KJfoodlife的個人專頁

諗唔到食咩行過見到有午餐岩諗住試下星期日兩點幾過哂食飯時間幾枱人已經埋單有幾張吉枱完全無人等緊位店員都要強迫搭枱三個人坐一邊卡位真係世界級安排唔會建議大家幫襯呢間野…查看更多

星期六日放假真係最好輕輕鬆鬆最正緊係晏起身去慢食一個靚brunch同去一間有手工啤酒既啤一啤有二十幾款北歐同本地手工啤揀店舖成個設計都好有嘉年華特色一排牆都怖滿手工啤Wine Tap上面有個好似馬戲團既燈飾牆上畫左一整個啤酒樂園好歡樂▸ Marine All Day Combo $128好少可愈有海鮮類ADB, 呢一款有好滑身既盲曹魚柳加上菠菜忌廉汁, 三隻烤過彈牙蝦, 煎到靚靚太陽蛋配埋烤蕃茄▸ Omelette & Steak Combo $148Brunch點少得有油份落肚, 板腱牛扒好粉嫩, 生熟度剛好牛味濃郁, 奄列用上三隻日本蛋, 蛋皮較為熟餡料好多菇同忌廉菠菜▸ Sweety Salty Waffle $72窩夫自家掣札實脆身, 香脆煙肉配上焦糖香蕉, 咸甜咸甜味道特別▸ Vault City Raspberry Sour (Tap 3)酒精度5%, 採用蘇格蘭覆盆子釀成, 整體帶微微酸味▸ Amundsen Brewery Lorita (Tap 6)酒精度4.7%, 帶有熱情果果香風味, 較為清新同易入口餐牌…查看更多

土瓜灣開始重建好多新餐廳進駐，啟岸呢一間主打西日式菜式店內座位好寬闊加上整個大落地玻璃，日頭夜晚都會有唔同感覺今次叫左二人餐($888)，餐湯好足料每一啖都食到雜菜同附上芝士包好軟熟包左三款前菜揀左日式柚子北海道帶子，帶子薄切撈上柚子汁每一塊都酸甜開胃。第二款香茅柑橘檸檬油甘魚刺身厚身肥美，加上檸檬酸酸味味增加鮮味。最後澳洲和牛他他伴四川花椒油可以撈長鵪鶉蛋夠滑身，牛肉上舖滿魚子醬有少少麻味好惹味特盛海鮮釜飯一打開有勁多海鮮超豐富，三文魚籽咸香海膽帶子新鮮虎蝦爽口彈牙同魷魚燒過香口，飯底用左日本珍珠米滲滿蝦既香味西京燒野生黑鱈魚一上枱已經好香，魚肉一切已經感覺到勁嫩滑，加上芒果沙沙酸酸甜甜同魚肉都好夾另外加左28蚊食蛋糕，焙茶味幾濃郁中間既忌廉好軟滑…查看更多

一區區舊區重建，保留住舊區既地方已經愈黎愈少，好鍾意去尋找下一啲特色小店呢間就係著名既嘉多利行入啲就見到湖水綠色好柔和既感覺，有少少似家庭式既溫暖感日本手工抹茶蕨餅 $42抹茶控真係要試下因為真係好多抹茶產品，蕨餅每日即製仲用上幾種抹茶粉有唔同層次，淋上抹茶蜜唔會澀又唔過甜，蕨餅質地軟糯幾推薦抹茶卷 $48個卷都幾大個，抹茶味幾清香，蛋糕係較為實身質地，抹茶忌廉幼滑抹茶麻糬鬆餅 $42即叫即焗焗到面頭金黃色切落酥脆，中間鬆餅質地幾濕潤，最正係中間有一大舊麻糬煙韌增加口感抹茶士多啤梨梳打 $48抹茶甘香加上士多啤梨既甜香味，加上梳打夠清爽A CUP THING佐敦文苑街28號地下B號舖…查看更多

雖然就黎有得去日本，但係香港都好鍾意食日本野，見到有和牛邊爐一定要試下一人一鍋關東風壽喜燒加靚牛肉超吸引，店舖用米白同啡色主調好有日系幾簡潔舒服感日本黑毛和牛 $238和牛使用熊本県頂級和王，油花好靚入口好軟嫩，點埋蛋黃食係絕配特選牛板鍵 $168而家套餐會升級做和尚頭即係牛後腿，呢一款較有咬口同肉味較香濃，壽喜燒湯底鹹中帶甜最好就係落埋烏冬一齊食套餐配有新鮮蔬菜、冬菇、金菇、芋絲等，粟米都好夠甜同有腐皮入哂味，食完好夠飽肚蝦滑都好夠味同彈牙，加上粒粒魚子有咬口叫埋日本波子汽水，有好香既哈密瓜味。甜品既蕨餅有濃濃抹茶味亦好煙韌本延鍋物 灣仔謝斐道379-389號特麗樓地下6-7號舖餐牌：…查看更多

身為Kolor Fans終於去朝聖，深水埗作為文青聖地唔止有cafe，仲有間朝啡夕酒既小店下晝飲啡夜晚搖身一變超有格調，樂隊Kolor開既有燈牌同醉醒霓虹燈打卡，想一班人黎二樓仲有VIP房可以租Guava Punch $108Cocktail牌由酒精輕至濃排可以按喜好揀，呢杯由白提子檸檬同石榴，酸酸甜甜好易入口Tofu Fa $128店員推介新既Dessert Cocktail Menu，名乎其實真係好似豆腐花仲加黃糖飲，有Soy milk同Coconut water啖啖有濃郁既薑味，大啖飲Vodka味就更濃烈明太子蟹籽意粉 $115超平份二人食岩岩好，意粉保留左彈牙口感，上面有海量既蟹籽同微微辣椒絲，忌廉做到好creamy撈勻食係每一條意粉都沾到醬料慢煮澳洲穀飼牛脷 $80大塊薄身牛脷慢煮再香煎上枱，依然保持柔嫩既口感，加上醬汁佐酒必食厚切完美平衡叉燒 $80厚切半肥瘦啖啖肉，慢煮之後即使咁厚身都係好軟腍，面頭有少少燶邊更香口Affogato $68好特別用上白蘭地雪糕再倒上Espresso，有陣陣酒香加上咖啡香，兩種口味都好夾🏠 ohm... Cafe and Bar📍 深水埗汝州街152號地舖…查看更多

又繼續發掘觀塘樓上店既好野食，今次去左間都近APM既樓上小店小店用左木系加花草既裝飾，好有居家感覺坐得好舒服明太子醬薯條 $48一上枱驚訝勁大碟，眀太子醬唔駛錢咁吱滿哂夠哂咸香，薯條都幾粗身新鮮炸起勁熱辣辣鰹魚熟成封門柳 $158見到隻色粉嫩都好吸引，用鰹魚做調味，熟成保留牛味濃郁仲勁柔嫩，薯蓉牛油味香雜菜爽口有唔同口感大蝦海膽醬意粉 $128大蝦拆左殼幾彈牙，意粉有少少咬口混合左海膽醬，每一啖都有海膽醬既香味法式多士 $48即整多士勁熱辣辣，皮有少脆入面勁軟滑有蛋香，少少甜味點埋幼滑忌廉朱古力奶泡$48大大杯朱古力面頭係打勻既奶泡，仲加左一粒棉花糖點黎食🏠 Boon📍 觀塘駿業里10號業運工廈14樓G室…查看更多

見到啲朋友食燒肉又癮起，見到就腳去銅鑼灣燒一燒店舖貼左勁多日本卡通海報，仲有一面男兒當入樽牆好熱血，真係勁多童年回憶番哂黎澳洲和牛放題 $336普通燒肉加幾十蚊可以升級和牛，有牛肩胛封門柳同牛板鍵可以揀，肉味夠濃郁大推封門柳勁柔嫩，另外有鹿兒島日本豚，真係可以瘋狂食肉刷餐飽其他牛豬類都有成廿款，薄切牛小排秘製牛五花同厚切牛舌都好值得叫，海鮮除左大蝦辣魷魚連三文魚鮫都有，菜都有幾多款蕃薯好甜身熟食幾多款試左清酒煮蜆，脆脆餃子，吉列帶子同流心芝士年糕，款款都幾好食甜品方面點少得燒菠蘿多汁又夠甜，好正既有燒綿花糖燒到外皮脆卜卜熊本燒肉銅鑼灣謝斐道477-481號3樓…查看更多

即使係上環都完全會忽略左既巷仔，唔係舊同事搵到都唔知有越泰餐廳真小店環境寧靜門外有大象公仔，店內有手繪畫同店主都好好招待好有心青芒果軟殼蟹沙律 $98軟殼蟹都唔細隻炸後脆身，中間啲蟹肉蟹膏好好食，青芒果成絲酸酸甜甜好開胃，有辣椒仔個汁都有辣味加上花生蝦米好香口串燒沙嗲 $108可以揀豬牛雞各兩串，燒得唔錯唔會乾柴有肉汁，每舊都好大舊唔會縮哂水，沙嗲汁甜甜有花生香泰式炸蝦餅 $98有四舊而且真係好大舊，熱辣辣外皮炸到勁香脆但唔會一口油，蝦肉好多又夠彈牙菠蘿海鮮炒飯 $98用菠蘿盛上，裝到勁滿勁大兜，面頭加上肉鬆腰果有咬口又香，飯炒到粒粒分明加左蛋蝦蟹柳等等幾足料🏠 Check In ThaiViet📍 上環新街15-17號地舖…查看更多

外賣而家真係必需，見到呢間Pizza好好食，港島超多分店，買完見到有人係隔離公園野餐添好正係開放式廚房可以睇到成個製作過程，店員勁純熟咁搓麵糰放料入爐焗，三兩下手勢就搞掂超快手The Truffle $168焗完拎出黎真係熱辣辣，放係盒都聞到勁香，pizza用左酸種做，一啲都唔靭唔難咬，好嚼勁又有麵包香味，配上勁香黑松露同大量蘑菇火箭菜素食者岩哂The Pepperoni Supreme $148用左勁多水牛芝士，一咬就拉絲，蕃茄底加辣肉腸同義大利煙燻腸咸香味十足，仲配左幾款點醬有BBQ、黑松露、甜辣同蒜味，點住黎食更好味Filled Doughnuts $38點左Cappucino同Apricot味，冬甩係即炸再唧餡，食落外面灑滿糖好脆身入面煙煙靭靭，咖啡味好香濃又幼滑，Apricot就酸酸甜甜Dough Bros Pizza & Doughnuts鰂魚涌海灣街4-6號嘉榮大廈地下7號舖…查看更多

ATUM有新分店！同樣位於尖沙咀，今次就係美麗華地庫果一層同本店設計不同，用上和式日系風格，商場入面感受柔和氣氛，仲有榻榻米座位好岩打卡Toast Set$288適宜影相既烘烤多士餐，配有小烘爐可以自己烤小多士，配上自家製果醬牛油同忌廉，最好味既朱古力小班戟都可以烘套餐包左兩碗湯同飲品，湯好濃郁咖啡都好多口味揀，咖啡味香濃，另有已烘好既酥品，泡芙甜品及溫泉蛋杯松露芝士薯條 $68無諗過咁大份，幼身薯條炸得香脆，灑滿松露碎香氣滿滿，配上七味蛋黃醬吞拿魚紫菜煎馬鈴薯丸子 $168上桌已經係好香紫菜味，馬鈴薯丸子煎香，外面小小脆身入面煙韌口感，呑拿魚切粒煎香份量都不少…查看更多

近日無得食晚餐唯有早啲出去食餐好既！搵到間坐得舒服又有靚景既，對住維港景嘆個舒服既午餐都咪話唔正！坐窗邊位就有靚景睇，食都食得開心啲，仲有海上噴泉表演睇高級路線日本餐廳用武士做主題，有鐵板燒區有串燒區，仲同少爺啤合作有專屬武士啤亦有cocktail可以飲白燒原條鰻魚御膳當然會用上瀨戶內海鰻魚，白燒比用鰻魚汁燒要有技巧好多，師傅燒到皮夠香肉質彈牙，點少少鹽做調味食鰻魚本身既味道已經一流串燒御膳每個餐都有餐前小菜，沙律菜車里茄青瓜好新鮮，菜碗蒸加入香菇片白果蟹肉，蒸得好幼滑，串燒用上澳洲牛舌焦香，雞肉內在嫩身豚肉味濃有油香，幾串都好高質最後仲有甜品食，望住靚景慢慢嘆一餐好既真係好重要…查看更多

想念緊去韓國旅行既日子，日日都可以狂食唔同韓食，唯有搵Oppa食番餐解解旅行癮店舖幾有韓國小餐店既風格，木系加啲工業風，仲不停loop住kpop同mv泡菜蛋漿溶岩炒飯 $188炒飯用鐵板熱辣辣上菜，Oppa親自落蛋漿同芝士，用火槍快速加熱，整個飯著哂火岩哂打卡，炒飯時更可以拉絲拉到勁長超誇張，炒飯有泡菜夠香口，更充滿濃濃芝士同蛋鹹香味十足蜜糖牛油無骨炸雞 $208無骨炸雞啖啖肉真係好方便食，半份已經勁大份量，每件都勁大塊，淋上左蜜糖牛油甜甜地，炸皮夠薄雞肉都好嫩滑三色韓國煎餅 $140包括左泡菜煎餅，南瓜煎餅同蔥煎餅，泡菜有鹹鹹辣辣，南瓜就甜甜地有幾款唔同味道可以試餐牌：…查看更多

2022新開始對食好一啲到達太古的工廈區尋找隱世餐廳店舖採木系風格，座位分隔坐得舒服牆上印有餐廳標誌同牛部位拆解圖仲有啲畫作做點䮕很多人會叫的慢煮M6和牛攞盤精緻牛肉煮得剛好嫩度牛味濃郁還有很好吃的脆麵包粒伴碟的沙律菜新鮮和有少量炒菇一場黎到試一下特別菜式薄餅加入北京烤鴨中西合璧即烘薄餅薄身十分脆口鴨肉撕開放上份量不少烤鴨甜醬加上香香的鴨肉創新又沒違和感薄餅12吋真的大大個很飽肚蛋黃醬和芝士撈勻意粉很Creamy三大粒帶子更煎香有口感放上海膽鮮味十足🏠AGE Cuisine Express📍鰂魚涌英皇道1065號東達中心11樓1104B室餐牌：…查看更多

有日下晝放假想搵個地方食好野飲杯啡，揀左呢間牛頭角既小店，食完仲可以去海濱散下步店內環境幾舒服，仲有個大大既窗透陽光入黎，裝飾都好有心思仲有啲小花仔種左係度正餐之前會有餐湯，是日係紅菜頭湯，飲得出係勁足料，主菜叫左蟹肉闊條麵，蟹肉粉量好都幾多，配左魚子有咸香另一個主菜叫左蠔意大利飯，入面既蠔粒粒都勁大隻，意大利飯正宗有少少咬感，醬汁都好香濃甜品都好高質，叫左Tiramisu層層分明，有好香濃既咖啡酒味飯後咖啡都好大杯，就到聖誕仲有聖誕樹拉花好應節…查看更多