HKPoloHK的个人专页

很多時候，去一間餐廳食野前，都會上網睇下附近有乜餐廳同佢地既食評，主要係睇下有乜係必試既，於是便揀左呢間，試下呢間讚多過彈好多既火炭食堂⋯入到去，第一件事，便是有位中年男士好有禮貌敢同我講：＂歡迎光臨，係咪一位?埋便坐…＂，之後就帶我入去坐，即時加分! 都幾有親切感！見我好生口，就同我介紹左d是日午餐同其他餐牌，good!最終，我揀左個餐牌上無既星州炒米 (見之前有人推薦過嘛)。上菜時，又真係仲出晒煙，堅夠鑊氣!望落去，好夠色同足料。食左一口，就即刻要飲番啖凍奶茶，因為夠辣，係真星州炒米果隻辣)，正！出面好多地方，都只係鹽炒米粉，一味得個咸字！唯一要挑剔既係無乜伴碟，加d芫茜同芝麻，就更加正👍🏻飲品方面，杯凍奶茶d茶有茶味，好順喉。冷熱同價，所以無蝕底，梗係叫凍飲，而且係正常size開頭，我仲諗又有導演相又好評，果d會唔會係鱔稿，即刻上網search下，仲有冇d訪問之類… 最後，發現佢只係响Facebook 有自己網頁刋登午餐餐牌，同响openrice上有資料，加上親身試過，證明係堅野，真心值得推薦給大家😃…查看更多

去了幾次，都需要等約15-30分鐘。可以接受！食物方面，有很多選擇，至今仍然未有食物係重覆既，值得讚👍🏻目前為止，試了約十款芝士蛋糕，個人覺得比較甜及吃多了會有點膩，但卻感受到其中的細滑和製作時的用心🧀🍰🎂主菜方面🥩🍕🍔🌮，是有水準的，但也比較濃味。如果可以就番香港地區，調整淡一點，會再吸引些。外藉大廚很喜歡出來跟客人傾吓計和交流，都幾有氣氛。整體唔錯，值得推薦👍🏻👍🏻👍🏻…查看更多