manellieman的个人专页

秋高氣爽去深涌行山，按資料顯示係無餐廳，預備咗小食同水果，諗住去深涌大草地野餐架啦，點知深涌草地居然有農莊茶室，全部人即刻衝過去，都係諗住食碗餐蛋麵，但係一見到個餐牌有小菜，即刻舉晒手要食。首先介紹呢道唔book未必食到嘅南乳鴨，係眾多菜式中最最最好食嘅一味菜👍👍👍👍 南乳味濃得黎完全唔會蓋過晒尐鴨味，而尐鴨肉更加係嫩滑到唔識講，一咬落去有少少油香，超級juicy!!! 為左呢隻鴨，可以行多幾次深涌😀非常實在嘅蠔餅，啖啖都食到蠔，十分充料，又夠香口，媲美大排檔嘅水準👍推介非常夠鑊氣嘅揚州炒飯，蝦仁爽口彈牙，蛋絲均勻，肉粒同蔥花都好新鮮，好好味～炒時菜係另一必食推介，叫左兩碟，差尐追加第三碟，好甜好爽好新鮮，唔知係咪自己種😆 必須一提嘅係，係呢度飲野，全部都會附冰杯。行左信零兩個鐘，飲到一杯冰杯可樂，真係人生一大樂事。唔食飯齋飲野都夠開心一日啦！（唔記得咗影相）…查看更多

喜歡甜食嘅MM, 一定要食呢度嘅pancake! 鬆軟微甜嘅pancake配非常新鮮嘅生果，大滿足！今次點埋珍珠奶茶伴餐，諗住點都食唔晒啦，點知食晒之餘仲唔覺得滯！ 而且今次去食仲唔駛排隊添！下次再食過～～…查看更多

非常喜歡食海鮮同串燒嘅我，點都估唔到有一間食店可以一次過滿足晒兩個願望！去羽燒食飯，一定要留肚食阿波尾雞翼，大大隻嘅雞翼燒到外皮金黃香脆，而雞肉仲係非常juicy!! 次次都要食兩隻✌️ 十級推介！另一精選推介係宮崎香腸，皮脆腸肉juicy，係甜甜地加咸咸地，總之好食👍食串燒一定不可錯過嘅粟米，羽燒一定唔會令你失望。粟米夠乾身，好明顯係生燒到熟，因為無烚過，粟米嘅甜味係100%留得住，好鬼正！雞軟骨骨肉均稱，軟骨有咬口之餘又有少少肉，伴酒佳品😋 食到咁上下都有少少滯啦，即刻食返日本直送蕃茄刺身🤣，即刻可以食多碗拉麵❤️不過今次安排左廚師發板嘅生猛海鮮，就唔食拉麵啦～～今次有當造到不得了嘅鮑魚、奄仔蟹❤️❤️❤️同大蜆😋😋😋。真在好食到...唔識講！如果你都想食廚師發板生猛海鮮，要預先打電話預約架～…查看更多

又到左慰勞辛勤工作既午飯時間，真係好想食科記豬排飯，突然又有飯腳一齊吃飯，立即叫佢去排隊，好在朋友早到，等左5分鐘就已經有位。 科記豬排飯，食飯食風味，坐係門口既白頭翁才是真招牌，未食飯見到佢都開心，老當益壯，好似見到活寶貝咁。講返個飯，豬排真係一流既港式質地，由於店內人員年紀都有返咁上下，調味係重手既，食開淡味既我都係講明少醬油先岩食，再加隻流心蛋，個種滿足感，真係無法用筆墨形容。 杯奶茶也好好飲，點解科記可以咁完美。 滿足食完午餐又可以有力量返去笑啦。 …查看更多

中午吃飯尋幽探秘是人生小樂趣，覓得好地方令人一整天都充滿力量工作，假如朋友都知道我這般好收買，得閒贈下美食，真係兩脅插千刀都攪唔掂。講返間餐館先，好像以前是米芝蓮一星的餐館，唔知點解後來無左，anyway, 望著從前的輝煌多少有點期待，果然也不負所望。先講講個鴨舌，好入味，好滑好爽，調味剛剛好！真係好高水準！ 海蜇亦爽口，但由於鴨舌太太太出色，海蜇堅係陪襯了。必點！牛都好入味，對我黎講係咸左少少，口感唔錯，可以一試。到個燒賣！ 真係好耐無食過豬肉鮮，鮮蝦爽，異常juicy的燒賣！仲有質地唔係好實，我覺得係手工包，唔係工廠貨色，嗯~食落有手工的風味，宜家真係好難搵，連蓮香居都食唔到呢個味道，呢種口感。實不相瞞我係好迷蔴蓉包，宜家好少茶樓供應，就算有都係量產貨，啲蔴蓉實到唔實，乾到唔乾。一見到呢度有，即刻點！ 有驚喜，啲蔴蓉好滑好juicy! 個包夠乾身，包同蔴蓉既比例岩岩好呀! 激讚! 食左兩個，大滿足!另外個餃呢，味道岩岩好，個水晶皮好滑~我少食水晶餃，唔夠膽講係咪一級，但我肯定佢係好食過好多有食過既水晶皮類餃子，因為個皮薄，而且啲餡係好juicy,無味精味，我俾like~價格黎講算係中上，好日子或心情低落，真係要黎食慰勞下自己~😊…查看更多

星座冰室係食風味，如果你回味過去常陶醉，不妨黎點個蕃茄面，望下餐廳發黃既海報，崩口既碗杯，同埋明明播緊21世紀節目既電視，都覺得睇緊歡樂今宵既感覺，部電視明明係LED,唔係大牛龜，總之，呢種風味，都有唔少擁躉。自問食蕃茄牛唔算高要求，勝香園個碗我已經好buy，有日朋友同我講一定要食星座冰室個碗，好，一於試下。 望落去明明清清地既蕃茄面，竟然係超級咸，完全食唔到蕃茄既鮮味，啲面好硬又無蛋味，唯一可取係牛肉新鮮，而且唔咸。 （個人食開淡味）口味係好主觀，我係唔like呢碗蕃茄牛，即使餐館風味再濃，為人再懷舊，都不能吃一碗唔好味既食物。 係呢一刻，我只係想盡快食返碗勝香園平衡下身心。餐館始終要有美食，風味再好也留不住食客。 …查看更多

午飯時間又四出搵食。 如果你鐘情大排檔的鑊氣，你一定要黎大喜茶檔。 雖則佢既兩餸飯同咖喱飯都相當出名，之但係佢既炒粉麵飯係好出衆，一定要食。今日同同事點左揚州粉飯、干炒牛河同肉片炒米。 揚州炒飯好乾身，啲飯粒粒分明，啲蝦好爽口，咸度剛剛好（我鐘意食淡味），真係好正!到個干炒牛河，不得了!真係好耐無食過咁有鑊氣，炒得咁干身既牛河，老抽上色夠均，牛肉夠滑!真係好好味呀!到炒米已經有8成飽，滋味大減的情況下仍然食左一碗。 個人認為個米係多左少少油味，如果可以少啲油就最好啦。 一定要講啲肉片同菜真係超級新鮮同爽口!特別係啲菜!真係好出色!最後不得不讚杯奶茶，係我最鐘意既有澀味既奶茶! 個茶膽真係一流! 下次要食麻甩飯，首選大喜茶檔!…查看更多

第一次食九記，唔駛排隊，立即入座好開心。 點左咖哩牛伊同清湯伊，個人喜歡咖哩牛多啲，啲牛腩好味啲。 最重要，一定要點伊麵，因為個陣蛋味完全帶出牛腩既精髓。大家要識食啦~這餐很精彩，無法言喻，下次還是會來吃~…查看更多

位於磅太太隔離既Urban Coffee Roaster格局鮮明，利落的落地玻璃配合室內綠化盆栽，一睇就知道係休閒好去處，文青必訪之地。 一行7人去食午飯，一次過試晒大部分菜式，都咪話唔爽。 首先必須一提，呢度啲咖啡十分有水準。我最怕太甜既mocha，呢度既mocha係純朱古力混咖啡，一啲都唔甜，仲要好香添！超級推介！今次我點左slow cook salmon egg benny, 個包唔係我喜歡既質地，slow cook salmon有少少腥，幸好蛋同菜係好新鮮同熟得剛剛好，拯救左個dish.朋友點左芝士長通粉，趁熱食，好好味！份量剛剛好，芝士味濃，長通粉彈牙，推介！同枱仲點左蘑菇扁意粉同海蝦意粉，好香，個個都食晒，應該係唔錯！睇黎呢度既意粉類先係首選！之後點左香蕉蛋糕同雪糕釀梨做甜品，坦白講食完個主菜已經好飽，實在大大減低享受甜品既樂趣，但個香蕉蛋糕居然好味到食得晒，即係話你知老虎蟹都要點佢黎滿足sweet tooth. 至於個雪糕釀梨，唔睇餐牌都唔知道原來係用咖啡浸過，個梨浸完咖啡食落仲係好爽口，但是沒有梨味，估計個梨係相當生既緣故。呢道甜品係食口感，味道如增加梨的甜香和咖啡既香味就會圓滿一些。以午飯黎講價格屬於中上，想要個classy悠閒午餐或一個文青下午，你可以黎呢度開心下。 😊…查看更多

每天都有一個小確幸是謂幸福。 放飯時間追求小確幸可謂不二之選。 瑞記蛋牛包同奶茶咁出名，點都要會一會佢。 蛋牛包比我想像中淡味，我還以為是罐頭咸牛肉，但原來唔係，可是也不像鮮牛肉，到底是甚麼也不深究。 說是很好吃要encore是沒有的事，但風味是很足的，感受老香港不二之選。枝奶茶就要講啦，茶底夠濃，一啖就dep到陣澀澀地既茶味，奶份量岩岩好無搶到啲茶香，而且雪得夠凍，飲落真係好滋味。同枱再叫左個鮮牛米，忘記拍照。 啲牛ok既，米線就唔係我鐘意既質地，太粗身而且好硬，好難消化。 😂 下次都係叫返面，朋友叫個鮮牛面望落都覺得滋味好多。…查看更多

食完蕃茄牛面，順手去Ms. b bakery買件蛋糕做下午茶。 糖霜紅唇同蜜糖脆脆好有口感。 朱古力醬同朱古力蛋糕係超濃郁，簡直痴住個口，係好好食既，但兩啖下來已經滯到無法堅持，真係好甜，喜歡甜吃的甜姐兒必選。 我喜歡清甜，生果都唔喜歡太甜的類別，所以如果你同我一樣，可能朱古力蛋糕未必適合你啦。 特別一講，45蚊一件蛋糕連叉都唔俾枝人既，唔通要走印度風食西餅? 有待改進啦。 考慮到環保，可以安排返用穀殼整既叉，連枝叉都可以食埋，以Ms. B既standard, absorb到個cost仲可以做埋brand building架。 …查看更多

得知呢間菜館堅持正宗川味，無得BB辣，咁有個性一定要試下。有午餐set, 小菜跟白飯飲品，炒飯面單跟飲品，價格由78-90起，午餐來講都算係中上價位。幸好每樣餸都好大份，男仔食都夠飽。宮保雞丁既脆脆腰果係一絕，雞肉又夠嫩，非常唔錯!牛肉絲炒面辣度剛剛好，面夠彈牙，青紅椒都好新鮮，唯獨油左少少，少啲啲油就好啦!不得不提個豆漿，好足料，足到起腐皮，清甜，推介推介!食得川菜多少都預左會油膩少少，食唔到太油膩最好食飯啦。 😊…查看更多

難得早放飯，諗都唔諗就去孖沙，只係有條龍仔係門外，真係好彩! 點知一坐底點3眼仔，居然無蛋要等30分鐘! 世上有沒有比這更無奈的時刻!唔理啦，老虎蟹都等! 結果都只係等左20分鐘，個天都對我唔錯。 講返個飯，白飯太陽蛋加醬油已然是我的至愛，加埋叉燒係中間，個種幸福感，你明唔明! 開動左都唔知有無10分鐘，伙記又大叫蛋飯得返一份，眼見外邊條龍愈來愈長，蛋飯買少見少，眼見一班望穿秋水既打工仔，唔知邊個好彩食到最後個碟蛋飯? 吃一次飯可見人生，幸或不幸早註定， 下次早放飯還是會來碰運氣! …查看更多

My best friend子生日，一定要安排the best餐廳! 少少偏心自己最近想食牛扒，二話不說就book左 grand hyatt steakhouse! 皆因呢度既牛扒係我最鐘意既味道!呢期有visa優惠推廣，1200兩位好抵食，但我都無買，因為個塊扒not my favorite. 好啦，係人都知佢個蒜蓉包出晒名好食，但我真係要提提你，好食都唔好食咁多，因為食飽左就會影響享受往後幾道美食既樂趣。首先點左蕃茄沙律，有3隻色既蕃茄，每隻色都好好味! 爽甜!係，我最鐘意爽既口感，清甜既味道，配合埋芝士一齊食，wow wow wow! 因為我既目標係牛扒，所以一定唔可以飲湯。上次就係飲左個湯，my enjoyment for the steak就泡湯了一半! 雖然個湯都係好好味。蟹餅係必食，因為啲蟹肉係好豐滿好實在，真係好好味! best friend都食到停唔到呀!好啦好啦，黎到牛扒! 咁岩佢推出左款新牛，叫Bison美國野牛，歷史悠久，曾一度數目大跌最近先重返食桌，咁一定要試下啦，所以叫左一份Bison,再叫左一份canadian AAA T-bone. 放棄左原本想叫既Tomahawk rib eye chop （因為太多會食唔晒.....）Bison黎講，嗯.....係好有牛味，肉質係實少少，可能佢係野牛所以瘦啲，無油香既口感。 😂😂😂 T bone係意料之外既選擇，只能說去到T bone我地已經好飽，但都仲係停唔到要完成佢。 好味! 中間rare部份特別好味。今次點左medium，下次點medium rare應該perfect la!點左個薯條做配菜，好味但完全食唔落。 可憐了薯仔，下次唔敢眼闊肚窄了......最後再點個grand hyatt steakhouse 特製雪糕新地做生日蛋糕，事前亦寫左生日牌! 超好味生日飯，大滿足!! 下次慶祝再來!…查看更多

一行4人黎食飯，朋友力薦呢度既食材全部日本直送，十分新鮮之餘，雞有雞味，魚有鮮味，講到咁真係要試下。波尾雞是日本名產，飼養過程無打肥仔快大針，無求証虛實，但都覺得食得好安落。 而呢隻雞翼真如朋友所講，十分有雞味，肉質好彈呀！不得了，叫左兩轉！強推！另一款心水係燒帶子，好鮮味應該係鮮帶子，唔係雪藏帶子，好感動呀！！成粒放入口，淡淡既海水同美奶滋醬完美結合！好日式既味道！燒雞皮好爽脆，唔油膩，唔太咸，好岩我食。 如果你鐘意食雞軟骨，建議你叫雞皮，因為呢度啲雞軟骨好瘦，真係軟骨，唔會有少少油既口感架。蘆筍豬肉串又係另一個必食之選，豬肉燒得好脆，蘆筍好新鮮！我平日鐘意食爽口野多啲，呢串真係好得我心。最後，必點係和牛串，個汁係有啲濃，但夾埋牛肉一齊就岩岩好。牛肉包住既唔知係咩，軟林林似係芝士，但又無芝士味，到底係咩我都無理，總之好食！我地仲叫左枝清酒叫一品，忘記左影相，係店長推介。 果然係溫醇易入口，甜糯的味道。其實我地仲叫左鰻魚爐端同白燒兩款，不過我就一般鰻魚，鐘意白鱔爽口啲，可惜呢度無白鱔。另外又叫左蕃茄豬肉卷，都好食不過唔係特別突出就唔多講啦。蕃薯南瓜天婦羅呢，個南瓜係粉個種，我又麻麻地，我鐘意爽甜，所以都唔特別推介。明太子豬肉卷爽左片香葉堪稱敗筆，明太子同香葉兩樣濃味撞到應，兩邊都食唔到真味，可能要轉一轉個組合啦。講講背景音樂，真係好有心思，係三味線音樂，好古典，好有日本風味，悠閒既感覺！good pick ar sound director!總括黎講，呢餐好滿意，會再來唷~…查看更多