好惹味！小店都幾好食，由於餐廳座位不多，要食要早啲去排隊啦！…查看更多

記得剛了開張時已經黎幫襯過一次，今晚Girls Talk就梗係要再食啦！睇睇Menu，除左我之前食既椰子雞湯底仲有雞煲同海鮮，我地就加$70要左個升級海鮮盤啦！我地叫左個「飄香椰子雞湯」，當湯滾起時已經傳黎一陣好香既椰子味！湯顏色是濃濃的奶白色，湯內有椰子肉，斬件烏雞，等左大約10分鐘，配料都黎啦，餐單上1-11號都係已經會跟埋架啦，當然唔少得豐富既海鮮盤啦！海鮮盤黎啦，鮑魚好大隻，而且一d都唔靭，扇貝仲好大隻，仲帶有少少海水味。美國桶蠔海水味好重，好鮮味，蠔肉好肥美，一咬好似必晒出黎咁。之後就到餐單上既配料，泰式排骨好好味，佢同一般排骨唔同味，仲夾集左d香茅香料味咁，而且一d都唔肥！豬頸肉已經切晒條狀，用黎打邊爐岩晒！餐仲有生菜包（以前係外面攞既），生菜包有d辣。泰國特色丸同自家制手打丸都好特別，要介紹下「泰式舔肉球」，個名都得意，其實都係肉丸黎，之但係整到粉紅色咁，就好似貓咪個肉球咁！黑松露墨魚丸幾好食，本來墨魚丸都無乜味，加上黑松露就好夠味啦，熟左一咬陣黑松露味就飄出黎！安格斯靚肥牛真係無得輸，完全係無乜白色脂肪肥肉架！牛味十足，而且好薄，滾兩滾就熟晒了，建議唔好滾太耐，因為會老左。肉質比較嫩滑！外面既野食完全唔同左啦，以前有d熟食，宜家都include晒落個套餐度，唔使自己拎～反而多左好多糕點，我地拎左件千層糕試下，好煙韌，而且仲有少少斑蘭味，本來仲有涼粉，但係太飽了，食唔落啦！…查看更多

旺角排No. 1既Cafe點可以唔試下呢？今晚約左Best friend食飯，一早book左位，係金雞25樓，Logo好得意架，好似London巴士咁，晚餐唔算好貴，送一杯$34既餐飲，多左就補錢～我叫左「法式忌廉煙肉雜菌燴長通粉」忌廉同芝士已經撈埋一齊，飄來陣陣香味，記得要撈一撈d白汁同芝士先，確保d長通粉夠味，煙肉同雜菌既份量都好多，兩個女仔Share食都無問題！長通粉好林，容易入口！Best Friend就想食飯，叫左「西班牙煙鴨胸燴飯」，人地話食西班牙燴飯最重要係個高湯，呢度既湯唔錯，每粒都濕濕地，有好香既湯味，每粒飯都煙煙韌韌tim！鴨胸已經切好一粒粒，可以當個濕炒飯食，味道唔錯。因為見到d小食都幾平就叫左2個黎食，叫左個蜜糖雞翼，$40有6隻都唔係貴，黎到時已經有陣好香既蜜糖味，一試就知正！成個feel好似BBQ燒雞翼，查左啲蜜糖上去咁，完全係同一隻味！而且雞翼有輕輕炸過，香脆可口，必食呀！特濃芝士薯條，好似同長通粉個Sauce撞左，薯條都有白汁煙肉呀！薯條即叫即炸，拎上手仲熱辣辣架，少油是重點呀！$38好抵食。餐似叫左紅棗蜜，味道尚可，蜜糖多，夠晒甜。雖然係金雞，但餐廳好乾淨好舒服，兩個女仔上黎都無有怕！…查看更多