要食極唔肥的个人专页

呢兩個前菜味道係不錯既，粟米果碟係幾特別，我之前冇食過，另一碟沙律用料新鮮，雖然Parma ham得兩少塊，但整體黎講係唔錯，無花果既甜搭上Parma ham既鹹，再加埋啲菜，感覺不錯。呢個hunger steak冇乜特別，個牛整得比較乾身，鎖唔到肉汁，侍應冇問個牛要幾成熟，直接就上咗呢個熟到黎🤔薯條很OK，炸得剛好，但係茄汁味道勁奇怪 唔咪平啲食開既亨氏或地捫茄汁，茄汁有陣果醬味滲出來。Burger用料新鮮，洋蔥有製作過再放入burger到，幾有心機，不錯👍🏻但對整體食落去既感覺冇幫助，因為一半凍一半熱咁食個包😂其實我係一個鍾意食甜品既人，但呢兩個甜品就都唔晒，可能唔太岩食。雪糕好軟身，個肉桂蛋糕味道好出，另一個蛋糕焦糖味重，仲有種燒焦既感覺，但兩個蛋糕我都唔覺得好食。個人不好啤酒，冇評價😂但menu明明有寫可以選擇soft drink or house beer，侍應就話野飲得soda water 同house beer揀，基於唔想飲水底下，就揀咗啤酒。…查看更多

真心大件夾抵食啲fd個burger影到好似好大咁，但佢真係咁大！其實食一個burger set已經飽成日，個包好脆，塊牛就肉碎咁囉，不過呢個價錢有呢個質素我覺得好ok wor😸平時去cafe食果啲漢堡餐都要過百啦，呢個burger整到cafe既質素仲要咁平，真係抵食。杯咖啡就好濃下，當然我係配可樂😹薯條又夠脆，仲要係粗薯條🍟呢個Lasagna就好重口味，食完勁渴！呢到兩個set，兩個人食都好飽，以呢個價錢黎講，食得飽又咁大件，真係抵既！…查看更多

明太子軟殼蟹意粉，味道OK既，成隻蟹咁擺上去個觀感都真係好唔錯😂冇咩特別既漢堡包薯條餐，塊漢堡乾身咗啲，薯條都脆既，但總係食落有油益味🥲呢個南瓜湯似罐頭果種，塊包係OK既。一杯凍啡，一杯西柚梳打(有驚喜)。…查看更多

正所謂冇比較冇傷害，先講下呢條八爪魚，一黎貴，二黎細條，三黎唔夠荃灣cafe果間八爪魚整得好食，可能望落去個樣似係好食，但食落去既感覺係介乎刺身得黎又唔咪真刺身既感覺，真係覺得個口感有啲奇怪。同埋你望落都吾會覺得係當刺身既feel黎食，即預期食落去係有味啦，但佢真係味道好淡，咁可能係我食開重口味啦，個個人口味唔同，我個人覺得唔好食。呢個西班牙海鮮飯唔岩我食🥲啲飯好硬🥲啲蝦就幾大粒既，但個飯既味道就好淡。…查看更多

等咗好耐好耐成兩個鐘，終於食到😭想講係真好味既，入面係有芒果，好正！但覺得佢嘅椰漿多咗啲，因為佢本身都已經甜，啲椰漿又甜，就會搞到甜得滯，唔夾椰漿一齊都食都好好味，同埋佢真係好有芒果糯米飯feel，因為食到入面都有糯米飯😂…查看更多

呢間係可以帶寵物入既cafe，雖然要排隊入，但真係值得等！佢仲要有狗狗餐牌，真心讚！唔好睇佢咁既樣，佢好想食，佢轉個頭已經食晒啲野🥲但其實我隻狗係乜都食😂有野食就好開心，咁冇理由我地有得食，佢又冇，好彩呢間有得叫狗食物，大家一齊開心食。呢杯落神花茶冇乜特別，同平時飲開既都一樣，可以唔洗叫。呢杯係mocha，很不錯，唔會話入面加咗糖勁甜果種，佢係有朱古力味但唔甜果種。呢杯係dirty，我覺得mocha好飲啲。一定要叫八爪魚，好食到痴線，食完之後，我係咁諗住佢😭佢啲菜都好fresh架😭呢個牛角包都唔錯架，一啖咬落去既感覺好正🥹啲蛋流心好正🥹食埋個甜品，簡直係完滿。但個人覺得甜品一般，賣相就很OK！食物既價錢偏貴既，但值得試！附上影得唔好既餐牌😂…查看更多

呢度啲壽司味道很OK🥹🥹🥹，但啲飯就稍為握得唔夠實。佢舊飯成舊已經有味，唔洗再沾啲鼓油，啲食材都新鮮，但上菜好慢好慢好慢，一定要book位先去！同埋佢地會唔記得上湯或水果，要提佢地。另外叫咗呢個丼，好好味！要試！…查看更多

作為一個抹茶愛好者，緊係幫襯下。呢杯牛油果抹茶不錯，我個人都鍾意飲smoothie ，又ok牛油果，所以呢杯野飲對於我黎講係，我覺得係OK。雪糕就冇抹茶味，不欣賞😐或者係味道唔夠濃🤔個蛋糕就太甜😐…查看更多

食得印度菜一定會叫既naan，呢個係香蔥款，仲叫左個芝士款，我覺得整得偏油。兩個人食叫一個naan就夠，真係飽到食唔落😂呢個係前菜黎，薄脆片，點下啲醬又幾得意，但啲醬辣辣地。雞雞，好吃🥹隔離既咖喱都好吃🥹呢到啲野食，我倆個人都都食唔晒，所以叫少一個naan😂…查看更多

佢有兩層嘅，我地就坐下層（正門入果層）。個環境好得意，感覺幾舒服。我哋都係食牛，兩碟係牛係唔同部位，但其實兩個都好食。無諗過阿根廷菜原來會配咁多唔同既醬，都幾特別！同埋真係食到好飽，會食唔曬🥲呢兩個係前菜，味道吾差！我覺得第一次食阿根廷🇦🇷既菜式體驗幾好，知道左原來佢哋食餐飯都會有咁多醬😂😂，同埋食牛都會有醬😂而食物味道係重口味，個人覺得係偏咸，西蘭花🥦除外，薯條都係偏咸既，但so far黎講都ok。…查看更多

今晚食咁多野，都係三百幾左右，其實真係幾抵食！但味道黎講就對得住個價錢既！呢個係黃金蟹肉意粉，我覺得味道都OK既，但會有種愈食愈漏既感覺。呢個係軟殼蟹意粉，側邊有啲菇，軟殼蟹我就麻麻，但成個意粉係好食既。甜品我覺得一般，個蛋唔夠滑同埋唔夠偏甜。…查看更多

相信好多人都食過，但真係不得不提既一樣野就係佢嘅份量真係好多，勁大碟！兩個人食一碟意粉都食唔曬🤦🏻‍♀️呢碟意粉都OK既，雞就會dry咗啲。薯角都有食剩！薯角幾脆，但覺得有啲油‘憶’味。野飲都好大杯😂…查看更多

呢間餐廳好正，一定要推薦俾大家，但價錢呢……有啲貴既！呢個菜式好特別，用塊脆脆皮兜住啲汁同肉，食落去又出奇地有驚喜。呢個雞雞好好味🥺🥺🥺炸得好好，唔配隔離個醬都好食🥺🥺🥺我一直覺得係出面食菜好唔抵，咁事實上都真係唔抵，不過佢係整得好好！佢係椰菜花黎既！救命，呢個係全晚最好食既菜式，係牛黎嘅，不過我自己覺得舊肉偏肥（我鍾意食瘦肉既😂），個度廚師見我地係慶生，就送多碟俾我地，勁正😂甜品系列，非常特別。薄脆甜片配啲酸酸甜甜嘅汁，個人認為係唔好食既😂生日送雪糕～門口係咁，好黑😂呢間餐廳啲食物就好細碟，一個人份量咁，而且價錢係偏貴既，不過我覺得係值得一試。…查看更多

最開心既係可以帶狗入🥺先講下兩杯冰啡，一杯凍美式，一杯凍拿鐵，冇咩特別，普通咖啡。咁呢杯係熱mocha，都係冇咩特別，好普通。某意粉愛好者表示好一般，或者可以話唔好食。唔知點解我覺得啲薯條有啲重油”億”味，所以食薯條都唔咪食得好開心。咁個蟹包其實我覺得都係冇咩特別。嗱，通常好野都係放最後！好鍾意食呢個yogurt bowl，加埋蜜糖好好味🥺我本身都鍾意食呢啲，所以會特別喜歡，但佢啲蜜糖都真係少左啲！可以俾多少少既🥺環境坐得舒服既，但枱就細張左啲，for兩人或一人！冇寵物餐單。…查看更多

嚟咗呢度食個tea，環境係一流既，但食物質素真係搞唔掂！其實三層望落去都好多野食好豐富咁，但真係要講邊樣野好食我又講唔出口，因為質素真係好一般，甜品層啲野就偏甜，咸點就冇乜特別。…查看更多