pyrrus的个人专页

在繁忙的central翻完工，當然要去chill 1 chill這裡提供正宗的agentinian菜，整體裝修讓人感受到溫暖的懷舊南美氣息。 餐廳的裝潢雅致，仲富有中國特色嘅紅當當，營造出chill guy的氛圍。layout上都非常適合與朋友聚餐或是約會。今次上嚟已有心水，一坐低就可order。牛骨髓配脆多士濃郁肉香撲鼻而來，質地好smooth，好似牛油咁！風味豐富，配多士就層次感不用多說！和牛牛裙肉肉質柔嫩就理所當然啦，但大廚喺烤嘅過程加上焦香感，脆邊得嚟又略帶澀澀嘅風味，外脆內軟，佐以特製醬汁，味道恰到好處。阿根廷紅蝦意粉色彩鮮艷，意粉好有彈性，紅蝦雖小，但肉質鮮嫩，有海洋清新氣息。另外叫咗兩杯阿根廷紅酒pair 翻，好難唔chill 🥴…查看更多

講咗好耐想去呢一間chill chill 終於坐言起行book咗平日夜晚比起週末平日相對人流較少 係時候好好享受下街頭意大利vibe😁😁嚟之前已經睇咗Menu一幾次一坐低就已經有心水 😁決定叫一個平時出面少有嘅龍蝦pizza再加一個waiter熱情推介嘅蜆肉意粉😚龍蝦pizza 一上枱就有些許震撼的感覺😲因為平時啲Pizza都係比較2D 今次嘅立體感大增 一嚟到已經有好重嘅龍蝦香味🤩就咁睇大家都見到個Pizza係薄底 😁我覺得啱啱好 因為我本人不太好澱粉質龍蝦多肉多汁 唔會因為焗完之後乾爭爭配上淡淡的芝士香不會太搶風頭本身想食三重芝士意大利雲吞好可惜今日已經賣晒🥹但蜆肉意粉都絕不失望全是真材實料㗎每隻蜆都好大隻 新鮮爽口啖啖肉 意粉彈牙 白酒味好突出 仲帶些許辛辣 絕對係開胃菜式最後叫咗件朱古力蛋糕嚟完結美好嘅一天濃郁嘅朱古力feel到有漸層感覺雖然唔係入口即溶款但都非常滿意🤭我仲額外叫咗杯sake 來一趟意大利日本fusion之旅（自我陶醉mode)…查看更多

好耐冇出外堂食 終於可以好好地喺餐廳感受下氣氛🤣🤣去練完ball經過呢間小小拉麵店 即刻雙眼發光係一間可容納10幾20人嘅小店 墙上貼滿menu的signature 食品 一目了然除左拉麵 原來仲有啲經典日式丼飯 但一場嚟到 當然要試拉麵啦我本人就鐘情北海道鹽味拉麵 但第二順位就係魚介豬骨湯底 呢碗配原隻流心蛋 加厚切豚肉 比起集團式經營的當然性價比已勝一籌🤞🏻朋友order的鳴海老 湯底有櫻花蝦的香氣而不會死咸🤪而且夠熱的湯底令整碗麵都充滿能量依然足料的配搭 拉麵底都有相當的彈性 😁唔會浸到腍啤啤🤭我哋另外叫左芝士魚餅魚手指 流心流到出晒面濃郁芝士味唔使我多形容 熱拉拉嘅魚餅量多亦是取勝之處比起其他拉麵店 呢度算比較多選擇 最後合照一張比較下湯底的不同 🥰🥰期待下次試地獄使者味🌶🌶…查看更多

今日繼續喺深水埗區尋寶 竟然比我見到一間別樹一格嘅另類特色Cafe充滿土耳其風情🥰🥰雖然佢內部裝修簡簡單單但卻暗藏不可言語的土耳其風情適逢聖誕節Cafe內聖誕氣氛亦相當濃厚牆上的地圖勾起無法去旅行的惋惜色彩繽紛的吊燈讓每一位客人都彷彿沉醉於土耳其風當中餐廳內的餐牌選擇多樣化來到土耳其特色餐廳當然要一試他的招牌土耳其早餐看似很簡單的早餐其實非常有特色 當中一粒粒的芝士 配上芝麻香味滿溢 酥脆可口的麵包 如神來之筆出奇地滋味除咗淡味的粒粒芝士亦有較為濃味的芝士煎成芝士餅 同樣配襯麵包無懈可擊土耳其早餐另外配上四款特色醬 讓你自由配搭本人最喜愛就係杏脯醬 甜酸度很好仲額外送任你refill 嘅土耳其茶😍我哋另外都嗌左充滿土耳其特色嘅格魯吉亞蒜煎雞扒啲source 配襯得不會太搶味 雞扒屬於軟身口應 牛油味亦很香朋友叫咗杯特飲 blue lagoon 顏色令人眼前一亮 酸酸的很開胃💕餐廳另外有待機服務可以寫上你的心意比身邊嘅人💕…查看更多

難得出尖沙咀當然要搵間有特色嘅餐廳慰勞下自己呢間餐廳上次經過已經覺得非常之隱蔽同埋充滿神秘感因為佢係喺地牢位置入去坐低 滿滿嘅日式風情從裝修到擺設同埋魚缸嘅擺位都好令人懷念日本今次嚟幫襯午市 原本想食刺身丼同埋海膽丼可惜師傳話已經冇晒午餐嘅餐單要重新設置 但除咗壽司刺身其實仲有好多熟食而我當然就揀咗百吃不厭嘅西京燒定食肉質鮮嫩入味 味噌醬嘅比重恰到好處配上佢嘅好朋友蛋黃醬味道更加突出🥰另外朋友叫咗鹿兒島和牛丼配上雜菜同生蛋黃 每塊和牛都係厚切 加上白芝麻配藥同埋佢再一齊擺入口 層次豐富見到佢而家做緊活動如果like 社交平台呢仲可以送海膽或者清酒一盒🤤🤤但係只適用於晚市 俾機會我地下次再嚟臨走見到成個清酒櫃真係流晒口水即時bookmark 下次再來嘅日子😌😌…查看更多

難得過開九龍老媽子話要食啲懷舊粥店 二話不說帶佢去盛記座位唔算多但係空間相隔，相比其他粥店坐得舒服呢度嘅選擇都好多除咗粥粉麵飯類你都見到唔少選擇☺️☺️講起懷舊點可以唔試佢嘅混醬腸粉😁簡簡單單腸粉又薄又彈牙 再配上自己調校嘅醬汁 很令人回味兒時嘅味道🤩變左醬爆腸粉 吸引力up😂😂炸靚魚球酥香滿口再配上特製醬汁 肉質厚實係白粥絕配😄😄講明粥店點可以唔試吓佢嘅雞粥 綿綿嘅粥底唔係間間都做到 而佢就係其中一間👍🏻👍🏻👍🏻雞嘅份量好夠 一碗有7-8舊 仲有舊大蘑菇🤩🤩 加左胡椒粉個鮮味帶晒出嚟 幾時食都唔會厭🤪 再配埋隻粥底好buddy油炸鬼 成就媽媽心滿意足嘅一餐🥰🥰…查看更多

放假嚟銅鑼灣當然要搵個地方chill 呢度就係其中一個寫意嘅位無論晏晝定夜晚佢都有佢嘅吸引力雖然佢嘅格局係開放式廚房 但係整體開揚防疫措施亦有做足個reception擺位好似去考試登記嘅位咁🤣🤣但唔知點解有種熟悉感我拎到淨係weekend SpeCial嘅branch Menu仲有個Wine Menu就覺得成個weekend正式開始跟餐Ham Salad 算係幾揼本嘅前菜 ham本身唔會死咸 配上酸甜沙律醬另有風味Tuna Steak 烤到三成熟狀態 份量好多顏色好似幾嚇人但食落味道新奇 有魚應有嘅味道 加上底部特製醬汁 正中下懷😉😉另外配咗黑松露薯條 薯條溫度熱情奔放 唔會太乾或太硬實最後襯番兩杯凍tea消消暑 貼心地糖漿另上 俾個like先😊…查看更多

突然夜晚好想食港式小菜 諗起長沙灣呢間充滿時代感嘅冰室呢句slogan雖然睇落好老土但都好寫實滿滿嘅時代情懷返晒嚟冰室入面一個個卡位嘅設計都好特別😆😆香港人入茶餐廳最鍾意坐一定係卡位呢度唔使特別request 張張到啱你心意點解想來呢間 係因為無論小菜或者常餐甚至係亞洲 歐洲嘅嘢食你都可以起到揀到😁😁你咪係蝦醬肉碎炒通菜係我影得衰其實有啲大大隻蝦乾鋪晒起底影唔到😅完全係誠意之作鑊氣十足 通菜鮮嫩每位一到餐廳就會送上中式湯一碗鐵板醬爆鰻魚炒魷魚🦑呢個醬汁不得了 鰻魚同魷魚軟硬兼施攻陷口感再加上入晒味嘅四季豆送飯一流南乳雞翼 正宗港式下午茶必點項目 估唔到夜晚都有機會食到 皮脆肉爽 南乳味突出懷舊波囉啫喱冰兒時回憶返晒嚟🥺🥺雖然佢用罐頭菠蘿但係冇平時嗰浸鹼水味🙏🏻🙏🏻最咪點餐姐姐經過仲問我哋飲唔飲糖水送俾我哋今次真係大豐收🤣🤣…查看更多

難得嚟北角附近探屋企人 順便食個下午茶😆粥店就啱曬街坊們的我們😋就咁睇餐牌 全部餐都好似好抵食 但一場嚟到 當然要食粥加油炸鬼經典黑白配想講呢個砂鍋雞粥份量十足 上到檯仲滾緊😱入面嘅雞肉都係真材實料 大大舊無偷雞肉嫩味濃 加埋胡椒粉I chi ban!仲有大大份油炸鬼 一流嘅配搭另外當然要試下特有嘅牛腩腸粉煲 啖啖肉之餘又有鍋氣味 juicy juicy 🥳🥳清清地都要碟菜中和下啲口感 令自己感覺無咁油膩🤩🤩最尾都要杯檸樂gur一gur佢 嚟慶祝今個星期六日嘅結束🥳…查看更多

今日一收工即刻仆入元朗 去食一早預訂嘅日本料理之前經過覺得個門面好有feel已經想入去試今次終於book到位 入面嘅環境都非常用心設計處處都係日本嘅回憶見到佢哋墻身痴咗拍賣祭 覺得非常之有趣一問之下原來佢哋逢星期六日及公眾假期就會拍賣新鮮運到嘅海產 感覺非常有趣希望下次有機會參與Menu上亦都有細心介紹每款特別嘅食材及魚類 ☺️☺️ 當然唔少得日本居酒屋必備嘅清酒選擇雖然唔係好多但一定有適合你嗰款😁😁三文魚及帶子刺身 遇上佢哋嘅初吻梅酒😂成個setting好浪漫（我自己覺得）🤪講返刺身不過不失 新鮮不在話下🤩 而且尚算厚切 對得住價錢😂呢個重份量手卷不得了 本身以為只係簡單嘅手卷 點知原來有醬爆食材及卷物😝😝見到成個心情豁然開朗 吞拿魚茸及海膽都符合Standard😋無腥味完勝另外叫咗安格斯岩石燒 雪花均勻油脂平衡仲可以選擇自己少玩下煮飯仔 但請自行衡量你嘅煮食功力😂或者叫廚房幫你燒完上碟 😝各有千秋我哋都燒得尚算合格 肉質嫩嫩的😉最後仲有個重量三文魚頭鍋分量十足每一舊都好似有食唔完嘅肉 而且三文魚頭都事前經過油炸再擺入鍋底食落更是香脆可口 捧着個肚走🤣🤣…查看更多

今日再臨重建嘅上海街138號充滿香港懷舊氣息嘅好地方 亦都係一場美食之旅嘅開始充滿田園小清新風嘅裝潢 加上墻身透明帶出闊落嘅空間感 都令人非常之放鬆🥰呢度除咗晚餐套餐有唔同選擇亦都適合巴打絲打們嘅豪邁由於今晚同一位麻雀肚嘅朋友嚟食嘢今次就同套餐無緣啦 叫咗個意式小食拼盤 包括甜椒蟹肉tart 清爽特別 個tart皮好簿唔「漏」仲有三文魚子掉味 剛好的平衝感😄巴馬火腿配蜜瓜 金童玉女 的的式式 味道濃厚令你甜到入心🤪 仲有個帶子牛油果他他😍😍😍帶子爽甜 又一清新之作全部都有晒水準 雜菌忌廉雞肉酥特別一讚個酥皮盒 個皮真心好脆好薄高難度動作有9分另外叫咗個大阪燒魷魚圈意大利飯呢味risotto in Japanese style 真係有創意😆味道方面都非常唔錯 滿口啖啖肉 大阪燒醬定整道藥更惹味 再配入口綿綿細雨般的意大利飯 感覺自己也fusion 了🤣最後有暖暖嘅水果茶 原來味道比起凍飲更refresh🙈 家的感覺出嚟啦😚…查看更多

對上一次嚟係慶生🤭今次再同朋友嚟感受大大份嘅美味🤣🤣依間餐廳受歡迎嘅程度真係不可睇小好彩有提前book位見到唔少食客摸門釘因booking full鳥😂即使係book咗位都照喺門口等被安排入座喺等候期間就已經見到個Menu五花八門由於有食過心目中都已經諗定有咩會order😂上次坐樓上雅座感覺相對安靜今次被安排坐地下環境就擠迫咗啲但都有足夠空間泰式炒通菜辣到啱啱好 係食辣入門級鑊氣好夠通菜亦都嫩 用嚟送飯一流軟殼蟹拼青木瓜沙律分量好大有足足兩隻軟殼蟹配上酸甜的青木瓜沙律 口感豐富必點蒜蓉包四大塊就咁食都已經好飽肚再配返咖喱一流但因為上次食咗咖喱今次想試其他餸所以就冇叫到 啲蒜蓉香味擺上張枱就撲鼻而至炸蝦餅喜出望外 Size大到半隻手掌咁 炸粉薄身 啖啖蝦肉😚😚 彈牙得來唔係硬膠🤣最後配返杯無酒精飲品 citrus fruit punch 有賣相得來又清新解渴😍😍不得了☺️☺️唔怪得知每晚都full House啦…查看更多

呢間屋村特色冬菇亭 係香港己經愈來愈少 有雞煲火鍋仲有串燒 任食<冇加一>而且198嘅套餐仲包每人可以落單叫4串嘅串燒我哋就點咗四份嘅蒜蓉烤蠔 蠔好鮮甜 蒜蓉味濃郁 ，蜜糖雞翼都好好食 仲有羊排都非常出色 ！跟住服務員好跟住服務員好禮貌細心上咗雞煲途中仲好細心詳細講要炒三四分鐘就啱啱好可以食 招牌麻辣雞煲我哋叫咗小辣 佢嘅準則非常之濃郁而且這隻雞都好入味,仲好好嫩滑，份量都好夠然後食完雞煲就仲可以轉火鍋添 我哋就選擇咗一個胡椒豬肚湯底 用料十足 好多豬肚 而且個湯都好好飲 驚喜嘅嘅餐牌竟然會有廣島蠔同埋海蝦 海鮮仲要好新鮮淨係食呢兩樣嘢已經值回票價仲有埋唔同款式既安格斯牛肉任點簡埋任食我地試哂咁多款牛 安格斯肩胛牛肉 安格斯牛板腱 美國極上牛頸脊 全部質素都好高 好重牛味 ！ 仲有蔬菜籃 響鈴 牛柏葉 份量都好多 。飲品方面 選擇好多 最特別嘅係依度仲可以任飲啤酒🍻而且落單後食物亦都嚟得好快好足，總括黎講性價比極高👍🏻…查看更多

難得出旺角食嘢 又想食甜品但又想食爆個肚個腦就閃出咗呢間餐廳因為呢間可以講係文武雙全唔會令人失望嘅好選擇😗😗夏天咁熱當然要嚟兩杯冰涼冰涼下啦左邊個杯芒果沙冰加咗黑糖 雖然飲唔到咩黑糖味但係本身菠蘿沙冰嘅清爽度令人非常滿意 右邊嗰杯水果茶一如既往地沖出水準 茶味夠 生果鮮！☺️你間分店有兩層上面嗰層最多可以有張八人枱俾大家gathering🥰🥰🤫小食原本諗住叫雞翼但係又好想試呢個薯餅波波配芝士汁 一口size 令人着迷 不知不覺就食咗半桶🤣想稱讚下佢嘅份量真係非常多 主菜未上已經飽飽地但係見到呢塊扒食慾又返晒嚟 要求左七成熟 牛肉稔身juicy 兩邊香脆 重點係七成熟完全冇overcooked💪🏻💪🏻預早左半個鐘叫廚房落士多啤梨疏乎厘pancake 上碟非常精緻 見到啲焦糖實在令人食指大動🤩🤩 空氣感本人略嫌不足 但整體感覺協調 蛋味適中 😌 為今餐畫上句號🐈…查看更多

天氣轉熱 已經失去胃口大魚大肉細細碟嘅菜式反而更受我歡迎 可以趁機減肥之餘又不失情調🤫🤣之前經過呢間地中海餐廳而覺得佢好有格調終於搵到人陪我嚟chill下呢度勝在餐前小食已經好多選擇如果想輕輕的飲杯酒過吓口癮真係一個非常唔錯嘅選擇☺️當然都適合一啲相嚟大朵口頣嘅朋友仔我哋就唔想食得太飽 所以叫左啲前菜share呢碟係黃金炸蝦 佢同平時大排檔食嘅係兩種風格 配上地中海特色嘅醬汁唔會炸到乾 酥脆且Juicy水牛城雞翼佐酒必叫嘅”never fail” 你永遠唔覺得失望 因為呢對係永遠嘅best friend 😄😄海鮮拼盤串燒雖然呢碟係mains 但份量剛好 三舊魚一隻蝦 洋蔥同三色椒連同酥餅伴奏 令你滿足🥰Smoked Salmon Delight pizza 簿簿餅底禾至愛 滿口的煙三头魚同菠菜蘑菇係我理想中夏天嘅味道🥺再配上一杯充滿果香嘅mocktails 夏天的感覺正式開始🤩🤩…查看更多